بنات آخر زمن13

من طرف dega الأربعاء سبتمبر 30, 2009 8:47 pm

الحلقة الثالثة عشر" خطة عجيبة "

* فضلت سوسو تفكر في خطة لحد ما وصلت لخطة ما تخرش المية. و هتنفذها معاها صاحبتها كوكو. و كانت الخطة كالاتي. ان سوسو و كوكو يستنو اشرف تحت العمارة اللي فيها المكتب و اول ما ينزل يروحو خابطينه خبطة خفيفة (*خبطة حريمي يعني). و بعدين يقولولو معلش و ازيك و عامل ايه و يبدأ الحوار (* يالهوي ع الخطط الاجرامية. هو فيه كدة؟؟!!!!!!)

* و جه وقت تنفيذ الخطة . لكن لا يمكن ابدا التنبؤ بالنتائج. و تمت الخبطة لكنها ما كانتش خفيفة زي ما الخطة بتقول. و انما اشرف اغمى عليه و رجله اتكسرت بس. و سوسو و كوكو جاتلهم حالة من الهلع و طلعو جري على الاستاذ ابو المجد عشان يوديه المستشفى. (*خلو بالكو ياولاد من خطط البنات)

* اشرف رجله اتجبست و فاق لقى نفسه في المستشفى و لازم يستنى كام يوم عشان يطمنو على صحته.

*سوسو روحت البيت و هي مقتنعة انها قتلت اشرف. و فضلت تعيط طول الليل. (*شوفتيه ياختي!!!؟؟)

* و بعد كام يوم لما سوسو اقتنعت ان اشرف لا زال على قيد الحياة. راحت عشان تزوره و تتطمن عليه. و لقيت الحاج مصطفى والده قاعد معاه. فقام الحاج مصطفى عشان يجيبلها حاجة تشربها.

اشرف:"ازيك يا انسة سوسو. ما كانش له لازمة تتعبي نفسك".

* راحت سوسو معيطة. و اشرف مش عارف يسكتها ازاي.

- اشرف:" بتعيطي لي بس؟؟؟ ان شاء الله هبقى كويس".

- سوسو:" انا اللي خبطتك بالعربية".

* و سادت حالة من الصمت. حتى وصل الحاج مصطفى.

- الحاج مصطفى:" اتفضلي العصير يا بنتي".

-سوسو:" متشكرة يا حاج. انا لازم امشي. اصل عندي مشوار مهم".

* و مشيت سوسو و هي بتعيط مش مصدقة اللي هي عملته في اشرف ده.

* اشرف ما يعرفش انها خبطته عن قصد. و لكن هو بقالو كام يوم العربيات بتخبطه فعادي يعني.

- الحاج مصطفى:" مين دي يابني".

-اشرف:"دي بنت الاستاذ ابو المجد".

- الحاج مصطفى:" دي كان شكلها متضايق قوي و بتعيط. كتر خيرها و الله انها جت تزورك". (*كتر خيرها قوي)

* خرج اشرف من المستشفى لكن لازم يفضل في الجبس على الاقل شهر.

* و راح الاستاذ ابو المجد يزوره و سوسو صممت انها تروح معاه. وفي بيت الحاج مصطفى......

__________________