بنات آخر زمن7

من طرف dega الأربعاء سبتمبر 30, 2009 7:54 pm

الحلقة السابعة بعنوان " الصبر مفتاح الفرج "

* اشرف رجع بيته اليوم ده و هو حاسس انه بيضيع من ايده فرص كتير بسبب حاجات اتربى عليها و ...

- اشرف:" انا مش ممكن اضيع اخرتي عشان الدنيا، ايه يعني اذا كانت حلوة و لا دلوعة و انا مشدود ليها شوية. مش مهم انا عاوز ايه. المهم ربنا عاوز ايه. و اكيد ربنا مش عاوز و جود علاقة بيني و بينها على الاقل و هي ع الحال ده. اللهم اغننا بحلالك عن حرامك و اغننا بفضلك عن من سواك".

* سوسو رجعت البيت في اليوم ده لكن مش زي اي يوم. بقت بتفكر في حاجات تانية. و بقت بتبص للامور بنظرة مختلفة. و لما و صلت البيت...

- سوسو (*بتكلم نفسها):" انا حطيت الكتاب اللي اشرف اداهولي فين؟؟؟؟". (فيه تغيييييير)

* سوسو دلوقتي ما بقتش بتخرج مع صاحباتها زي الاول لدرجة انهم افتكرو انها عيانة. و حتى مامتها و باباها حسو بحاجة غريبة بتحصل لبنتهم و فكرو يعرضوها على دكتور.

* و في مكتب الاستاذ ابو المجد، الاستاذ قاعد مع اشرف بيتكلمو في قضية و سرح الاستاذ شوية..

- اشرف:" خير يا استاذ . حضرتك مش معايا خالص. فيه حاجة مضايقة حضرتك؟؟".

- الاستاذ ابو المجد:"سوسو.......".

- اشرف (* اتخض حته خضة):"مالها حضرتك؟؟؟؟؟؟؟؟؟؟؟؟ حصلها حاجة.؟؟؟؟؟؟؟؟".

- الاستاذ ابو المجد:" حالها مش مريحني. بقالها كذا يوم قاعدة في اوضتها و مابتخرجش و تتنطط زي الاول. مش عارف مالها".

* بعد حوالي تلات ايام من حبسة سوسو في اوضتها اخيرا خرجت. كل الفترة دي قعدت تقرا كتاب رياض الصالحين اللي كان اشرف جابهولها. ( ربنا يهدي ) و لما خرجت......

- مدام نهال:" حمد الله ع السلامة اخيرا خرجتي. مالك يا بنتي حصلك ايه؟؟؟

- سوسو:" مفيش يا ماما. عن اذن حضرتك عشان العشا بتأدن"

- مدام نهال:" ايه خارجة مع صاحباتك؟؟؟"

- سوسو:"لأ. هصلي العشا".

* و دخلت سوسو الحمام اتوضت. و خرجت و راحت تصلي في اوضتها. و مامتها واقفة في مكانها متسمرة. مش عارفلة تقول ايه.

* بعد شوية دخلت مدام نهال على سوسو اوضتها لقيتها بتعيط......

- مدام نهال:" مالك يا بنتي يا حبيبتي؟؟؟ فيه اي؟؟؟ ايه اللي غير احوالك كده؟؟؟"
-
سوسو:" اكتشفت اني كنت تايهة كل السنين اللي فاتت دي. و دلوقتي بس لقيت نفسي".

* و على الجانب الاخر من الدنيا،.... اشرف بقاله كتير ماشفش سوسو لكن بيصبر نفسة و بيقول.......

- اشرف:" سوسو ايه. الحور العين يستاهلو الواحد يصبر عشانهم".

* سوسو برضة عاوزة تشوف اشرف لكنها في نفس الوقت خايفة يكون ده غلط او حرام. لكن فيه فكرة ممكن تشوفه بيها من غير ما يكون في مشاكل.............

من طرف omayma الخميس أكتوبر 01, 2009 1:06 am

طب واله كويس اهى بدأت تتغير اهى ربنا يهدى

بنات آخر زمن7

بنات آخر زمن7

رد: بنات آخر زمن7