بنات آخر زمن5

من طرف dega الأربعاء سبتمبر 30, 2009 7:50 pm

الحلقة الخامسة بعنوان " ايه الواد ده!!!!
[/

* رجع اشرف بيتهم من حفلة عيد الميلاد و هو بيفكر في اللي حصل...

- اشرف (بيكلم نفسه):"هو فيه صحيح ناس عايشة كده. ابوها يقوللي شوفها في اوضتها. وهي حتى ماتعرفش كتاب رياض الصالحين ده بتاع ايه. و هي و صحباتها كل واحدة فيهم راسمه لوحة في وشها. بيستهلكو الوان كتير!!!!. و انا مالي. انا انام احسن. ورايا شغل بكره".

* و في الجهه الاخرى من العالم. خلصت حفلة عيد الميلاد وش الفجر. و قعدت سوسو تشوف الهدايا لحد ما وصلت لهديه اشرف و قالت و هي بتكلم نفسها....

- سوسو:" ايه حكاية اشرف ده!!!!!!".

* و تاني يوم كالعادة اشرف بيصحى بدري و بهمة و نشاط يروح على شغله.

* و تاني يوم كالعادة سوسو بتصحى الضهر وبكسل تلبس عشان تروح تتفسح شوية في الكلية.

* وفي اليوم ده قررت سوسو تروح المكتب عند باباها. قال يعني عاوزه فلوس!!!!!!!. وفي المكتب...

- سوسو:" صباح الخير يا اشرف. بابا موجود؟؟؟".

- اشرف:" (* حط ايده على الكرافته) لا يا انسه هو مشي من حوالي نص ساعة عشان عنده قضية في المحكمة. لو في اي حاجة ممكن اعملها لحضرتك؟؟؟!!!".

- سوسو:" ايه حضرتك دي!!! احنا مش بقينا صحاب خلاص؟!!!".

- اشرف:" صحاب!!!!!!!!!!!!!. يعني ايه صحاب يا انسة؟؟!!. تقصدي ايه؟!".

- سوسو:" انت مش جيت عيد ميلادي امبارح و جبتلي هدية!!!".

- اشرف:" هو عشان جبت لحضرتك هديه بقينا اصحاب. و غير كده انا مابصاحبش بنات. و افتكر يا انسة ان ما يصحش تبقي موجوده هنا دلوقتي و انا لوحدي. لوسمحتي اتفضلي".
( يا جامد!!)

- سوسو:" ما يصحش!!! ليه؟؟ و انت بتطردني من مكتب بابا؟؟! اي قلة الذوق دي!!!". ( شكلها هتقلب بخناقة)

- اشرف:" قلة ذوق!!! هو عشان بقول الحق ابقى قليل الذوق؟؟؟!!! طب انا اللي هسيب المكتب و امشي".

-سوسو:" ايه ده؟!. ايه الشخص الرجعي اللي مش متحضر ده؟!" ( فعلا...!!!)

* و مشيت سوسو من المكتب و هي متغاظة موت و مش عارفة تعمل ايه مع اشرف. وفي الكليه......

- سوسو:" هاي يا بنات".

- كوكو:" ايه!! شكلك متخانقة النهاردة. ايه اللي حصل".

- سوسو:" مفيش حاجة".

- كوكو:"عليا انا برضة. اتخانقتي مع بابا و لا ماما".

- سوسو ( بغيظ):"اشرف".

-كوكو:" اشرف!!!!! اشرف مين؟؟؟؟!!".

- سوسو:" فاكرة الشاب اللي كان قدملي كتاب امبارح في عيد ميلادي؟".

- كوكو:" هو ده؟؟! و اتخانقتي معاه فين؟؟ و ليه؟؟؟".

- سوسو:" هيجنني. شوية يكون جانتي خالص و مؤدب زيادة عن اللزوم. و شوية يقلب و يبقى زي المدب و يرمي كلام دبش".

- كوكو:"طب و انتي مالك و ماله. ولا؟؟؟؟؟؟؟!!!!!!!!!!!".

-سوسو:" ولا ايه؟؟؟؟!!".

-كوكو:"ولا معجبة بيه؟؟!!".

-سوسو:" اسكتي كده. انا معجبة بده؟؟ انت مجنونة. قال معجبة بيه قال!!!!".

من طرف omayma الخميس أكتوبر 01, 2009 12:57 am

هههههههههه حلوة بيستهلكوا الوان كتير دى lol

بنات آخر زمن5

بنات آخر زمن5

رد: بنات آخر زمن5