بنات آخر زمن

من طرف dega الثلاثاء سبتمبر 29, 2009 8:32 pm

القصة دي طويلة
فانا هكتب اول حلقة و لو عجبتكو و لقيت ليها ردود هكملها
و لو غير كدة يبقى اسكت احسن و يا دار ما دخلك شر

الحلقة الاولى "بنــــــــــــــــات آخـــــــــــــــــر زمــــــــــــن"

* سوسو واقفة في اوضتها قدام المراية بتتذوق و مامتها مدام نهال قاعدة مع صاحبتها مدام تيسير في اوضة الجلوس.

- مدام نهال:" شوفتي البنت. واقفة قدام المراية بقالها ساعتين. اصلها خارجة مع صاحباتها (*او صحابها!!) رايحين السينما".

- مدام تيسير:" سيبيها تشوف نفسها. ماهو ده سنها. شباب بقي".

*سوسو خارجة من الاوضة و رايحة ناحية مامتها.

- سوسو:" ازيك يا تنت عملة ايه".

- مدام تيسير:" الحمد لله يا حبيبتي كويسة. اية القمر ده!!!."

- سوسو (*بكسوف قال يعني):" ميرسي يا تنت".

- مدام نهال": ايه اللي انتي لابساه ده؟؟ لابسه كَت !!. تاخدي برد يا حبيبتي!!! و حاطه روج برتقالي ليه؟ مش الاحمر احسن!!؟؟ (* ده اللي لفت نظرها).

- مدام تيسير:" سيبي البنت على راحتها بقى".(* و نعم الناس و الله)

- سوسو:" قوليلها يا تنت. ها يا ماما انا ماشيه مش عاوزه حاجة؟؟".

- مدام نهال:" لا يا حبيبتي. بس ما تتأخريش عن الساعة واحدة". (* No comment )

* بعد ما سوسو مشيت.

- مدام تيسير:" شوفتي جيلهم غير جيلنا ازاي. بس كل وقت وله ادان".

- مدام نهال:" عندك حق. لكن العيال الواحد مابقاش يقدر يكلمهم خلاص. و للا البنت مقصوفة الرقبة لسة ما كملتش عشرين سنة و كل يوم خروج مع صاحباتها. صحيح بنات آخر زمن".

__________________