بنات آخر زمن12

من طرف dega الأربعاء سبتمبر 30, 2009 8:46 pm

الحلقة الثانية عشر " مش قادر على بعدك ثانية "

* روح الاستاذ ابو المجد بيته و بيحكي الموقف اللي حصل النهاردة.

- الاستاذ ابو المجد:"النهاردة اشرف حصلتله حته حادثة".

*سوسو كانت بتشرب عصير فشرقت و وشها قلب و......

-سوسو:" ايه؟؟؟؟؟؟؟!! حادثة؟؟ و جراله ايه؟؟".
-الاستاذ ابو المجد:" لا ابدا ما حصلوش حاجة. هي مش حادثة انا كان قصدي موقف. رامي كان هيخبطو بالعربية. لكن جت سليمة".
-سوسو:" رامي مين؟؟؟؟؟؟".
-الاستاذ ابو المجد:" رامي ابن خالتك سعاد".
-سوسو:" و رامي يخبطو ليه؟؟ ما هو رامي كده طول عمره متهور و ما بيهموش حد".
-الاستاذ ابو المجد:" المهم انها جت سليمة و انهم اتصالحو".

* سوسو بدأت تلتقط انفاسها.
* في الجهة الاخرى من العالم اشرف قاعد يفكر في الكلمتين اللي رمتهمله كوكو و كل ما يزهق من التفكير يخش ينام.
*اليوم التاني قامت سوسو بدري و راحت كليتها. (*على غير العادة). و في الكلية قابلت صاحباتها و ....
- سوسو:" السلام عليكو يا بنات".
- كوكو:" ازيك يا بنتي . فينك من زمان؟؟؟ تعالي انا عاوزة احكيلك على حتة موقف حصلي امبارح".
- سوسو:"خير اية اللي حصل".
- كوكو:" مش انا خبطت اشرف امبارح بالعربية".
- سوسو:" ايه!!!!!!! انت كمان؟؟؟؟ انتو ايه حكايتكو مع اشرف؟؟؟ ما تسيبوه في حاله".
- كوكو(*بخبث):"و مالك اتخضيتي ليه؟؟!! انا مش خبطتو و لا حاجة. انا كنت هخبطو لكن ربنا ستر".
- سوسو:" لأ كتر خيرك انك مش موتيه".

* سوسو عاوزة تشوف اشرف عامل ايه و اذا كان حصلة حاجة ولا لأ. لكن لازم يكون عندها سبب مقنع عشان تشوفه و إلا هيطبش معاها في الكلام زي كل مرة.
* اشرف كمان عاوز يشوف سوسو لكن في شئ جواه رافض انه يتخلى عن المبادئ اللي هو مؤمن بيها.
* ومن هنا جت الفكرة اللي ممكن تخليهم يتقابلو. لكن ايه الفكرة دي؟؟!!! ده اللي هنشوفو بعدين.
__________________