بنات آخر زمن11

من طرف dega الأربعاء سبتمبر 30, 2009 8:45 pm

الحلقة الحادية عشر" ايه الحظ ده ؟؟!!! "

* صحي اشرف من النوم بدري كعادته و فتح الشباك و..........

-رانيا (*بنت الجيران):"صباح الخير يا اشرف".
-اشرف (*في سره):"اصطبحنا و اصطبح الملك لله". " صباح النور يا رانيا".
-رانيا:" ايه اخبارك؟؟؟ بقالنا كتير مش شفناك." (*اصل اشرف ده واد شياكة و يتحب)
-اشرف:" لا ابدا الشغل واخد الواحد شوية".
-رانيا:" ربنا يوفقك".
-الحاج مصطفى (* في الصالة):" انت صحيت يا اشرف يابني؟؟".
-اشرف (*في سره):" الحمد لله". " ايوا يا حاج صحيت". " عن اذنك يا رانيا".
-رانيا :" اتفضل يا اشرف".

* اشرف قام فطر و راح على شغله وفي الطريق حصلتله حدثتين في يوم واحد.
* اشرف بيعدي الشارع و فجأه صوت فرامل عربية. لكن ربنا ستر و جت سليمة.
* يمكن عادي ان الواحد يتخبط. لكن اللي مش عادي ان اللي كان سايق العربية يبقى رامي (*فاكرينه)
*و قامت ما بينهم الخناقة.....
- رامي:" مش تفتح و انت معدي الشارع". (*عندك حق)
- اشرف:" انا اللي افتح و الله حرام عليه اللي ركبك عربية". (* عندك حق)
- رامي:"انت كمان غلطان و مش عاجبك. ابقو البسو نضارة و انتو معديين الشارع".
- اشرف:" انا هعديهالك المرة دي عشان كمية الجيل اللي في شعرك. اكيد مأثرة على دماغك". (*احتباس حراري)
- رامي:"انت كمان بتقل ادبك".

*و اتلمت الناس و حاولو يهدو الحكاية و من ضمن الناس اللي سمعو الخناقة كان الاستاذ ابو المجد اللي صوت الخناقة وصل مكتبه في الدور التالت من العمارة على بعد عشرين متر من الخناقة.
* و نزل الاستاذ ابو المجد و خد رامي و اشرف عنده في المكتب عشان يهدي النفوس.
- الاستاذ ابو المجد:" ايه اللي حصل يا جماعة؟؟ ليه الخناقة دي كلها؟؟؟"
- اشرف:" الاستاذ كان هيدوسني بعربيته".
- رامي:"ده انت اللي كنت ماشي سارح".
- الاستاذ ابو المجد:" خلاص خلاص. انت جايين تكملو الخناقة هنا. حصل خير يا جماعة. و عشان خاطري لو كان ليا عندكو خاطر اعتذرو لبعض و صافي يا لبن".
- رامي (* في سره):" حليب يا انجوي".
- اشرف (*في سره):"لبن بقري".
* المهم الاتنين اعتذرو لبعض و هما مش طايقين بعض.
* و بدأ الاستاذ ابو المجد يعرف الاتنين ببعض.
-الاستاذ ابو المجد:" عارف يا اشرف رامي ده يبقى ابن خالت سوسو و زي اخوها بالظبط".
- اشرف (*في سره):"و انا بقول جايب الرقة دي كلها منين".
- الاستاذ ابو المجد:" يا رامي اشرف ده من احسن المحامين عندي في المكتب. ولد مجتهد فعلا".
- رامي (*في سره):" عشان كده لسانه متر و نص".

* وفي نهاية اليوم روح اشرف وروح الاستاذ ابو المجد. و اشرف بيعدي الشارع و لتاني مره صوت فرامل لكن جت سليمه برضه. (*هي ايه الحكاية بالظبط) المرة دي بقى حد تاني خالص. عارفين مين؟؟؟؟؟؟؟ كوكو صاحبت سوسو.

- اشرف (*وكان خلاص روحه في منخيره):" هي ايه حكايتكو بالظبط انت مطلعين رخصة قيادة سكوتر؟؟؟؟ (* سكوتر اربعة راكب). مابتعرفوش تسوقو بتسوقو ليه".
- كوكو:"و الله ما كان قصدي. انت كويس؟؟؟ حصلك حاجة؟؟؟ ايه ده؟؟؟ مش انت اشرف؟؟؟؟؟".
- اشرف :"و انت عرفتي اسمي منين؟؟؟؟؟؟".
- كوكو:"انا شوفتك في عيد ميلاد سوسو لما جيت تقدملها الهدية".
- اشرف:"انت تعرفي سوسو؟؟؟".
- كوكو:" انا صاحبتها الانتيم".
- اشرف:" انا اسف لو كنت لبخت بكلمتين معاكي. بس النهاردة كان يوم صعب. تعرفي ان دي تاني مرة النهاردة كان عربية هتخبطني!! (*و الاتنين معرفة سوسو)
- كوكو:" انا لازم اوصلك. انت ساكن فين؟؟؟".
- اشرف:" انا متشكر جدا. بس انا افضل اني اركب مواصلات زي كل يوم". (*ياد اركب معاها اهو توفر تمن المواصلات).

* و بعد نقاش طويل برضة اشرف مرضيش يركب معاها.

-كوكو:" انت النقاش معاك صعب قوي. ربنا يكون في عونك يا سوسو".

* و رمت كوكو الكلمتين دول من غير قصد و مشيت. و دماغ اشرف بدأت تودي و تجيب.

- اشرف(*بيكلم نفسه):"تقصد ايه بالكلام ده؟؟؟ هي سوسو كلمتها عني؟؟ طب ليه؟؟ و قالتلها ايه؟؟".

*وروح اشرف البيت و قرر انه ينام احسن.
__________________

من طرف omayma الخميس أكتوبر 01, 2009 1:30 am

حادثتين فى يوم واحد ما شاء الله عالحظ

بنات آخر زمن11

بنات آخر زمن11

رد: بنات آخر زمن11