بنات آخر زمن10

من طرف dega الأربعاء سبتمبر 30, 2009 8:01 pm

الحلقة العاشرة " زيارة عائلية "

* رامي (او روميو زي صحابه ما بيدلعوه) ده واد الجيل في شعره كتير. و ده مسبب له حالة من اللزوجة غير عادية. بيحب البنات زي عنيه. و اكبر اهتماماته اخر الكليبات اللي طلعت و طبعا انواع الجيل الجديدة و احدث خطوط الصيحة.
* استنو في حاجة كمان......... رامي ده يبقى ابن طنط سعاد بنت عم مدام نهال. يعني هوه و سوسو زي الاخوات بالظبط. ( *بالظبط)
* مدام سعاد قررت بالاجماع انها تزور بنت عمها. (*صلة رحم مفيهاش حاجة) و خدت معاها ولادها و جوزها و قفصين جاتوووووووه. و في بيت الاستاذ ابو المجد..........

-مدام نهال:" ازيك يا سعاد حبيبتي من زمان و انا نفسي اشوفك. مين ده ؟؟؟ رامي؟؟!! ازيك يا حبيبي. و الله كبرت (*وبقيت بتحط جيل). دي سوسو هتفرح اوي لما تشوفك. ( *ما فتكرش!!)
-رامي:" امال هي فين يا تنت؟؟؟".
-مدام نهال:" في اوضتها يا حبيبي".
-رامي:" طب عن اذنك يا تنت انا داخلها" (* يا رااااااجل)
-مدام نهال:" و ماله يا حبيبي". (* و ماله!!!!!!!!!!!!)

* رامي راح على اوضت سوسو و راح مخبط (* لأ عنده زوق). و راح داخل (* لأ دي قلة أدب).

-سوسو:" ايه ده؟؟؟ انت ازاي تدخل كده؟؟؟؟؟ مش فيه حاجة اسمها استئذان؟؟؟ افرض كنت بغير هدومي".
-رامي:" ايه المقابلة الباردة دي؟؟؟!!!!! و بعدين انا خبطت" ( لا هو كده عداه العيب و أزح)
-سوسو:" و انا كنت قلتلك ادخل؟؟؟. لو سمحت اتفضل اطلع؟؟؟".

* مدام نهال سمعت الخناقة راحت تشوف فيه ايه.....

-مدام نهال:" فيه ايه يا ولاد؟؟ مالكو بتزعقو ليه؟؟ حصل ايه؟؟".
-سوسو:" الاستاذ دخل عليا الاوضة من غير استئذان".
-مدام نهال:" يا حبيبتي ما هو زي اخوكي وانتو متربيين مع بعض". (*و نعم التربية و الله)
-سوسو:" كنا عيال يا ماما. لكن دلوقتي كبرنا".

* و قبل ما تكبر الخناقة خدت مدام نهال رامي بعيد و عمال تقنعه ان سوسو اعصابها تعبانه عشان المذاكرة و الامتحانات و كده.
* خدت مدام سعاد و عيلتها واجبهم و روحو. و سوسو لسه مخنوقة و مش عارفة تعمل ايه. و.............