بنات آخر زمن3

من طرف dega الأربعاء سبتمبر 30, 2009 7:41 pm

نظرا للاقبال الجماهيري
و تطبيقا لمبدأ الندالة عدالة

فقد قررنا نحن رفع سعر الحلقة الى عشرين رد

عشان الناس تتحمس شوية و تتشوق للحلقة الجديدة
__________________

الحلقة التالتة " واد لخمة " .

*سوسو عاوزة تخرج تعمل شوبينج مع صاحباتها و عاوزة فلوس....

- سوسو:"مامي، انا عاوزة فلوس عشان نازلة مع صحابي نعمل شوبينج"

- مدام نهال:" و عاوزة كام يا حبيبتي؟؟؟"

- سوسو:" مش كتير، سبعميت او تمنميت جنية بس!!!!" (*بس!!!! اه يا بنت ال.... الاغنيا).

- مدام نهال:" بس يا حبيبتي انا اللي معايا ما يكملش، اقوللك، عدي على بابا في المكتب خدي منه اللي انتي عاوزاه"

* ابو سوسو بقى الاستاذ الدكتور أبو المجد البرديسي. محامي كبير و اسمة زي الطبل.
* سوسو راحت لباباها عشان تاخد منه الفلوس. و لما وصلت المكتب......قابلت محامي تحت التمرين لسة جديد.....

- سوسو:" هاي" (*و داخلة على المكتب جوه)

- أشرف( المحامي الجديد):" انت رايحة فين يا انسة. خدي هنا...."

*أشرف ده واد شياكة. بدلة و كرافتة. بس لخمة مووووت.

- سوسو:" ايه ده. انت ما تعرفش انا مين؟؟؟؟"

- أشرف:" لا و الله ما تشرفتش بسيادتك قبل كدة"

- سوسو:"طب وسع من سكتي ماتعطلنيش"

-أشرف:"وسع من سكتي!!!!!!!! انت شايفاتي كيس جوافة بتزقيه على جمب"

- سوسو:"يوووووه. انت خنقتني"

* سمع الاستاذ ابو المجد الخناقة اللي برة فخرج يشوف فيه ايه.

- الاستاذ ابو المجد:" ايه. فيه ايه يا اشرف. ايه ده ازيك يا سوسو يا حبيبتي. و انا بقول المكتب منور ليه".

- سوسو:"د انا هنا من ساعة و الاستاذ واقف يحقق معايا".

* ضحك الاستاذ ابو المجد........

- الاستاذ ابو المجد:" معلش يا ستي ماهو لسة جديد و مش يعرفك"

- اشرف:" و هي تبقى مين الانسة عشان انا شكلي لبخت قوي"

- الاستاذ ابو المجد:" دي تبقى سوسو بنتي يا سيدي".

-اشرف (*في سره ):" أخخخخخخخخ". " انا متأسف بشدة يا انسة سوسو".

- سوسو :"خلاص حصل خير. بس يا ريت تفتكرني المرة الجاية"

* و دخلت سوسو عند باباها و خدت المبلغ اللي عاوزاه. و هي خارجة........

- اشرف:" انا بعتذر مرة تانية يافندم"

- سوسو (*بعد ما قربت منه)( مسكت كرافتته بتظبطهاله):" امال لابسين بدل و كرافتات. و ما بتعرفوش تتعاملو مع الناس"

- اشرف ( كأن عقربه لسعته. اتنفض بعيد):" فيه ايه يا انسة. انا ماسمحلكيش تمدي ايدك و تربطيلي الكرافته. و لا عشان اعتذرتلك خلاص"

- سوسو:" ايه الناس دي"

* و مشيت و هي بتضحك. و صاحبنا جتته اتلبشت. و بقى عامل زي الكتكوت الغرقان.