مذاكرة ولابد منها

بجد ده اللي حاصلي بالضبط يا د/امنية انا كنت هتهبل وانا في المراجعة اللي اتعملت دي شبه بعض اوي ولو الشريحة اتحركت سنة ضغنونة بيتغير الشكل تماما عن اللي شفناه قبل كده :(

نفس المشكلة عندى بردو بس الواحد هيحاول يميز كل حاجة منهم بحاجة وربنا يسهل وتقريبا الدكاترة بيراعوا الحاجات ديه

ربنا معااانا بقى ربنا يستر

طيب ممكن حد يقولى اعمل ايه فى الفيزيا اللى ملهاش حل دى
ده انا والله بخاف بس من مجرد ان حد يجيب سيرتها 000وباه عندى يقين اكيد انى هفشل السنه دى وهشيل الفيزيا000
بجد والله مش عارفه فيها اى حاجه
ممكن حد يقولى اعمل ايه؟؟؟؟

بصى يا ايمان
اول حاجه فى الفيزياء العملى اقراى التجربه كلها كويس
وبعدين شفيها على الكمبيوتر اماتحسى انك فاهماها ابداى احفظيها هتلاقى حفظها سهل جدا
وان شاء الله ربنا معانا :D :

شكراااااااا يا سمسه هحاول اعمل كده النهارده ويا رب تنفع الحكايه دى :roll:

smsma كتب:بصى يا ايمان
اول حاجه فى الفيزياء العملى اقراى التجربه كلها كويس
وبعدين شفيها على الكمبيوتر اماتحسى انك فاهماها ابداى احفظيها هتلاقى حفظها سهل جدا
وان شاء الله ربنا معانا :D :

بجد مرسي على النصيحه دي .. حاسه انها جامده .. هطبها انا كمان ان شاء الله لأني كمان ضايعه في الفيزيا .. شكرا يا سمسمه

حلو أوى روح التعاون دى
و فكرة حلوة أوى يا فتحى لأنى من أول السنة مش بذاكر غير للامتحانات بس
و عيب عليك انا معاك طووووووول الاسبوع 24 ساعة فى اليوم فى وش بعض و مش تقولى
اوكى لما أشوفك

بالنسبه للاحصاء جميله جدا من الكتاب وكان ورق بتاع الدكتور احمد عطيه نزل فى ميدان من زمان بس انا مجبتوش بس اعرف ناس جابوه

هو احنا عندنا ماده اسمها احصاااااء؟ :D

صباح الفل يا جماعه
بجد انا فنقطه تحت الضياااااااااااع
واول مره اشوف الموضوع ده دلوقتي
لو هتعملوا كده بجد
يبقى نقسم المواد ونذاكر ونشوف
وربنا يستر
مع اني عارفه اني اول واحده مش هتعرف تعمل ده
بس ربنا يستر بقى

نخلص امتحانات الفيزياء و الحيوان العملى و نظبط الامور
ان شاء الله

ان شاءالله
ربنا معــــــــانا

انا بس بأكد عليكو اننا هنذاكر ان شاء الله
وعشان كده كتبت مشاركتي دي هنا عشان افكركو بان انتو اللي اقترحتو
وان شاء الله هنحاول نعمل جدول نذاكره بس يارب نمشي عليه

والله فاكرين بس النهاردة أجازة عشان تعبانين من الإمتحان

انا ان شاء الله عليا 4 محاضرات لسه هبيضهم وبعدين ابدا ازاكر للمصايب اللي بعد اجازه نص السنه
واحتمال ابدا ب الميكرو زفتولوجي

انا الصراحة ساعة لما اقترحت الفكرة كان قصدى نذاكر ونشجع بعض فاحنا هناخد النهاردة وبكرة راحة بعدين نذاكر وعاييزن ده يبقى بجد بس كل واحد يحط خطة للمذاكرة ونشوف انه خطة حلوة ونمشى عليها

أنا كمان عندى لسه 3 محاضرات فى الفسيولوجى هبيضهم وبعدين كشكول الفسيولوجى هيبقى كامل من مجامعيه وأى حد عايزه من عنيه ، بالنسبة للميكرو كنت فى الأول بكتب ورا الدوك بس بعد كده لقتها محصلة بعضها و طنشت من الآخر معظم إن لم يكن كل المحاضرات اللى كانت بعد العيد فى الهواء طاااااااايرة و عاوز ألمها بس مش عارف إزاى

طبعااااااااااااااااااااااااااااااااا النهاردة وبكره راحة
وانا اول واحدة مش هفتح فيهم كتاب
بس ان شاء الله هحاول اخلص التبييض اللي عليا ولما اعمل جدول هقولكو عليه
انا طول عمري بعمل جداول هايلة ..
بس نفسي امشي عليها :(

طب خلاص يا دكتورة اتفقنا حاولى تعملى جدول ولو حد بيعرف يعمل برضو يعمل ونبدا من اول السبت واللى عارف حاجة يفيد التانى

سبحان الله......انا طول عمرى بعمل جداول برضه...بس عمرى ما خلصت واحد فيها بالشكل اللى انا عايزه

والله فشل تنفيذ الجداول ده ظاهرة منتشرة جدا ومحتاجة دراسة
ولدراستها بشكل مفصل وموضوعي
اعتقد اننا محتاجين نعمل جدول
................................. ومش هننفذه برده :D

هههههههههههههههههه....عندك حق على فكره :D

من رايى ان احنا نعمله الاول بعدين نقرر هيتنفذ ولا لا

انا بجد نفسى اذاكر كويس للامتحانات اللى بعد الاجازه دى لانى فى الضياع بس هو فى سكاشن كيميا الاسبوع الجاى؟؟؟؟؟؟

طبعا يا سعداوى وفيه المواعيد نبيه حاططها شوف ميعادك امتى بقى

شكرا يا فتحى يا حبيبببى كان نفسى تبقى اجازه بس يلا مش مشكله