رد: مايك منتدى سنانكو

من طرف rana الجمعة مارس 13, 2009 7:20 pm

dr.seif كتب:حااااااااااااااااااااااااااضر يا نبية

انت تؤمر

اكيد يعنى همسح اميلك من عندى

نووووووو كومنت

من طرف rana الجمعة مارس 13, 2009 7:21 pm

B a db o Y كتب:ايه الكلام الجاااااامد ده يا رنا
بجد كلام جميل اوى
منوووره

ده نورك يااحمد والله
من بعض ماعندكم يااحمد
ميرسي ليييييييييييييييك

من طرف Ahmed Nabeeh الجمعة مارس 13, 2009 8:48 pm

طيب يا رنا
well done
نشووووف مين بقا هيستلم المايك من بعدك

من طرف rana السبت مارس 14, 2009 1:32 am

اوكـ
هو مش انا اللي هختار ولاايه؟

من طرف Dr_Moon light السبت مارس 14, 2009 12:24 pm

اه انتى يا رنا ومسنين تختارى
وبجد كلامك حلو اوى :hhhh:

من طرف rana السبت مارس 14, 2009 7:54 pm

انت اجمل يا ماهي
منوره يا جميل وانا هاختار اهو

من طرف Den.emoOo السبت مارس 14, 2009 9:57 pm

كلامك حلو اوى يا رنا
يلا اختارى اللى هيمسك المايك بعدك؟؟؟؟

من طرف rana الأحد مارس 15, 2009 7:55 pm

ميرسي ياايمو
بس ياترى انتى جاهزه تورينا ابداعاتك؟
احط ايماااااااااااااااااااااااااااااااااااااااااااااااااااااان
بس بشرط فكريني ابقى اقولهولك بقى

من طرف Den.emoOo الأحد مارس 15, 2009 8:01 pm

اوك يا رونى
هستلم منك المايك
وبالنسبه للشرط فتقريبا انا خمنته بس برضو مش هقولك هليه ده سر يا بنتى

من طرف a7mad seif الأحد مارس 15, 2009 8:02 pm

يالله يا ايمو ورينا موهبك

من طرف Den.emoOo الأحد مارس 15, 2009 8:03 pm

حاااااااااااااضر هوريكم المواهب اكيد
استنوا بس متستعجلوش

من طرف rana الأحد مارس 15, 2009 8:07 pm

عايزاكي تؤررررررررررري بقى

من طرف Den.emoOo الأحد مارس 15, 2009 8:21 pm

احم احم
انا هبدا اهو استنونى بعد قليل

من طرف Den.emoOo الأحد مارس 15, 2009 8:51 pm

اولا السلام عليكم
ثانيا احب بس اقول فى الاول ان انا اللى طلبت من رنا انها تخلينى امسك المايك لانى بجد جوايا كلام كتير قولت اقوله بقى واخلص يعنى افضفض شويه بطرييقه غير مباشره
ونبدا
معكم الان المذيعه الصاعده ايمو من امام جهاز الكومبيوتر بتاعها فى بيتها تبع قناه سنانكو الخاصه بتردد اعدادى اسنان فقط
:okok: :okok: الساعه دلوقتى 8 ونص تقريبا وعلى المقيمين خارج القناه مراعاه فروق التوقيت
ونبدا بنشره الاخبار التعريفيه واللى هتعرفكم على السيره الذاتيه للمذيعه ايمو
احم احم
اهلا بيكم انا ايمان مجدى من المنصوره وعندى 18 سنه وطالبه فى كليه طب اسنان
انا ليا اخ واخت (اسماء ومحمد ) وعايشه حياه عاديه جدا ...ساعات كتير بتبقى ممله
عموما انا بحب اسم ايمو جدا يعنى لقيت اى حد اسمه ايمان يدلعوه يقولوله ايمى فقولت لا انا بقى ايمو من بابا التغيير يعنى
بالنسبه لطفولتى فدى كانت اسعد ايام حياتى دلع بقى وكلام من ده وكمان كنت بحب الحضانه جدا على عكس كل الاطفال وكمان كنت بحب المدرسات اللى كانوا بيدونى جدا ولسه فاكره اسمائهم (هدى - رحاب ) بجد كنت بحبهم جدا ولسه محتفظه بصورهم عندى
ها المهم
انا طبعا فى الابتدائى ودى كانت مرحله كويسه جداااااااااااا جدااااااااااااا يعنى كنا فى فصل (1\1) وفضلنا مع بعض فى نفس الفصل لحد ما وصلنا ل (5\1) وبجد كنا جروب هايل فى الفصل كنا تقريبا كلنا عرفنا بعض ودايما مع بعض ولاد وبنات وكانت ايام جميله جدا واتقفشنا كتيييييييييييييير جدا واحنا بنلعب كوتشينه (تخيلوا ابتدائى وبنلعب كوتشينه فى الحصه ) ههههههههههههه
وطبعا انا كنت متفوقه يعنى اوائل المدرسه وشهادات تقدير ولوحه شرف و....... كان زمان يعنى مش دلوقتى
بس بجد كنت بحب المدرسه جدا بطريقه رهيبه بس مكونتش بذاكر خالص يعنى هى حاجه غريبه بس انا من النوع اللى لما احب حاجه وافهمها مبنسهاش مهما تكون .وعمرى ما غبت من المدرسه خااااااااالص غير يوم واحد فى سنه رابعه ابتدائى علشان كان فرح بنت عمى ...بس هو ده اليوم الوحيد اللى غبت فيه من المدرسه؟؟
وعدت مرحله الابتدائى ودخلت الاعدادى طبعا حاجه تانيه وعالم تانى خالص وكانت ايام وحشه جدا كنت مبحبش المدرسه لانها كانت رخمه وفيها كووووووووووسه كتير اوى
اصل فى فتره الاعدادى دى كنت .......يااااااااااااااااااااااه :oooooo: :oooooo:
ااكمل بعدين علشان تعبت
:hoo: فاصل ونواصل مع ايمو على الهوا
اوعوا تروحوا فى اى حته
:mmmm: :mmmm

من طرف Den.emoOo الأحد مارس 15, 2009 8:52 pm

سورى يا جماعه الكلام ملخبط شويه ومش راكب على بعضه معلش بقى استحملونى مذيعه صاعده بقى
وكمان سورى لو طولت عليكم اصلى رغااااااااااااايه

من طرف Eman Iran الإثنين مارس 16, 2009 11:36 pm

سورى يا جماعه النت فاصل عند ايمو وهى مش هتعرف تكتب حاجه النهارده مع ان كان عندها كلااام كتييير بس يللا حصل خير

من طرف rana الأربعاء مارس 18, 2009 9:53 pm

ايواااااا حصل خيرررررررر
وادينا مستنينها اهووووووو
يارب يجي يارب

من طرف Den.emoOo الخميس مارس 19, 2009 9:28 am

يا بركاتك يا حاجه رنا

النت رجع الحمد لله

حد يزغرط بقى

ههههههههههههههه

من طرف rana الخميس مارس 19, 2009 10:21 am

هههههههههههههههه
لولولولولولولولولوللولووووووووووووووووووولوووووووووووووي
مبروك ياايمان
يلا بقى كملي

من طرف Den.emoOo الخميس مارس 19, 2009 1:33 pm

دوقتى بقى بجد نفسى اتكلم واصرخ بس للاسف حاسه ان الكلام واقف ومش عايز يطلع

حاسه احساس وحش اوى دلوقتى بجد مخنوقه ومضايقه جدا ومش عارفه اعمل ايه ..كنت محتاجه افضفض بس الظاهر انى لما فضفضت اتجرحت واضايقت اكتر لانى محدش فهمنى صح

وفعلا بتمنى انى كنت كتمت فى قلبى احسن بدل ما اضايق نفسى اكتر ..

طبعا كلامى غامض ومتخلف بس معلش بقى استحملونى مخنوقه ومش عارفه اعمل ايه

يااااااااااااااارب

مفيش غير الكلمه دى

من طرف hero الخميس مارس 19, 2009 2:06 pm

اسف للمقاطعة بس اعلق على كلام رنا
كلامك جميل يا رنا وتلقائى ومن جوا قلبك
كان حلو اوى

من طرف Den.emoOo الجمعة مارس 20, 2009 10:55 am

عادى يا هيرو ولا يهمك

من طرف Den.emoOo الجمعة مارس 20, 2009 11:16 am

صباح الخير

طبعا بعتذر على قطع الارسال من قناه سنانكو بس النت عندى كان بيغنى بودعك ومازال يغنى بودعك برضو ...ادعوله ربنا يشيفيه

نستكمل كلامنا شويه بقى عن الفتره بتاعه اعدادى طبعا كانت فتره تييييييييت خالص لانى طبعا اتفرقت عن اصحابى بتوع ابتدائى وطبعا المدرسه اللى كنت فيها كانت بتحب الكوسه جدااااا :hot: :hot: جداااااا ...المهم طبعا درجاتى كانت تيت خالص ..اعمل ايه بقى اعمل السنه كانت مبهدلانى خالص المهم جت 3 اعدادى مفيش حجه بقى لان مفيش اعمال سنه ...الحمد لله يعنى جبت مجموع كويس الى حد ما بس المصيبه اللى جتلى وبجد كنت مصدومه هى انى نقصت فى الرسم (9 درجات بحالهم ) :artist: :artist: تخيلوا 9 درجات رسم ..ويعنى انا رسمى الى حد ما معقول ..طبعا كنت مضايقه جدا لانى كنت بحب الرسم اوى اوى اوى :artist:

المهم ربنا كرمنى برضو ودخلت فصل فائقات فى ثانوى ولا تتخيلوا الفصل ده كان عامل ازاى :hat:

كنا حوالى 30 طالبه بس فى الفصل ونص الفصل مهيس خاااااااالص و كانت بجد سنه رااااااااااائعه واسالوا (ايمان ايران وياسمين خليفه ودينا شفيق و....)بجد كنا عيال عسل والله ورينا المدرسين ايام سوده وانا طبعا كالعاده رائده الفصل ومعايا الغياب وزعيمه العصابه واى اعمال شغب تحصل هتلاقوا فيها ايمان مجدى .

طبعا التزويغ كان على ودينه ...وطبعا الافكار العبقريه كانت بتطلع يعنى هديكم امثله كده وقولوا رايكم

1)فى الامتحانات ...انا طبعا كنت قاعده فى الديسك الاول فى الامتحانات بس متفهموش غلط وطبعا انا كنت امسك المدرس اللى بيراقب عليا وافضل ارغى معاه واشغله عن العيال والمراقبه وطبعا العيال ورا شغالين حل فى الامتحان وغش من بعض ..لاننا بجد مكوناش بنذاكر فى اولى ثانوى دى خالص لاننا كنا واخدنها راحه علشان عارفين اننا هندخل ثانويه عامه ومش هنستريح ...المهم بعد ما العيال يخلصوا طبعا اسيب بقى المدرس اللى بيراقب واخد اى ورقه من اى حد وانقل الاجابه

وطبعا اتقفشنا كتييييييييير جدا خصوصا ان كل الفصل تقريبا كان نفس الاجابه ...بس كله كان بيعدى وكانت جملتنا الشهيره ده توارود خواطر مش اكتر :good: :good:

2) الغياب والتزويغ ....طبعا المشكله ان الغياب كان بيتاخد كل حصه والمدرس يمضى عليه وبعدين الورقه تروح مكتب الغياب علشان اللى يزوغ فى حصه واحده يتاخد اليوم كله غياب ..طيب نعمل ايه
المهم طبعا جتلنا فكره جوهنميه اننا نصور ورقه الغياب وطبعا صورنا ورقه غياب فاضيه طبعا وبقينا نزوغ عادى والمدرس يكتبنا غياب بس طبعا الورقه بتتقطع فى الاخر و نجيب ورقه فاضيه ونزور امضاء المدرس ولم يزوغ احد
هههههههههههههههههههههههه lol lol
وطبعا الحكايه برضو اتقفشت و علشان كده خلوا ورقه الغياب مختومه وطبعا الختم لازم يكون ظاهر ..وللاسف قلت حكايه التزويغ دى :smash: :smash:

3)امتحانات اخر السنه ...بما اننا كنا فصل فائقات فكان عندنا منهج اضافى زياده محدش بياخده غيرنا وطبعا ده بالاضافه للمنهج اللى كان عندنا (قال يعنى كنا بنذاكر الاساسى لما نذاكر المنهج الاضافى )فاتفقنا على اتفاق كده ان كل واحد يمسك ماده وعليه انه يحل النموذجين فى امتحان اخر السنه (لان الامتحان كان نموذجين الف وباء )ويعنى كنا بنتصرف فى اللجنه برضو.

ياااااااااااااااااه فكرتونى بايام الشقاوه بجد كانت ايام عسل والله وفعلا مش هتتعوض تانى :nono: :nono:

انا تعبت باه من كتر الكتابه :hoo: :hoo:

انتظرونى فى النشره الجايه :okok: :okok:
يارب متكونوش زهقتوا منى :oooooo: :oooooo:

من طرف Den.emoOo الجمعة مارس 20, 2009 11:50 am

اه نست اقول حاجه

اى حد هيبلغ عننا هو حر

بلاش اسلوب الفضايح ده ...

من طرف Eman Iran الجمعة مارس 20, 2009 6:53 pm

ههههههههههههه يخرب عقلك يا ايمو
كلامك رجعنى لايام ثانوى تانى
فعلا والله كان الغش ده حاجه اساسيه عندنا
ايمو بتقول احنا كنا بنغش من بعضنا ..ده صحيح ..بس برضه هى نست ان احنا كنا بنطلع المذكرات ننقل منها هههههههههههه

وحتى الكتاب كان بيطلع وكل حاجه ..
وكمان انا واصحابى اللى كنا قاعدين جنب بعض كنا بنقسم الماده علينا ...ولما ييجى سؤال صعب فى الامتحان كانت كل واحده تقوول السؤال ده مش عندى و تتهرب منه ههههههههه

والتزويغ ده كان متعه ما بعدها متعه..كان فى حوشين حوش كبيير وحوش ورا صغنن شويه ..كان الحوش اللى ورا ده لامم من كل الفصول ..وكانت المديرة بنفسها تيجى وتزعقلنا ويللا على فصولكوا وبتاع

وكانوا بردوا بياخدوا الاسامى ..فى مرة كنت مزوغه وخدوا اسامبنا ..فالمديرة بتقولى اسمك ايه فقولتلها ايمان محمد ..اصلا المدرسه فيها مليون ايمان محمد بس المشكله انها طلبت الفصل اول ما قولتلها 1/1 لقتها بصتلى كده و قالتلى فاائقااااات!!!!!!!هههههههههههه
طبعا ممكن ييجى فى دماغكوا دلوقتى ...ماتقوليلها اى اسم وخلاص ...اه كان ممكن ..بس لو فى بنت عارفانى ورخمه وقالت ادام المديرة لا ده مش اسمها كانت المديرة هتعمل معايا احلى واجب!!
ده غير ان المدرسين كانوا بيجروا ورانا بالعصيان عشان نطلع على فصولنا هههههههه

والاسامى اتبعتت للاخصائيه الاجتماعيه واتفصلت 3 ايام من المدرسه ههههههههههههههه

بس الاخصائيه دى كانت مامت واحده صاحبتنا فمسحنا ال3 ايام دوول ...لو كان نهر النيل كله صلصه مكنش كفى الكوسه اللى فيكى يا مصر ههههههههههههههه
لا لا عشان هى مامت صاحبتنا انا هدافع عنها هى مكنتش كوسه اوى
هى كتبت ورقه باسلوب حلو كده انا اصحابى اللى كنا مزوغين خدناها وروحنا للمديرة منكسين الرأس (قال يعنى ندمانيين) و المديرة ادتلنا كلمتين كده وقامت عفت عننا!

كانت ايام جميله والله
ايام الصياعه دى متتعوضش brush

من طرف Den.emoOo السبت مارس 21, 2009 4:59 pm

ههههههههههه
منوره الصحرا اللى انا فيها يا ايمى

بجد والله كانت ايام متتعوضش تانى

[b]