رد: مايك منتدى سنانكو

من طرف rana الخميس مارس 12, 2009 10:08 pm

ناو بقى انا هاتكلم ف حلمي اللي انا نفسي احققه مع انى مش بعمل حاجه عشان احققه
بس انا اتعودت باللي انا فيه احلمله قولتولي يعني ايه بقى؟
اقولكم انا بقى
يعني انا كان نفسي ابقى مهندسه زي مانتم عارفين بس الحمدلله حصل خير ودخلت اسنان
انسى بقى هندسه وافكر ف اللي انا فيه واحلم بقى (احلام يقظه يعني)
انى اخلص وافتح عياده وبعدين العياده يكون لها اسمها وابقى دكتوره مشهوره اوي واعمل حاجه بجد يتعرف بيها اسمي وانا مين بجد
قبل النجاح ده اتمنى ان يكون جنبي حد يساعدني ع اللي هاعمله ده نساعد بعض ع النجاح حد اثق فيه حد يكون حياتي مش يكون ف حياتي وبس
حد يديني الامان واديله عمري
حد بجد يستاهل رنا يستاهل احاسيس رنا حد عمره ما يخدعني عمره ما يهني كله الا الاهانه والخداع
انا بجد اكتر حاجه بكرهها ف حياتي الخيانه والكدب لانها اهانه ليا واللي يعنيلها يبقى ما بيحترمش ولا بيحب اللي قدامه وانا عايزه حد بيحبني وبيحترمني مش مهم اي حاجه تانيه بس لو الاتنين دول اتفقدوا يبقى الحياه ماتنفعش بكل المقاييس

من طرف rana الخميس مارس 12, 2009 10:17 pm

حساكم زهقتوا منى اسيبكم ناو والاقاكم قريبااااااااااااااا

من طرف manOoOsa الخميس مارس 12, 2009 10:22 pm

ربنا يوفقك يا رنا وتحققي الي بتتمنيه
brush الدعوة بربع جنيه والحسابة بتحسب

من طرف rana الخميس مارس 12, 2009 10:26 pm

manOoOsa كتب:ربنا يوفقك يا رنا وتحققي الي بتتمنيه
brush الدعوة بربع جنيه والحسابة بتحسب

ميرسي يا منوستي للرد والمتابعه لقناتي الممله دىىىىىىىىىىى
طب هاتي ليا ربع جنيه انا كمااااااااااااااااااااااااااااااااان
والحسابه تعد بقى هي براحتها
منوره يا جميله

من طرف manOoOsa الخميس مارس 12, 2009 10:52 pm

بنورك يا رنون
مش مملة خالص
الناس الي شكلها بيخرجو
واحنا قعدين في البيت

من طرف Den.Esraa الخميس مارس 12, 2009 10:59 pm

قبل النجاح ده اتمنى ان يكون جنبي حد يساعدني ع اللي هاعمله ده نساعد بعض ع النجاح حد اثق فيه حد يكون حياتي مش يكون ف حياتي وبس
حد يديني الامان واديله عمري
حد بجد يستاهل رنا يستاهل احاسيس رنا حد عمره ما يخدعني عمره ما يهني كله الا الاهانه والخداع

كلامك كله جميل يا رنا
بس بجد الكلمتين دول من الااااااااااخر
لاني نفسي احققهم انا كمان بجد
وربنا يوفقك يارب وتحققي كل اللي نفسك فيه

من طرف dezner الخميس مارس 12, 2009 11:01 pm

مين اللى معاه المايك دلوقتى؟

من طرف rana الخميس مارس 12, 2009 11:52 pm

انت مش شايفني وانا قاعده احكي من الصبح يعني؟

من طرف dezner الجمعة مارس 13, 2009 12:37 am

كنت مفكر حضرتك خلصتى عشان الناس ردت بس

من طرف rana الجمعة مارس 13, 2009 12:50 am

مالك يامحمد كانك مش طيقني كده
لا سمح الله ولاحاجه انا عملتلك حاجه؟

من طرف rana الجمعة مارس 13, 2009 1:37 am

manOoOsa كتب:بنورك يا رنون
مش مملة خالص
الناس الي شكلها بيخرجو
واحنا قعدين في البيت

اه ماالنهارده الخميس بقى
خلي النت ينفعنا بقى يا منه

من طرف rana الجمعة مارس 13, 2009 1:41 am

Den.Esraa كتب:قبل النجاح ده اتمنى ان يكون جنبي حد يساعدني ع اللي هاعمله ده نساعد بعض ع النجاح حد اثق فيه حد يكون حياتي مش يكون ف حياتي وبس
حد يديني الامان واديله عمري
حد بجد يستاهل رنا يستاهل احاسيس رنا حد عمره ما يخدعني عمره ما يهني كله الا الاهانه والخداع

كلامك كله جميل يا رنا
بس بجد الكلمتين دول من الااااااااااخر
لاني نفسي احققهم انا كمان بجد
وربنا يوفقك يارب وتحققي كل اللي نفسك فيه

الله يخليكي يااسرااااااااااااااااء
انا مبسوطه ان الكلام عاجبك اوي
ميرسي ليكي ولردك يا جميييييييييييييييل

من طرف dezner الجمعة مارس 13, 2009 1:53 am

rana كتب:مالك يامحمد كانك مش طيقني كده
لا سمح الله ولاحاجه انا عملتلك حاجه؟

أبدا يا رنا

أنا بس اللى مخنوق شوية وماأقصدش حاجة
وبعدين انتى مايتزعلش منك

من طرف rana الجمعة مارس 13, 2009 1:59 am

اتكلم عن المنتدى شويه
ف الاول كنا بندخل كلنا ع اسنان فور اول مش كنت بحبه اوي بس كنت بدخله تضييع للوقت بجملت يعني
لحد ما متولى(الله يستره ف سري يعني) عملنا منتدى مش بنقوم من عليه خالص
عرفنا بعض كلنا تقريبا لولا المنتدى ماكناش بقينا كده
صحيح فيه ناس عرفناهم متاخر اوي بس كانوا متواقعينهم ومتواقعين هايكونوا ازاي
ومع الوقت كل حد بان ع حقيقته وعرفنا مين كويس ومين مش كويس
بس والله كلنا غلابه (احباب الله)
محدش معاه نص جنيه سلف؟

من طرف rana الجمعة مارس 13, 2009 2:18 am

dezner كتب:
rana كتب:مالك يامحمد كانك مش طيقني كده
لا سمح الله ولاحاجه انا عملتلك حاجه؟

أبدا يا رنا

أنا بس اللى مخنوق شوية وماأقصدش حاجة
وبعدين انتى مايتزعلش منك

الله يخليك يامحمد
وبعدين انا مازعلتش انت تتكلم براحتك واحنا نسمع ونستحمل مضايقتك دي طبعا
بس لييييييييييه؟
هه
فضوووووووووووووووووووووووووووووولى سيقتلني

من طرف dezner الجمعة مارس 13, 2009 2:25 am

هبلغ عن فضولى قبل مايتهور والشرطة تقبض عليه متلبس

من طرف NONA الجمعة مارس 13, 2009 3:30 am

بجد يابت يارنا انتي بت زي العثثثل يلا كملي وياريت تقوليلنا عن اصعب لحظات في حياتك :cry2:

من طرف rana الجمعة مارس 13, 2009 1:10 pm

NONA كتب:بجد يابت يارنا انتي بت زي العثثثل يلا كملي وياريت تقوليلنا عن اصعب لحظات في حياتك :cry2:

انتى اللي زي العثل يا منمن والله
وانا اقول الدنيا منوره ليييييييييييييييه؟
اتاري الجميل عندنا
يا مرحبا يا مرحبا

انا ياستي اصعب لحظات حياتي اني افقد حد عزيز عليا او حد يهني ويضايقني
حد يطنشني او مابقاش ليا لزمه كده
او لما ادي لحد الثقه ومايكونش جدير بالثقه دي او بيحاول يداري عني اي حاجه مهما كانت
اي خدمه يا منه تعالي كل يوم
بس انا نفسي اتعرف ع حد كده يابت مش هاتقوليلي بقى lol lol
ونغييييييييييييييظ البت مريم حبيبتي
(اوعي تقوليلها)

من طرف Ahmed Nabeeh الجمعة مارس 13, 2009 1:54 pm

كلامك جميل اوي والله يا رنا
بحييكي عالكلام ده
واوعي تزعلي من العطار منتي عارفه محمد مخنوق اليومين دول زيي بالظبط

من طرف a7mad seif الجمعة مارس 13, 2009 1:57 pm

AHMED NAPEEH كتب:كلامك جميل اوي والله يا رنا
بحييكي عالكلام ده
واوعي تزعلي من العطار منتي عارفه محمد مخنوق اليومين دول زيي بالظبط

انت يابنى مش كنت مبسوط من شوية

من طرف Ahmed Nabeeh الجمعة مارس 13, 2009 2:23 pm

اه والله يا سيف انا بجد فعلا مبسوط جدا
بس بتكلم ان العطار مخنوق عموما من حاجات تانيه زي ما انا كنت مخنوق بس الحمد لله
ومتسالش السؤال ده تاني يا سيف والا تمسح ايميلي من عندك