رد: مايك منتدى سنانكو

من طرف white cloud الخميس أبريل 16, 2009 12:00 pm

بس ايه الصحراء دى مش فى بشر هنا يردوا ولا ايه؟؟ lol

من طرف Alex الخميس أبريل 16, 2009 1:38 pm

وعودة تاني وتالت مع
Alex
وانا عارف اني خنقتكوا ... بس استحملوا شوية

ميرسي يا دوك و ده بس من ذوقك يعني ... اما بقى عن الذاكرة فهي مش تمام بس اليوم ده بجد مش اقدر انساه لانه كان شعور بالضياع بالنسبة لطفل مش فاهم حاجة لسه
وبجد فعلا هي صحرا ... بس تقريبا هو ده النظام هنا

وطبعا لازم نتكلم شوية عن كليتنا ودفعتنا ..... بس هنقول ايه ؟؟!!!

لو اتكلمنا عن الكلية وهي طب اسنان المنصورة ... فا طبعا انا دخلت طب اسنان والحمد لله مقتنع بيها وعجباني فكرة اني طبيب اسنان ودي حاجة كويسة ... اما قى لو بصينا لجامعة المنصورة فا دي بصراحة مش طموحي ومش جابني فيها غير التوزيع الجغرافي اللذيذ ده بس ... وكان نفسي طبعا اكون في جامعة القاهرة وخاصة ان اعز اصحابي هناك في اسنان القاهرة "بس الحمد لله على كل شيء"

اما عن دفعتنا السنة دي

ممممممم ... مش عارف بصراحة بس طبعا يعني مش اقدر اقول ان كلها حلوة او كلها وحشة ... لان اي مكان بيبقى فيه الحلو والوحش

لكن ممكن نقول ان دفعتنا بجد كويسة وفيها ناس قمة في الاحترام وقمة في الجدعنة وفرحان جدا اني عرفتهم ودول الناس اللي الواحد هيزعل اوي لو اي حد فيهم حصلوا اي حاجة وهيزعل لو سابهم وحول اي جامعة تانية

بالنسبة للولاد ... فا انا تقريبا اتعرفت على معظم ولاد الدفعة و في كتير منهم رجالة بجد و من الناس اللي تعرفك وتصاحبك من غير ما تكون عايزة منك حاجة وبحبهم طبعا ويا رب هم كمان يكونوا بيحبوني ... "وده لان انا في اعتقادي ان الانسان تعرفه من موقف و من اصحابه في تعامله معاهم قدامك"

اما البنات ... انا مش عارف فيهم ناس كتير بس اللي اتعاملت معاهم بجد فيهم ناس محترمة جدا وعارفة ازاي تخليك تحترمها وبرده جدعان بجد يعني لو في اي مشكلة تلاقيهم وبجد كلهم زي اخواتي وعلشان كده نفسي اشوفهم في احسن حال عالطووووووول ان شاء الله .... "مع ان في ناس كتير مش فهمت الكلام ده وده يمكن لانهم مش عارفين يعني ايه اخوة بس ما علينا يعني"

بس في حاجة بصراحة يعني انا ملاحظها في الدفعة دي ومن غير زعل يعني و هي
"الكلام الكتير اللي مش ليه لازمة"
عالطووووووول لو في اي حاجة حصلت في اي حتة في الكلية او اي موقف بتلاقيه بسرعة البرق انتشر في انحاء الدفعة كلها وتناقلته وكالات الانباء ونزل على ال BBC وحاجات غريبة بصراحة مش فاهم ليه يعني ؟؟!!!

وانا مش هاقدر اقول اسماء ولاد او بنات .... كده افضل يعني علشان مش انسى حد وكده لانهم بجد كتير وكلهم بحبهم

ولنا عودة اخرى ان شاء الله
مع اليكس ومش هتقدر تغمض عنيك
lol lol

من طرف a7mad seif الخميس أبريل 16, 2009 3:00 pm

هههههههههههههههههههههههههههههههه

يا جامد يا اليكس

بس عارف الحل والحيد ايه فى موضموع الكلام دة ان الدكاترة يلخمونا فى الامتحنات واحنا مش هنلاقى وقت نتكلم فية

بس بردة متستعجلش على رزقك الامتحنات خلاص قربت وفى كلام ولا نيلة

من طرف Mostafa ElShirbeny الخميس أبريل 16, 2009 3:28 pm

كلام جامد يا واد يا اليكس و انت بجد من الناس الكويسه اوى ف الدفعه
استمر يا بنى
انا جيت بس عشان احسسك انك لسه ف المثلث الأرضى lol

من طرف Eng.M!DO0O الخميس أبريل 16, 2009 7:30 pm

الوووووووووووووووووووووووووووووووووووووووووووووووووووووووو

طبعا مستحيل يكون حبيبى حبيبى حبيبى ماسك المايك وبتكلم وانا مش ادخل اقول اى حاجه
احمد ده حبيبى بجد من زمااااااااااااااااااااااااااااااااااااااااااااااااان واحنا مع بعض يعنى
اصلنا ولاد عم يعنى وكده هههههههههه
المهم بجد احمد من الكتر الناس عندى فى العليه اللى بحبهم جدااااااااااا بجد
طيب لدرجه كبيره جدااااااا ... يمكن هو فعلا اخويا .. لانى معنديش اخواااات
وبما ان العليه كلهااا الحمد لله بنااااات عندى فاحمد هو التونز بتاعى يعنى .. على طول بنبقى مع بعض وبنلعب كووووره مع بعض هو احرف منى طبعااا ههه
طبعا لو قعدت اتكلم من هنا لبكره عنه احمد مش هقدر اقول حاجه عنه بجد
انطلق يا حبى وربنا يوفقك فى مسيرتك دى ... وتحقق كل اللى بتتمناه ان شاء الله

من طرف Alex الجمعة أبريل 17, 2009 12:44 am

ورجعت تاني علشان اكمل رغي
بس المرة دي اعتقد ان الموضوع مهم شوية... فانتظرونا
وبقولكم طبعا ازيكم يا اجمل مستمعين ؟؟؟

في الاول احب اعلق على كلام سيف حبيبي وبقوله ولا امتحانات ولا حاجة هتوقف الموضوع ده يا جميل وطوووول ما انت معانا هيفضل الكلام شغال .... ده كفاية الاخبارية بتاعتك بتاعة كل يوم

وميرسي يا صاصا يا عسل وانت طبعا مش محتاج اتكلم عنك لاني انا عارف وكله عارف انك من اكتر الناس واحتراما وجدعنة ومبسوط اني عندي صاحب زيك

اما بقى البشمهندس ميدو حبيبي فا انا طبعا مش هقدر اقول غير انه زي توامي بالظبط وفي كل حاجة تلاقينا مع بعض وربنا يخليه ليا يا رب
بس بالنسبة لموضوع الكورة ده فهو طبعا ما شاء الله عليه بجد حريف وانا طبعا على ادي جنبه

نتكلم بقى في المهم

كان في موضوع مهم وكنت عايز اتكلم فيه لانه بجد كان شاغلني اوي في الفترة الاخيرة ولان في كلام اتقال فيه كتييييير وكنت عايز اوضحه علشان الناس مش تسمع من حد مش كان فاهم اصلا فا يوصل الفكرة غلط
والموضوع هو

" انا و الفيس بوك "

مش تستغربوا من الاسم اللي انا اطلقته عليه بس هو ده الاسم المناسب ليه

يا جماعة الموضوع بكل بساطة اني في كذا مرة العب مع ناس كتير لعبة الصراحة وكده وبجد بنسال اسئلة كتير وكده ومنها انت فتاة احلامك شايفها ازاي وكده ولقيت ان معظم الولاد يعني مش تحب انها ترتبط ببنت كانت بتكلم ولاد ومقضية الحياة ببساطة وكده يعني .... مع اني مش موافق على وجهة نظرهم دي "بس برده لازم يكون التعامل بحدود يعني العملية مش سايبة" لاني ماشي بمبدا ان طالما كل واحد عارف حدوده يبقى مفيش مشاكل ان شاء الله .... بس في نفس الوقت فكرت طيب منا اللي بكلمهم من البنات ممكن اضرهم كده واكون سبب ولو بسيط في ان اي حد مالوش لازمة يتكلم عليهم كلام مالوش لازمة وكمان لقيت من كذا موقف معايا ان البنات اللي بتقول "سوري انا مش بقبل ولاد" بتخليك تحترمها اكتر و اكتر وبما ان انا بعتبرهم زي اخواتي وربنا يعلم هذا فا قولت انصحهم بكده وبالفعل كنت نصحت اختي وقولتلها الكلام ده قبلهم كلهم وده بدافع اني مش عايز اضرهم مش اكتر لكن ده مش عيب فيهم بجد وانا عارف طبعا ان كلهم محترمين بس للاسف انا كلامي مش اتفهم بالطريقة دي او انا يمكن اللي مش عرفت اوصلوا صح وده طبعا باختلاف الردود اللي اتردت فا مثلا في ناس افتكرت اني كده بقولهم انهم مش محترمين وده طبعا غلط لان هم طبعا محترمين وكل حاجة بس انا قولتلهم كده لاني خايف عليهم زي اختي بالظبط مش اكتر

وفي ناس واجهوني وقالولي اما انت بتقول كده طيب ما تبدا بنفسك وعندهم حق بس انا قولت مبداي من شوية ودي وجهة نظري لاني انا شايف اني الحمد لله عارف حدودي في التعامل ومش بتعداها الحمد لله

ودي كانت قصتي مع الفيس بوك اللي لاحظت انها انتشرت في الدفعة ولقيت ناس كتير بتكلم فيها مش عارف ليه مع اني شايف ان الموضوع بسيط فا سواء عملوا او مش عملوا بنصيحتي فانا بحترمهم وده مش هغير حاجة لكن انا عملت كده علشان ابقى مريح ضميري ومش اكون مسبب لاي حد اي ضرر

ويا ريت طبعا اسمع تعليقكم في الموضوع ده بالذات لانه بجد كان شاغلني اوي ومضايقني في نفس الوقت انه اتفهم غلط وبتنقل في الكلية بالفهم الغلط ده

انا كده على ما اظن خلصت كل اللي انا عايز اقوله
لو في حد شايف ان في موضوع ممكن اتكلم فيه يقولي لاني انا كده تقريبا قولت كل حاجة
ويا رب مش اكون مذيع تقيل على قلبكم ويكون كلامي عجبكم
و طبعا مستني تعليقاتكم على كل اللي انا قولته وخاصة اخر موضوع ده

:greet: :greet:

من طرف dezner الجمعة أبريل 17, 2009 12:56 am

مشكور سيد أحمد وفى انتظار تعليق السادة المستمعين

من طرف Ahmed Nabeeh الجمعة أبريل 17, 2009 1:22 am

اولا طبعا يا احمد
كلامك جميل وصريح وبالذات في الجزء الاخير بتاعه ده
وبص يا عم احمد انا هقولك حاجه تلخص رايي المتواضع في الحكاية دي كلها

اولا المفروض ان الواحد فينا بيتصرف باللي يرضي نفسه وربه قبل كل شئ لانك مهما حاولت ترضي الناس بالكلام وبالعمل عمرك ما هتقدر
ولازم هتلاقي اللي يقول انك وحش
وهتلاقي ناس كتييييييييييييييييييييييييييييييييييييييييييير بتقول كلام ملهوش لازمة عليك وعلى غيرك
سواء كان كلامهم ده صح ولا غلط وفي المعظم بيكون غلط طبعا

وعالعموم يا بني المهم انك وضحت رايك ووجهة نظرك في حاجه معينة لاني زي ماقلتلك عمرك ما هتقدر تخلي حد ميتكلمش عليك وعلى غيرك ولا هتضي كل الناس

بس انت مزيع زي القشطة وربنا يوفقك
بس بجد انا عرفتك اكتر في الفترة اللي فاتت دي
وبالمناسبة انت من اول الناس اللي عارفين اسرار عني
ههههههههههههههههههههه
فاكر يا احمد ولا ناسي؟

من طرف oshy الجمعة أبريل 17, 2009 2:31 am

منور المايك يا اليكس كلامك حلو اوى والله
استمر استمر
مشروع مذيع زى الفل والله

من طرف hero الجمعة أبريل 17, 2009 2:39 am

كلامك مظبوط يا احمد
كمل كلامك حلو

من طرف Den.emoOo الجمعة أبريل 17, 2009 2:47 am

انا جييييييييييت

السلام عليكم الاول

ثانيا بجد يا اليكس كلامك حلو جداااااااااا جدا جدا وبيعبر عنك فعلا وكمان الالوان حلوه اوى lol

وعجبتنى حته اول يوم فى الحضانه لما عيطت ....انا بقى عمرى ما عيطت فى الحضانه لانى بجد كنت بحب المدرسه جداااااا جدا :walk:

ثالثا بقى وده الاهم

رايك فى موضوع انا والفيس :dentist:
بص بصراحه كده الموضوع معقد جدااااااااا
لان كل انسان وله تفكيره ومبداه ...وبعدين كل شخص عارف الصح من الغلط بس فيه حاجه بقى ...انا عارفه ان فيه بنات معانا فى الدفعه ضايفين ولاد وعادى يعنى ...احنا زملاء وكل حاجه بدام مفيش حد بيتعدى حدوده ،بس بجد بقى ارخم حاجه واوحش حاجه فعلا ان الناس وخصوصا الولاد بيفهموا الحكايه دى غلط ويفضلوا يتكلموا ويقولوا لا دى وحشه ودى مش كويسه
رغم انهم عارفين ان البنات دول مش بيعملوا حاجه اوفر ولا حاجه

بس المشكله مشكله تفكير وده نقص على فكره
:bad:
واه
فيه بنات برضو فى دقعتنا ربنا يخليهم للفيس يا رب كل شغلتهم انهم يتفرجوا على اللى بيحصل فى البروقايلات ومين بقى فريند مع مين علشان الاذاعه تشتغل ...ويقولوا دى عملت وده عمل وشفتوا البت دى عملت ايه وشغالين الله ينور ..مبيفصلوش كلام ابدااااااااااااااااااااااا :bad:

بس بصراحه كده ..انا عن نفسى عندى تحفظى على موضوع الفيس ده...بس ده مبدا ليا انا وكل شخص ليه وجهه نظر خاصه بيه ...ومبحبش افرض رايى على حد :writting: ،
بس بصراحه برضو
انا عرفت الموضوع اللى انت عملته ده وعجبنى جدااااااا تصرفك ...يعنى حسيت انك بتحترم فعلا البنات وانهم فعلا زى اخواتك :hhhh:

بس ياريت يعنى بعد اذنك توصل معلومه كده للولاد اللى بيلعبوا معاك الصراحه ...قولهم اتقوا الله شويه فى البنات يعنى انتوا اكيد عندكم اخوات :angery:
ومش معنى ان فيه بنات اتعاملت معاكم على اساس اننا زملاء واخوات يبقوا وحشين

وفى الاخر احب اقول بس كما تدين تداااااااااااااان

سورى لو طولت فى الكلام بس ده رايى وده اللى انا شايفاه

ياريت محدش يفهم كلامى غلط
:okok: :okok:

من طرف ahmed nassib الجمعة أبريل 17, 2009 5:05 am

klam gamel ya alex
bas bsara7a ana shayef en malosh lazma nsh3'el dma3'na b7agat tafha zay de
sorry ana msh 2sde 7aga wallahy
bas el mawdoo3 msh mohem awe w kol wa7ed 3aref howa bye3ml a kowayes
ya reet ma7dsh yez3l mny :hat:
w 3la fekra enta mozee3 zy el 3asal

من طرف Eman Iran الجمعة أبريل 17, 2009 12:14 pm

السلام عليكم

طبعا انا قريت كلامك ..اسلوبك جميل ..واستمتعت بالقراءة ومش زهقت خالص ! :good:

اما بالنسبه لرأيى بقى ... :dentist:

واضح من اسلوبك فى الكلام وحكاياتك دى انك شخصيه طيبه جداا ...دى حاجه كويسه اه ..بس مش على طوول ...نصيحه منى ليك >>لا تثق فى اى حاجه بنسبه 100% فقط اترك ولو 2% لتوقع حدوث العكس !

بالنسبه للدفعه والكلام ..فعلا الكلام كتير جدااا فى الدفعه دى ...وياريت مثلا الكلام بيوصل صح ..لا ده فى حاجات بتبقى متفبركة !...والاحلى من ده وده ان البنات مش هى اللى بتكلم لا ده الولاد طلعوا بيتكلموا اكتر من البنات !! :mob:

بالنسبه للدراسه عندك ...كلامك بيبين انك كنت دحيح اخر حاجه ..ودى حاجه مش كويسه على فكرة ..حاول تغير من نفسك للاحسن :D !!!.......لالا طبعا ربنا يوفقك يارب وتحقق اللى انت عاوزه ..وحاول تحافظ على مستواك ده علشان اللى كانوا شاطرين فى السنين اللى فاتوا مش عارفه ايه اللى حصلهم لما دخلوا الكلية ..فى الاول كنا بنقول نظام جديد بس احنا دلوقتى اهو فى اخر السنه وبرضه مش عارفين نذاكر ...يللا ربنا يستر ده اللى اقدر اقوله!!

بالنسبه للحضانه ...انت فكرتنى بولد كان معايا فى الحضانه برضه اول يوم قعد يعيييييط ويعيييييييط ويشغلوله التليفزيون على برامج الاطفال وعلى كرتون وبرضه بيعيييييييط...:D
انا مش كنت بعيط زى العيال دوول

نيجى بقى للموضوع الاهم واللى انت عاوز فيه راينا الا وهو موضوع الفيس

طبعا كل واحد حر فى كل اللى يعمله بس ميضرش حد تانى ...((لا ضرر ولا ضرار ))

كونك تنصح البنات اللى عندك دى حاجه مش تعيبك بالعكس دى حاجه تميزك وهما حرين سواء يتكلموا او لا ...بس كونك انك تفكر فيهم زى اختك وتنصحهم وتوصلهم راى الاولاد التانيين فى موضوع الشات والفيس فدى حاجه حلوة اوى احييك عليها :hat:..ومتحاولش تتضايق ...لانك بالنصيحه دى اخدت ثواب اكيد ...بس ده مش معناه ان اللى ضايفه ولاد عندها ع الفيس تبقى مش كويسه او كده ..ودى حاجه انت بالفعل وضحتها ...لان ده عمره ما كان مقياس ابدا ..ولان فعلا من السفه انك تحكم على حد من خلال الموضوع ده ..

فى النهايه احب اقولك اسلوبك جميل ...ومرح ..وهيبقى ليك مستقبل فى الاذاعه ان شاء الله وسيبك من موضوع دكتور الاسنان ده !!

من طرف a7mad seif الجمعة أبريل 17, 2009 12:19 pm

ماشى يا اليكس

ابقى فكرنى احرمك من نشرة الاخبار دى وابقى خلى حد ينفعك :angery: :angery:

من طرف dezner الجمعة أبريل 17, 2009 8:38 pm

على فكرة انتا مذيع هايل

و كلامك مفهوش غلطة واحدة

تسلم

من طرف Ahmed Nabeeh السبت أبريل 18, 2009 12:43 am

اختار حد بعدك يا ابو حمييييييييد

من طرف Alex السبت أبريل 18, 2009 2:17 am

AHMED NAPEEH كتب:اولا طبعا يا احمد
كلامك جميل وصريح وبالذات في الجزء الاخير بتاعه ده
وبص يا عم احمد انا هقولك حاجه تلخص رايي المتواضع في الحكاية دي كلها

اولا المفروض ان الواحد فينا بيتصرف باللي يرضي نفسه وربه قبل كل شئ لانك مهما حاولت ترضي الناس بالكلام وبالعمل عمرك ما هتقدر
ولازم هتلاقي اللي يقول انك وحش
وهتلاقي ناس كتييييييييييييييييييييييييييييييييييييييييييير بتقول كلام ملهوش لازمة عليك وعلى غيرك
سواء كان كلامهم ده صح ولا غلط وفي المعظم بيكون غلط طبعا

وعالعموم يا بني المهم انك وضحت رايك ووجهة نظرك في حاجه معينة لاني زي ماقلتلك عمرك ما هتقدر تخلي حد ميتكلمش عليك وعلى غيرك ولا هتضي كل الناس

بس انت مزيع زي القشطة وربنا يوفقك
بس بجد انا عرفتك اكتر في الفترة اللي فاتت دي
وبالمناسبة انت من اول الناس اللي عارفين اسرار عني
ههههههههههههههههههههه
فاكر يا احمد ولا ناسي؟

كل كلامك جميل والله يا ابو حميد
بس بجد انا كنت مضايق جدا من ان الموضوع اتفهم غلط وبينتشر كمان بين الدفعة كلها بالفهم الغلط ده وعلشان كده كان لازم اوضح انا عملت كده ليه علشان الصورة تتضح عند كل الناس

وبجد انا عايز اعرف راي الكل في الموضوع ده وبجد لو انا كنت غلطان في اللي انا عملته فانا مستعد اعتذر للكل وقصاد كل الناس .... بس قولولي

وميرسي يا جميل ... وطبعا مش ناسي ومش تخاف الي بيدخل مش بيطلع
وانا مبسوط بجد انك وضعت فيا ثقتك ويا رب نفضل اخوات كده عالطووول

من طرف Alex السبت أبريل 18, 2009 2:20 am

oshy كتب:منور المايك يا اليكس كلامك حلو اوى والله
استمر استمر
مشروع مذيع زى الفل والله

ميرسي يا اوشي وده بس من ذوقك

من طرف Alex السبت أبريل 18, 2009 2:23 am

hero كتب:كلامك مظبوط يا احمد
كمل كلامك حلو

ميرسي يا هيرو يا عسل
بس مستني رايك في الموضوع ده .... رايك يهمنا lol

من طرف Alex السبت أبريل 18, 2009 3:04 am

ردا على كلام "ايمو"

ميرسي يا ايمو وانا فعلا حاولت اني اتكلم بصراحة وحسيت براحة بعدها ... بس ايه رايك الالوان حلوة مش كده lol lol

منا بقولك الاطفال دول ليهم دماغهم الخاصة وانا كنت منهم :move:

كامك جميل وكل حاجة بس ليا ملاحظات يعني بعد اذنك :

"كل واحد عارف الصح والغلط" ... عني كده المفروض ان احنا نعيش سلبين ومش ننصح بعض وكل واحد يعمل الي على مزاجه وهو حر ... بجد مش فاهم

ثانيا انا مش قولت ان ده غلط ولا قولت ان ده هيقلل من احترامهم وبالفعل علشان اكون صريح انا باضيف بنات وبقبل بات عادي جدا وسبق وقولت وجهة نظري سواء في التعامل على الفيس ولا في الحقيقة
وفي بنات متقبلة ده وبتعمله فخلاص ماشي ده مش هيقلل منهم ودي حرية شخصية وفي بنات قالت انهم واثقين في نفسهم ومش يهمهم اللي دوول واللي بيفكروا كده طز فيهم "سوري يعني" وده رد برده هم حرين فيه ومحدش يقدر يلومهم عليه

وكل الي انا عملته ده كان لسببين :

الاول ... اني لقيت ناس كتير بتفكر في ان ده غلط وبيعتبروه حاجة مش كويسة للبنت وبيقلل منها

التاني ... اني لقيت ان البنت اللي بتقول "سوري انا مش بقبل ولاد" بتخليكي تحترميها اكتر واكتر

انا حبيت اوضح ده تاني علشان الناس مش تقول اني بناقض نفسي او حاجة

اما بقى الولاد اللي بلعب معاهم فا ده رايهم وهم شايفين ان البنت الي هيرتبطوا بيها لازم تكون مش كلمت ولاد وكده وده في نظري تفكير متخلف لان اكييييييد يعني لازم هيبقى في تعامل والا كانوا عملوا كليات منفصلة بقى وفصلوا الحياة كلها ولاد بس وبنات بس .... بس برده هم حرين في رايهم

وبجد ميرسي تاني على كلامك ووجهة نظرك

وفي انتظار باقي الاعضاء يعني ويا ريت يعني تقولوا للي مش بيدخل الموضوع ده
لاني على ما اعتقد انه مهم انه يناقش ... ودي برده وجهة نظر

من طرف Alex السبت أبريل 18, 2009 11:47 am

ahmed nassib كتب:klam gamel ya alex
bas bsara7a ana shayef en malosh lazma nsh3'el dma3'na b7agat tafha zay de
sorry ana msh 2sde 7aga wallahy
bas el mawdoo3 msh mohem awe w kol wa7ed 3aref howa bye3ml a kowayes
ya reet ma7dsh yez3l mny :hat:
w 3la fekra enta mozee3 zy el 3asal

ميرسي يا ابو حميد على رايك
بس انا كان كل همي اني اوضح وجهة نظري وكل واحد حر

من طرف rosey السبت أبريل 18, 2009 2:14 pm

والله كلامك زى الفل يا ألكس

حسيت براحة تامة لكلامك وشايفه انك مش غلطان

من طرف Alex السبت أبريل 18, 2009 5:03 pm

lovely_bird كتب: السلام عليكم

طبعا انا قريت كلامك ..اسلوبك جميل ..واستمتعت بالقراءة ومش زهقت خالص ! :good:

اما بالنسبه لرأيى بقى ... :dentist:

واضح من اسلوبك فى الكلام وحكاياتك دى انك شخصيه طيبه جداا ...دى حاجه كويسه اه ..بس مش على طوول ...نصيحه منى ليك >>لا تثق فى اى حاجه بنسبه 100% فقط اترك ولو 2% لتوقع حدوث العكس !

بالنسبه للدفعه والكلام ..فعلا الكلام كتير جدااا فى الدفعه دى ...وياريت مثلا الكلام بيوصل صح ..لا ده فى حاجات بتبقى متفبركة !...والاحلى من ده وده ان البنات مش هى اللى بتكلم لا ده الولاد طلعوا بيتكلموا اكتر من البنات !! :mob:

بالنسبه للدراسه عندك ...كلامك بيبين انك كنت دحيح اخر حاجه ..ودى حاجه مش كويسه على فكرة ..حاول تغير من نفسك للاحسن :D !!!.......لالا طبعا ربنا يوفقك يارب وتحقق اللى انت عاوزه ..وحاول تحافظ على مستواك ده علشان اللى كانوا شاطرين فى السنين اللى فاتوا مش عارفه ايه اللى حصلهم لما دخلوا الكلية ..فى الاول كنا بنقول نظام جديد بس احنا دلوقتى اهو فى اخر السنه وبرضه مش عارفين نذاكر ...يللا ربنا يستر ده اللى اقدر اقوله!!

بالنسبه للحضانه ...انت فكرتنى بولد كان معايا فى الحضانه برضه اول يوم قعد يعيييييط ويعيييييييط ويشغلوله التليفزيون على برامج الاطفال وعلى كرتون وبرضه بيعيييييييط...:D
انا مش كنت بعيط زى العيال دوول

نيجى بقى للموضوع الاهم واللى انت عاوز فيه راينا الا وهو موضوع الفيس

طبعا كل واحد حر فى كل اللى يعمله بس ميضرش حد تانى ...((لا ضرر ولا ضرار ))

كونك تنصح البنات اللى عندك دى حاجه مش تعيبك بالعكس دى حاجه تميزك وهما حرين سواء يتكلموا او لا ...بس كونك انك تفكر فيهم زى اختك وتنصحهم وتوصلهم راى الاولاد التانيين فى موضوع الشات والفيس فدى حاجه حلوة اوى احييك عليها :hat:..ومتحاولش تتضايق ...لانك بالنصيحه دى اخدت ثواب اكيد ...بس ده مش معناه ان اللى ضايفه ولاد عندها ع الفيس تبقى مش كويسه او كده ..ودى حاجه انت بالفعل وضحتها ...لان ده عمره ما كان مقياس ابدا ..ولان فعلا من السفه انك تحكم على حد من خلال الموضوع ده ..

فى النهايه احب اقولك اسلوبك جميل ...ومرح ..وهيبقى ليك مستقبل فى الاذاعه ان شاء الله وسيبك من موضوع دكتور الاسنان ده !!

ميرسي بجد لردك يا ايمي ومبسوط ان اسلوبي عجبك

ميرسي طبعا بس برده انا مش ملاك يعني ... اكييد اي واحد بيبقى فيه حاجات وحشة كتير يعني ان لو تكن في اغلب الوقت مش مقصودة ... وميرسي عالنصيحة بجد

انا في نظري ان هي دي مشكلة المجتمع كله مش الدفعة بس لان ما شاء الله النميمة والغيبة شغالة على ودنه من كل الناس

للاسف مفيش دح دلوقتي وشكلها هتبقى زي الفل وهنظبط ان شاء الله في الامتحانات اللي ورا بعض دي

هو طبعا كلامك مظبوط وشكرا على وجهة نظرك دي

اما بقى موضوع المذيع ده .. فا شكلي هبدا افكر في الموضوع ده طالما التعليم مش جايب همه lol

من طرف Alex السبت أبريل 18, 2009 5:06 pm

dr.seif كتب:ماشى يا اليكس

ابقى فكرنى احرمك من نشرة الاخبار دى وابقى خلى حد ينفعك :angery: :angery:

انا اقدر برده يا سبف ده انت نشرتك احلى من بتاعة سيد ابو حفيظة lol lol

من طرف Alex السبت أبريل 18, 2009 5:09 pm

dezner كتب:على فكرة انتا مذيع هايل

و كلامك مفهوش غلطة واحدة

تسلم

ميرسي يا عسل .... بس فين ردك يالا ؟؟؟؟ :angery: :angery:

من طرف Alex السبت أبريل 18, 2009 5:12 pm

rosey كتب:والله كلامك زى الفل يا ألكس

حسيت براحة تامة لكلامك وشايفه انك مش غلطان

ميرسي يا روزي على ذوقك
ويا رب اكون فعلا مش غلطان