ايه اللي مضايقك؟

أنا جيت أخيرا .. وبشكركوا على التواصل ده .. وبتاسفلكلوا على التاخير في الرد .. بس عموما الموضوع مش مستاهل يتحكى .. سوري على وجع الدماغ اللي على الفاضي .. وكل سنه ونتوا طيبين.......

على فكره يا ايمو سعات الواحد بيجيله فتره يعد فيها مخنوق وزهقان ومش عايز يخرج حتى لو مع صحابه بس دي صدقيني فتره وبتعدي وزي ما ليتيل انجل قالتلك انتي بس قربي من ربنا ولو جواكي عياط عيطي وما تكتميش وقربي من حد كبير من مامتك مثلا او من اخواتك سعات الواحد بيبقى محتاج لحد كبير يتكلم او يعد حتى معاه .. وربنا يفرج همك ...

يمكن عشان أنا مدخلتش المنتدى من يوووم السبت إيمووو مضايقة روقى يااا إيموو صباح الفل

صباح العثل يا امنيه
حمدالله على سلامتك

KAZKOZA كتب:على فكره يا ايمو سعات الواحد بيجيله فتره يعد فيها مخنوق وزهقان ومش عايز يخرج حتى لو مع صحابه بس دي صدقيني فتره وبتعدي وزي ما ليتيل انجل قالتلك انتي بس قربي من ربنا ولو جواكي عياط عيطي وما تكتميش وقربي من حد كبير من مامتك مثلا او من اخواتك سعات الواحد بيبقى محتاج لحد كبير يتكلم او يعد حتى معاه .. وربنا يفرج همك ...

ميرسى اوى يا كزاكوزا 0000ربنا يخليكى

انا فاتحه و كلى آذان صاغية

emo كتب:يالا اللى مضايق يقول

وانا هبدا
انا باه حاسه ان انا مش انا 000حاسه انى بعمل حاجات غلط وبحاول ابين لنفسى انى صح
وكمان بقالى فتره كده مبكلمش اصحابى ومبفضفضش معاهم 000حتى لما كانوا عايزين يخرجوا انا مرضتش (مع انى دى مش عادتى )
وكمان بالى مشغول 000ومش عارفه اذاكر من كتر التفكير

لو فيه حد عنده حل يا ريت يقوله 00
لانى بجد مضايقه من نفسى وحاسه بخوف جامد 0000

شوفي يا ايمو الانسان ن طبعه تقلب الحال وده طبيعي جدا لان الله سبحانه وتعالى خلق كل شئ في الدنيا متقلب ومتغير مثلا لو شفتي الشمس والقمر اللي هما اعظم مننا طبعا متقلبين بيختفوا ويظهروا مره تانيه كل حاجه بتمر بمراحل كتيره من اذدهار ونمو وبعدين تبدا تهدا وترجع مره تانيه
وبالتالي الانسان هو كمان متقلب الحال من جيد الى سيئ وقد ينتقل الى اسوا ولكن احنا كانسان لازم كل واحد يحاول يخرج نفسه من الحاله النفسية السيئه اللي هو فيها وده ليه طرق كتيره واولها ان الواحد يحمد ربنا لما يكون في راحة البال
او اننا نذكر الله ونحاول نشكيله حالتنا دي لان ربنا عز وجل مبينساش حد ابدا


على فكره انا الكلام ده حصلي قبل كده ويمكن مكنتش بعرف انام بس لما سالت اللي اكبر مني قالولي الكلام ده
وربنا معاكي

شكرااااااا اوى يا نبيه على كلامك 00
وربنا يهدى بالنا كلنا

انا كتبت بس علشان انتوا قلتوا ان المنتدى ده لينا كلنا وعلشان نساعد بعض واللى عارف حاجة يقولها للتانى وانا بعتب على الناس اللى عرفت ان مفيش النهارده سكاشن حيوان وما اتكلمتش حتى علشان اللى بيسافروا معلش طولت عليكوا بس انا كتبت ده علشان عشمى فى اخواتى وزمايلى ومش قصدى ازعل حد منى

مظنش يا little انه كان في حد عارف و مرضاش يقول
كلنا اخوات و اكيد لازم نساعد بعض
بس عموما حصل خير ومتزعليش نفسك

انتي نورتي المنصورة انهاردة :D

يمكن يكون الناس مش عارفة بس ده فى ناس كتير مجتش السكشن النهارده :!: :!: :?: :?: بس ما علينا وميرسى على ردك

والله انا معرفش اى حاجه عن الموضوع ده
انا النهارده كان عندى سكشن كيميا واخدت عادى يعنى
وعلى العموم اوعى تكونى لسه زعلانه 000وانا ممكن اخدلك حقك 00قوليلى بس انتى فى سيكشن كام وانا اروح اضربلك الطلبه اللى مقلولكيش انه مفيش سيكشن000
متزعليش باه

لا ربنا ميجبش زعل ابدا هو انا بس اتخنقت شوية من الحركة بس خلاص والله مفيش حاجة

انا بءا زعلان عشان مش عارف ازعل على ايه

والله فيه حاجه مزعلاني جدا بس بجد مش ينفع تتقال ادعولي بس اني انساها بسرعه

ان شاء الله يا هشام....ربنا معاك

انا زعلان على الاهلي هههههههههههههههههههههه

Ahmed El Metwally كتب:انا زعلان على الاهلي هههههههههههههههههههههه

ليه كده بس ده الاهلى حبيب الكل
ولا ايه؟؟؟؟؟ :D

انا بقى كنت عايزه اقول ان انا متردده جدا وشبه معنديش ثقه بنفسى مش عارفه ليه ودى اكتر حاجه منكده عليا عيشتى ومخنوقه منها جدا انا من طبيعتى بحب اتعاما مع الناس ويكون ليه اصحاب كتيير بس مش عارفه بقيت بخاف اتكلم كتير مع الناس لان بحس انهم بيفهمونى غلط
وارجع اندم 2 على كلامى وده طبعا بيخلينى اتردد كتيييييييييير قبل مااتكلم مع حد

ازيكم يا قسم المخنوقين؟

انا بقى زعلانه ع بني عبيييييييييييييييييد :D

انا زعلانة بس زعل مؤقت هيروح لحاله باذن الله

Den.Esraa كتب:ممكن افضفض انا كمان معاكم
بس انا متأكدة انه مفييييييييش حل؟؟؟؟؟؟؟؟؟؟؟؟؟؟؟؟؟؟؟
بس ممكن حد يهديني او يصبرني...
انا بتخنق كتير جدا وساعات كتير من غير سبب
وساعات طبعا ببقي عارفة ايه السبب.....اني في المدينة الجامعية وبعيد عن اهلي
ومش بحس بلاستقرار ابدا..وده طبعا علي عكس شخصيتي خالص
احب دايما احس بلاستقرار والاطمئنان
ساعات وانا في المدينة الساعة 2 بليل مثلا .احس اني عايزة اروح بيتنا
ولما احس اني محبوسة ..مش ببقي عارفة اعمل ايه
حتي مش بلاقي مكان اقعد فيه لوحدي لان طبعا في كل حتة تلاقي بناااااااات كتير
البوابة تتقفل الساعة8
بوابة المبني نفسه تتقفل الساعة9ونص.....ساعات بحس اني في جيش للسيدات!!!!!

بصراحه يا دكتوره اسراء انا مش عارف اقولك ايه بس فعلا عيشة المدينه دي صعبة جدا ربنا يكون في عونك يارب
انا ليا اخ كان في طب اسيوط ربنا ما يوريكي بصراحه كان كل ما ييجي يقعد يقول نفس الكلام انا مخنوق ومش طايق نفسي
ربنا معاكي ولما تحسي انك مخنوقه اعملي زي ما كل الناس بتعمل حاولي تقراي قرءان او تصلي واكيد ربنا هيكون معاكي