ايه اللي مضايقك؟

للاسف عدد المخنوقين و عدد المكتئبين في زيادة مستمرة

عشان كده يا جماعة اي حد مخنوق او عنده اي مشكلة من اي نوع
ياريت يعرض مشكلته و كلنا هنحاول نساعده و نحلها معاه
يعني just ادخل و قول ايه مضايقك و اكيد ساعة الزعل محدش بيعرف يفكر
احنا بما اننا اسرة هنساعدك و نفكرلك
ياريت كل واحد حاسس بمشكلة بفضفض لينا

Go ahead

فكره جامده يا جماعه يا ريت اللي يكون فعلا مخنوق من حاجه ميتكسفش

فكرة جميلة
للامام دائما

معقول مفيش أي حد مخنوق؟؟!!

طب والله كويس
no news is good news

بس انا شخصيا لو حاجة مدايقاني هحكيلكم و تساعدوني..

أنا مضايقة من الضفدعة جدا عشان مش عارفة أحفظ الرسم والكلام اللى بيبقى جنبه بالإنجليزى ده وهطق وهعيط ومش عارفة هعمل إيههه فى إمتحان الخميس ده وقلقانة جدا

د.أمنية كتب:أنا مضايقة من الضفدعة جدا عشان مش عارفة أحفظ الرسم والكلام اللى بيبقى جنبه بالإنجليزى ده وهطق وهعيط ومش عارفة هعمل إيههه فى إمتحان الخميس ده وقلقانة جدا

أجهزة الضفدة سهلة و هما مش كتير
حوالي 7
يمكن انتي متعودة على الأسامي العربي
و كمان أجلتيها من أول السنة..فشايفاها صعبة
بس لو قعدتي على 7 رسومات أكيد أكيد هتحفظيهم يعني
وممكن تحبيهم كمان
و على فكرة احنا مش مطلوب مننا الوصف و الكلام اللي بيتكتب جنبها ده
مطلوب مننا الرسم بس

بالنسبة للعضم بقى فعلا أسماؤه صعبة
بس برده هو قليل وهيتحفظ هيتحفظ ان شاء الله

بس المعيدة قالت لنا إن ممكن الدكتور يسأل فى الحاجات المكتوبة بالإنجليزى دى وأسباب التعرف على العظم وقالت مهمة جدا ولازم تحفظوها

انت لو قرأتيها يا دكتورة حتلاقيها سهلة بجد
اهم حاجة متوتريش نفسك واعمل اللي عليك
وافتكري ان ربنا معاك
بجد وخديها حكاية اكون او لا اكون
وبعدين عربي او انجليزي بيمشي ماعدا البيانات انجليزي
وربنا يوفقنا يا عثل

ميرسى ليك يا خاالدوإنتى يا طموووحة يا عثل

الموضوع سهل يا دكتور بالذات مع كتر التكرار
و متخفييييش ابدا

أنا مش خايفة بس ده أنا مرعوبة وقلقانة ومش عارفة هعمل إيه فى الإمتحان رغم إنى ذاكرت شوية من الأجهزة دى دلوقت

بصي يا ست أمنيه ..

انتي ذاكرتي شويه اجهزه مش كده ؟؟

راجعيهم باه النهارده وبعدين ذاكري كمان وراجعيهم تاني وعدي راجعي كتييير كل شويه افتكريهم كده

انا عن نفسي لما بيبقى فيه اسامي صعبه كده بحاول اذاكرها وبعدين اجي في يوم تاني واراجعهم وهكذا وعشان الامتخان قرب ممكن تراجعيهم كذا مره في اليوم على فترات متباعده وبالكتابه وصدقيني الطريقه دي مفيده جدااااااااا وان شاء الله هتدعيلي.. بس انتي اتوكلي على الله وما تحسيش بالخوف وخليكي هاديه كده وبارده ان شاء الله لما اقابلك هديلك شوية برود من اللي عندي :D

يارب تكوني قريتي التعليق ده قبل معاد الامتحان :silent:

ميرسىىىىىىىىىىىىى ليكى أوى وربنا يوفقنا كلنا

د.أمنية كتب:ميرسىىىىىىىىىىىىى ليكى أوى وربنا يوفقنا كلنا

عفوووووووووووووووي خالص .. يا رب تكوني استفدتي بجد

يا جماعه هوه الموضوع ده فيه حد بيفتحه ولا ايه ؟؟

اصلي مخنوقه شويه وعايزه اتكلم بس حاسه ان محدش بيقتحه ..

يا ريت لو حد فتحه يقول عشان اتكلم

مضايقة ليههههه يا عثل

انا بدخل عليه اول باول عشان لو حد اتلكم و قال انه مخنوق من حاجه ارد

KAZKOZA كتب:يا جماعه هوه الموضوع ده فيه حد بيفتحه ولا ايه ؟؟

اصلي مخنوقه شويه وعايزه اتكلم بس حاسه ان محدش بيقتحه ..

يا ريت لو حد فتحه يقول عشان اتكلم

اتكلمى معانا يا كزاكوزا براحتك واحنا هنسمعك

الموضوع دا عشان تقتحلنا قلبك

فضفضة يعنى

هترتاح لما تكلم

و تأكدوا إن إحنا إخوات و هنسمع بعض

الموضوع حلو اوى وياريت الكل يشارك فيه وجزاكم الله كل خير على المجهود ده

يالا اللى مضايق يقول

وانا هبدا
انا باه حاسه ان انا مش انا 000حاسه انى بعمل حاجات غلط وبحاول ابين لنفسى انى صح
وكمان بقالى فتره كده مبكلمش اصحابى ومبفضفضش معاهم 000حتى لما كانوا عايزين يخرجوا انا مرضتش (مع انى دى مش عادتى )
وكمان بالى مشغول 000ومش عارفه اذاكر من كتر التفكير

لو فيه حد عنده حل يا ريت يقوله 00
لانى بجد مضايقه من نفسى وحاسه بخوف جامد 0000

يا حبيبتى احنا كلنا بيجى لنا اوقات بنبقى كده بس حاولى تقربى لربنا وتسمعى قران وتصلى الصلاة فى وقتها وان شاء الله ربنا هيريحك

شكراااااااااا على نصائحك الغاليه

أنا جيت أخيرا .. وبشكركوا على التواصل ده .. وبتاسفلكلوا على التاخير في الرد .. بس عموما الموضوع مش مستاهل يتحكى .. سوري على وجع الدماغ اللي على الفاضي .. وكل سنه ونتوا طيبين.......