كرسي الاعتراف

صمت الكلام كتب:معلش انا جيت متاخر بس
شويه اسئله تقريبا كلها عن الحب والكلام ده جاوب عليهم يلا

هل تؤمن بالحب ؟

اكيد

- هل تؤمن بالحب من أول نظرة؟

ايوة....ممكن يحصل فعلا و يعمل زواج سعيد....بس مش شرط ان حب اول نظرة يبقى ناجح...ده طبعا بيتوقف على حاجات كتير

- هل يختلف معنى الحب عبر العصور؟

لا

- فرق العمر بين الطرفين هل يؤثر على علاقة الحب؟

اكيد.....بيفرق فى مدى التفاهم بين الطرفين

- هل ممكن ان تحب أكثر من مرة؟

صعب و يمكن مستحيل

-هل يمكن أن يكره الأنسان الشخص بعد أن أحبه؟

لو حبه فعلا مش هيكرهه ابدا

- نجاح الحب مستحيل أم ممكن , و كم نسبة نجاحه؟

ليه مستحيل ممكن طبعا.....و النجاح ده انا شايف انه حاليا بيتوقف على الظروف المحيطه بينا اكتر مما يتوقف علينا احنا

- أيمكن للحب ان يغير مجرى حياتك؟

اكيد طبعا...ممكن جدا

- هل يتغير الحب بعد الزواج؟

ممكن يتغير بسبب كبت الحياه و مشغولياتها و الشغل و كل ده....بس مش لاوم برضه...فيه ناس بتعرف تحافظ على مقدار الحب بينها

-

هل الغيرة ضرورية في الحب و ما دورها ؟ سلبي أم ايجابى؟

مش ضروريه لان معنى الحب فى مجمله بيتضمن الخوف على الحبيب وده اللى احنا بنقول عليه الغيرة بس لما بتزيد للاسف ممكن تدمر حياة زوجين مثلا

-

-أيها أخلص الشاب أم البنت؟

على حسب شخصيه الفرد.....و ان كان ممكن تكون البنت مخلصه اكتر بس برضه مش ضرورة-

كفايه كده عليك
بس في لسه حاجه
قولنا فيك صفه وحشه اوي نفسك تغيرها

انى بضيع وقتى بايدى

وصفه حلوه بتحبها في نفسك

انى اجتماعى و طيب (الى حد ما)بس

شكرا مقدما ع الرد

اى خدمه

فتاة طموحة كتب:طيب
كلمنا عن اسرتك حبة اخي الكريم< ابيك رحمه الله

ـ امك اطال الله عمرها ومنحها الصحةـ اخوتكواخواتك>؟؟

والدى:كان محاسب حر سافر بره كتير و اشتغل هنا فترة قبل ما يتعب....برغم انى اختلفت معاه فى كتير من الاحيان...بس عايز اقول حاجه مهمه(و اعذرونى ف الكلمه)لو الواحد فينا ابوه موجود مجرد انه عايش ف الدنيا بس حتى لو كان مش قادر يحرك رموش عينيه و لا يعملك حاجه...وجوده لوحده بيفرق ف حاجات كتير ...و مش عايز اقولكم انى من بعد وفاته لحد دلوقتى فقدت شعور الابوة ده فعلا....و ما حدش هيقدر يفهم الكلام ده يا جماعه الا اذا حصل لوالده حاجه(بعد الشرطبعا) بس نصيحه كل واحد يحاول انه يرضى والده ووالدته على اد ما يقدر لانه ممكن تيجى عليه لحظه و يندم على حاجات مش هيقدر يرجعها ابدا

والدتى:رئيسه هيئه الممرضات هنا....بحس انها من اطيب الامهات اللى ف الدنيا و بحبها جدا و ما ليش غيرها دلوقتى.....و قاعدين ف البيت لوحدنا

اخواتى:3 بنات كلهم اتجوزوا و الحمد لله

ما فيش اخوات صبيان

وايهما اقرب لك اهلك لامك ام لابيك
ام كليهما سواء ام لا تعرفهم ؟؟

يمكن اهلى لامى اقرب شويه..لان اهل والدى ما فيش منهم الا عم واحد و مسافر من 6 سنين....و اخوالى كلهم مسافرين برضه ما عدا واحد

كلمنا كمان عن اصدقائك؟؟
ومدرسيك؟؟< من حضانة لثانوي

اصدقائى حلوين و امامير :D بس افضلهم فعلا اللى انا صاحبته ف ثانوى و هو الانتيخ بتاعى حالا....المدرسين بتوعى مش عايز افتكر منهم حد الا مدرستين ادونى ف الابتدائى و كان فيهم واحده بتقولى من اولى ابتدائى يا دكتور مصطفى و لحد دلوقتى ببعت لها السلامات

>
وزمايلك وزميلاتك؟؟< من حضانة لثانوي

زمايلى:نصهم كان مخه ضارب و كان حظى دايما اقع ف اكتر فصل فيه عيال مشاغبه ف المدرسه بس الحمد لله طلع حظى ف الكليه حلو

زميلاتى:مش لاقى حاجه اقولها عنهم غير ان افضل مجموعه بنات شفتها ف حياتى اللى كانوا معايا ف درس الفيزيا ف 3 ثانوى بجد كانت مجموعه رهيبه جدا و بنات متفوقه على نفسها ف كل حاجه.....و كلهم قمه ف الادب و لاخلاق و اقل واحده فيهم دخلت صيدله او هندسه>
اظن كفاية كدا لحد ما تجاوب
....ترجعى بالسلامه.....بس عشان خاطرى يا دكتورة طموحه بلاش الاسئله المفتوحه :) ولي عودة باذن الله