رد: كرسي الاعتراف

من طرف Mostafa ElShirbeny الأربعاء ديسمبر 03, 2008 2:59 am

فتاة طموحة كتب:طيب
كلمنا عن اسرتك حبة اخي الكريم< ابيك رحمه الله

ـ امك اطال الله عمرها ومنحها الصحةـ اخوتكواخواتك>؟؟

والدى:كان محاسب حر سافر بره كتير و اشتغل هنا فترة قبل ما يتعب....برغم انى اختلفت معاه فى كتير من الاحيان...بس عايز اقول حاجه مهمه(و اعذرونى ف الكلمه)لو الواحد فينا ابوه موجود مجرد انه عايش ف الدنيا بس حتى لو كان مش قادر يحرك رموش عينيه و لا يعملك حاجه...وجوده لوحده بيفرق ف حاجات كتير ...و مش عايز اقولكم انى من بعد وفاته لحد دلوقتى فقدت شعور الابوة ده فعلا....و ما حدش هيقدر يفهم الكلام ده يا جماعه الا اذا حصل لوالده حاجه(بعد الشرطبعا) بس نصيحه كل واحد يحاول انه يرضى والده ووالدته على اد ما يقدر لانه ممكن تيجى عليه لحظه و يندم على حاجات مش هيقدر يرجعها ابدا

والدتى:رئيسه هيئه الممرضات هنا....بحس انها من اطيب الامهات اللى ف الدنيا و بحبها جدا و ما ليش غيرها دلوقتى.....و قاعدين ف البيت لوحدنا

اخواتى:3 بنات كلهم اتجوزوا و الحمد لله

ما فيش اخوات صبيان

وايهما اقرب لك اهلك لامك ام لابيك
ام كليهما سواء ام لا تعرفهم ؟؟

يمكن اهلى لامى اقرب شويه..لان اهل والدى ما فيش منهم الا عم واحد و مسافر من 6 سنين....و اخوالى كلهم مسافرين برضه ما عدا واحد

كلمنا كمان عن اصدقائك؟؟
ومدرسيك؟؟< من حضانة لثانوي

اصدقائى حلوين و امامير :D بس افضلهم فعلا اللى انا صاحبته ف ثانوى و هو الانتيخ بتاعى حالا....المدرسين بتوعى مش عايز افتكر منهم حد الا مدرستين ادونى ف الابتدائى و كان فيهم واحده بتقولى من اولى ابتدائى يا دكتور مصطفى و لحد دلوقتى ببعت لها السلامات

>
وزمايلك وزميلاتك؟؟< من حضانة لثانوي

زمايلى:نصهم كان مخه ضارب و كان حظى دايما اقع ف اكتر فصل فيه عيال مشاغبه ف المدرسه بس الحمد لله طلع حظى ف الكليه حلو

زميلاتى:مش لاقى حاجه اقولها عنهم غير ان افضل مجموعه بنات شفتها ف حياتى اللى كانوا معايا ف درس الفيزيا ف 3 ثانوى بجد كانت مجموعه رهيبه جدا و بنات متفوقه على نفسها ف كل حاجه.....و كلهم قمه ف الادب و لاخلاق و اقل واحده فيهم دخلت صيدله او هندسه>
اظن كفاية كدا لحد ما تجاوب
....ترجعى بالسلامه.....بس عشان خاطرى يا دكتورة طموحه بلاش الاسئله المفتوحه :) ولي عودة باذن الله

من طرف Mostafa ElShirbeny الأربعاء ديسمبر 03, 2008 3:01 am

فتاة طموحة كتب:ست اسئلة دا انا خفت ليكونوا قليلين
هههههههههه
وبعدين ممكن اسألك سؤال كمان معلشي يعني
ازاي اثبت موضوع؟؟

تقريبا احنا مفيش عندنا تثبيت.....التثبيت يبقى من عند متولى نفسه

من طرف Ahmed Nabeeh الأربعاء ديسمبر 03, 2008 3:13 am

لو سمحتوا انا متبرع وهاخد الكرسي بعد مصطفى ولو مش هينفع ولازم بنت ف مفيش مشكلة عادي يعني

وكمان الف شكر يا درش عالكلام بتاعك عني

من طرف فتاة طموحة الأربعاء ديسمبر 03, 2008 3:18 am

بجد بشكر حضرتك على اجاباتك الصريحة جدا
واسفة اني تشعبت بالاسئلة لحاجات ممكن تكون حابب تحتفظ بها لنفسك
واوعدك اني مش حسأل بعد كدا الا اسئلة باجابات محددة
بجد جزاك الله خيرا وبارك فيك

من طرف rana الأربعاء ديسمبر 03, 2008 8:22 am

ياعيني انا مش هسالك تاني حاسه انك تعبت وززهقت مننا
بس بجد اجاباتك جميله وبتجاوب بكل صراحه وجرأه ياريت كل واحد ع الكرسي يجاوب كده

بس ليا سؤالين كده بس ايه اكتر حاجه ممكن تخليك تكره انسان اوي ولا يمكن تسامحه مهما حصل؟؟؟؟؟؟؟؟
ايه اللي ممكن يغير حياه مصطفى 360 درجه؟؟؟؟؟؟؟؟؟؟

من طرف kareem.h الأربعاء ديسمبر 03, 2008 10:20 am

ممكن يا نبيه تسيب الكرسي ليه المره دي أنا عاوز أقعد بعد مصطفى بلييييييييييييز.

k.H.B

من طرف rana الأربعاء ديسمبر 03, 2008 10:48 am

لما مصطفى يرد ليه الحق يختار مين يقعد ع الكرسي

من طرف kareem.h الأربعاء ديسمبر 03, 2008 11:10 am

ماشي يا دكتوره على العموم مصطفى ما حيصدق عشان يعصرني بس مش مشكله .

K.H.B

من طرف Mostafa ElShirbeny الأربعاء ديسمبر 03, 2008 11:58 am

[quote="صمت الكلام"]ياعيني انا مش هسالك تاني حاسه انك تعبت وززهقت مننا
بس بجد اجاباتك جميله وبتجاوب بكل صراحه وجرأه ياريت كل واحد ع الكرسي يجاوب كده

ميرسى يا رنا.....انا متعود اكون صريح دايما

بس ليا سؤالين كده بس ايه اكتر حاجه ممكن تخليك تكره انسان اوي ولا يمكن تسامحه مهما حصل؟؟؟؟؟؟؟؟

الخيانه طبعا.....و ده حصل فعلا و اتسبب فى انى اقاطع اتنين كانوا من اعز اصحابى لمده سنه تقريبا و بعدين هم اعتذرولى بعدها.....و دلوقتى عادى بس طبعا مش ناسى اللى هم عملوه ومش هنساه لانى اكتشفت انهم........ما علينا

ايه اللي ممكن يغير حياه مصطفى 360 درجه؟؟؟؟؟

مش عارف...بس انا حياتى اتقلبت تماما مرتين قبل كده و متهيالى خلاص ان مفيش حاجه ممكن تبدل حياتى تانى

هقولكم بالليل مين اللى هيقعد.....سلالم

من طرف Mostafa ElShirbeny الأربعاء ديسمبر 03, 2008 8:36 pm

ايها القوم.....اسمعوا وعوا.....ان شاء الله اللى هيقعد ع الكرسى بعدى هى ايمو.....اى حد عايز يسالها يبدا من دلوقتى

من طرف Ahmed El Metwally الأربعاء ديسمبر 03, 2008 8:55 pm

هلا بيكي يا ايمو في الكرسي يلا جهزي نفسك

من طرف Mostafa ElShirbeny الأربعاء ديسمبر 03, 2008 9:09 pm

تجهز نفسها ازاى يا متولى..؟ خلاص يا ايمو اربطى الحزام عشان المخالفات :D

من طرف Den.emoOo الأربعاء ديسمبر 03, 2008 9:11 pm

اه انتوا هتستلمونى باه 0000

وانا لها يا اخوانى فلتستعدوا للمعركه0000

من طرف Ahmed El Metwally الخميس ديسمبر 04, 2008 1:25 am

انا اسئلتي خفيفه متخافيش
ايه اكتر يوم اتخنقتي فيه
ايه اكتر يوم فرحتي فيه
مين اقرب الناس ليكي
ايه الحاجه اللي لما بتعمليها بتنسي كل حاجه خنقاقي
معظم وقتك بتكوني فرحانه ولا زعلانه
راضيه عن نفسك؟
كفايه كده دلوقتي عشان اقوم انام عشان انا اول سكشن هيمتحن هههههه

من طرف rana الخميس ديسمبر 04, 2008 3:37 am

مبروووووووووووووووووووووك ع الكرسي يا ايمو
ربنا معاكي
انتظريني بالاسئله اكيد راجعالك

من طرف Mostafa ElShirbeny الخميس ديسمبر 04, 2008 7:07 pm

على فكرة انتوا كده مدلعين ايمو اوى ....فين الاسئله :roll: :D

من طرف Den.emoOo الخميس ديسمبر 04, 2008 8:46 pm

Ahmed El Metwally كتب:انا اسئلتي خفيفه متخافيش
ايه اكتر يوم اتخنقتي فيه
اكتر يوم كان بجد النهارده يوم انتحان العملى لانىبجد اضايقت اوى اوى اوى من حاجات كتير وكمان دى اول مره اتعب فيها بالطريقه دى يعنى مفيش مرض جسدى بس بجد نفسيتى كانت مدمره0
ايه اكتر يوم فرحتي فيه
انا من النوع اللى بفرح من باى حاجه كويسه بس اكتر يوم يمكن لسه مجاش0
مين اقرب الناس ليكي
اقرب الناس ليا هى واحده صحبتى اسمها ايمان رجب (مش فى اسنان )وكمان هديل (علوم )و(حياه زهره)بلاش اسمها اصل تضربنى 000دول اقرب الناس اللى برتاح وانا بتكلم معاهم ده غير شلت الانس بتاعتى اللى فى صيدله وبيطرى وهندسه
ايه الحاجه اللي لما بتعمليها بتنسي كل حاجه خنقاقي
لما بكون وسط اصحابى والله العظيم بنسى هموم الدنيا كلها خصوصا ان احنا شله مختلفه خالص0
معظم وقتك بتكوني فرحانه ولا زعلانه
بص انا على طول لما بكون مع الناس بكون عالطول فرحانه لانى مبحبش اخلى حد يشوفنى وانا زعلانه بس لما بكون لواحدى بيطلع الاكتئاب كله (من يضحك كثيرا يبكى اكثر )
راضيه عن نفسك؟
محدش راضى عن نفسه ميه فى الميه لان انا بشر مش ملاك اكيد بعمل حاجات غلط 00000بس الحمد لله بحاول اقلل من الغلط ده
كفايه كده دلوقتي عشان اقوم انام عشان انا اول سكشن هيمتحن هههههه

شكراااااااااااااااا يا احمد على الاسئله 00

من طرف فتاة طموحة الخميس ديسمبر 04, 2008 9:10 pm

منورة يا ايمو
بمسي بس عليكي لحد ما اجيلك
ههههههه
دا انت حتتبسطي اوووووووووووووووووي

من طرف Den.emoOo الخميس ديسمبر 04, 2008 9:15 pm

انت اللى منوره يا طموحه يا عسل
مقلتليش عملتى ايه فى الامتحان النهارده

من طرف فتاة طموحة الخميس ديسمبر 04, 2008 9:17 pm

الحمد لله بس لخبطت في التشريح
بس ولا يهمك
ههه
الحمد لله حليت كويس في البيانات
وانت عملتي ايه يا حبيبتي

من طرف فتاة طموحة الخميس ديسمبر 04, 2008 9:23 pm

1-البطاقة الشخصية لايمو
2-صفة تحبي وجودها فيكي \ صفة تتمنى تغييرها ..

3-اجمل يوم مر في حياتك \ احزن يوم مر في حياتك ..

4-قدوتك في الحياة ..

5-حلم تتمنى تحقيقه ..

6-كلمة تساوي عندك ذهبا"!

7-اعطيني اسم

عضو طيب ..

عضو دمه خفبف ..

عضو ذوق ..

عضو تحبي ردوده ..

عضو رزين ..

عضو تتمنى تشوفينه ..

عضو اول ماعرفتيه موش كنتى بتطيقينه والوقتى بتحبينه ..

اول عضو ارتحتيله ..

عضو مرح وونيس ..

عضو قدوة لك ..

عضو ساعدك في ظروف صعبة مريت بها ..

8-اذكريلي

موقف محرج تعرضتي له ؟؟

موقف حزين ؟؟

موقف تفتخرين بيه؟

9-نصيحه تقديميها ....لـــ طموحة؟؟

ولي عودة باذن الله

من طرف Den.emoOo الخميس ديسمبر 04, 2008 9:53 pm

فتاة طموحة كتب:1-البطاقة الشخصية لايمو
االاسم ايمان 000السن 17 000الهوايه القراءه والرسم وحاليا المنتدى
2-صفة تحبي وجودها فيكي \ صفة تتمنى تغييرها ..
مش عارفه \ الحساسيه زياده عن اللزوم 00ودى بجد بتاثر على نفسيتى جااااااامد اوى
3-اجمل يوم مر في حياتك \ احزن يوم مر في حياتك ..
اجمل يوم يمكن لسه مجاش بس فى يوم كنا فى رحله لاسكندريه انا واصحابى وكان حصل موقف ضايقنى وبعدين اصحابى هدونى وكده فبعدين قمنا كلنا وروحنا الكورنيش وفضلنا نجرى فى الطريق وطبعا العربيات سريعه جدا بس كنا بنجرى ومهمناش اى حاجه لدرجه ان اللى راكبين العربيات كانوا بيشتمونا ويقولولنا انتم اكيد مجانين (بس عموما اى مكان بكون فيه مع اصحابى بيبقى اسعد لحظات حياتى)
احزن يوم000مش عارفه اصل فى ايام كتيره حزينه وصعبه وربنا ميجبشى احزان0

4-قدوتك في الحياة ..
بصى انا كان نفسى اكون زى شخصين متناقضتين (مجدى يعقوب )(المتنبى)

5-حلم تتمنى تحقيقه ..
انا قلته قبل كده وهو المستشفى الخيرى0000000000

6-كلمة تساوي عندك ذهبا"!
اكيد الصداقه

7-اعطيني اسم

عضو طيب .. اكيد طموحه وامنيه

عضو دمه خفبف ..ممكن نبيه ومصطفى الشربينى

عضو ذوق ..كلكم زوق والله

عضو تحبي ردوده ..مفيش حد معين كل شخص ليه ردود حلوه وردود وحشه

عضو رزين ..ممكن حياه زهره واكيد برضو طموحه وجلاديتور

عضو تتمنى تشوفينه ..(انا كان نفسى اشوفك والحمد لله عرفتك)بس قبل كده كان نفسى اعرف كل الاعضاء وتقريبا انا عرفتهم كلهم
عضو اول ماعرفتيه موش كنتى بتطيقينه والوقتى بتحبينه ..

مفيييييييييييييييييييييييييييش
اول عضو ارتحتيله ..
اده سررررررررر ومينفعش اقوله

عضو مرح وونيس ..
ممكن لفلى بيرد وامنيه عالطول شغالين شات

عضو قدوة لك ..
مفيش
عضو ساعدك في ظروف صعبة مريت بها ..
بكل صراحه لفلى بيرد ومصطفى الشربينى

8-اذكريلي

موقف محرج تعرضتي له ؟؟
بلاااااااااااااااااااااااااش
موقف حزين ؟؟
شوفت مره عربيه خبطت طفل صغير

موقف تفتخرين بيه؟
هو فيه موقف كنت فرحانه اوى بيه وهو لما مستر ممدوح كتبلى فى الكشكول بتاع الامتحانات مع فائق الشكر ولما كان يقولى انى ممتازه فى النحو (لانى بعشق النحو جدا)
واللى يعرف مستر ممدوح هيعرف انه مبيقولش اى كلام زى كده لاى حد0

9-نصيحه تقديميها ....لـــ طموحة؟؟
ياريت تفضلى على اللى انتى عليه لانك والله عسل بس ياريت كمان تبطلى تقوليلى 000000000000000000(اقول ولا بلاش علشان محدش يعرفك)

ولي عودة باذن الله

ربنا يخليك ليا

من طرف فتاة طموحة الخميس ديسمبر 04, 2008 10:59 pm

emo كتب:
فتاة طموحة كتب:

7-اعطيني اسم

عضو طيب .. اكيد طموحه وامنيه

عضو رزين ..ممكن حياه زهره واكيد برضو طموحه وجلاديتور

9-نصيحه تقديميها ....لـــ طموحة؟؟
ياريت تفضلى على اللى انتى عليه لانك والله عسل بس ياريت كمان تبطلى تقوليلى 000000000000000000(اقول ولا بلاش علشان محدش يعرفك)

ولي عودة باذن الله

ربنا يخليك ليا

شكرا جدا يا ايمو لاجابتك التي افخر بها
وبالنسبة للنصيحة يا عسل
باذن الله حنفذها
هههههههههههه
مين محدش
ههههههههه

من طرف dr.omnia الجمعة ديسمبر 05, 2008 1:24 am

إزيك يا إيمووو هو ده سؤالىىىىىىىىىىىىىىى

من طرف Den.emoOo الجمعة ديسمبر 05, 2008 1:27 am

ازيك انتى يا امنيه
يا شيخه يا ريت تفتحى ايميلك اللى انتى قفلاه

يا طموحه والله كل كلمه انا كتبتها فعلا هى الحقيقه 0000

من طرف dr.omnia الجمعة ديسمبر 05, 2008 1:47 am

فتحته والله يا إيمووو