كرسي الاعتراف

dr_khaled كتب:إيمان..
أنا جيت :lol: :lol:

يا مرحبا يا مرحبا
ازيك؟
انا دلوقتى كويسه محدش عارف ايه اللى ممكن يحصل بعد ما اجاوب على الاسئله

ايه أكتر حاجة عايزة تغيريها في نفسك؟
اكيد الحساسيه الزياده وكمان برضو الصراحه الزياده اللى بتزعل بعض الناس منى
بتخافي من ايه؟
من الموت او ان حد غالى عليه يبعد عنى

وايه اللي ممكن يطمنك ساعة الخوف؟
انى اكون مع ناس بحبهم
ايه اكتر صفة بتحبيها؟
الصداقه والحب
و أكتر صفة بتدايقك؟
الخيانه والكدب
ايه اكتر اكلة بتحبيها؟
مكرونه بالباشامل (منك لله انت جوعتنى 0000هههههههه)
واكتر اكلة مبتحبيهاش؟
الكوسه فى كل حاجه
ايه اكتر امتحان حليتي فيه وحش في الثانوي؟
اكيد الفيزيا
ايه الامتحان اللي عيطتي فيه؟
الاحصاء علشان انا بحب الرياضه جداااااااا (والحمد لله جبت 49)
و كنتي في مدرسة ايه اصلا؟
المنصوره الثانويه الجديده للبنات
وايه أكتر مكان بتحبيه في المنصورة؟
اى مكان بكون فيه مع اصحابى (جامعه 000مدرسه 000نادى 000)
لما بتتخنقي وتدايقي بتعملي ايه؟
بدخل اوطى (حجرتى )وبقعد اعيط 000او اجيب كتاب هارى بوتر اقراه وانا بعيط
ومين أول حد بتفكري تحكيله؟
اى حد قريب منى الاقيه
ومين اللي معاه كل أسرارك؟
هو مش واحده معينه (الاول كانت واحده معاها كل الاسرار بس خلاص راحت )دلوقتى كل واحده معاها شويه
ايه اكتر حاجة بتندمي عليها؟
انى قعدت على الكرسى علشان السؤال ده اتسال كتير0000ههههههه
ايه اكتر حاجة فخورة انك عملتيها؟
لما بساعد اى حد
مين الدكتور اللي بتكرهيه عندنا؟
لا انا يمكن محبش دكتور بس مبكرهوش
ومين المعيد اللي بتكرهيه؟
بص هو انا مبحبش ايهاب حجازى خالص علشان هو بيدينا فى السكشن ومبيشرحشى كويس

وعملتي ايه في امتحان عملي الفسيولوجي؟ :lol: :lol:
يعنى انا لبخت شويه فى البيانات بس الحمد لله اخدت b+

C u later...

Dr_SoMa كتب:اشتغلى حقد بقى ياايمو مع انك مجبتيش سيرتى بحرف ياندله بس جل من لايسهو يلا بقى لمااسالك شويه من نفسى
انتى مين؟
انا ايمان واكتر من كده معرفش
فيه مواقف كتير بتضايقنا انا عاوزه موقف واحد من دول؟
بلاش اللى بيفرحوا عشان هم كتير اكيد 8)
اكتر موقف يضايقنى فى حياتى انى اشوف اى حد بيتعامل مع غيره وحش سواء بيتعامل بغرور او بيكدب اوى اى حاجه وحشه
مش شايفه ان فيه اعضاء فى المنتدى سواء بنات او اولاد انا بقول بعض او قله يعنى بيتعاملوا بوشين ؟
اه بصراحه فعلا فى ناس بوشين وفعلا انا بضايق منهم جدا لان اللى مثلا بيتكلموا على النت وتيجى تشوفيهم فى الجامعه متصدقيش انهم نفس الاشخاص
ليه من وجهة نظرك دايما المصريين متسرعين فى قراراتهم ؟
مش عارفه يمكن علشان طريقه حياتنا وتفكيرنا او علشان كل واحد عايز ياخد كل حاجه لنفسه وخلاص
ليه دايما بنشوف انه البنت اللى بتدخل على النت احتمال كبير انها مش تكون كويسه؟
لان معظم المصريين بيستخدموا النت غلط يعنى المفروض ان احنا نستخدمه لحاجه مفيده بس ده مبيحصلش 000فمعظم الناس بيدخلوا على الشات او الفيس بوك لمجرد الكلام مش اكتر0000علشان كده بيتفهموا غلط0فاكره يوم مااتعرفنا على بعض اوصفيلى احساسك وبجد ساعتها ؟
انا طبعا كنت عايزه اعرف مين سومه علشان انا كنت قريت موضوع انا اللى بشغل اغانى وشفت ردك وكمان كان فى حد رد عليكى وحش (خلاص حصل خير)فكنتى صعبانه عليا اوى 00فكنت عايزه اعرف انتى مين ولما عرفت ان دكتور سومه تبقى انتى وانا يعنى عارفاكى قبل كده 000يعنى فرحت والله وبيتهيالى انى اخدتلك حقك 0ولا ايه0000(انا بهدى النفوس )فاكره يوم ما تعبت فى اللغه مين اكتر حد بجد حسيتى انه خايف عليا فى اصحابى ؟
والله كلهم يا سومه كانوا خايفين عليكى
شايفه انه فيه بعض البنات فى دفعتنا بيحاولوا يلفتوا النظر ؟
اكيد وبصراحه انا شايفه ان ده حاجه متوقعه لان معظمنا داخل الجامعه وهو مبهور بيها وحاسس انها بوابه الحريه والانطلاق زى مابيصورولنا الجامعه فى المسلسلات والافلام 0000كل اللى فى الجامعه مانتمين وفيه جواز عرفى 00ومخدرات
وكانها عالم تانى 000بس انا عن نفسى كنت خايفه جدا انى ادخلها بس بعد كده عرفت انها عاديه بس فيها حريه اكتر00
اما البنات اللى بيحاولوا يلفتوا النظر فدى مسئوليتهم وهما يتحملوا نتيجه غلطهم0
مش ملاحظه برضه ان فيه بعض البنات والاولاد برضه بعضهم يعنى (قله قليله )بيكون عندهم مبالغه شويه فى انفعالاتهم سواء بالفرح او الزعل سواء هنا على المنتدى او فى الكليه ؟
مش فاهمه السؤال يا سومه
انتى شايفانى فعلا دحيحه زى مابتقولى عليا اصل انا شايفه انى فاشله والكل بيقول عليا كده؟
يا سومه كلنا اكيد شاطرين 00محدش داخل الكليه بالوسطه كلنا تعبنا علشان ندخلها 000واكيد كلنا كنا بنذاكر فى ثانوى000وانا والله بحب اهزر معاكى بسايه الاحترام من وجهة نظرك ؟
الاحترام ان كل حد يراعى ربنا وهو بيتعامل مع اى حد تانى 000يعنى الاحترام مش لازم يكون بين البنت والولد بس لازم يكون فيه احترام بين البنت والبنت وبين الولد والولد000المفروض التعامل مابين الولاد والبنات فى الكليه يكون حدوده ايه؟
الحدود ان كل شخص يراعى ربنا فى تعامله مع الاخرين وبس
اخيرا مارأيك فى
Dr_SoMa
فتاه طموحه
د.امنيه
kazkosa
ايمى
صمت الكلام اكيد
اسفه يا سومه بس انا مش هقدر اقول رايى فى اى حد لانى معرفش حد كويس علشان اقدر احكم عليه 00وخايفه بكلامى انى ازعل حد او اجرح حد 000مش معنى كده انهم وحشين لا والله بس والله بجد انا معرفهمش كويس 000هى بس معرفه سطحيه
بس والله مشفتش منهم اى حاجه وحشه فى حقى 0واخيرا كل سنه وانتى طيبه ياايمان ويارب دايما بخير

KAZKOZA كتب:ezzayek ya eeeeemooooo ..kol sana wenty tayyeba ya gameel.. 7'ody elso2alen elmefarfesheen dol..
وانتى طيبه يا عسسسسسسسسسسسسسسسسسل.

eh no3 elaflam elly bet7ebbeeha(ro3b..7'ayal 3elmy..action..romantic............)
انا بحب الافلام الاجنبى عموما ماعدا افلام الرعب وكمان شويه هندى 000بس بحب اوى افلام الرومانسيه والكرتون والاكشن
tarteebek el kam fe e7'watek??

للاسف انا الكبيره احنا تلاته ولد وبنتين

7asaletlek 7adtha abl keda ??
لو قصدك حادثه عربيه (فانا وبلا فخر اتخبطت مرتين بالعربيه مره فى ايدى ومره فى رجلى 0000000اه و انا صغيره برضو فى عربيه خبطتنى فى رجلى واتجبست )
اما لو قصدك حوادث اخرى 000فانا فى مره حرامى سرقنى انا وبنت عمى000احكيلك ايه اللى حصل
(احنا كنا فى مدرسه واحده وبنت عمى اكبر منى بسنه بس انا كنت مستقويه وعامله زعيمه فبعدين فى مره البص اللى كان بيروحنا البيت اتاخر 000فقررنا ننا نروح لواحدنا فبعدين واحنا ماشين جه واحد بعجله وقام ماسك ايدى علشان اعدى الرصيف والله انا فرحت اوى وقعدت اطلع لسانى لبنت عمى واقولها عدانى وانتى لا (والله فعلا حصل )وبعدين قالى هى معاكى قلتله ايوه00قام ماسكه ايدها وبعدين قلنا تعالوا انا هروحكم وبعدين ادالنا بسكوت وبنبونى وطلعنا فى عماره وبعدين واحنا طالعين السلم كان ضلمه فانا بخاف من الضلمه فسوطت قامت بنت عمى عملت زيى 000فبعدين هو خاف قام واخد مننا الحاجه الحلوه وقلنا امشوا روحوا)والله انا كل ما افتكر كان ممكن مصيرنا يبقى ايه لو كان خطفنا فعلاااااااا0000eh aktar mawkef beteftekreeh we beda7akek??
حاليا مش فاكره حاجه خااااااااااااااااالص

bas keda..eh ra2yek??