كلمه حق

بسم الله .... والحمد لله .....ولا اله الا الله

يا له من ببغاء عقله في اذنيه نعم شعرت بهذا المعنى ...نعم شعرت بجهل ...... شعرت باسي الغفله

وكنت اظنها والظن خطا كنت اظنها (ذوبعه في فنجان) فسخرت من موقف لا بل سخرت من اراده بجهل وهوي

تعالت اذانى علي حق التعبير لم اتامل ولم افكر

لكنى حين رايت جموع الشعب في سائر الانحاء
شعرت برعشه في اوصالي كانت كسوط مدوي صوته يعلو صيحات بشر ادركوا ان حريه المطلب لا تمنح وتهب بل يبذل فيها الغالي

وهذا خطاي فاعتذر لسخريتى ولنفسي ولن احمل ذاتى اكتر.........

فانى وددتها عروسا في سلام وددت رقي المطلب وددت (حقا لا يضيع بواجب) ..(عدم التخريب) قصدت
خشيت الفوضي والهلاك

ووددت عقلا وقياده حكيمه لكن فكري لم يصح في هذه المحنه وتجاهل انه(لا يطلب العقل من فم جائع)

والان احترم الجموع وبعض المطالب ليس كلها فبعضها اهوج ..........................!

علي المسئولين اقاله التعالي وتنحي الكرافتات جانبا لعلها تسبب اختناق الحناجر فيخرج كلاما (زيف)متبعا منهج (المسكنات )وهذا شعرت به بلقاء وزير الداخليه مع مفيد فوزي
ويعلم الله اننى لا ابهته حقه او كنت حتى اتخذ منه موقف قبل سماع كلامه لكنى دائما اسمع اري احلل واكون محايده
احب التعقل وانفتاح الفكر والنظر لافاق عده

لكن ما حدث لم يتطلب كل هذا التفلسف تطلب (الم واااااااه)(لم اشعر بها )ربما لان بجانبي مدفاه فلم اشعر بحاجه الغطاء مطلبهم

اما الان فعلي المصريين الهدوء لمنع وتجنب الفوضي فقد عبروا عن نظرهم ولم يهانوا (ع حد علمي) فلا داعي للتجمهر المعطل والذي يمنح الفرصه لالحاق الضرر باشياء شتى (خارجيا وداخليا)

بارقه الامل اراها تشع بين ثغور المحتجين وتؤكد نظريه( الغربله )

والله يا هند انتي انسانه محترمة
احييكي بجد

لكن ما حدث لم يتطلب كل هذا التفلسف تطلب (الم واااااااه)(لم اشعر بها )ربما لان بجانبي مدفاه فلم اشعر بحاجه الغطاء مطلبهم

عجبتني الحتة دي اوي

اما
الان فعلي المصريين الهدوء لمنع وتجنب الفوضي فقد عبروا عن نظرهم ولم
يهانوا (ع حد علمي) فلا داعي للتجمهر المعطل والذي يمنح الفرصه لالحاق
الضرر باشياء شتى (خارجيا وداخليا)

الامن بيفرق متظاهرى ميدان التحرير بالصواعق الكهربائية و القنابل المسيلة للدموع و سقوط عشرات المصابين و مقتل 3 منهم 2 فى السويس و انباء عن سقوط رابع
ده اللى قلته قبل كده و اهو حصل

مفيش اى تخريب حصل
المشكلة بس ف المصادمات مع الشرطة و اللى بتعمله الداخلية اسمه استهبال

كمان حاجة مضايقانى من الناس اللى مشاركة
انهم كده ابطال و ان اى حد منزلش يبقى جبان و سلبى او موالس زى ما بيقولوا
صدقونى فى ناس يمكن بتحب البلد اكتر منكم بس بتفكر بعقلها اكتر و رايها مختلف عنكم
و فى النهاية اتمنى التغيير لكن ليس بهذا الشكل

والله يادرش كان يوم عظيم ........... ورغم انها كانت سلمية منفيش اى تخريب بردوا بتوع الامن المركزى خرجوا علينا بالمدرعات والقنابل المسيلة للدموع واعتدوا بالضرب علينا بالعصيان

والله يادرش كان يوم عظيم ........... ورغم انها كانت سلمية منفيش اى تخريب
بردوا بتوع الامن المركزى خرجوا علينا بالمدرعات والقنابل المسيلة للدموع
واعتدوا بالضرب علينا بالعصيان

عارف يا عطار انها كانت سلمية
و عارف ان فى عناصر شرطة بتلبس مدنى و تدخل وسط المظاهرة و تعمل مشاكل عشان يتقال مخربين
و عارف كمان ان اللى اتقال عن الاخوان كلام فارغ امبارح انهم اللى عملوا مشاكل لان مشاركتهم اصلا كانت محدودة و معظم المتظاهرين اصلا غير منتمين لتيارات سياسية و انما هم شباب متحمس لبلده
سيناريو مكرر لكل مظاهرة

طب صحيح يا د\ مصطفي ايه الاسلوب اللي ممكن تكون بتقترحه في التعبير يكون احسن من نظرك؟

مش حاجة معينة
بس ممكن مثلا اضراب عام ابسط حاجة لفترة
صدقينى ساعتها مش هيبقى فيه خسائر فى الارواح
و لو نتج عنه خسائر اقتصادية لكام يوم الناس تستحمل
و انا ضد مبدأ التغيير الشامل
وجهة نظرى الرئيس عليه الا يترشح لرئاسة جديدة و عليه ان يقوم بتعديل مادتين 76 و 77 من الدستور الخاصتين بشروط الترشيح و اسلوبه و مدته
و لو الاخ نظيف عنده دم يستقيل بس ده طبعا مش هيحصل
انا شايف معظم المشاكل تتلخص فى جزئية واحدة
الفساد الاقتصادى و اهدار المال العام
لو الجزء ده قدرنا نصلحه معظم مشاكلنا هتتحل او هتتحسن ع الاقل
ابسط حاجة مشروع مدينتى بتاع طلعت مصطفى المتر متباع ب 50 جنيه و هو يوازى اصلا 400 جنيه
عد عشرات المليارات ضايعة ف الصفقة دى
مشاريع على طريق القاهرة اسكندرية الصحراوى ضايع فيها حوالى 200 مليار جنيه
القوانين اللى بتوضع لاشخاص معينة زى احمد بيه عز اللى كان ليه منافس ف الحديد اسمه بشاى اختفى فجاة من السوق الله اعلم ازاى و الباشا اللى بيعمل طن بأقل من 2000 جنيه يطلع يبيعه ب 10 الاف و اكتر فى فترة من الفترات...مسكت الجرنان مرة كان اعلان فيها لعز و بيتفاخروا انهم بيبيعوا كذا ف الشهر حسبت مكسبه لقيته معدى المليار جنيه ف الشهر
كل ده سرقة و فساد ف البلد..ده بس اللى عايز اغيره اكتر من اى حاجة تانية
و كأن الشعب نايم على ريش نعام حفنة من الوصوليين و مريدى السلطة كابسين على نفسنا

كلامك صح جدا وواصل كلنا بندور في حلقه واحده

الفساد الاقتصادي واذدواج السلطه براس المال
وفعلا فكره الاضراب العام يمكن تكون اكثر رقي
لكنها لا تشفي غليل المظلوم المقهور (ان تستمع لكلامهم وصيحاتهم تري مدي الكبت الذي لا يخرج الا بصيحه تدوي)

وفعلا لازم الرئيس يخرج بيان عاجل (ويرضخ لهذا الحراك الاجتماعي ب تعديل الدستور
ومحاسبه من ابتاعوا اموال الشعب
وذلك لتحقيق العداله الاجتماعيه)
واتصور انه فعلا بدا يحصل ردود افعال كتيره من الوزرا واللي جاي اكتر

الحكومة قفلت الفيس دلوقتى
و ده هيفجر الغضب اكتر

قفلت الفيس بوك !! خلاص ياخدوا موبايلات بعض و(نجيب ساويرس )معاهم...:D

ههههههههههه هم يبكي وهم يضحك انا عارفه وقلت قبل كده ان البلد فيها حزم وقوه في المسائل دي

بس شكلهم هيقوا وهيتصلبوا لحد ما يتكسروا !!!


بس ع فكره الفيس بيفتح معايا عادي

صح يا نورهان ومش لوحدك كلنا متضايقين

بس لو فيه بقي ذره عقل !!!!!! اصل خلاص بقي اشتعال المظاهرات معدش له لزمه

ومفيش حاجه اسمها ثوره اللي يقول كده يبقي حمار

احنا دوله كبيره ولو حصل زي تونس وده مستحيل (هنضيع)

ولو حصلنا زى تونس هنندم ان احنا عملنا كده من اصله

و الله بقول كده من فترة و فيه ناس تسمعنى ناقص تتهمنى بالخيانة

بس ع فكره الفيس بيفتح معايا عادي

وقت ما كتبت الكومنت مكنش بيفتح و فعلا بيفتح عادى دلوقتى
و عموما لو اتقفل فى مصر كلها فيه طريقتين معروفين بيكسروا البروكسى و يفتحوه بردو مفيش مشكلة بالنسبة لى

رساله من اخ تونسى
السلام عليكم إخواننا في مصر
...لنجاح ثورتكم عليكم بما يلي
1..المظاهرات تكون ليلا ..وهذه لها عدة فؤائد
...... أ:تقللون من فرص القبض عليكم ومن فرص معرفة هوياتكم
...ب:تستطيعون النجاة من عمليات التصوير
ج:ترهقون قوات مكافحة الشغب فانتم تثورن ليلا وتنامون نهارا وهم فحالة طواري قصوي فليلا شغب والنهار لا يستطيعون النوم فيكونون ضعفاء
د:تمنعون علميات الخطف وزورا الفجر
.2..اياكم وعمليات الانتحار فاذا كان مصيرك الموت فليكن برصاص طاغية
.3..استغلوا الاعلام لتبليغ صوتكم فالضغظ الخارجي رهيب جدا
هام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها
لمنع الصواعق الكهربائيه البسو اكياس بلاستك في ارجلكم مربوطه
بلزق سوليتب
مانع للكهرباء وتم التجربه
لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"




وسائل الإعلام الأمريكية: تعامل الشرطة بالقوة مع المتظاهرين يمثل خطورة على النظام.. والقمع والفساد والاضطهاد أسباب نزول العائلات المصرية للشوارع.. ومظاهرة "يوم الغضب" لم تشهدها مصر منذ أجيال

حرب عصابات في منطقة وسط البلد بين المتظاهرين وقوات الأمن

الاتحاد الاوروبي يعلن دعمه للشعب المصري ويحث الحكومة على الاستماع لمطالب بالتغيير

صحيفة ها أرتس الاسرائيلية : النظام المصري فشل - على ما يبدو - في اقناع الشعب بأن هناك فرق بين مصر وتونس وأن ما حدث من ثورة هناك لا يمكن ان يتكرر في بلادهم

إذاعة الجيش الإسرائيلي

بن إليعازر: "لا خوف على استقرار النظام المصرى، لأنه نظام قوى ويحكم سيطرته بقوة على البلاد"

أمريكا: نتابع الوضع في مصر ونؤيد حق الشعب في التعبير والتجمع

بعد مرور يومين على ثورة الغضب البورصة المصرية تنهار والسياحة في خطر

يا جماعة والله الناس دي عايزها تخرب وخلاص وأحلى حاجة في الشعب المصري إنه بيعمل كوبي وباست وخلاص وانشر
أنا مش فاهم إيه الشجاعة والرجولة في اني أضرب بتاع الأمن اللي مش عارف هو واقف ليه وإيه الشجاعة إني اكسر عربية مصفحة وأبقى ساعتها من الابطال
ونفس الشباب اللي بيتظاهر ده بيشوف اخواته في الشارع كل يوم بيترفع عليهم اسلحة من البلطجية مابيتكلمش وبيشوف اخواته بنات بيتعاكسوا ومابيتكلمش هي دي الرجولة والبطولة في نظرهم ؟؟؟؟؟
ملعون أبو دي رجولة

اللي بقى بيفكر بعقله دلوقتي بقى جبان ؟؟؟؟؟

أنا كنت معارض للثورة دي ومازلت معارض لانها ثورة نتايجها سلبية ومش هناخد منها حاجة
ثورة لقلب نظام الحكم بدون جيش = صفر
ونتيجتها اعتقالات وتخريب وضرب في المدنيين
ومحدش يقولي الأمن غلطان ماهو لما ألاقي واحد بيكسر في عربية الأمن لازم الأمن يعتقله ولا عايزين يخلوها فوضي
والادهي من كده فعلا إن الكلام ده مش هيجيب نتيجة مع الشعب خلاص لانه مدمر حتى فكريا وده اللي عايزاه امريكا واسرائيل إننا نضرب في بعض واننا كشباب نختلف زي ما احنا مختلفين دلوقتي والبلد تبقى فوضي عشان يبقي الطريق ممهد ليهم

وإيه الكلام الكبير بتاع قواد المظاهرات والمقاومة استولت على عربيات الأمن ومحاولة اقتحام الاقسام !!!!!!!
هي دي المظاهرات السلمية ؟؟؟؟؟ احنا في حرب بقى !!!!! وبنحارب نفسنا وسايبين اعدائنا بيتفرجوا علينا
ربنا يهدينا كلنا اعذورني ده رأيي واختلاف الرأي لا يفسد للود قضية

بس الكلام دة كلة لو وصل لحسنى على إن الشعب مش لاقى يشتغل ولا لاقى يأكل
مش هو أصلا يمكن وصلة إنة تحريض جماعة الإخوان وووووالكلام الفاضى دة
يبقى ملوش لازمة لإنهم مش هيعبروا الإخوان
وبيعدين الحزب الوطنى ومسؤلينة بيقولوة إن مفيش حد هيقدر يضغط على مثلا مجلس الشعب أو الشورى إنهم يغيروا الحكومة أو حتى رئيس الدولة إنة يتخذ قرار
زى ماحصل فى إرتفاع الأسعار سنة 1977 أو
سنة 1986مثلا

بس الكلام دة كلة لو وصل لحسنى على إن الشعب مش لاقى يشتغل ولا لاقى يأكل
مش هو أصلا يمكن وصلة إنة تحريض جماعة الإخوان وووووالكلام الفاضى دة

اه مش بعيد يكون مفكر طبق الكشرى ب نص جنيه زى الفيلم
المصيبة ان الناس دى قاعدة ف قصور محدش حاسس بالغلابة و احلى حاجة كل مؤتمر حزبى نسمع نفص الكلام الاولوية لمحدودى الدخل

وبيعدين الحزب الوطنى ومسؤلينة بيقولوة إن مفيش حد هيقدر يضغط على مثلا
مجلس الشعب أو الشورى إنهم يغيروا الحكومة أو حتى رئيس الدولة إنة يتخذ
قرار

سيبك ده كلام فاضى
على حد علمى فيه مواد فى الدستور تمنح الرئيس الحق فى حل البرلمان لو هو عايز

هي دي المظاهرات السلمية ؟؟؟؟؟ احنا في حرب بقى !!!!!

انا معارض بردو بس احب اقولك انها كانت سلمية جدا امبارح لحد المغرب تقريبا بعدها لما الامن بدا الغباء قلبت بمصابين و ضحايا و ده هيستمر لحد ما يصدر بيان رئاسى ع الاقل للى بيحصل ده

بس أنا محتار جداااااااااااااااااااااااااااااااااااااااااااااا
طاب الناس هتختار أى وسيلة تعبر بها عن رأيها
طاب مين اللى هيسمعلهم وتفتكروا لو حد هيسمع ياترى هيسمع صح

طاب أية الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بيان مين
ده من شوية الرئيس الموقر بتاعنا بيتصل بمش عارف مين عشان يناقش اوضاع لبنان
لوووووووول

يا نعيش عيشه لوكس ....يا نركب البوكس

ويابو دبوره ونسر وكاب ....احنا اخواتك مش ارهاب

هكذا قال المتظاهرون

ما يحدث هو طيش شباب يجب علينا ان نقومه وبدل المثقفين ما يعقلوهم ويقولولهم كده عيب بيشجعوهم ع الفيس

هكذا قال (وزير الداخليه بالامس مع مفيد فوزي)

الى احمد نصيب ..... انت بتتفرج على القناة الاولى اكيد... دا لانك متعرفش الامن عمل ايه ف الناس خلاهم يكسرو عربية امن مركزي...لو كنت تعرف الحقيقة كنت قلت كلام غير دا... و الحقيقة مش موجودة غير في الشارع... اسئلو كل اللي نزل ... اسئلو الطحمودي اللي بايت على البلاط في البرد الوقتي ... اسئلو اللي شبعو تعب من الجري من الامن و من القنابل المسيلة للدموع و من ضرب العصيان... و احنا مش ماسكين ف ايدينا ولا حته طوبة... اسئلو اهل السويس الي قولنا عليهم فدائيين دايما الوقتي بيتضربو بالرصاص الحي و بيتداس عليهم بالمدرعات ... لما حد يقتلك بدون سبب اخوك هيعمل ايه ؟؟ هيقف يتفرج؟؟؟؟؟.. حرام عليكم ...... احنا لحد الوقتي ملتزمين بمبدءنا السلمي ... والحكومة بتستخدم معانا اعنف الوسائل ....و إنا باقون على العهد :)
الجمعة الأخيرة