رد: امتحان الفيزياء بكره

من طرف KiKo الأحد ديسمبر 28, 2008 4:20 pm

خلاص كده حلو اوى بس مين اللى معندهوش دم اللى قال لك تأجله؟

من طرف Den.Esraa الأحد ديسمبر 28, 2008 4:22 pm

اوعوا تخلوها تأجلوا للترم التاني.....حرام والله
بجد ربنا معاها يااااارب.......ومع كل اللي لسة مش امتحنم..اطمنم وان شاء الله خير
والله ياريت ياد.احمد لو تروحوا تاني للدكتور جمعة
هو اكتر واحد ممكن يساعدها بجد..وربنا يوفقها ويصبرها اااااااااامين

من طرف hero الأحد ديسمبر 28, 2008 4:23 pm

يعنى كد هالموضوع خلاص خلص ومش نروح بكرة نكلمه تانى

من طرف Ahmed Nabeeh الأحد ديسمبر 28, 2008 4:24 pm

والله الدوك جمعه ده طلع جدع اوي
اما التاني اللي قال تاجله فهو الاسطى عصام ابو الوفا

من طرف Dr_SoMa الأحد ديسمبر 28, 2008 5:34 pm

ايه ده بصراحه انا بحقد سورى يعنى على اى حد جاله المركبه الافقيه او المقارنه بين عزمى مغناطيس ايه ده يابختكوا بجد انا حاسه انى هدخل فى القنطره المتريه او المرايا ربنا يستر بقى :(

من طرف zoza الأحد ديسمبر 28, 2008 5:36 pm

يا ريت حد يقولى يعنى كان فى المعمل تجربة الصونوميتر ولا لا

من طرف Den.emoOo الأحد ديسمبر 28, 2008 5:46 pm

اولا انا نيلت فى الامتحان 000محدش يسال ايه اللى حصل بس كل اللى اقدر اقوله ان جالى المرايا :( :(
بس الخبر الاهم هو فعلا اللى حصل النهارده
بجد عايزه اشكر احمد المتولى على اللى عمله النهارده 000
طبعا احنا نروحنا النهارده (انا ونبيه وامنيه )روحنا الكليه بدرى وبعدين دخلنا للدكتور ابو الوفا اللى معملش اى حاجه ومرضاش يعمل حاجه 00ده انا كنت هبوس ايده علشان يخفضلها حتى التجارب وبرضو مفيش 00كانه صخره معندوش قلب00
المهم 00بعد كده جه احمد المتولى (ربنا يكرمه يارب )وراح للدكتور جمعه 00دكتور عسل شكلى هحبه 000وهو قالى خليها تيجى يوم التلات واحنا هنكون معاها 000وكمان ادى لاحمد نمره تليفونه علشان رضوى لما تيجى تبقى تكلمه وهو هيدخلها الامتحان بنفسه 000ده بالنسبه للفيزيا 000
اما الهستولوجى 00فبرضو احمد حلها هو راح كلم مامته وقالها وبعدين اقلى انى اقول لرضوى انها تروح لمامته يوم امتحان الفيزيا وكمان ادالى نمره التليفون 00
وانا بلغت رضوى وهى الحمد لله ذاكرت 6 تجارب 00وان شاء الله تراجع عليهم كويس علشان تمتحن فى اى واحده منهم 00وان شاء الله هقبلها يوم التلات وهروح معاها 000
وفى النهايه 00عايزه اقول شكراااااااااااااا اوى ل
احمد المتولى 00احمد نبيه 000امنيه 00
بجد يستهلوا كل خير على اللى عملوه النهارده 00

من طرف Eman Iran الأحد ديسمبر 28, 2008 5:53 pm

بالنسبه للامتحان انا جالى الدايود ..عدت على خير الحمد لله ...احلى حاجه انى طلعت عين المعيدة اللى كانت بتشرف علينا وخلتها توصلى الاسلاك من كتر ما زهقت منى كل شويه اناديلها :D والوقت مكنش مكفى طبعا لان فى تجارب سهله وتانيه صعبه جدا ..زى اللى جت لايمو دى المرايا دى اصلا تعتبر تجربتين فى بعض

اما بالنسبه لرضوى فطبعا كل الشكر لايمو ونبيه وامنيه والمتولى وكل اللى ساعد لانهم عملوا الواجب وزياده ...ربنا يجعله فى ميزان حسانتهم

بس بجد انا مبسوطه انى خلصت الفزيا دى ياااااااااه هم وانزاح :D

الله يكون فى عون اللى لسه هيمتحنوا :P

بس نصيحه منى خلوا بالكو من الوقت وانتو بتمتحنو بجد الوقت فات بسرعه اوىىىىىىى

من طرف vergenia الأحد ديسمبر 28, 2008 7:06 pm

يا رب يجيلى تجربه اعرفها ويا رب بس لما تجيلى تجربه اعرفها افتكر القوانين ويا رب يصبرنى ويصبر اللى ممتحنوش لسه

من طرف vergenia الأحد ديسمبر 28, 2008 7:09 pm

يا جماعه حد يقولى هو النت كفائته اتظبطت ولا عندلى انا بس يشل

من طرف dr.omnia الأحد ديسمبر 28, 2008 7:36 pm

صباح الخير أنا بقى حكايتى حلوة أوى جالى تجربة المرايا قلت الحمد الله كان نفسى تجيلى وكتبت النظرية وmethod وكل حاجة تمام والأسئلة الشفوى سهلة جدا وكنت مبسوطة جدا جيت بقى اعملها عملى مكنتش بتكون صورة حاولت الأول فى المراية المحدبة والحمد لله طلعت جيت أجرب فى المقعرة هى دى المشكلة طلعت فى الأخر أول طريقة جيت فى الطريقة التانية general ده بقى المشكلة الscreen مكنش بيظهر صورة عليه كان لسة ربع ساعة بس ناديت على المعيدة قالتلى هاجبلك واحد تانى فضلت 10 دقايق تجبلى واحد وأنا هموت لسة 5 دقايق بس وبعدين لما جبت screen من إيمووو ربنا يكرمها كنت بطلع النتايج بسرعة جدا جيت ارسمها وكان الوقت خلص الرسم مكنش طالع قمت معيطة بقى وقعدت أظبط لعند أما طلع بس فيه جدول عملته بالرصاص مش عارفة هيشوفوه ولا لأ بس الحمد الله الأرقام كويسة بس بعد معاناة طويلة وبعدين نسيت أكتب ال diapiter وده اللى مزعلنى أوى

من طرف hend waheed الأحد ديسمبر 28, 2008 8:06 pm

اولا احب اعزى رضوى ربنا معاها انا بجد زعلانة اوى عليها ربنا يرحم والدتها يا رب و ان شاء الله هتمتحن وتجاوب كويس ان شاء الله انا همتحن يوم التلات ولو حد يعرف رقمها ممكن يديهولى علشان اكلمها وابقى اقابلها ان شاء الله وربنا يصبرها اما بالنسبة للامتحان ربنا يستر ويجلنا كلنا تجارب حلوة ويكون يوم خفيف ويعدى على خير

من طرف charmed الأحد ديسمبر 28, 2008 8:37 pm

ربنا معانا يوم التلات وتيجى تجربة سهلة

من طرف Mostafa ElShirbeny الأحد ديسمبر 28, 2008 8:40 pm

ربنا يسهل و انت كنت عن نفسى شاكك ان تجيلى تجربه سهله

من طرف Dr_Nehad الأحد ديسمبر 28, 2008 8:44 pm

" أنا عند ظن عبدي بي فليظن بي ما شاء "
" تفاءلوا بالخير تجدوه "
بس قولوا:
ان شاء الله كلنا نخرج من الامتحان مبسوطين وكلنا تجيلنا تجارب سهلة

من طرف charmed الأحد ديسمبر 28, 2008 8:46 pm

امييييييييييييييييييييييييييييييييييييييين

من طرف KiKo الأحد ديسمبر 28, 2008 10:03 pm

امييييييييييين
اللى خلص امتحان يا جماعة يدعى للى مخلصش
و ربنا يوفقنا كلنا

من طرف dr_khaled الأحد ديسمبر 28, 2008 10:25 pm

أنا الحمد لله حليت كويس
و استريحت من الفيزيا
لانها كانت عاملالي مشكلة
من أول السنة و أنا خايف منها

جالي المنشور
ومشكلته اننا هنرسم 7 رسومات ب 7 زوايا
بصراحة ضهري اتقطم
بس الحمد لله طلعت صح
و معامل الانكسار طلع 1.46
يعني قريب جدا الحمد لله

والأسئلة الشفوية بتتغير
بس سهلة جدا

ونصيحتي للي ممتحنش يسرع على أد ما يقدر بالذات لو جاله المنشور :lol:

من طرف Dr .M الأحد ديسمبر 28, 2008 10:53 pm

ربنا يطمنكوا وادعولى تيجلى تجربة سهلة انا هامتحن يوم الثلاثاء

من طرف oshy الأحد ديسمبر 28, 2008 10:58 pm

انا باى جالى العدسات السائلة واللحمد لله كانت كويسة هو المعيد اللى كان علينا شاف تجربتى وقالى النتايج هايلة وبعدين قال عايز يساعدنى قالى على حاجة كده خلانى لخبط الدنيا فى خطوة كده فى الاخر وياريتنى كنت طنشته لانى كنت عملاها الاول صح :x :x
بس الحمد لله عدت على خير تقريبا واهم حاجة انى خلصت من الفزياء ربنا مع اللى لسة مش امتحن ان شاء الله خير

من طرف Dr_SoMa الأحد ديسمبر 28, 2008 11:32 pm

انا كده الحمد لله اترعبت من قبل مااروح الامتحان ربنا يستر وماانساش انى اكتب حاجه ههههههه :(

من طرف Ahmed Nabeeh الأحد ديسمبر 28, 2008 11:40 pm

Dr_SoMa كتب:ايه ده بصراحه انا بحقد سورى يعنى على اى حد جاله المركبه الافقيه او المقارنه بين عزمى مغناطيس ايه ده يابختكوا بجد انا حاسه انى هدخل فى القنطره المتريه او المرايا ربنا يستر بقى :(

ماشي يا دكتوره سومه احقدي علينا وان شاء الله انتي هيجيلك فوتومتر جولي وانا اقعد احسدك طول اليوم
ههههههههه

من طرف Ahmed Nabeeh الأحد ديسمبر 28, 2008 11:45 pm

يا جماعه والله العظيم مش مستاهله رعب ولا حاجه الامتحان جميل وسلس والمعيدين زي الفل وهيساعدوكوا بس اللي ممتحنش اهم حاجه زي ما خالد قال انكم تنجزوا بسرعة
انا لما جاتلي المركبة الافقية كنت عاوز اقوم اصلي ركعتين شكر في المعمل وقعدت اهزر مع اللي جمبي واساعده في المنشور لحد ما اتزنقت في الاخر وغيرت المغناطومتر 3 مرات بس الحمد لله انا طلعت قيمة ال H ب 28. ولما الدكتور شافها قالي هايل
وربنا معاكوا يارب

من طرف Dr_SoMa الأحد ديسمبر 28, 2008 11:48 pm

يا احمد انا لو جالى فوتومتر جولى بجد ممكن يحصلى حاجه من الخضه انا ممكن اموت فيها اساسا فهى بصراحه مش فارقه انا خايفه بس انسى كنت بعمل التجربه ازاى :P

من طرف Ahmed Nabeeh الإثنين ديسمبر 29, 2008 12:17 am

والله يا دكتوره سميه الامتحان سهل
وبالمناسبة انا كنت اول واحد داخل المعمل والدكتور قالي اختارلك ورقة وانا بصراحه كنت مرعوب لتجيلي تجربة صعبه واكون انا اللي ورطت نفسي
المهم لما جتلي المركبة الافقية بصراحه انا مكنتش فاكر هي بتتكلم عن ايه اساسا وده طبعا من الخضه بس وبعدين الحمد لله كله مشي تمام بعد كده
فمتقلقيش خالص وده شعور طبيعي قبل الامتحان

من طرف dr.omnia الإثنين ديسمبر 29, 2008 12:27 am

يا بنتى أسهل حاجة النظرية والطريقة بس ربنا معاكى و إنتى بتعمليها ويجيلك جهاز حلو كده وميكنش غبى بس أنا دلوقتى إطمنت شوية وكله قالى الرسم هيبقى صح مش مشكلة نقطتين بره الرسم وكمان اللى أنا كتبته بالرصاص بيتصحح والتصحيح مبقاش زى ثانوى واقفين على الواحدة يعنى بس هو أنا صعبانة عليا نفسى عشان عيطت وكمان ذاكرت بجد وكنت عابشة فى السنتر الأسبوع اللى فات بعمل التجارب دى بس ربنا يوفقنا بقى فى الهستولوجى وكمان ربنا مبيضيعش تعب حد هو حد يعرف إمتحان الهستولوجى إمتى بالظبط؟؟؟؟؟؟