رد: امتحان الفيزياء بكره

من طرف hero الأحد ديسمبر 28, 2008 3:22 pm

اوكى

من طرف Alex الأحد ديسمبر 28, 2008 3:28 pm

انا جيييييييييييييييييييييييييييييييت
يا جماعة الحمد لله الامتحان سهل ان شاء الله يعني حاجتين :

اولا : الاسئلة الشفوي كانت سهلة يعني مثلا عرف الومجات الصوتية و معامل الانكسار وكده او مميزات المقوم المعدني بس كلها حاجات بسيطة وبالعربي يعني مش تخافوا :D
ثانيا : التجارب فدي حسب النية :lol: :lol: يعني الدكتور بيقلب الورق على وشه وهو عليه ارقام ويقولك اختار ورقة وحسب ما تيجي فانتوا تقعدوا تدعوا من دلوقت
وانا يا جماعة جالي تجربة المقارنة بين عزمي مغناطسين والحمد لله طبعا على كل شيئ بس انا اتنفخت في التجربة دي كتابة لغاية اما دماغي ضربت

وربنا معاكوا ان شاء الله ويوفقنا جميعا

من طرف KiKo الأحد ديسمبر 28, 2008 3:33 pm

سلمتوا الكتب ولا لأ؟

من طرف Ahmed Nabeeh الأحد ديسمبر 28, 2008 3:35 pm

هههههههههههههه انا بقا جالي المركبة الافقية
والحمد لله طلعت الH ب 28, والدكتور شافها وقالي كويس بس الصراحة انا جالي شلل من كتر الكتابة

من طرف Ahmed Nabeeh الأحد ديسمبر 28, 2008 3:37 pm

بس ركزوا عالقنطره المتريه فيه منها 3 في المعمل و 3 صوت والعدسات 2 والمنشور 2
والتجربه الوحيدة المركبة جاتلي بس الحمد لله تمام

من طرف hero الأحد ديسمبر 28, 2008 3:40 pm

الف شكر يا اسكندرانى انا لو جاتلى تجربة سهلة هاعزم المنتدى كله على حاجة ساقعد ادعولى بقى وانتوا بتصلوا
يا رررررررررررررررررررررررررب

من طرف Dr_Nehad الأحد ديسمبر 28, 2008 3:41 pm

بس انا عايزة اعرف الناس اللي كانوا واقفين عليكو كانوا متعاونين وطيبين ولا ايه
وهم كانوا معيدين نعرفهم يعني ؟؟؟

من طرف Alex الأحد ديسمبر 28, 2008 3:42 pm

لا يا حبي في 2 مركبة افقية يعني مش كنت لوحدك :lol:

من طرف B a db o Y الأحد ديسمبر 28, 2008 3:44 pm

انا فرحااااااااااااااااااااااااان جالى تحقيق قانون اوم باستخدام جلفانومتر الظل والحمد لله تجربه سهله وكنت مذاكرها كويس بالنسبه للشفوى هما كتبوا شويه اسئله على السبوره واحنا هنجاوبها زى عرف قوه العدسه ومعامل الانكسار ومميزات المقوم المعدنى وتعريف الطول الموجى والموجه الصوتيه بس الحمد لله انا بجد فرحااااااااااااان

من طرف Ahmed Nabeeh الأحد ديسمبر 28, 2008 3:45 pm

يبقى انا مخدتش بالي اصل انا اول واحد داخل المعمل ومتحمس تقولش داخل دريم بارك ؟؟؟؟؟؟؟؟؟؟؟؟؟

من طرف Alex الأحد ديسمبر 28, 2008 3:45 pm

وانا موافق يا باشا ومستني الكانز بتاعتي :lol:

من طرف KiKo الأحد ديسمبر 28, 2008 3:49 pm

سلمتوا الكتاب ولا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف Ahmed Nabeeh الأحد ديسمبر 28, 2008 3:50 pm

*...N...* كتب:بس انا عايزة اعرف الناس اللي كانوا واقفين عليكو كانوا متعاونين وطيبين ولا ايه
وهم كانوا معيدين نعرفهم يعني ؟؟؟

معظمهم نفس المعيدين اللي بيدونا وهما متعاونين بس مش اوي يعني ممكن مثلا يقولك التوصيل صح ولا غلط بس ميقولكش ايه الصح
وربنا معاكوا

من طرف Ahmed Nabeeh الأحد ديسمبر 28, 2008 3:52 pm

KiKo كتب:سلمتوا الكتاب ولا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا يا برنس مسلمناش حاجه

من طرف Alex الأحد ديسمبر 28, 2008 3:53 pm

هي بصراحة يا دكتور معيدة من اللي بيدونا في السيكشن بس مش عارف تعرفوها ولا لا
بس انا مش حاولت اعرف هم متعاونين ولا لا بس حسيت ان في تعاون يعني :lol:

من طرف KiKo الأحد ديسمبر 28, 2008 3:55 pm

تسلم يا أحمد

من طرف Ahmed Nabeeh الأحد ديسمبر 28, 2008 3:58 pm

KiKo كتب:تسلم يا أحمد

اي خدمه يا محمود بس مفيش كده تليفون تتصل تطمن عليه
ده مصطفى المعفن اتصل بيا
بس يلا مش مشلكة عديها المرة دي

من طرف KiKo الأحد ديسمبر 28, 2008 3:59 pm

يا معلم
و الله التليفون فاصل شحن و الشاحن مع بابا و هو مش موجود
مش عارف اتكلم

من طرف Dr_Nehad الأحد ديسمبر 28, 2008 4:01 pm

شكرا على الرد د.نبيه , د.alex .. وانا اصلا مش عايزة تعاون اكتر من كده .. انا عايزة اللي واقف يكون مريح نفسيا مش اكتر
عـامة الحــمـــد لله ومبروك للناس اللي خلصت ...
انا عشان اسمي بحرف ...N... همتحن آخر سكشن تقريبا قبل الماليزيين ..
ادعولنـــــــــــا بقى

من طرف hero الأحد ديسمبر 28, 2008 4:02 pm

يا عم كنز وعليها كيس شيبسى كمان بس يا ررررررررب التجربة تيجيلى سهلة لان فى بتاع 5تجارب مش مذاكرهم اوى

من طرف KiKo الأحد ديسمبر 28, 2008 4:02 pm

الحمد لله انك فلت يا نبيه و عقبالنا كلنااااااااااااااااااا
عملت ايه فى موضوع زميلتنا رضوى

من طرف Ahmed Nabeeh الأحد ديسمبر 28, 2008 4:05 pm

*...N...* كتب:شكرا على الرد د.نبيه , د.alex .. وانا اصلا مش عايزة تعاون اكتر من كده .. انا عايزة اللي واقف يكون مريح نفسيا مش اكتر
عـامة الحــمـــد لله ومبروك للناس اللي خلصت ...
انا عشان اسمي بحرف ...N... همتحن آخر سكشن تقريبا قبل الماليزيين ..
ادعولنـــــــــــا بقى

لا شكر على واجب ومن ناحية الراحه النفسيه فبجد والله الدكاتره طيبين وانا كنت بكلم الدكتور اللي مسئول عن اسنان وبقوله على اللي انا عملته قالي باللفظ : ياعم انا عاوزكم تجيبوا الدرجات وخلاص انتوا مش متخصصين
فمتقلقيش

من طرف Ahmed Nabeeh الأحد ديسمبر 28, 2008 4:07 pm

والدكتور
ده هو المشرف اللي هيصحح الوق اساسا

من طرف hero الأحد ديسمبر 28, 2008 4:12 pm

صحيح يا نبيه ايه اخر موضوع رضوى عرفت تقول للدكتور والف مبروك على الامتحان يا رب تك ن حليت حلو

من طرف Ahmed Nabeeh الأحد ديسمبر 28, 2008 4:16 pm

بص احنا رحنا للمشرف كلمناه بكل غباء قالنا ممكن تاجله للترم التاني لو هي مش عاوزه تمتحن
قام المتولي كلم جمعه الدمراوي قاله تيجي التلات وانا هخلي بالي منها
وانا كلمت الدكتور عماد اللي هو مسئول عن اعدادي اسنان قالي بس هي تيجي واحنا هنهتم بيها

من طرف KiKo الأحد ديسمبر 28, 2008 4:20 pm

خلاص كده حلو اوى بس مين اللى معندهوش دم اللى قال لك تأجله؟