مش عارف أنا عايز ايه !!زهقت من حياتي

من طرف den.M.H.ELkholy الجمعة يوليو 16, 2010 8:18 pm

السلام عليكم ورحمة الله وبركاتة
إخوانى

بدون الدخول فى مقدمة طويلة

كثيرا مننا يحاول إنه يتوب ولا فائدة

يحاول يصلى ولا فائدة
يحاول ويحاول ويحاول انه يعرف هو عاوز ايه ولا فائدة

وقد وجدت ان من أكبر الاسباب التى أدت لذلك هى فقدان الامل
نعم
فقدان الامل فى دخول الجنة

كلما سألنا شخص جنة ولا نار يقولك نار بطيارة

لا طيارة ايه دا بصاروخ

يعنى داخل داخل

يبقى ليه اتعب نفسى وليه وليه؟

وكل دا لإعتقاد الكثير ان الحسنات صعبة للغاية

وان السيئات سهلة للغاية

بس انا قررت ان اضع مشكلة بين ايدكم ونحاول نشوفها مع بعض

ونتناقش فيها

تريد ان تتغيرو تتقرب من الله و لكنك لا تعرف كيف

حاولت و لم تنجح و لا تعرف اسباب فشلك

طيب ايه رايك في الوصفه السحريه
امشي معايا خطوه خطوه و للاخر و ان شاءالله ربنا يسهل
اول مشكله:

((انت))
نعم انت نفسك مش عايز تتغير بجد , لازم تكره الذنب و الا مش هتقدر تتغير بجد

السؤال هنا هو كيف يمكنك ان تكره الذنب

هم حجتين:

اول حاجه: لازم تعرف ان الذنب هو سبب النكد و الهم و التعسير، و لازم تعرف انه ربنا بيطلع على الي في قلبك ،،،،،،طيب يرضيك انه ربنا يشوف الي بيكرهه

تاني حاجه: الدعاء"اللهم باعد بيني و بين خطاياي كما باعدت بين المشرق و المغرب ، اللهم نقني كما ينقى الثوب الابيض من الدنس ، اللهم اغسلني من خطاياي بالماء و الثلج و البرد "

اللهم امين

تاني مشكله:

تعلق القلب بالذنب

و بكده تفضل تجيب لنفسك مبررات ،،"اصل هعمل ايه" "الحياه كلها فتن" "مهو الناس كلها عايشة كده" "هي جت علي انا" وغيرها كثير ، و لكن من الكبائر انه الواحد يعمل ذنب و يستصغره و يستبسطه
بالمبررات عمرك مهتتغير ، الاعتراف ركن من اركان التوبة لان العبد ادا اعترف وتاب تاب الله عليه ، مش مطلوب منك غير قرار و بعده ثبات

ربنا يثبتنا جميعا ان شاءالله

ثالت مشكلة:

الفهم الخاطىء

"احنا تربينا كده" و المجتمع الي بينظر للدين على انه سجن و ان النجاح الوحيد هو شهاده و مستوى ثقافة و اسم بين الناس و للاسف متربناش انه اهم حاجة يكون ليك اسم عند ربنا

و الصراع بقى بين الدين و المجتمع

طيب شوفو بس تربيه النبي عليه الصلاه و السلام للصحابة ، دول كانوا بيعملو الموبقات و صارو برحمته من افضل المخلوقات

طبعا مننكرش الشهادة والمستوي الثقافي بس يسلام لوكان لخدمة الدين
طيب ازاي تقدر تحقق ده؟؟؟؟؟؟؟؟؟؟

1/عزلة شعورية:
زي ماكان بيت الارقم بن ابي الارقم كان زي الحضانة الايمانية للصحابة فلازم يكون عندك وقت معين تخلو فيه بالله عز و جل ،،،،، دعاء،،،،،،مناجاة........

2/العقيدة:

مش معناها تقرا كتاب عقيدة و انتهى لا،،،،،،، الموضوع لازم تعرف هو –عز و جل- مين و انت مين و عايش ليه

3/التزكية بالقران:

القران يهدب الروح و يقربك من الله اقرى قراان ده كلام ربنا مينفعش نهجره

4/فكر في هدفك:

الشيطان و لا ربنا ؟؟؟ الدنيا و لا الاخرة؟؟؟؟؟؟؟؟؟ الايمان و لا الكفر؟؟؟؟؟ الطاعة او المعصية؟؟؟؟؟؟؟؟الجنة و لا النار؟؟؟؟؟................

5/صحح نواياك:

لازم تعرف انك في قبرك هتسال: مين ربك؟؟؟ ما دينك؟؟؟؟ من نبيك؟؟؟؟

مش مين زوجتك و كم مرتبك؟؟؟؟؟؟

رابع مشكلة

الثقة بالله

للاسف ان اكثر الناس دلوقت معندهمش ثقه بربنا و معندهمش يقين’ يقين انه كل حاجه امرنا بيها ربنا هي الصح و هي الي في مصلحتنا و بانه هو ادري بمصلحتنا مننا

فالحل هو الرضا و اليقين بالله
هاهتـعمل كده ان شاءالله ؟؟؟؟؟؟؟؟

ها؟؟؟ هتشحن البرنامج ده و نبتدي؟؟ يلا مستني ايه
منقووووووووووول

من طرف dezner الجمعة يوليو 16, 2010 8:59 pm

جمييييييييييييييييييل جدا يا محمد

كلنا نبتدى يالا يا شباب

تسلم

جزاك الله الفردوس يا حبيبى

من طرف roma الجمعة يوليو 16, 2010 10:02 pm

توبيك جميل يامحمد
ميرسي عليه
ربنا يجازيك خير عليه

من طرف den.M.H.ELkholy السبت يوليو 17, 2010 2:29 am

شكرا حبيبي في الله ديزنر
وشكرا دكتورة روما
منورين الموضوع
وجزاكم الله الفردوس الأعلي من الجنة
ييااااااااااااااااااااارب كلنا نشحن البرنامج دة في قلوبنا وعقولنا وننفذة بجورحناو أركاننا

مش عارف أنا عايز ايه !!زهقت من حياتي

مش عارف أنا عايز ايه !!زهقت من حياتي

رد: مش عارف أنا عايز ايه !!زهقت من حياتي

رد: مش عارف أنا عايز ايه !!زهقت من حياتي

رد: مش عارف أنا عايز ايه !!زهقت من حياتي