طريقة الأكل وانتى خارجة مع خطيبك

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشوفيها بعد الجواز
المهم نصايحي ليكى عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا م البوز زي الخنجر ولا من فوق طبعًا


العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِى عايزه

3- الشوووربة
بند الشوربة ده مهم جدًاااا
أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزاكى تنسى تمامًاالسلطانية اللي بتقيميها على بوقك ف البيت وتدلدقي على روحك
بالمعلقه ومن غير صوت
سخنة ولعة برضو من غير صوت
وتسيبي تلت الطبق ع الأقل مش تميليه عشان تلهطيها لآخر نقطة


4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضو؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة دلوقتى

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوع هابطل أكل فيه

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك

وتخشي التواليت وتطلعي من شنطة إيديك
لفة الفول والطعمية اللي جايباها معاكي


منقووووووووووووووووووووووول

ههههههههههههههههههههههه

حلوه يا يمني تسلم ايديك

بس انتي سيحتلنا خالص كده

ههههههههههههههههههههههههه
عيش بطبيعتك أحسن
شكرا

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشوفيها بعد الجواز


علشان كده انا ناوي اتجوز على طول

هههههههههه

جامدة يا يمنى

انتى اكتر واحد عارفه اننا بنمشى على النصايح دى بحذفرها : *:

هههههههههههههههههه
ياااااااااعيال متسمعوش كلام يمنى
حتوديكوا في داهية

خليكي بطبيعتك مفيش احسن ن الفطرة

بالسنبة لسؤال الدكتور خالد
فمش شرط الله


بالعكش بنسمع العكس
بس دا مش مقياس

فيه بنات اكلهم عمد العدم بجد
عادي جدا

لا دى جامده بجد
ولسؤال دكتور خالد
انا اعرف ان الولاد المفروض ياكلو اكتر لانهم بيتحركو وبيروحو وبييجو اما البنات مبتعملش مجهود كتير واكيد اكلهم قليل

هههههههههههههههههههههههههههههههههههههههههه

لا جامدة بجد

حلوة اوى يا يمنى