خطيبك عزمك برة شوفى النصايح للاكل (ابوس ايدك ماتفضحينا)

أختي العزيزة لو ربنا فك عقدتك واتخطبتي

فإليك نصائحي حتى تأخذي بخطيبك من مركب الخطوبة إلى مثوااااه الأخير في قفص النسانيس..

قصدي قفص الزوجية السعيد!!


أجمل ما في الخطوبة العزومات الرومانسية على أحلى محلات أكل فى البلد

واللي عمرك ماهاتشويفها بعد الجواز

المهم نصائحي لك عند أي عزومة مع خطيبك


1- الشوكه والسكينة

الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق طبعًا

2- العيش

العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه

3- الشوووربة

بند الشوربة ده مهم جدًاااا
أبوس رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًاالسلطانية اللي بتقيميها على بقك ف البيت وتدلقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز

طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة

الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك

مشكلة..!!

شوفي...

بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني..

وبدل الفيلم الهندي ده..
نصيحة ماتكليش السمك خالص
قوليله مابحبش السمك وخلصي نفسك..

7- الجمبري

إذا كنتي عارفاه
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة دلوقتى

8- البطاطس

سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9- الفاكهة

لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- لما تخلصي

ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا قدامي أسبوع هابطل أكل فيه
وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت لإصلاح ماكياجك
وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــاء
:lol!: :lol!: :lol!:

ههههههههههههههههههههههههههههههه
ميرسي للنصيحه

بس مين قالك اننا دلوقتي مش بنعمل كده اصلا :lol: :lol: :lol:

فيما يخص إيه بالضبط يا دكتوره صمت سيف إتكلم على حاجات كتير ( متفهمنيش غلط) أنا بهزر .

هو فيه واحد اصلا عاد بيعزم خطيبته على حاجه دول هم البنات اللى بيعزموا ومتهيالى كمان النصايح دى بتكون للولاد اكتر هم اللى دايما بيعملوا الحركات دى 8) اوعى حد يفهمنى صح انا بهزر موضوع دمه خفيف

طبعاً البنات إلي لازم يعزموا مش الحكمه بتقول ( لادز فرست ) بعدين الحركات دي مرتبطه بالمكان غلي بيكلوا فيه ههههههههههههههههههههههههههههههه.

Dr_SoMa كتب:هو فيه واحد اصلا عاد بيعزم خطيبته على حاجه دول هم البنات اللى بيعزموا ومتهيالى كمان النصايح دى بتكون للولاد اكتر هم اللى دايما بيعملوا الحركات دى 8) اوعى حد يفهمنى صح انا بهزر موضوع دمه خفيف

أنا كنت هقول كده برضه يا دوك

بس موضوع حلو يا سيف

الله عليك يا ابو السيوف والله الموضوع ده جامد اخر حاجه

والواحد يريح نفسه ويجيبلها سندوتشين من عند البغل وتعمل الي هي عاوزاه بقى

هههههههههههههههههههههه
كريم انا اسمي ع فكره رنا

قصدي ان البنات من طبعها اصلا الرقه هههههههههههههه

الرقه في الاكل ولا التعامل ؟؟؟؟؟؟؟؟؟؟؟؟

ايه ده مالكم كده متحاملين على البنات كده ليه 00000
يعنى لو بتشوفوا حد مع خطيبته تلاقوا ان الولد بياكل اكتر من البنت

وصحيح البنات بدبها فى البيت بس ادام خطيبها بتبقى ايه هاى ليف خالص


ومتشكرررررررررررررررررررررين على النصائح وموضوع ظريف

هههههههههههههههههههههههههههههههههههههه

مرسي يا رنا على الملحوظه و عندك حق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

yamwde3ak ya sef

بلاش يا لورد جمله ( لو كنت كريم ) عشان متفهمش غلط !!!!!!!!!!!!!!!!!!!!

على فكرة انتم كدة بتسوقوا سمعتنا قدمهم



ياعم بدل ماتقول هبقى اعزمها على البغل قول هبقى اعزمها عند كوكدور يعنى انت خلاص هتعزمها بكرة

thanks for your comments

لا انا قاصد (كريم ) صفه وليس اسم


البغل هى مش هتحتاج للكلام ده كله فمش هتفضحنا اوى

هبقى اخد خطيبه المستقبل عند شعيشع اللى فوقك يا سيف واكلها شاورمه.

dr teeth كتب:هبقى اخد خطيبه المستقبل عند شعيشع اللى فوقك يا سيف واكلها شاورمه.

والله انا هسيب الموضوع كلة وازاى شعيشع فوقيا brush

اه صحيح شعيشع اللى تحتك