أغبياء ولكن ..... !!!!

من طرف president2030 الإثنين يونيو 21, 2010 10:54 am

أسئلة كثيرة تدور برأسى يوما بعد يوم لا أعرف هل المشكلة فى النظام ولا فى الكلية ولا فى اللائحة ولا فى الدكاترة ولا فيا أنا ؟؟!!!

الحمد لله أنا متأكد جدا إن المشكلة مش عندى

طيب فين المشكلة ؟!!!

أول ما دخلت الكلية..الحمد لله كل حد أكبر منى قالى الكلية صعبة ورخمة قوى..مع إن أنا مش جربت أصلا ؟؟ كتييييييييييييييييير أوى كل شوية يخنقونا و يزهقونا مع إن إحنا لسه مش عملنا حاجة ؟؟؟ طب ليه بيعملوا معانا كده ؟؟؟ هل دى العادة إن كل جيل بيسلم للى بعده و هكذا ؟؟؟ طيب لو فضلنا كده هيحصلنا ايه ؟ أكيد مش أكتر من اللى حصلنا !!! غباء

قالوا المواد صعبة و الدكاترة مقرفين و مش عارفين أو مش لاقيين وقت نذاكر ؟؟
طب ليه ؟؟ سيبونا نجرب و احنا اللى نحكم..بس إزاى كل واحد عامل ان هو الخبــييييييير فى كل حاجة مع إن هو أصلا مش فاهم حاجة !! ده أكيد غباء

يمكن النظام هو اللى عودنا على كده ؟!! قصدى نظام التعليم !! اتعودنا ان احنا نستنى كل حاجة و بعدين نذاكر فى النهاية ؟ اتعودنا على الحفظ و بس لدرجة ان احنا بقينا أكتر من حمير ( اسف على اللفظ ) ده أكيد غباء

نسينا ان احنا المفروض نعتمد على نفسنا و نساعد بعض ؟!! كل واحد بيدور على مصلحته و بس و دايما بينافق كل الناس علشان يستخف بعقولهم ؟؟ ده غباء

ليه اتخنقنا من كل حاجة و مش بقينا طايقين حد حتى نفسنا ؟؟؟ دايما مخنوقين و مكتئبين و بنستسلم مع أول طوبة تخبطنا مع إن الطوب لسه جاى كتير !!

ليه دايما لما حد بيضحك..بتكون الضحكة ( صفراااااا ) أوى بمعنى إنه أكيد مش فاهم أو بيحاول يفهم أو بيحاول يحسس نفسه إن هو فاهم ؟ مع إن بالعكس هو مش فاهم أى حاجة !!! أكيد ده غباء

يعنى ايه ؟؟؟ نستسلم أكتر و نموت و خلاص ؟؟؟ ايه يا عم الكلام ده ؟؟

أنا أقولك تعمل ايه ؟

دايما اسأل نفسك انت عايز ايه ؟ نفسك تكون ايه ؟ لما كنت صغير ايه كانت أحلامك ؟
فكر و لو لثانية..هتلاقى انك لو بدأت بنفسك هتخلى حياتك أحلى..

[b]مع الإختلاف : احنا دايما بنقول بكره هنذاكر..لأ هذاكر بعد المسلسل..بعد ايه ولا ايه ولا ايه !! احنا عاملين زى اللى مش بيصلى دايما بيقول يا رب اهدينى و أصلى مع إن هو مجربش حتى يدخل الجامع و يصلى...خد خطوة بجد و اعرف انت عايز ايه و ابدا تعمل كده فعلا و دايما قول يا رب ساعدنى أعمل حاجة لأهلى و لنفسى و لدينى...

انا هاتكلم عن تجربتى فى الكلية و المقرنة بين السنة اللى فاتت و السنة دى

انا السنة اللى فاتت كنت كويس جدا..كنت بذاكر بس مش كتير..كنت دايما فاهم من المحاضرات وكان تقريبا ناس كتيير بتاخد المحاضرات منى تذاكرها..
المهم كنت مقصر فى علاقتى مع ربنا و كنت دايما بحاول و كنت من جوايا عايز أعمل حاجة بس مش أخدت الخطوة و فضلت مستنى كتيييير !

حلمى من زمان أوى إنى أكون دكتور ناجح و فاهم ( و دى أهم حاجة إنى أكون فاهم) و إنى أتعين فى الكلية بس كانت المذاكرة أصغر من الحلم..و مع شوية غباء و ظلم أنا بعيد سنة اولى تانى السنة و انا الحمد لله مقتنع تماما ان ده خير..

يوم النتيجة حوالى الساعة 3 الفجر..اتصدمت بالنتيجة و بدأت بالبكاء و بعدين قولت لنفسى أكيد فى حاجة غلط..و اكتشفت أن انا كنت بسمع كلام من زمايلى بيقولوا لمواد صعبة و الكلية وحشة أوى و للاسف اتاثرت نفسيا و حصل ما كنت أخشاه..المهم قلت يا رب أنا قررت اكون انسان تانى كويس جدا و نزلت صليت الفجر و من يومها الحمد لله تحسنت العلاقة بينى و بين ربى..

لم التفت ثانية إلى كل المكتئبين واللى مالهومش فيها بجد..و ثقت فى نفسى و فى قدراتى و قبل ذلك فى ربى..ذاكرت كل حاجة فى المواد تانى و بإخلاص أكتر و قبل مابذاكر بافتكر الكلام اللى بيقولوه الأغبياء ( الماده صعبة و ياعم قضيها..احنا كنا ساقطين ساقطين ) و بعدها ابتسم لنفسى قائلا ( لن أستسلم أبدا..سأرد على كل المشككين فى قدراتى و فى كل الظالمين ) و الحمد لله كل امتحان بيكون اختبار بالنسبة لى.. و الحمد لله أنا أحسن كتييييير جدا عن زمان....

اللى أنا عايز أقوله :-

دور على مصلحتك لان مفيش حد هيدورلك عليها...

حاول دايما يكون عندك ثقه فى ربنا و فى نفسك..

لا تفكر أبدا فى كلام ( المتشائمين و الأغبياء ) فكر إزاى تذاكر كويس و بس..

لا داعى للاستسلام..فهناك دائما الوقت لكل شىء..فأرجوك لا تضيع هذا الوقت و هذه الفرصة لأنها لن تأتى ثانية..

حاول تكون هادى جدا و انت بتذاكر و من فضلك حب اللى انت بتذاكره..

لا تفكر أبدا فى الاستسلام..

انسى الكلية بمعنى الكلية حلوة ولا وحشة..مش مهم..الكلية مش هتستفيد لما انت تقعد او تنجح..دى مصلحتك و أرجوك فكر فيه..

اذا أردت الاستسلام.ففكر مليا فى أبويك..كم أنفقا من دمهما و عرقهما و حياتهما لكى يراكا دكتور كويس..

و فى النهاية

آسف على الإطالة و يارب تفكروا بجد ولو ثوانى فى الكلام ده...أعرف أن الموضوع متأخر قليلا و لكن لا بأس..هناك دائما وقت لمراجعة الحسابات...

ربنا معاكم كلكم

من طرف roma الإثنين يونيو 21, 2010 12:39 pm

هههههههههههه
انامش بضحك تريقه لاوالله انابضحك عشان الاسلوب عجبنى جدا
اولاتسلم علي الموضوع
ثانيا فعلاهو متاخر شويه
بس كلامك صح رغم انى مختلفه معاك في نقط كده بس يالامش وقته بقي
عشان اناعندى اكزام بكرة وانتو عندكو فمفيش وقت تناقشنى فيها وكده فيبقي بلاشهااحسن
بس اغبياء ولكن دى تقصد بيها الناس الى بتقولك ان الكليه وحشه وصعبه وكده
لو تقصد بيهاكده فيبقي العيب منك انت
بس كلامك معظمه صح ونصايحك حلوة بجد واناهاخد بيها وهقوم ازاكر كمان
وربنامعاكو وان شاء الله تحل كويس في امتحان النهارده وترجعو كلكو مبسوطين فيه
تسلم يادوكتور :bravo*:

تقبل مرورى

من طرف Den.emoOo الإثنين يونيو 21, 2010 4:47 pm

جميل جدا اسلوب حضرتك

وكلام حضرتك صح ..بس للاسف احنا اتعودنا على كدا يمكن علشان احنا عاوزين نصد الكلام دا

لانه بيكون زى الشماعه اللى بنعلق عليها اخطائنا وان العيب مش فينا لا دا فى النظام (انا من رايى ان العيب فى الاتنين )

شكرا جدا على الموضوع وربنا يوفقك ويوفقنا جميعا ان شاء الله

تقبل مرورى

من طرف dezner الإثنين يونيو 21, 2010 4:56 pm

شكرا لحضرتك يا دكتور

والله لسه متكلم فى الموضوع ده مع واحد صاحبى

العيب مش فينا يا دكتور وان كنا مقصرين فعلا لكن مش كل العيب فينا

العيب فى نظام التعليم واللائحة وعدم المسؤلية من واضعى الامتحانات واختيار الجدول بل والوقت كمان

ايه الصح فى جدولنا؟؟؟؟؟

ايه الصح فى لايحة تقولك ان مفيش ترم وتاخد المادة كدا فحت وردم زى ما بيقولوا؟؟؟

ايه الصح فى كمية الحفظ دى وعدم التفكير فى المعلومة؟؟؟؟

النظام كله غلط للأسف والتعليم جزء بسيط من منظومة الدولة

شكرا لحضرتك

من طرف dezner الإثنين يونيو 21, 2010 6:08 pm

الجزء الأخير جميل جدا يا دكتور على فكرة

من طرف 7alimoo الإثنين يونيو 21, 2010 6:12 pm

president 2030 !!!! yb2a hwa s3oody mafish 3'ero :D :D
mowdo3 gamed ya kbeer
teslam

من طرف dezner الإثنين يونيو 21, 2010 6:14 pm

والله انا قلت كده يا حليم وبعتله رسالة عشان أعرف اذا كان هو ولا لا بس ماردش

بس ده اسلوبه انا مش تايه عنه

بس برضه دكتور كبير

ههههههههههههههههه

من طرف dr teeth الإثنين يونيو 21, 2010 8:36 pm

أحلى كلام و الله
بس على فكرة انا من المتشائمين الاغبياء دول شوفت الصراحة

بس هحاول اتغير ان شاء الله ..

و بالنسبة لكليتنا السهلة
انت عرفت العيال بتوع تانية مروحين من الشفوى امبارح الساعة كام ؟؟!!
هههههههههههههههههههههههههههههههههههههههههههه
لو عرفت ماكنتش عملت الموضوع ده
ع العموم مروحين الساعة 2 بعد نص الليل من الكلية :D :D
شوفت الهنــــــــــــــــــــا ..

من طرف جميلة الإثنين يونيو 21, 2010 10:04 pm

موضوع حلو اوي اوي بجد يا دكتور

بس عايزه اقول لحضرتك علي حاجه

ياريتك عملته بدري شويه عن كده

من طرف بقايا إنسانه الإثنين يونيو 21, 2010 11:03 pm

اسلوب رائع بمعنى رااااااائع
ربنا يكرمك يارب
عمرماكان فيه مستحيل قدام عزيمة واصرار
الواحد عرف ده متاخر
بس صدقا كلام حضرتك بث امل كبير بجد
ثقتي في ربنا كبيرة جدا
الحمد لله
الاكتئاب مات بجد حااان وقت العمل باذن الله
ربنا يوفقنا كلنااااا يااااارب

الناس نوعين!
نوع بيشدك من الغرق

ونوع تاني هدفه يغرقك ويدمرك

وربنا بجازي كل واحد على نيته

ربنا يكرمك والله

من طرف Dr:Hesham الثلاثاء يونيو 22, 2010 8:06 am

اكيد انت احمد سعودى مش صح
معلم طول عمرك والله يا احمد
كلامك جميل
بس هو ايوه النظام وكل حاجة والمناهج ودا النسبة الاعلى للحال اللى الواحد فيه بس برده فى نسبة ولو صغيرة من ناحيتنا

من طرف president2030 الثلاثاء يونيو 22, 2010 11:27 am

Roma :- مع حفظ اللقب

اولا آسف على التأخير بس بجد والله أنا مش دخلت المنتدى إلا من أسبوع بس مع إنى كان نفسى أدخل من زمان

و أنا لما كنت بشوف ناس من الدفعة الجديدة كنت بقول الكلام ده ليهم بس للاسف كان العدد مش كتير و كان نفسى أوصل للكل

أغبياء و لكن !!!
أقصد بيها كل حلجة فى حياتنا تدعو إلى السلبية و الامبالاة و تدفعنا أحيانا إلى الغباء و منها بعض الأسباب اللى انا كتبتها...
و لم أقصد الناس اللى بيتقول الكلية صعبة أو وحشة لأن انا متأكد إنهم مظلومين بس للاسف فقدوا الأمل ( فاقد الشىء لا يعطيه ) هما المفروض يسكتوا بس بالعكس هما بينشروا يأسهم إلى غيرهم ودى كارثة كبيرة...

الحمد لله إن أنا قدرت أعمل حاجة و لو بسيطة...بس آسف مرة تانية على التأخير

ربنا معاكم كلكم ....

من طرف president2030 الثلاثاء يونيو 22, 2010 11:31 am

Den.emoOo

متشكر بس انا مش كاتب الموضوع ده علشان تشكرونى بس علشان تحاولوا تستفيدوا منه بجد و تعملوا حاجة السنة دى..

أكيد فى مسئولية علينا و مسئولية اكبر على النظام..بس النظام ده مش قرآن ...يعنى هيتغير هيتغير و إن شاء الله قريبا جداااااااااا

ربنا معاكى

من طرف president2030 الثلاثاء يونيو 22, 2010 11:37 am

dezner

بالنسبة للجدول ..أكيد انت مش يتدرس طول السنة و بتضيع وقت و مستنى فى النهاية الجدول !!
ايام الامتحانات بتكون للمراجعة و بس مش للمذاكرة..على اى حال..ابدا من النهاردة حاول تعمل حاجة بجد لنفسك و لأهلك و لدينك و إن شاء الله ربنا معاك..

الايحة دى مش قرآن و إن شاء الله هتتغير قريبا جدا...

و على فكرة انا مش وصلنى اى رسايل منك..

بس أكيد إنت عارف أنا مين...أهم حاجة بجد إنك تستفيد من النصايح دى و تجتهد و تخلص فى العمل و إن شاء الله ربنا هيكرمك...بالتوفيق دائما

من طرف president2030 الثلاثاء يونيو 22, 2010 11:39 am

7alimoo

thanks ya 7alim...w aywa ya seedy ana S3oodi :D :D

:goodluck*:

من طرف president2030 الثلاثاء يونيو 22, 2010 11:43 am

dr teeth

متشكر يا 6767 هههههههههههههه

آسف إن انا قولت كده..بس بجد و الله إنت للأسف سمعت كلام من الناس المتشائمين من غير ما تحاول تشوف حتى ايه المكتوب فى الكتب دى...بس انا متأكد الحمد لله إن إنت أحسن كتييييييييييير دلوقتى...ربنا معاك

للاسف عرفت...ما انا قولت ( أغبياء ولكن !!! )

ربنا معاك يا dr teeth

من طرف president2030 الثلاثاء يونيو 22, 2010 11:47 am

جميلة

آسف على الـتأخير بس انا متأكد إن لسه فى وقت كل واحد يراجع نفسه و يعرف هو عايز ايه...
لسه فى امل ...اليأس ليس من كلماتى و لن يكون ابدا..

اعتمدى على ربنا و حاولى تعملى حاجة بس بإخلاص و شيلى أى حاجة تانية من دماغك و فكرى فى مصلحتك و بس...

ربنا معاكى

من طرف president2030 الثلاثاء يونيو 22, 2010 11:50 am

بقايا إنسانه

الحمد لله ..شكرا جزيلا

لسه فى وقت بس بجد لازم كل واحد يخلص فى العمل و يجتهد و ربنا دايما موجود

ربنا معاكى و مع كل المجتهدين....

من طرف president2030 الثلاثاء يونيو 22, 2010 11:52 am

Dr:Hesham

أيوه انا أحمد سعودى يا سيدى...

ربنا يخليك..

انسى كل الكلام ده ( الايحة والنظام و الإستسلام ) و فكر فى نفسك دلوقتى و ربنا معاك...

( لا يأس مع الحياة...و لا حياة مع اليأس )

بالتوفيق دائما

من طرف نوره الثلاثاء يونيو 22, 2010 12:01 pm

من طرف dezner الثلاثاء يونيو 22, 2010 7:46 pm

president2030 كتب:dezner

بالنسبة للجدول ..أكيد انت مش يتدرس طول السنة و بتضيع وقت و مستنى فى النهاية الجدول !!
ايام الامتحانات بتكون للمراجعة و بس مش للمذاكرة..على اى حال..ابدا من النهاردة حاول تعمل حاجة بجد لنفسك و لأهلك و لدينك و إن شاء الله ربنا معاك..

الايحة دى مش قرآن و إن شاء الله هتتغير قريبا جدا...

و على فكرة انا مش وصلنى اى رسايل منك..

بس أكيد إنت عارف أنا مين...أهم حاجة بجد إنك تستفيد من النصايح دى و تجتهد و تخلص فى العمل و إن شاء الله ربنا هيكرمك...بالتوفيق دائما

طب انت عارف انا مييين بئا ؟؟؟؟؟؟؟؟؟؟؟؟؟؟

من طرف جميلة الثلاثاء يونيو 22, 2010 9:29 pm

president2030 كتب:
جميلة

آسف على الـتأخير بس انا متأكد إن لسه فى وقت كل واحد يراجع نفسه و يعرف هو عايز ايه...
لسه فى امل ...اليأس ليس من كلماتى و لن يكون ابدا..

اعتمدى على ربنا و حاولى تعملى حاجة بس بإخلاص و شيلى أى حاجة تانية من دماغك و فكرى فى مصلحتك و بس...

ربنا معاكى

بجد يا دكتور انا مش قصدي اي عنف في كلامي و لا انا كمان ليا في الياس و لا الاستسلام و لا بحب اتكلم عنهم و لا استخدم الكلمات اللي من النوع ده اصلا

بس يمكن في جزء من الخوف او ........اي ان كان المسمي بس ده جزء من الطبيعه البشريه

بس فعلا انا بجد اتاترت فعلا و انا بقرا الموضوع و نصايحك جات في الجون يعني هههههههه

ميرسي كمان مره ربنا يكرمك يارب

من طرف Ahmed Mounir الثلاثاء يونيو 22, 2010 10:58 pm

شكرا يا دكتور عالكلام الجميل دا

بس والله والواحد يعنى مقصرش بس زيه زى اللى مذكرش

ياترى بقا العيب فى مين؟؟؟؟؟؟؟؟؟

سؤال يطرح نفسه :notfair*:

من طرف roma الأربعاء يونيو 23, 2010 12:29 am

president2030 كتب:Roma :- مع حفظ اللقب

اولا آسف على التأخير بس بجد والله أنا مش دخلت المنتدى إلا من أسبوع بس مع إنى كان نفسى أدخل من زمان

و أنا لما كنت بشوف ناس من الدفعة الجديدة كنت بقول الكلام ده ليهم بس للاسف كان العدد مش كتير و كان نفسى أوصل للكل

أغبياء و لكن !!!
أقصد بيها كل حلجة فى حياتنا تدعو إلى السلبية و الامبالاة و تدفعنا أحيانا إلى الغباء و منها بعض الأسباب اللى انا كتبتها...
و لم أقصد الناس اللى بيتقول الكلية صعبة أو وحشة لأن انا متأكد إنهم مظلومين بس للاسف فقدوا الأمل ( فاقد الشىء لا يعطيه ) هما المفروض يسكتوا بس بالعكس هما بينشروا يأسهم إلى غيرهم ودى كارثة كبيرة...

الحمد لله إن أنا قدرت أعمل حاجة و لو بسيطة...بس آسف مرة تانية على التأخير

ربنا معاكم كلكم ....

مع حفظ اللقب
لقب ايه؟هههههههه
انامبحبش الالقاب خالص ومبحبش كلمه حضرتك اساسا

وكمان انامقصدش انك غلطان انك اتاخرت لا انااقصد ان الوقت اتاخر لان خلاص معدتش غير كام اكزام وخلاص يعنى النصايح دى مش هتفيد الابعدين
وبعدين النقطه الى انامختلفه معاك فيها
انك قلت اغبياء علي الى قالو انافاهمه قصدك بس الغباء مننا احنا اننا نصدق كلامهم من غير تجربه فدا غباء اننا نخاف ونياس من غير منفتح الكتاب فده غباء
سورى يعنى مهو متقوليش ان واحد مبيفتحش كتاب خالص ولابيزاكر وواحد جه قاله الماده صعبه وهنشيلهاهنشيلها متزاكرش ياعم بلا وجع قلب ماحنا كده كده هنعيد
وهو يسمع الكلام وينفز فيبقي ده غباء من الى قال بس لا هو الغباء من الكل
وبرده حتت انه من النظام والجدول والدراسه والى بيقولو والى بيسمعوا ده كله مش كافي
طب مهو النظام موجود من سنين الى نجحوا قبلنا كانو عبقرا بقي علي كده
والجدول هو هواه بصعبيوته ورزالته وبينجحوا وبيجيبوا تقديرات برده
والدراسه نفس المعيدين ولو اتغيروا ففيه الوحش وفيه الحلو في الى يحببك في الماده وفيه الى يكرهك فيها ويخليك تلعن اليوم الى فكرت تدخل فيه كليه صح

بص يادكتور العيب كمان مش في الى بيقولو ولافينا الى بنسمع لا الى عايز يزاكر هيزاكر والى عايز يفهم هيفهم
اناشايفه ان الغباء في الظروف الى حوالينا وفينا برده بس عشان احنا الى مقصرين
طب بزمتك ينفع ناس زينا قعدت طول السنه مبتبصش في الكتاب ولماالامتحانات جات جريت عشان تعرف هو بيتكلم عن ايه وفتحته وملقتش نفسهافاهمه وعايزين نعدى بس ههههههههههههههههه
دا يرضي مين ؟

سورى يادكتور احمد طولت عليك
بس دا رايي الى قلتلك مفيش وقت اناقشك فيه عشان امتحانى بس الحمد لله امتحنت عقبال الجاى ان شاء الله
يارب يكون عندك طولت بال تقري الى كتبته
ميرسي يادوكتور احمدوتسلم عالتوبيك كمان مرة شكرا
:smile*:

من طرف dr_khaled الأربعاء يونيو 23, 2010 3:38 am

7abeby thnx awiiiii 3al topic
w mnwr el montada wallahy
w bgd I miss u :D

أغبياء ولكن ..... !!!!

أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!

رد: أغبياء ولكن ..... !!!!