سر كلمه Ladies First النساء اولا

من طرف انوار الجمعة فبراير 26, 2010 10:09 pm

** Ladies First **

دائمًا تتردد هذه العبارة الشهيرة النساء أولاً على ألسنتنا ، وخاصة الرجال عندما يقدمون النساء لدخول أي مكان أو فعل أي شيء آخر ، مما يدخل السرور في قلب المرأة أو الفتاة ، لأن الطرف الآخر أظهر لها نوعًا من الاحترام والتقدير ، ولكن دعونا نتعرف على قصة هذه العبارة الشهيرة ونقف على أحداثها سويًا :

هذه العبارة لها قصة عجيبة حدثت في إيطاليا في القرن الثامن عشر ميلادي ، ومفادها أنه كان هناك شاب من إحدى الأسر الغنية ، وفي إحدى مقاطعات إيطاليا وقع في حب فتاة من أسرة أقل منه في المستوى المعيشي والطبقات التي ينتمون إليها ، هنا اتفق الاثنان على الزواج ، ولكن الشاب لقي معارضة من قبل أسرته ، والتي اضطرت لتهديده بعدم مباركة هذا الزواج ، كبرت الضغوط على الشاب وكذلك على الفتاة ، وقررا أن لا يفرقهما إلا الموت ، وبالفعل بعد أن كثرت الضغوط خافا أن يفترقا ، وقررا الانتحار وتوجها معًا إلى صخرة عالية جدًا ومطلة على البحر ، عندها قررت الفتاة القفز أولاً ولكن الشاب منعها من القفز بحجة أنه لا يستطيع أن يراها تموت أمامه ، واتفقا بعدها على أن يقفز الشاب أولاً ، وبالفعل قفز الشاب وسقط ومات ، ولكن ******** عندما رأت الفتاة هذا المنظر غيرت رأيها ، وغدرت بالشاب وعدلت عن مرافقته في رحلة الموت هذه ، وبعدها ورجعت إلى قريتها ، وتزوجت شخصًًا أخر من طبقتها ، وخانت حبيبها الذي ضحى بنفسه من أجلها ، وعندما علم أهل القرية بذلك قرروا أن تكون النساء أول من يقمن بالأعمال وأن يتم تقديمهن في كل الأشياء حتى يكُن أول الفاعلات ******** حينها ظهرت مقولة النساء أولاً
**Ladies First

من طرف Busicat الجمعة فبراير 26, 2010 10:56 pm

ياااااااااااااااااااااااااااااااااااااااااااااااااخبر
يعنى سابته ينتحر
عشانها
وراحت كمان اتجوزت
الدنيا دى فيها حاجات غريبة

عشان كده لدس فرست
ذاااااااااااااااااااااااااااااايس
ثاااااااااااااااااااااااااااااااااااااااااانكس

من طرف انوار الجمعة فبراير 26, 2010 11:06 pm

شكرا على مرورك الطيب

من طرف Mohamed elsayd الجمعة فبراير 26, 2010 11:26 pm

w msh mksofeen mn nfsoko :D
Topic gameel

من طرف Busicat الجمعة فبراير 26, 2010 11:32 pm

هنكسف من ايه يعنى
عشان واحدة خانت اللى بيحبها
شوف انت كام ولد خان حبيبته
بلاش حبيبته زوج خان زوجته
كتير جدا جدا جدا نسبة الخيانة
عند الاولاد اكتر بكتير من عند البنات

من طرف انوار الجمعة فبراير 26, 2010 11:42 pm

انا برده قلت اسيب الرد لحد فصيح و يعرف يرد و شكرا ليكى

من طرف dezner السبت فبراير 27, 2010 1:06 am

بئا هو دا أصل الكلمة

شكرا يا دوك

من طرف Hancock الخميس أبريل 01, 2010 3:03 pm

شكرا يا دكتورة على المعلومة

من طرف ???? الخميس أبريل 01, 2010 6:02 pm

Busicat كتب:هنكسف من ايه يعنى
عشان واحدة خانت اللى بيحبها
شوف انت كام ولد خان حبيبته
بلاش حبيبته زوج خان زوجته
كتير جدا جدا جدا نسبة الخيانة
عند الاولاد اكتر بكتير من عند البنات

اولا شكرا ع المعلومه يا دوك
ثانيا مش معنى كدا ان الرجاله شياطين والستات هما اللى ملاك
زى مالخيانه موجوده فى الرجاله موجوده فى الستات
ويارب يجي اليوم اللى ماتكون فيه الخيانه موجوده لا فى الرجاله ولا الستات ...وشكرا

من طرف Busicat الخميس أبريل 01, 2010 8:22 pm

ma7allawy كتب:Busicat كتب:هنكسف من ايه يعنى
عشان واحدة خانت اللى بيحبها
شوف انت كام ولد خان حبيبته
بلاش حبيبته زوج خان زوجته
كتير جدا جدا جدا نسبة الخيانة
عند الاولاد اكتر بكتير من عند البنات

اولا شكرا ع المعلومه يا دوك
ثانيا مش معنى كدا ان الرجاله شياطين والستات هما اللى ملاك
زى مالخيانه موجوده فى الرجاله موجوده فى الستات
ويارب يجي اليوم اللى ماتكون فيه الخيانه موجوده لا فى الرجاله ولا الستات ...وشكرا

انا مقولتش كده
بس برضه نسبة الخيانة عند الرجالة اكتر

من طرف Hancock السبت أبريل 03, 2010 9:09 am

هو مش نسبة الخيانة عند الرجالة أكتر
بس فيه حاجات ممكن الراجل يعملها و الست تسميها خيانة و هى مش خيانة
يعنى مثلا لو واحد اتجوز واحدة تانية مراته تقوله انت خاين
مع انه معملش أكتر من حقه

من طرف roma السبت أبريل 03, 2010 9:13 am

ههههههههههههههههههههههه
هو ده اصل الكلمه
ياااااااااااااااااااااه ونعم النداله
بس انا لو مكانها كنت هعمل كده
هههههههههههه
بس الخيانه موجوده عند الستات والرجاله
واحنا مش ملايكه بس انتو كمان مش ملايكه وكمان نسبه الافعال الوحشه والافكار الوحشه عندكو اكتر من عندنا
وسيبك بقي من المقولات الى بتقولك الشيطان تلميز المراة والكلام الفارغ ده لان اكيد الى طلعه راجل
ودااكبر اثبات ليك ان تفكيركو وحش
طبعا مش كلكو لكن معظمكو
تسلمى ياانوار علي التوبيك

من طرف roma السبت أبريل 03, 2010 9:16 am

لاسورى يامحمود
حقه ده يبقي لازم يكون بسبب
انها تكون مش مهتميه بيه او مش بتخلف او مقصرة في اى حاجه
لكن مش يروح يتجوز عليها لمجرد انه لاقي واحده حلوة وعجبته
دااحتى لو كانت مقصرة ولامش مهتميه المفروض يقولها مرة واتنين وتلاته ويحاول يغيرها ويرجعها زى الاول
ولو مستجابتش يبقي يروح يتجوز وسعتها يبقي عمل الى عليه
لكن مش من الباب والطاق كده يروح يتجوز
واه سعتها بقي بتبقي خيانه عشان محدش يرضي علي نفسه ان حد تانى يقاسمه في جوزه وفي شريك حياته وابو ولاده

تقبل رايي

من طرف Hancock السبت أبريل 03, 2010 9:41 am

لا معلش دى فيه حاجات مفيهاش اختلاف
ده حق من حقوقه و الله الراجل لقاها حلوة و كويسه
أكيد مش هيغضب ربنا و هو كده معملش حاجة غلط ده جواز اسمه على سنة الله و رسوله
و بعدين معلش ده لو قعد 100 سنة يصلح ف مراته و متصلحتش وراح اتجوز هتقول انها خيانه برضه
و مش معنى كده انى بقول للرجالة يرووا يتجوزوا على مراتتهم
بس طالما هيقدر يعدل بينهم حتى لو اتجوز 4 و مدى لكل واحدة حقها يبقى معملش حاجة تغضب ربنا
و طالما ربنا اللى أذنله بكده يبقى محدش يقدر يقول مش من حقه

من طرف roma السبت أبريل 03, 2010 9:54 am

بس ربنا قالك لازم يكون فيه سبب عشان يتجوز عليها
صح ولااناغلطانه
وبعدين انت لماتقعد معاها وتفهمها بالراحه انهااتغيرت عن الاول وانك مضايق من كده
وانك نفسك ترجع زى الاول عشان حياتكو ترجع ليهااشراقها من تانى في واحده مش هتتاثر بالكلام ده بزمتك
ماعتقدش
بس انتو بقي مش بتعملو كده
انتو بتلاقونوانشغلنا بتربيه الولاد والشغل والبيت وغيرة وطول النهار الست بتبقي مهدود حيلها في الشغل ولماحضراتكو ترجعو عايزين كل حاجه تبقي تمام يعنى الاكل جاهز والبيت متنظف وهى زى القمر وعلي سنجه 10 زى مبيقولو لو اى حاجه من دى نقصت بتبقي مصيبه سوده ومن غير متقدرو ولا تعزرو
وفي الاخر تقولو لا انا مش مرتاح
انا هروح ادور علي واحده ارتاح معاها وتروحو تتجوزو بزمتك دا العدل الى بتتكلم عليه هو ده شرع ربنا الى عايز تنفزة
لكن احنا بيتشخط فينا وبنصبر
سعات مش بيتحس بينا وبنصبر
شايلين كل حاجه علي دماغنا وبنصبر
مش بعيد راجل يضرب مراته وبرده بتصبر

كل ده وفي الاخر كمان الستات هى الى طلعت خاينه انت تقبل ان جوز اختك يتجوز عليها دالو عمل كده رغم انه حقه زى ماانت بتقول مش بعيد تموته عشان عمل كده في اختك
وبعدين ربنا بيقولك انم الزوجه الاولانيه لازم تكون عارفه ان جوزها هيتجوز عليها
انتو بقي بتعملو كده بتقولو احنا راحين نتجوز ولابنعرف بعد الجواز ب6 او 7 سنين تفتكر ايه احساس الست لو اكتشفت كده
صدقنى محدش يقدر يستحمل الى انت بتقول عليه ده انا عن نفسي لاااااااااااااااااااااا

من طرف Hancock السبت أبريل 03, 2010 10:09 am

اللى أنا بتكلم عليه انها لازم كده كده هتعرف انه اتجوز امال هيعدل ازاى ؟؟
يعنى هيبات نص الاسبوع برة البيت طول عمره ازاى
و بعدين أنا اتكلمت عموما ان ده حق لأى نوع من الناس انما انتى جبتى نوع واحد بس من الرجالة
و مذكرتيش ولا نوع كويس
و كده كده مافيش ست تحب ان جوزها يبقالها فيه شريك زى مانتى قلتى
اذا كان امهاتنا امهات المؤمنين كانوا بيغيروا على الرسول عليه الصلاة و السلام أينعم هى مش الغيرة اللى بتحصل اليومين دول
بس كان فيه غيرة
بس ده لا يمنع انه حق الرجل أولا و أخيرا و فيه أسباب تانية غير الحاجات اللى حضرتك ذكرتيها
ممكن بسببها الرجل يتجوز على مراته مع عدله بينهم طبعا
بس الأسباب دى المرأة مبقتش بتشوفها كافية لأنها طبعا تحب تطبق مبدأ أنا الأولى و الأخيرة أو ينا يا هى
و مش كل الستات كده طبعا

من طرف roma السبت أبريل 03, 2010 10:33 am

حضرتك ؟؟؟؟
اوكى

بس حضرتك بقي مقلتش كده من الاول
انت كلامك دلوقتى مظبوط بس انابقلك ان نسبه الخيانه دى عندكو اكتر من عندنا لان مجرد انك تبص لواحده غير مراتك دى خيانه مجرد انك شفت واحده حلوة وعجبتك وفكرت فيها مرة دى خيانه ومش عايزة اقولك معنى تانى اوحش من خيانه دى وهى فعلا الكلمه الى المفروض تتقال
واظن بقي ان كل الرجاله دلوقت بتعمل كده حتى لو مبسوط مع مراته
طب ليه كده يعنى ليه كل واحد فيكو ميحاولش يسعد نفسه ومراته من غير ميجرح مشاعرها او يبهدلها معاه
اناطبعا مش بعمم بس بقولك ان المعظم كده

من طرف Hancock السبت أبريل 03, 2010 10:50 am

حضرتك ؟؟
انتى زعلتى من حضرتك ولا ايه ؟؟
أهو هو ده بقى اللى بتكلم فيه
مش كل الناس
و على فكرة مش معظمهم زى ماقلتى
وكل الأنواع دلوقتى موجودة فيه اللى بيبص لكل ست و فيه اللى نص نص
و فيه اللى مش بيبص غير لمراته
لأ و فيه اللى مش بيبص لمراته نفسها :D

المهم ان كله موجود و حتى لو زى ما ... حضرتك شايفه ان المعظم كده يبقى ليكى دور ان شاء الله انك تقومى جوزك
و تعلمى أولادك و هكذا يصلح المجتمع و يعم الرخاء و تتقدم البلاد :D
هههههههه
و على فكرة أنا حضرتك بتطلع منى كده لوحدها عشان مبعرفش أتكلم فى موضوع يكون بجد من غير
حضرتك

من طرف roma السبت أبريل 03, 2010 11:20 am

بس اناقلتلك قبل كده متقلش حضرتك دى
لانى بضايق من تلات كلمات
حضرتك ويابنتى وياجميل واى حد بيقولى حاجه منهم بقوله متقلش كده تانى عشان بضايق
وانت بتقول حضرتك برده بعد مقلت روما وسماح عموما ماشي خلاص انا مش هزعل مدام بتطلع غصب عنك زى مبتقول

وانابتكلم علي الستات والرجاله الidealيعنى الى المفروض يعملوة
واناان شاء الله هبقي كده زى مانت قلت هقوم جوزى وهعلم ولادى وهقوله برده لو شايف اى حاجه فيااتغيرت عن الاول قولى وعرفنى متسبنيش كده واناهرجع زى الاول واحسن يعنى كله هيبقي مبنى علي اتفاقتنامع بعض من الاول ودااحسن برده وعموما دا بيتوقف علي زكاء الست وفهمها لجوزها من الاول
بالنسبه لرجاله بقي فاكيد ليكو دور برده مش كله علي الست وكده

من طرف نوره الإثنين يوليو 05, 2010 5:40 pm

حلو الموضوع يا نيرم بس شرعا المقولة دى انا سمعت انها فيها شىء من الحرمانية لان المفروض الرجل اللى يتقدم المراة وليس العكس ان بتكلم مثلا فى المشى فى طلوع السلم يعنى .بس العكس للاسف دلوقتى هو اللى بيحصل.

من طرف dr_khaled الثلاثاء يوليو 06, 2010 11:09 pm

هههههههه
جامدة
تقريبا سمعت حكاية الانتحار دي
بس معرفش ان ليها علاقة ب ladies first
أنا في واحد صاحبي دايما مختلف معاه بالنسبة للموضوع ده
أنا مؤيد وهو معارض

المهم شكرا ع التوبيك