رد: كرسي الاعتراف

من طرف جاسوس من تجارة الخميس مارس 25, 2010 1:59 am

بقايا إنسانه كتب:ليك اصدقاء في كلية حضرتك؟؟
ماهو انا مش عارف ماذا تعني كلمة الصداقة بالنسبة ليكي

مفهوم الصداقة المفهوم التاني بالنسبة لاي حد مش ليا انا بس

انما اصدقاء اني استامنهم علي اسراري واحكلهم كل حاجه وان انا وهما واحد زي ما بسمع في الافلام

لا مش في الافلام بس في الحقيقة كمان والله
موجود وكتيييييير كمان
ربنا يرزقك الرفقة الصالحة
اللهم امين

فانا عمري ما قبلت حد يكون جدير بالثقة دي

مافيش والله انعدموا من الدنيا ان كان ليهم وجود اصلا غير في الروايات

ايه برايك حدود العلاقة بين الزمايل من الجنسين؟؟

انا لا اعارض الصداقة والزمالة طالما بحدود الادب واحترام النفس قبل احترام الغير

[b]مممممممم لا تعارض الصداقة
المشكلة عندي ان علامة التعجب مش بتتكتب
عموما انا في الحاليتن مش بايد ده

فيه ناس بتفهم معني الصداقة وتقول انها غلط
ويقولوا ان كلمة زميلة كويسة بس صديقة لا
طيب نفترض لو البنت تبقي جارتي او في كلية غير كليتي اقول عليها ايه؟؟؟
بس انا شايف والله ان لو الاحترام سائد بين الطرفين ان كدا مافيش غلط

ايه اكتر حلم نفسك تحققه؟؟

اني اكون دكتور في الكلية
او اخد الزمالة الامريكية cma

ربنا يكرمك وتحقق الي نفس حضرتك فيه يارب

ايه احلام حضرتك؟؟

اني افرح ماما وبابا واعرفهم ان تعبهم معايا ما رحش علي الفاضي
واني اتزوج زوجة صالحة وتكون جميلة وتحبني
واغير حاجات كتير جدا في كلية تجارة انا شايفها مش كويسة

ربنا يكرمك باللي نفسك فيه يارب

امين يارب ويكرم حضرتك يارب

اكتر مكان نفسك تسافره؟؟

الامارات او بريطنيا او الكويت

انا برضو نفسي اسافر الامارات جدا من كتر سماعي من اختي عنها

اختي بردك كانت شغاله في الامارات وكانت مصورة صور رووووووووووووعه هناك

امتى تتقبل النصيحة وامتى لا؟؟
معتش بقبلها من حد قريب مني في السن علي الرغم كنت زمان بقبلها من ناس اصغر مني
طالما شايفهم ملتزمين بس للاسف كله طلع نفاق في نفاق ومربين لحيتهم عشان يتظاهروا بيها ودي كانت اول صدمات حياتي

مممممممم

الالتزام مش بالمظهر الخارجي بس اصلنا بنربط الالتزام بلحية او نقاب او غيره
مممممممم

بس ربما اللي بتتكلم عنهم دول بقوا كويسين وتابوا
وعرفوا غلطهم ايه
يعني انا مثلا بعمل حاجات غلط احيانا
بعدين بفوق بكتب هنا وانبهكم منها
ممكن ارجع لغلطي تاني
وانا كنت كاتبة هنا ان ده غلط
وبعدين بفوق تاني وهكذا

معنى كدا ان دا نفاق؟؟

اكيد لا
بس لما انصح حضرتك بحاجه وانا في نفس لحظه النصح بفعل الغلط دا ابقي كدا منافق
يعني مثلا اقولك الاغاني حرام وانا حاطط السماعات في ودني وبسمع اغاني
او اقول للشباب الكلام مع البنات حرام وانا مقضيها شات وتليفونات
يبقي كدا اكيد منافق
]

اكتر شخصية ممكن تجذب حضرتك او ايه اكتر حاجة بتشدك؟؟

الشخصية اللبقة في الكلام وليست الفليسوفة

ايه الفرق بينهم عند حضرتك؟؟

الشخصية اللبقة الي بتكون عندها القدرة علي انتقاء الالفاظ
واسلوبها جذاب في الحديث
وتحسي من كلامها ان د اسلوبها اصلا غير مستحدث
انما الشخصية الفليسوفة بيبقي فيها طبع الكبرياء شوية
ومحاولة الاستحسان اما الاخرين لكي يظهروا بشكل افضل
يعني من راي انها شخصية مصطنعه شوية
وتريد اظهار الذات امام الاخرين وغالبا يتحلون بصفة النفاق
دا من راي الشخصي وقد يكون كلامي ليس له اي اساس من الصحة

فقلت اسمي جاسوس من تجارة وخلاص
قالت لي بلاش هينقدوا اسمك وهيقلولك مش عازين جواسيس بينا
قلتلها مش مهم كدا كدا هدخل مره واحده ومعتش داخل
المهم الوضع عجبني وحبيت المنتدي
وبعدها طلبوا يتعرفوا عليا وقابلتهم في حفلة فن فور اول كانت في نادي الجزيرة

هو عضو ام عضوة؟؟

اصل حضرتك الاول قلت عضو بعديها قلت
قالت
قلتلها
مممممم
عموما مش مطالب بالاجابة
بس السؤال ده دار في ذهني لااكثر

بس كلمة عضو قد تجوز للذكر او الانثي

من طرف جاسوس من تجارة الخميس مارس 25, 2010 2:02 am

roma كتب:ههههههههههههههههههههههه
تصدقي ياروكا انا لما قريت الاجابه
اتلخبطت برده
لنفس السبب

ههههههههههههههههههههههه
المهم
انت مجاوبتش علي اسئلتى ليه
هى مش عجباك ولاايه
لو مش عجباك قول عادى والله وانا اطلع امسحها

لا والله دي جميلة جدا
بس انا جاوب علي اسئلة الدكتورة رقية
وكنت عاوز اقوم عشان اخلص الي ورايا
جاوبت اسئلتك اهون
وفي انتظار المزيد

من طرف بقايا إنسانه الخميس مارس 25, 2010 3:16 am

كلام حضرتك صحيح تماما
راجعةباذن الله
باسئلة تاني

من طرف جاسوس من تجارة الخميس مارس 25, 2010 3:22 am

منتظرك باذن الله

من طرف بقايا إنسانه الخميس مارس 25, 2010 4:17 am

اكثر موقف وقفت عاجزه التصرف فيه؟

خمس وردات تحب تهديهم لمين ؟

احلى ذكرى في حياتك ومستحيل تنساها ؟

من هم الصحاب الصفات الاتية ؟

قلم رائع
قلم جميل
قلم نشيط
قلم ذواق
قلم كسول
قلم رهيب
قلم مجرو ح
قلم مهزوز ومتناقض

عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

عندما تتناقش في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

لو طلب منك تولي منصب الوزير ما تختار من الوزارات وماهي قراراتك؟

أعضاء تعجبك كتابتهم ؟؟

عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)؟؟

هل انت تفعل ما تقوله هنا بالمنتدى ؟؟

ماذا تحب أن تكتب الان؟

حيوان تشعر انه مظلوم ؟

أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

أين ومتى تأخذك ذروة الغضب ؟

ما أجمل شيء في الاسلام ؟

ماكيفية حكمك على انسانية من امامك؟؟ بمعنى متى تصفه بانه لا انسان؟؟

متى يعاندك النسيان ؟

متى يقسو قلبك ؟

هل حدث أن أنتصرت على نفسك يوماً وأحصيت عيوبك ؟

ما هو أنطباعك عن السياسه ؟

متى تخجل من نفسك ؟

ضمن من تصنف نفسك سلبي أم إيجابي؟

اعتذار تريد ان تقدمه لمن؟

ماذا ستكتب لنا لتعبير عن حياتك التي عشتيها الى الان في كلمات قليله ؟

اذا اردت ان تبكي الان , فعلى من تبكي؟

من ستختار ليمسح دموعك ؟

هل تعتقدي ان حظك سيئ؟

ما هو الموقف الذي غير مجري حياتك؟

هل هزمك حزنك في يوما من الايام؟

((مستحيل انساك)) لمن تقولها ؟

(( اللي راح راح وماتفيد كلمة ياريت )) إذا أردت ان توجه هذه العباره لمن؟

(( انت كل شيء بحياتي )) لمن تقولها ؟

متى اخر مره بكيت؟

هل انت راضي عن نفسك ؟

ببماذا تقر وتعترف أمامنا الان ؟

اغمضيعينيك دقيقه لو سمحت, ماذا خطر على بالك وانت مغمض العينين ؟

هل تؤيد الزواج العاطفي ام الزواج التقليدي ؟ ولماذا ؟

ايهما اهم شهادتك الجامعيه أم الزواج ممن تحب ؟

هل من الممكن ان تتحول الصداقه الى حب ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

من هو اكثر شخص تفكر فيه؟

اذا تم تعيينك ملكا لجميع البلاد العربيه فما اول قرار ستتخذه ؟

ما هو اقتراحك الذي تتمنى ان يحدث في هذا المنتدى ولم يحدث الى الان ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

حكمة تؤمن بها جدا؟؟

عاده تفعلها دائما تتمني ان تتركها ؟

ماهو اجمل اسم لولد واجمل اسم لبنت من وجهة نظرك؟

كمان اختاري حبة اسماء بيعجبوك للولاد وللبنات؟؟

ماذا تفعل اول شيء اذا ربحت ملايينا او مليونا عشان مانكون طماعين؟

هل انت من لديهم رغبة حب التملك واذا تملكت الشيء اصابك الملل منه ؟

من طرف جاسوس من تجارة الجمعة مارس 26, 2010 2:38 am

بقايا إنسانه كتب:
اكثر موقف وقفت عاجزه التصرف فيه؟

خمس وردات تحب تهديهم لمين ؟

لماما وبابا ودكتورة اماني توفيق والدكتر محمد السبع ومستر محمد جمال
دول دكاترة ومعيدين في الكلية بس اصحابي جداااااااااا
وبيعتبروني اخواهم الصغير

احلى ذكرى في حياتك ومستحيل تنساها ؟

من هم الصحاب الصفات الاتية ؟

قلم رائع

دكتورة رقية
قلم جميل
ايمو بس يا خسارة نشاطها قل
قلم نشيط
سماح طبعا
قلم ذواق

بوسي كات
قلم كسول

ههههههههههه انا
قلم رهيب
خالد العسقلاني
قلم مجرو ح

خالد العسقلاني
قلم مهزوز ومتناقض

مش موجود علي المنتدي هنا

عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

مش بعرف اسيب الي قدامي الا لما يقتنع براي واوقات كتير بيضايق مني لاني بصمم انه يسمعني
وانه لازم يقتنع ولو حسيت انه اقتنع نصف نصف افضل اقنع فيه زياده
لحد اما يزعق لي ويقولي خلاااااااااااااااااااااااااااااااااص فهممممممممممممممممت هههههههههههه

عندما تتناقش في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

هبص في الارض وهبتسم وهشاور بايدي كدا كاني بقوله خلاص او انا اسف

لو طلب منك تولي منصب الوزير ما تختار من الوزارات وماهي قراراتك؟
وزير الاقتصاد
واول قرار الغاء الدعم
تشجيع الانتاج المحلي وتقليل الصادرات

أعضاء تعجبك كتابتهم ؟؟

كل الكتابات والمواضيع لكل الاعضاء لذيذه وهادفه

عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)؟؟

مش اقدر احكم لان اغلب المواضيع منقولة

هل انت تفعل ما تقوله هنا بالمنتدى ؟؟
بالطبع نعم

ماذا تحب أن تكتب الان؟

بحبكم كلكم وربنا شاهد علي كلامي

حيوان تشعر انه مظلوم ؟

الحمار
ديما بنجيب في سيرته بالنميمة لما نقول لاي انسان بيغلط يا حمار

ههههههههههههه

أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟

اعارض هذا في زمنا هذا
اي واحد ممكن يعيش بدون صديق
هتبقي حياة شاقة بس هيرتاح من حاجات كتير
زي الغدر والخيانه
أين ومتى تأخذك ذروة الغضب ؟
لما حد يستفذني
ما أجمل شيء في الاسلام ؟

طيبة النفس والسماحه

ماكيفية حكمك على انسانية من امامك؟؟ بمعنى متى تصفه بانه لا انسان؟؟
كل انسان بيكون ليه علاقات روحية بالي قدامه
يعني مثلا لما نقول انا لما شوفت فلان ما ارتحتلوش
دي بتكون البداية ولكن التصرفات من الشخص نفسه بتاكد الشعور او تثبت العكس

متى يعاندك النسيان ؟
في ورقة الامتحان او لو زميلة ليا سالتني عن حاجه في الدراسة بحس وقتها اني جاهل وبلخبط ههههههههه

متى يقسو قلبك ؟

والله لحد الان برغم ال شافه لم يقصو

هل حدث أن أنتصرت على نفسك يوماً وأحصيت عيوبك ؟
احصيتها بس ما اقدرتش اعالجها بشكل جزري

ما هو أنطباعك عن السياسه ؟

الحياة حلوة

متى تخجل من نفسك ؟

لما اصمم علي حاجه واكتشف اني غلطان

ضمن من تصنف نفسك سلبي أم إيجابي؟

كنت الاول سلبي بس بقيت ايجابي الحمد لله من سنتين تقريبا

اعتذار تريد ان تقدمه لمن؟

لنفسي

ماذا ستكتب لنا لتعبير عن حياتك التي عشتيها الى الان في كلمات قليله ؟

الحيرة وعدم الاستقرار

اذا اردت ان تبكي الان , فعلى من تبكي؟

ابكي علي نقسي فهي احق بالبكاء عليها
من ستختار ليمسح دموعك ؟

عودت دموعي ما تمسحاش الا ايديا

هل تعتقدي ان حظك سيئ؟

هو مش سئ بس قليل

ما هو الموقف الذي غير مجري حياتك؟

هو اكثر من موقف ورا بعض في سنتين ونصف تقريبا خلاني
افهم حاجات مافهمتهومش في عمري كله

هل هزمك حزنك في يوما من الايام؟
كتيرررررررر
بس الحمد لله بتغلب عليه بس بعد فتره كبيرة وانخفاض الفرحه في قلبي

((مستحيل انساك)) لمن تقولها ؟

ل حبيبي عمرو موسي رحمه الله

(( اللي راح راح وماتفيد كلمة ياريت )) إذا أردت ان توجه هذه العباره لمن؟

عمري ما قلتها لحد
لان اي حد مهما عمل معايا وكلمني تاني
بنسي كل حاجه وكل ضرر حصلي

(( انت كل شيء بحياتي )) لمن تقولها ؟

ماما

متى اخر مره بكيت؟
امبارح

هل انت راضي عن نفسك ؟

لا

ببماذا تقر وتعترف أمامنا الان ؟

اني بحبكم كلكم

اغمض عينيك دقيقه لو سمحت, ماذا خطر على بالك وانت مغمض العينين ؟

اني جعااااااااااااااااااااااااااااااااااااااااان ههههههههههههه

هل تؤيد الزواج العاطفي ام الزواج التقليدي ؟ ولماذا ؟

العاطفي طبعا لان دا عمر وحياة جديدة لازم تكون مبنيه علي الحب
والراحه النفسية للانسانه الي هتشاركني حياتي
بس هل فيه بنت بتعرف تحب بجد؟

ايهما اهم شهادتك الجامعيه أم الزواج ممن تحب ؟

كان قبل كدا الزواج ممن احب بس حاليا الشهاااااااااااااااااااااااااااااااااااااااااااده

هل من الممكن ان تتحول الصداقه الى حب ؟

اه ممكن جدا ولا يمكن العكس

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

لا عمري والله

هل انت مدمن تفكير؟

جدااااااااااااااااااااااا وبيوصلني تفكيري لحاجات بتتعبني اووووووووووووي

من هو اكثر شخص تفكر فيه؟
بفكر في شخص الموت

اذا تم تعيينك ملكا لجميع البلاد العربيه فما اول قرار ستتخذه ؟

اول قرار تقديم استقالتي

ما هو اقتراحك الذي تتمنى ان يحدث في هذا المنتدى ولم يحدث الى الان ؟

تعين مشرفين لكل الاقسام
ورجوع روح التعاون تاني
وبلاش خلافات بين الاعضاء
ورجوع الاعضاء القداما

هل ملابس الشخص امامك تؤثر فيك لتأخذ عنه انطباع ؟؟

ايوة الانطباع الاول من المظهر
وبعد كدا من طريقة الكلام الي بتبين اكتر

ماالذي يلفت انتباهك بسرعه في الشخص لكي تعجب به ؟

ملابسه واسلوبة في الحيث

اذا احببت شخصا في الوقت الخطأ وفي المكان الخطأ فماذا تفعل ؟؟

لو هو حبني مش هقدر اسيبه وهحاول جاهد لتغير الوقت والمكان لجعلهما مناسبا

حكمة تؤمن بها جدا؟؟

وردة واحده لانسان علي قيد الحياة افضل من باقه ورد علي قبره

عاده تفعلها دائما تتمني ان تتركها ؟

الاغاني

ماهو اجمل اسم لولد واجمل اسم لبنت من وجهة نظرك؟

زياد وانجي

كمان اختاري حبة اسماء بيعجبوك للولاد وللبنات؟؟

زياد وباسل ومحمود وانجي ونيفين ونرمين ونادين ومي

ماذا تفعل اول شيء اذا ربحت ملايينا او مليونا عشان مانكون طماعين؟

امممممممممممممممممممممممممممممممممممممم
هطلع ماما حج

وهتبرع بجزء كبير
وهاخد الدكتوراه من امريكا
واشتري عربيه

كدا عتقد ان المليون خلصت
مافيش مليون كمان؟؟؟؟؟؟

هل انت من لديهم رغبة حب التملك واذا تملكت الشيء اصابك الملل منه ؟

لا ابدا والله

انا اذا تملكت شئ تمسكت به

من طرف Busicat الجمعة مارس 26, 2010 10:46 pm

قلم ذواق

بوسي كات

ميرسى يا هشام

من طرف Busicat الجمعة مارس 26, 2010 11:04 pm

بقالى كتير مسالتكش
انا قولت اسيبك لهم شوية فلقتهم ظبطوك
هنبقى كلنا عليك حرااااام ههههههههههههه

ممكن تسامح حد غلط فى حقك غلطة كبيرة
ايه اكتر حاجة ممكن توجعك من جواك وتحسك انك مكسور
لو كنت زعلان ومتضايق اوى بتعمل ايه عشان تخرج نفسك من الشعور ده
بتحب حد ينقد تصرفاتك
طب لو حد انتقدك جامد ادام حد متعرفهوش اصلا بيبقى رد فعلك ايه
لو غلط فى حد بتعتزر له ولا كرامتك بتمنعك
هل انت من النوع العصبى وممكن تستفز بسرعة
لو اديتك ورقة وقلم وقولتلك اكتب اللى بيدور فى دماغك دلوقتى هتكتب ايه
اكتر موقف حصلك وانت صغير كل اما تفتكره بقعد تضحك على نفسك
لو معاك الة زمن يعنى ممكن ترجع لفترة فى الماضى او تروح المستقبل
هتروح بيها فين
ايه اكتر حاجة نفسك تغيرها فى نفسك
ايه رايك فى الناس اللى بتشرب سجاير ويارب متطلعش منهم

دم حبة اسهلة سهلة على الماشى كده
ندخل فى التقيل بقه
عمرك حبيت حد بجد او اعجبت بحد معين
طب لو حبيت حد اوى وهو مش حاسس هتتصرف ازاى
ممكن تصارح اللى ادامك بحبك ولا تخاف من النتائج
لو اتقدمت للحد وباباها قالك اوصفلى نفسك وهتسعد بنتى ازاى هتقوله ايه
حماتك بق لو مش بتحبك خالص هتعملها ايه (يارب تكون حماتك بتحبك ههه ان شاء الله)

ايه الرخامة اللى انا بقيت فيها دى :ohno*:

كفاية عليك كده لاحسن صعبت عليا :smile*:

من طرف جاسوس من تجارة الجمعة مارس 26, 2010 11:53 pm

Busicat كتب:بقالى كتير مسالتكش
انا قولت اسيبك لهم شوية فلقتهم ظبطوك
هنبقى كلنا عليك حرااااام ههههههههههه

ههههههههههههه مظبطني اهون

كن تسامح حد غلط فى حقك غلطة كبيرة

ايون لو اعتزر واتغير فعلا ياميت الف ويلكم بيه
بس يرجعلي قبل ما حبه يروح من قلبي لان الي حبه بيروح من قلبي ما بيرجعتش تاني

ايه اكتر حاجة ممكن توجعك من جواك وتحسك انك مكسور
لو حد قريب مني خاني او بعد عن بدون اسباب

لو كنت زعلان ومتضايق اوى بتعمل ايه عشان تخرج نفسك من الشعور ده

بفضل قاعد في القوده لوحدي او انام

بتحب حد ينقد تصرفاتك

طبعا اشكره كمان واحاول اتاكد من تصرفاتي هل نقده صحيح ولا لا

طب لو حد انتقدك جامد ادام حد متعرفهوش اصلا بيبقى رد فعلك ايه

بدافع عن نفسي

لو غلط فى حد بتعتزر له ولا كرامتك بتمنعك

بعتزر طبعا وممكن دي من الصفات الجديده فيا
لاني الاول كنت مستحيل اعتزر لحد مهما ان كان

هل انت من النوع العصبى وممكن تستفز بسرعة

مش عصبي ولكن بستفذ بسرعه

لو اديتك ورقة وقلم وقولتلك اكتب اللى بيدور فى دماغك دلوقتى هتكتب ايه

النتيجه هتبان امته يا نااااااااااااااااااااااااااااااااااااااااااااااااااااااااااااس

اكتر موقف حصلك وانت صغير كل اما تفتكره بقعد تضحك على نفسك

وانا صغير في عيد ميلادي وعني خمس سنين تقريبا
مكنتش عاوز اصور وغضبان ومصورني وانا نايم علي الكنبه وعطيهم ظهري

لو معاك الة زمن يعنى ممكن ترجع لفترة فى الماضى او تروح المستقبل
هتروح بيها فين

عايز ارجع ايام الرسول صي الله عليه وسلم واشوف حياتهم كانت ازاي

واطلع عام 2100

ايه اكتر حاجة نفسك تغيرها فى نفسك

ابطل الاغاني

ايه رايك فى الناس اللى بتشرب سجاير ويارب متطلعش منهم

مش بحبهم والله وهما شايفينها مرجله وهما بيشربوها
لا الحمد لله اانا مش منهم ويارب استمر كدا باذن الله

دم حبة اسهلة سهلة على الماشى كده
ندخل فى التقيل بقه

استر ياااااااااااااااااارب

عمرك حبيت حد بجد او اعجبت بحد معين

ايون

طب لو حبيت حد اوى وهو مش حاسس هتتصرف ازاى

ولا هعمل حاجه
لاني في الحاجات دي خجول مووووووووووووت
لدرجة اني فضلت احب واحده قبل كدا 4 سنين لحد اولي جامعه من غير ما هي تعرف
ولا اكلمها حتي

ممكن تصارح اللى ادامك بحبك ولا تخاف من النتائج

ما اقدرش اصارحه اصلا

لو اتقدمت للحد وباباها قالك اوصفلى نفسك وهتسعد بنتى ازاى هتقوله ايه

هقوله انها مش هتحتاج حاجه
وهعاملها بما يرضي الله ورسوله
وهخليها من اسعد البنات الي في الدنيا
وكل طلبتها مجابه
وهتحس انها في بيتها الي اتربت فيه تمام

حماتك بق لو مش بتحبك خالص هتعملها ايه (يارب تكون حماتك بتحبك ههه ان شاء الله

لالالالالالالالالالالالالا حماتي لا كله الا حماتي
لو ما بتحبنيش هسيبلها بنتها وامشي

ايه الرخامة اللى انا بقيت فيها دى

كفاية عليك كده لاحسن صعبت عليا

ههههههههههههههههههههه
لا عادي ولا يهمك
اسئلة لذيذه

من طرف بقايا إنسانه السبت مارس 27, 2010 12:51 am

- أعتقد الآن أنني ..........

- دائما مآأتساءل بيني وبين نفسي عن .........

- فشلت ذات مرّه بسبب ........

- أميلُ كثيرا إلى .......

- أحب كثيرا .......

- يزعجني كثيرا .......

- أعتقد أن الآخرين .......

- عندمآ أتطلع للمستقبل أجده .......

- أنا حسّـاسـ نحو الأمور ........

- رصيدي من النجاح بسبب توفيق الله ثم .........

- أحلامي دائما ما تكون ......

- عندماأقع في مأزق ........

- أشعر بأنني .......

- أعتقد أن مظهري يبدو .....

- أحب أن يتفهم من حولي أني ......

- أكره بشدّه ......

- مشكلتي أنني ......

- كنت أتمنى أن .......

- في المناسبات الإجتمآعيه أحب أن أكون .......

- أعاني بيني وبين نفسي من ......

- الماضي بالنسبة لي ......

- أنا راضٍــيه عن .....

- عندما أواجه النقد .......

- الحياة بآلنسبة لي .......

- كثيرا ما أجد نفسي .......

- عندمآ أكون بمفردي ........

- أنفعل بشده عندما ........

- مررت بتجارب ........

- أود أن يسامحني ..........

- كلمة في خاطري .........

- أنـــــــآ ...........................

حاجة بسيطة وسهلة كدا

عبال مااجهز حبة تانين باذن الله

من طرف roma السبت مارس 27, 2010 1:00 am

قلم نشيط
سماح طبعا

ميرسي ياهشام ربنا يخليك
دايما كده رافع من معنوياتى
تسلم

من طرف roma السبت مارس 27, 2010 1:07 am

اسمحلنا نتقل عليك شويه باسئلتى
طبعا معندكش مانع

اكتر اكله مفضله عندك
اكتر اكله مش بتحب تاكلها خالص
بتعرف تطبخ
بتحب الشاى
بتنام كتير ولابحب السهر
بتقضى وقت فراغك ازاى
احلى ايام حياتك كانت ايه (ابتدائي ثانوى اعدادى جامعه كده يعنى )
بتحب الاجازة ولاالدراسه وليه
جايب مجموع كام في الثانوى
من صاحبك الى ممكن تقول عليه بيفهمك من عنيك
كان نفسك تغير ايه فيك ومعرفتش
انا ملاحظه ان الصورتين الى انت حططتهم دول مختلفين بالمرة عن بعض تحس ان ده شخص وده شخص هل انتو 2 ولادى صورتك وانا مبشوفش ؟هههههههه
بتمارس رياضه ايه
بتقضي الاجازة ازاى
نفسك تتجوز وانت عندك كام سنه
نفسك تخلف كام ولد وكام بنت
بتفكر في ايه حالا وانت قاعد ترد علي الاسئله

بس كفايه كده انا معتش لاقيه اسئله خالص
وزمانك زهقت منى ومن اسئلتى وبتقول يارب تروح ومترجعش تانى

من طرف بقايا إنسانه السبت مارس 27, 2010 1:13 am

قلم رائع

دكتورة رقية

الله يخليك
شكرا كتير
ربنا يجعلني دايما عند حسن ظنكم

عاده تفعلها دائما تتمني ان تتركها ؟

الاغاني

ربنا يعينك وتقدر تتركها فعلا
اسمع اناشيد حتساعدك كتير

بس اسمعها من غير موسيقى عشان كدا حيبقى اسمنا معملناش حاجة
وحط قدامك ان االاغاني حرام وانها مش اساسية يعني لو مش سمعتها مش حيحصل حاجة
ربنا يعينك بجد
ادخل في تحدي مع نفسك وباذن الله تقدر

من طرف جاسوس من تجارة السبت مارس 27, 2010 1:56 am

بقايا إنسانه كتب:- أعتقد الآن أنني ..........

- دائما مآأتساءل بيني وبين نفسي عن .........الحلال والحرام

- فشلت ذات مرّه بسبب ........اني مشيت ورا قلبي

- أميلُ كثيرا إلى .......الوحدة

- أحب كثيرا .......الحرية

- يزعجني كثيرا .......الكذب والنفاق

- أعتقد أن الآخرين .......

- عندمآ أتطلع للمستقبل أجده .......رائع باذن الله بس خايف

- أنا حسّـاسـ نحو الأمور ........العاطفيه

- رصيدي من النجاح بسبب توفيق الله ثم .........تشجيع عائلتي

- أحلامي دائما ما تكون ......خيال

- عندماأقع في مأزق ........لم اجد احدا

- أشعر بأنني .......حزين

- أعتقد أن مظهري يبدو .....معقول

- أحب أن يتفهم من حولي أني ......بحبكم جدا

- أكره بشدّه ......النفاق

- مشكلتي أنني ......لم افهم الحياة مبكرا

- كنت أتمنى أن .......ادخل اسنان

- في المناسبات الإجتمآعيه أحب أن أكون .......وسط الناس

- أعاني بيني وبين نفسي من ......الظلم النفسي

- الماضي بالنسبة لي ......كابوس

- أنا راضٍــيه عن .....

- عندما أواجه النقد .......احاول التاكد منه

- الحياة بآلنسبة لي .......صراع

- كثيرا ما أجد نفسي .......حزين

- عندمآ أكون بمفردي ........ابكي

- أنفعل بشده عندما ........يستفذني حد

- مررت بتجارب ........ندمت عليها

- أود أن يسامحني ..........كل من اخطا في حقهم

- كلمة في خاطري .........وحشتني ي الي في بالي وانت لاتبالي

- أنـــــــآ ...........................تعبااااااااااااااااااااااااان

حاجة بسيطة وسهلة كدا

عبال مااجهز حبة تانين باذن الله

ماسي يا دكتورة رقية
ايه التوصية دي
في انتظار حضرتك

من طرف جاسوس من تجارة السبت مارس 27, 2010 2:21 am

roma كتب:اسمحلنا نتقل عليك شويه باسئلتى
طبعا معندكش مانع

ياوييلكم يا ويلكم
تقلي يا اختي تقلي ههههههههههه

اكتر اكله مفضله عندك

الماكرونه بالباشميل والبسله والجمبري والفراخ

اكتر اكله مش بتحب تاكلها خالص

مش بحب اكلم الفراخ المسلوقة بدون تحمير
بتعرف تطبخ

اه ههههههههههههههه
بتحب الشاى

اه بس مش مدمن
يعني ممكن مره في الاسبوع
واحيانا بيعدي عليا شهور مش اشربه

بتنام كتير ولابحب السهر

بنام كتير في الاجازة من الملل وبسهر طول الليل
بس الدراسه بسهر بااليل وبروح الكلية الصبح
بتقضى وقت فراغك ازاى

علي النت او بتمشي باليل معه اصحابي او بلعب رياضه او بنام
احلى ايام حياتك كانت ايه (ابتدائي ثانوى اعدادى جامعه كده يعنى

ابتدائي بس كنت بخاف من الناس اووووووووووووووووووووووي
بس جامعه بردك احلي
)
بتحب الاجازة ولاالدراسه وليه

الدراسه عشان بحس بفايدة واني ملتزم بحاجه معينه عايز اخلصها

جايب مجموع كام في الثانوى

ايه الاحراج دا؟؟؟؟؟؟؟!!!
بصي كفايا عليكي مجموع سنه تاته 96 %
وماتساليش اكتر من كدا

من صاحبك الى ممكن تقول عليه بيفهمك من عنيك
مافيش طبعا

كان نفسك تغير ايه فيك ومعرفتش

السذاجه

انا ملاحظه ان الصورتين الى انت حططتهم دول مختلفين بالمرة عن بعض تحس ان ده شخص وده شخص هل انتو 2 ولادى صورتك وانا مبشوفش ؟هههههههه

هههههههههههههههه لا انتي ما بتشوفيش ههههههههههه
بس الصورة الي في التوقيع صورة حديثه من عشر ايام
انما الصورة الشخصية الاجازة الكبيرة الي فاتت

بتمارس رياضه ايه
سباحه وكراتيه

بتقضي الاجازة ازاى

والله كل سنه بتكون مختلفه بس غالبا نايم هههههههههههه

نفسك تتجوز وانت عندك كام سنه

من ناحيت نفسي فانا نفسي حالا هههههههههههه
بس عايز احقق ولو جزء بسيط من احلامي او اقف علي الاقل علي بداية السلم

نفسك تخلف كام ولد وكام بنت

اتنين واتنين
او واحد وواحد

بتفكر في ايه حالا وانت قاعد ترد علي الاسئله

بفكر ازاكر ايه

بس كفايه كده انا معتش لاقيه اسئله خالص
وزمانك زهقت منى ومن اسئلتى وبتقول يارب تروح ومترجعش تانى

هههههههههههههههههه
بدعي عليكي من قلبي

روحي يا شيخه .......................وتعاالي بسرعه ههههههههههههههههه

من طرف بقايا إنسانه السبت مارس 27, 2010 2:22 am

ماذا تصف علاقتك مع الله بمعني هل انت ملتزم؟
هل حققت هدفك بالحياه حتى الان؟
هل انت قد المسؤليه؟
-ما الصفه التى تطلق عليك غالبا؟
هل بالك مشغول بشىء؟
هل تتقبل النقد الصريح جدا؟
هل انت عصبى؟
هل انت حنون؟
هل والديك في حاله رضا عنك؟
ما هو أكثر دعاء تدعوا الله به ؟؟
هل تهتم بآراء الآخرين ؟؟
هل تقبل النصيحة ؟؟ وإلى أى مدى ؟؟
ما هى حكمتك فى الحياة ؟؟
هل تحب التحدى ؟؟
من هو أكثر عضو شعرت انه يشبهـك ؟؟

ايه هى اهم مميزاتك واخطر عيوبك؟ ويا ترى بتحاول تغير عيوبك ولا انت كده واللي مش عجبه يولع..........
يا ترى لو زهقان وعاوز تغير جو تروح فين ولو هتاخد معاك فرد واحد بس هيكون ميين؟
ايه هى هواياتك؟
متقدرش تعيش من غير اييه؟
لازم تبطل ايه؟

هل انت راضي عن نفسك وما هو مقياسك لرضاءك عن نفسك ؟

متى تكون راضي عن نفسك ؟

متى احسست بالضيق وما هو السبب ؟

ماذا تعني لك كل من الكلمات الاتية:
الحياة - الاخوة - الصداقة - المنتدى - الحب -العائلة-
المستوى الاجتماعي-
وجه نصيحة لكل من

ايمو
بقايا
اسراء
اسماء
ايمي

دكتور احمد نبيه
دكتور احمد فرج
دكتور محمد العطار
دكتور مصطفى الشربيني
دكتور احمد نصيب
دكتور احمد المتولي

من هو اسوا شخص تعرفت اليه ؟
من يستطيع ان يضحكك من القلب؟
هل تحب الاطفال عامه؟
هل انت شخص تتعلم من الماضى؟
هل انت ممن يعترف باخطائه؟
هل انت تجيد الكلام بطريقه مهذبه مع من تبغض او من يجعلك فى حاله من العصبيه؟
ممكن توصف لينا شخصيتك ؟
شىء تحب فعله ولكنه معصيه ايا كانت كشرب السجائر مثلا ولكن فى وقت ما خلت كل الاماكن ولا يراك الا الله هل ستفعل هذه المعصيه؟
وان فعلتها فلم فعلت المعصيه وان تركتها فلم تركت المعصيه؟
هل تؤمن بالامل فينا كمسلمين اليوم؟
هل نحن تربينا حقا على دين الاسلام؟
هل دافعت يوما عن دينك حقا؟
هل انت حقا تحب الجنون؟
عضو أو مشرف بتعتبريه إنسان مثالي في منتدنا؟؟
اقرب الاعضاء والعضوات لقلبك في المنتدى ؟

من طرف جاسوس من تجارة السبت مارس 27, 2010 2:24 am

لازم طبعا ارف من معنوياتك يا سماح

ان مكنتش ارفع معنويات اخواتي يبقي لزمتي ايه ؟؟؟

ربنا يخليكي يا دكتورة رقيه علي التشجيع

من طرف جاسوس من تجارة السبت مارس 27, 2010 3:58 pm

بقايا إنسانه كتب:

ماذا تصف علاقتك مع الله بمعني هل انت ملتزم؟

انا ممكن اكون كويس بس ما اعتقدش اني وصلت للالتزام الكامل

هل حققت هدفك بالحياه حتى الان؟

لالالالالالالالالا بس اتمني اني بعد السنه دي اكون الي عملته في الاربع سنين
يكون مؤهل انه يحطني علي اول الطريق

هل انت قد المسؤليه؟

مش جربت اتحط في اي موقف تحمل مسئولية
ربنا يستر

-ما الصفه التى تطلق عليك غالبا؟

اني محترم وطيب

هل بالك مشغول بشىء؟

نعم

هل تتقبل النقد الصريح جدا؟

اه بس يكون غير جارح

هل انت عصبى؟

لا بس بتنرفز بسرعه

هل انت حنون؟

ايوة

هل والديك في حاله رضا عنك؟

الحمد لله

ما هو أكثر دعاء تدعوا الله به ؟؟

دعائي المفضل في السجود
اللهم اغفر لي ولوالديا والمسلمين والمسلمات والمؤمنين والمؤمنات الاحياء منهم والاموات
اللهم اشفي كل مريض وبعد كدا بدعي لكل حد اعرفه بالحاجه الي ناقصاه
او الي هو محتاجها

هل تهتم بآراء الآخرين ؟؟

اه

هل تقبل النصيحة ؟؟ وإلى أى مدى ؟؟

ممكن اقبلها من اي حد كبير سننا زي والدي او كدا
وتكون في شكل نصية وليس امرا

ما هى حكمتك فى الحياة ؟؟

فاقد الشئ لا يعطيه
عامل الناس كما تريد ان يعاملوك
ليس كل ما يلمع ذهبا

هل تحب التحدى ؟؟

لا لا لا

من هو أكثر عضو شعرت انه يشبهـك ؟؟

مافيش

ايه هى اهم مميزاتك واخطر عيوبك؟ ويا ترى بتحاول تغير عيوبك ولا انت كده واللي مش عجبه يولع

مش اقدر اقول والله انا الي قدامي يحكم عليا
بس لو عيب انا متاكد منه هحاول اغيره
..........
يا ترى لو زهقان وعاوز تغير جو تروح فين ولو هتاخد معاك فرد واحد بس هيكون ميين؟

اقعد علي البحر واكون لوحدي

ايه هى هواياتك؟

الكاراتيه والسباحه وكورة القدم

متقدرش تعيش من غير اييه؟
النت

لازم تبطل ايه؟

الاغاني

هل انت راضي عن نفسك وما هو مقياسك لرضاءك عن نفسك ؟

لا
المقياس هو مدي طاعتي لله
وتحقيقي هدفي في الحياة
وحب الاخرين ليا

متى تكون راضي عن نفسك ؟

لما اعمل حاجه حلوة بعد مجهود كبير

متى احسست بالضيق وما هو السبب ؟

لما افتكر حاجات محبش اني افتكرها

ماذا تعني لك كل من الكلمات الاتية:
الحياة متعبة

- الاخوة
الظهر الي بسند عليها

- الصداقة
شئ منعدم في قاموسي

- المنتدى

احلي ترفيه

- الحب

هو الحياة بس يكون حب بجد مش حب مصلحه او تسلية

-العائلة-

هي الامان

المستوى الاجتماعي
-
مايفرقش معايا
اتمني ان اكون افقر مخلوق خلقه الله
بس الاقي الحب الصادق
والصديق الوفي

وجه نصيحة لكل من

ايمو
ماتزعليش من حد وكبري دماغك والي يعيش ياما يشوف

بقايا
رجعي اسمك فتاه طموحة تاني بدلا من بقايا انسانه
وقللي النت شوية عشان تذاكري

اسراء
اسماء
ايمي

هما مش بيدخا من زمان فمش عارف حاجه معينه انصحهم بيها
بس هقولهم شدو حيلكم في المذكرة واسعدكم الله دائما

دكتور احمد نبيه

اعقل يا ابو نبيه

دكتور احمد فرج

اتكلم مصري بلاش الخليجي ياثر علي لهجتك

دكتور محمد العطار

شد حيلك في الدراسه
ولما تكون مش قاعد علي الميل اكتب مش موجود

دكتور مصطفى الشربيني

قلل من النت شوية وزاكر

دكتور احمد نصيب

دكتور احمد المتولي

احمد نصيب والمتولي بشوفهم في لمنسبات بردك مش عارف نصيحه معينه نصحهم بيها

من هو اسوا شخص تعرفت اليه ؟

فيه اشخاص كتير سوء تعرفت عليهم
بس فيه طبعا لم ا ري مثله من قبل
ربنا يهديه

من يستطيع ان يضحكك من القلب؟

مافيش اشخاص
بس اي حد يقولي نكته حلوة
بحب النكت جدااااااااااااا

هل تحب الاطفال عامه؟

اه

هل انت شخص تتعلم من الماضى؟
لا فانا اتالم ولا اتعلم

هل انت ممن يعترف باخطائه؟

من غير ما حد يسالني عنها اكيد لا
بس لو حد سالني وشايف انه له حق يعرف هقوله عادي

هل انت تجيد الكلام بطريقه مهذبه مع من تبغض او من يجعلك فى حاله من العصبيه؟

نعم بس بيبان عليا اني ما بحبوش

ممكن توصف لينا شخصيتك ؟

مش بعرف والله
ممكن حضرتك تساليني عن حاجات في الشخصية وانا اجاوب
بس مش هعرف اقول لوحدي

شىء تحب فعله ولكنه معصيه ايا كانت كشرب السجائر مثلا ولكن فى وقت ما خلت كل الاماكن ولا يراك الا الله هل ستفعل هذه المعصيه؟

انا بسمع ااغاني سواء قدام الناس او من ورائهم عادي يعني

وان فعلتها فلم فعلت المعصيه وان تركتها فلم تركت المعصيه؟

بعملها عشان بحبها واتعودت عليها

هل تؤمن بالامل فينا كمسلمين اليوم؟

نعم

هل نحن تربينا حقا على دين الاسلام؟
لا

هل دافعت يوما عن دينك حقا؟

ماجتش فرصه خالص

هل انت حقا تحب الجنون؟

احيانا
عضو أو مشرف بتعتبريه إنسان مثالي في منتدنا؟؟

مش عارف والله انا مش عاشرتكم كلكم
بس اقدر اقول هيرو بجد انسان رائع
ومحمد العطار
وكيكو ونصيب
والشربيني
والدكتورة رقية
وايمو
اكيد لو عرفتكم كلكم بجد هلاقي فيكم ناس حلوة كتيرررررررررررر

اقرب الاعضاء والعضوات لقلبك في المنتدى ؟

الاعضاء السابق ذكرها بالاضاف الي نبيه وسماح وبوسي كات

من طرف loka السبت مارس 27, 2010 6:49 pm

بتحلم بايه
نفسك تعمل ايه مجنون
عمر حد احرجك قدام اهلك
بتروح افراح كتير وكده ولالا
طريقت لبسك عامله ازاى
بتمشي علي الموضه ولالا
بتهتم بمظهرك ولاايه
عمر حد احرجك عاالمنتدى عالعام وقالك حاجه ضايقتك
عضو بتحس قدامه انك مش فاهم حاجه
عضو بتحس انك المفروض ترفعله القبعه من كتر احترامك ليه
عضو بتموت فيه جدا لان دمه خفيف
عضو تنشنت معاه اوى عالمنتدى
عضو بتكرهو اوى
بتصلي الفجر ولالا
بتواظب في صلاه الجمعه ولالا

يارب مكنش طولت عليك وتكون اسئله سهله عليك
ميرسي ياهشام

من طرف جاسوس من تجارة الأحد مارس 28, 2010 5:35 pm

loka كتب:بتحلم بايه

بحلم بحياة جميلة بعيدة عن الاحزان
نفسك تعمل ايه مجنون
نفسي اطير من فوق برج

عمر حد احرجك قدام اهلك

اه وانا صغير كنت بحب العب واطلع اقف علي صور البلكونة
وواحد من الجيران قال لبابا
او اي حد من اخواتي او جواز اخواتي يهزر معايا ويقولي اخبار الجو بتاعك ايه
او يجيب سيرة بنات عامة وشي بيضرب الون

بتروح افراح كتير وكده ولالا

لا مش بحب الافراح
بس بحب الخروج والتمشية لما اكون فرحان وحب السفر والرحلات

طريقت لبسك عامله ازاى

جينز وسويت شيرتات وتيشيرتات
زي الصورة الي في التوقيع مثلا

بتمشي علي الموضه ولالا

اه

بتهتم بمظهرك ولاايه

الحمد لله

عمر حد احرجك عاالمنتدى عالعام وقالك حاجه ضايقتك

هو مش احرجني بس شوفت كلام ضايقني

عضو بتحس قدامه انك مش فاهم حاجه

كان فيه عضو علي منتدي تاني لاسنان بردك اسمه عازف الناي
كنت مستحيل افهم منه جملة علي بعض

عضو بتحس انك المفروض ترفعله القبعه من كتر احترامك ليه

كل الاعضاء بحبها وبحترمها

عضو بتموت فيه جدا لان دمه خفيف
عضو تنشنت معاه اوى عالمنتدى

بيتنج هيرت بس عادي كلنا اخوات

عضو بتكرهو اوى

لا انا مش بكره حد

بتصلي الفجر ولالا

لما بكون صاحي بس نفسي والله اصحي له مخصوص

بتواظب في صلاه الجمعه ولالا

الجمعه لا الجماعه؟؟؟؟
لو الجمعه اكيد طبعا لان الي ما بيصليش اصلا بيصليها
انما لو الجماعه واعتقد انك تقصدي كدا فلما اكون في البيت
لان غالبا بكون في الجامعه او في كورسات او دورات فمش بصليها جماعه

تكون اسئله سهله عليك
ميرسي ياهشام

فعلا هي اسئلةسهله وجميلة والله منورة يا لوكا

من طرف Den.emoOo الأحد مارس 28, 2010 11:55 pm

اولا منور الكرسى يا هشام وربنا يكون فى عونك من الناس اللى مش راحمينك دول
كرسي الاعتراف - صفحة 23 500781

ثانيا ...........
اختار تلت عضوات بنوتات اتكلم عنهم؟؟
ايموووو بتحب الضحك جدا وبشوشة

الف شكر والله الحياه مش مستهله وانا على طول بضحك باستثناء اخر مره لظروف طارئه والله
كرسي الاعتراف - صفحة 23 342411

من هم الصحاب الصفات الاتية ؟
قلم جميل
ايمو بس يا خسارة نشاطها قل

امممممممممم
معلش معلش ...الواحد بيتغير لما يحس ان اللى حواليه متغيرين فبياخد جمب
ربنا يسهل وارجع تانى
كرسي الاعتراف - صفحة 23 48635

وجه نصيحة لكل من

ايمو
ماتزعليش من حد وكبري دماغك والي يعيش ياما يشوف

هحاول والله وفعلا اللى يعيش ياما يشوووووووووووووووف
كرسي الاعتراف - صفحة 23 156425

عضو أو مشرف بتعتبريه إنسان مثالي في منتدنا؟؟

مش عارف والله انا مش عاشرتكم كلكم
بس اقدر اقول هيرو بجد انسان رائع
ومحمد العطار
وكيكو ونصيب
والشربيني
والدكتورة رقية
وايمو
اكيد لو عرفتكم كلكم بجد هلاقي فيكم ناس حلوة كتيرررررررررررر

شكرا جدااااااااااااا على كلامك والله

شكرا بجد مره تانيه على كلامك يا هشام ربنا يكرمك يارب

وتتقوف عليهم وتجاوب على اسئلتهم كلهم
كرسي الاعتراف - صفحة 23 255432

من طرف جاسوس من تجارة الإثنين مارس 29, 2010 12:21 am

ميرسي يا ايمو ليكي انتي علي مرورك الجميل

وربنا يقدرني بقي هههههههه

من طرف بقايا إنسانه الإثنين مارس 29, 2010 5:51 pm

جاسوس من تجارة كتب:
بقايا إنسانه كتب:

بقايا
رجعي اسمك فتاه طموحة تاني بدلا من بقايا انسانه
وقللي النت شوية عشان تذاكري

ححاول اقلل من النت باذن الله

عضو أو مشرف بتعتبريه إنسان مثالي في منتدنا؟؟
والدكتورة رقية

اقرب الاعضاء والعضوات لقلبك في المنتدى ؟[/b]

الاعضاء السابق ذكرها بالاضاف الي نبيه وسماح وبوسي كات

شكرا جدااااااا على كلامك والله

الواحد بتبسط اوووي لما يلاقي فيه ناس خايفة عليه وبتحترمه وبالتالي ببادلهم نفس الشعور

بجد انا مش عارفة اقولك ايه
ربنا يخليك ويوفقك ويسعدك يارب

جاييه با ذن الله

من طرف بقايا إنسانه الإثنين مارس 29, 2010 6:27 pm

سبب اختيارك لهذا الاسم؟

هدية

.. للهديه وقع بالنفس ... ولها معاني جميله ...
.. ما أجمل هديه قدمتـ لك .. ومن هو الشخص ..؟
وماهى الهدية اللى تتمنى ان تستقلها..........و من هو الشخص؟

لحظة

لحظة تمنيت ان يتجمد عندها الزمن........و تستمر الى الابد
هل فى حياتك لحظه كهذه؟

ماذا كان طموحك وانت صغير؟ وهل تحقق؟

متى اخر مره بكيت فيها ؟

تقول ايه لاهللك وخصوصا والدتك ؟

من رائيك ايه الصفات اللى المفروض تكون موجوده فى الشاب؟

نفسك تقول ايه قدامك 5دقائق قول فيهم اللى نفسك فيه؟

- مــــن انـــــــت عاوزة فلسفة...؟؟

-باقة ورد لمن تهديها ...؟؟

-باقة شوك لمن تهديها ...؟؟

اسوأ خبر سمعته...؟؟

شخص لاترفض له طلبا ..؟؟

ماهي التجربه التي تتمنى تكرارها ...؟؟

من هو توأم روحك ...؟؟

ماهو اكثر شئ تخشاه...؟؟

مالذي يشعرك بأكثر قدر من الحرج...؟؟

ماهى اصعب كلمه ممكن تقولها لاى انسان ؟؟؟

هل نحن جيل فاشل ؟؟؟؟ وليه؟؟؟

هل ترضى ان يصارحك احد بعيوبك ؟؟؟؟

لو خيروك بين الحب والمال ايهما ستختار ؟؟؟؟؟

متى نزلت اغلى دمعه فى حياتك ؟؟؟؟؟

ماهو معنى الحياه ؟؟؟؟؟؟

من اشد غدر بالنسبه لك البحر ام الانسان ؟؟؟؟

لو خيروك بين خمس شخصيات ايهما ستختار؟

المرح

الحنون

الطيب

الشجاع

الحبوب

................لماذا هذه الشخصيه بالذاااات ؟؟؟؟؟

ايهما تفضل قلمك ام لسانك ؟؟؟؟؟

هل الطيبه ميزه ام عيب ؟؟؟؟

ماهو افضل كتاب قراته وما هى استفادتك منه ؟؟؟؟

ما هو افضل سن للزواج فى رايك ؟؟؟

-ماذا يعني لك الامل؟؟
وماذا تعني الحياة؟؟
وماذا يعني اليأس؟؟

ما الذي كنت تتمناه ولم يتحقق؟؟
وما الذي تمنيته وتحقق؟؟

هل انت واقعي ام تميل للخيال؟؟

هل تحب الكرتون ؟؟
واي نوع يؤثر بك :
هل الرياضي< كابتن ماجد> ـ العنيف < معرفش>ـ المأساوي< زي سندريلا مثلا او سالي> ـ المضحك< توم وجيري>؟؟

جاييه با ذن الله

من طرف جاسوس من تجارة الإثنين مارس 29, 2010 11:10 pm

بقايا إنسانه كتب:
جاسوس من تجارة كتب:
بقايا إنسانه كتب:

بقايا
رجعي اسمك فتاه طموحة تاني بدلا من بقايا انسانه
وقللي النت شوية عشان تذاكري

ححاول اقلل من النت باذن الله

عضو أو مشرف بتعتبريه إنسان مثالي في منتدنا؟؟
والدكتورة رقية

اقرب الاعضاء والعضوات لقلبك في المنتدى ؟[/b]

الاعضاء السابق ذكرها بالاضاف الي نبيه وسماح وبوسي كات

شكرا جدااااااا على كلامك والله

الواحد بتبسط اوووي لما يلاقي فيه ناس خايفة عليه وبتحترمه وبالتالي ببادلهم نفس الشعور

بجد انا مش عارفة اقولك ايه
ربنا يخليك ويوفقك ويسعدك يارب

جاييه با ذن الله

ربنا يخليكي علي الدعوات الجميله ي يارب

من طرف جاسوس من تجارة الإثنين مارس 29, 2010 11:49 pm

بقايا إنسانه كتب:

سبب اختيارك لهذا الاسم؟

انا كنت مختاره لما اول مره سجلت علي منتديات اسنان وهو فن فور اول من سنتين
لاني مكنتش ناوي اطول عليه كنت داخل تلبية لرغبه احد الاعضاء
بس عجبني الوضع واستمريت بقي

هدية

.. للهديه وقع بالنفس ... ولها معاني جميله ...

.. ما أجمل هديه قدمتـ لك .. ومن هو الشخص ..؟

ماديلية فيها قلب كدا بينقسم نصفين
كل نصف بيروح لشخص

وماهى الهدية اللى تتمنى ان تستقلها..........و من هو الشخص؟

اي هدية بس تكون من حد بحبه ويحبني

لحظة

لحظة تمنيت ان يتجمد عندها الزمن........و تستمر الى الابد
هل فى حياتك لحظه كهذه؟

مش عارف

ماذا كان طموحك وانت صغير؟ وهل تحقق؟

اني ادخل شرطه
لم يتحقق لاني لما كبرت تفكيري اتغير وحاجات كتير اتغيرت
وخالي الله يرحمه كان هيبقي وسطتي لانه كان شغال في رياسة الجمهورية والمخابرات
بس الله يرحمه بقي مات وانا في خمسة ابتدائي
متى اخر مره بكيت فيها ؟

من ساعه

تقول ايه لاهللك وخصوصا والدتك ؟

ربنا يخليكي ليا

من رائيك ايه الصفات اللى المفروض تكون موجوده فى الشاب؟

انه يكون مؤدب
صوته هادي
مغض لبصره
متفوق في دراسته

نفسك تقول ايه قدامك 5دقائق قول فيهم اللى نفسك فيه؟

وداع يا احلي ليالي وداع يا احلي سنين
وداع يا عمري الغالي وحب عمره يومين
عود نفسك يا قلبي اتعود علي الفراق
البعد مكنش ذنبي ومسيره يوم يشتاق
ومادم هيعيش لغيري علي ايه اموت روحين
وعشان خاطر ضميري خليك افرح يومين
ودااااااااااااااااااااااااااااااااااااااااااااااااااااااااااع
- مــــن انـــــــت عاوزة فلسفة...؟؟

مش فاهم السؤال

-باقة ورد لمن تهديها ...؟؟
لماما وبابا

-باقة شوك لمن تهديها ...؟؟
لسلة المهملات

اسوأ خبر سمعته...؟؟

موت خالي وصاحبي عمرو موسي
شخص لاترفض له طلبا ..؟؟

مافيش

ماهي التجربه التي تتمنى تكرارها ...؟؟

دايما كنت بخاف اروح دريم بارك بس اول مره اروحها من اسبوعي بس نفسي
اني اروح دريم بارك تاني واركب الحاجات المرعبه دي
اول مره احس اني مش بخاف من الالعاب
اينعم كنت بترعب بس لما اخلص لعب كنت ببقي فرحان

من هو توأم روحك ...؟؟

مش موجود هنا
بحس انه فاهمني كتر وانا بفهمه كتير وبحبه جدا

ماهو اكثر شئ تخشاه...؟؟

الفراق

مالذي يشعرك بأكثر قدر من الحرج...؟؟

لا حاجات كتير ما تعدش

ماهى اصعب كلمه ممكن تقولها لاى انسان ؟؟؟

بحبك

هل نحن جيل فاشل ؟؟؟؟ وليه؟؟؟

لا طبعا
لان احنا لو اتحطينا في ظروف احسن من كدا هنثبت نفسنا صح

هل ترضى ان يصارحك احد بعيوبك ؟؟؟؟

اه بس باسلوب غير جارح

لو خيروك بين الحب والمال ايهما ستختار ؟؟؟؟؟

الحب

متى نزلت اغلى دمعه فى حياتك ؟؟؟؟؟

مش عارف والله

ماهو معنى الحياه ؟؟؟؟؟؟

هي نهاية البداية

من اشد غدر بالنسبه لك البحر ام الانسان ؟؟؟؟

الانسان اشد غدرا لانك ما تقدريش تحددي وقت الغدر
انما البحر بتقدري تشوفي الموجه من بعيد
وكمان انتي لو خايفه من البحر ماتنزليهوش
انما الانسان غصب عنك موجود في كل مكان

لو خيروك بين خمس شخصيات ايهما ستختار؟

المرح

الحنون

الطيب

الشجاع

الحبوب

................لماذا هذه الشخصيه بالذاااات ؟؟؟؟؟

ممكن المرح
لاي مفتقدها بقالي كذا سنه
او يمكن اكون مش لاقي الي ظهرها جوايا

ايهما تفضل قلمك ام لسانك ؟؟؟؟؟

قلمي
لانه بيقدر يكتب ما يعجز عنه لساني

هل الطيبه ميزه ام عيب ؟؟؟؟

والله انا ما بقيت عارف بس اعتقد انها بقت هبل

ماهو افضل كتاب قراته وما هى استفادتك منه ؟؟؟؟

مش بقرا غيرقصص الاطفل

ما هو افضل سن للزواج فى رايك ؟؟؟

والله علي حسب قدرة واحد للاستحمال
او كان مرتبط بحد او لا
او ظروفه الاجتماعيه
او مدي رغبته ي الزواج
بس بالنسبالي انا
26

-ماذا يعني لك الامل؟؟

وماذا تعني الحياة؟؟

وماذا يعني اليأس؟؟

مرض يدمر الحياة والمستقبل

ما الذي كنت تتمناه ولم يتحقق؟؟

كتير

وما الذي تمنيته وتحقق؟؟

لسا مافيش

هل انت واقعي ام تميل للخيال؟؟

اميل للخيال احيانا
بس ليس هروبا من الواقع بل لمحاولة تحقيقه
لاني ل حطيت قدامي هدف سهل مش حققه انما لو حطيت هدف صعب هقدراحقق السهل

يعني مثلا لو عاوز اجيب جيد جدا لازم احط الامتياز قدام عيني عشان لما اقل اوصل لهدفي
الي كت عاوزه

هل تحب الكرتون ؟؟
واي نوع يؤثر بك :
هل الرياضي< كابتن ماجد> ـ العنيف < معرفش>ـ المأساوي< زي سندريلا مثلا او سالي> ـ المضحك< توم وجيري>؟؟

توم جيري

جاييه با ذن الله

في انتظار حضرتك