كرسي الاعتراف

ممكن اللعب معاكم نفس اسئله احمد يا روما

[quote="Ahmed Mounir"][color=red]انا هابدأ بالاسئلة بعد اذنك ياروما(لو فى اسئلة محرجة متجوبيش)
لا عادى يااحمد انا تحت امرك وبعدين هجاوب كله ان شاء الله

ايه هى هوايتك المفضلة؟؟
الغناء والرياضه بس علي قدى كده يعنى جرى ومشي كده يعنى
اكلتك المفضلة؟؟؟
الباميه الخضرا والمكرونه العاديه ومعاها فراخ
لونك المفضل؟؟
اللبنى والموف
مشروبك المفضل؟؟؟
انا بحب العصاير كلها بالزات جوافه باللبن وعصير الفراولة

بتحبى السفر ولا لا؟؟
بص يااحمد انا مش بحب الغربه بس لو اضطريت عالسفر هسافر يعنى لو فرصه شغل ليا بره حلوة
خاصه ان تمريض مطلوب اوى في الدول العربيه وبره كمان فممكن اسافر وكمان لو اتجوزت واحد وبيسافر علي
طول هسافر معاها واشتغل هناك لان محبش ابقي انا في بلد وهو في بلدبس انا مبفضلشي السفر

حلم ضاع منك؟؟؟؟؟؟؟
الحلم الي ضاع منى انى ادخل كليه الشرطه هههههههه كان نفسي اوى ابقي ظابطه بس مش عارفه مفيش كليه
شرطه للبنات باين وبعدها حلمت انى ادخل علاج طبيعى عشان ابقي مع اخويا ع طول ونفتح مع بعض عياده
واهو نبقي مجال واحد بس مجبتش مجموعها ودخلت تمريض بس انا مبسوطه بيه والله اصل كنت هبقي انا واخويا وابن عمى
علاج طبيعى هتبقي وحشه هنحتكر العلاج الطبيعى لحسابنا ولا ايه

هل مستعدة تحبى؟؟؟
مستعده ازاى هو لازم قبل ماحب يكون عندى استعداد نفسي مثلا لا الحب بيجى فجاءه او تدريجى انا لما تيجى الظروف المناسبه
عشان احب اكيد هحب لما الاقي الشخص المناسب زى ماقولتلك بس عشان احنا قريه فيبقي مش هحب غير الشخص الي هرطبت بيه

لو حد عرض عليكى الموضوع ؟؟؟ رد فعلك ايه؟؟
بص اكيد لو بيحبنى بجد وعايزنى يبقي هيعرض علي اهلي وبعدين هما لما يوافقو هياخدو رايي لكن مينفعش هو الي يعرض عليا لان
سعتها هيبقي بيتسلي وخلاص الا بقي لو بيسالنى لو روحت طلبتك هتوافقي عليا عشان ميحرجش نفسه يعنى بس

نظرتك للتجربة؟؟؟
اكيد تجربه ممتعه جدا لان مفيش حياه من غير حب زى ماخالد قال فوق كمان الاحساس بالحب دا اجمل احساس في الدنيا

صفات الشخص اللى بتتمنيه؟؟؟
عادى والله بس يكون بيعرف ربنا وهيتقي ربنا فيا وبيحبنى اوى ورومانسي وحنين وانا عنده بالدنيا ويفهمنى ويحس بيا وراجل بمعنى الكلمه
اظن مواصفات عاديه مش over ولا حاجه ؟

هل لو من سنك يمثلك مشكلة؟؟؟
لو من سنى وحاسه انه راجل وقد المسؤليه وتفكيرة ناضج يبقي مفيش مشكله عادى ولو انى افضل يبقي اكبر شويه صغيرين
لان كل صبيان الدفعه بتاعتى الي من بلدنا عيال وتصرفاتهم عياليه خالص

ندمانه على حاجة عملتيها؟؟
اه ندمانه علي انى صاحبت واحده متستاهلشي وباعتنى في الاخر وندمانه انى معرفتش رانيا من زمان

بتفكرى فى اللى فات؟؟؟
الي فات ده الماضي والي ملوش ماضي ملوش حاضر ولا مستقبل فاكيد بفكر فيه وبعدين انا بحس انى اللحظه الي بتفوت بتبقي زكرى
وانا بحب اعقد افتكر في زكرياتى ببقي مبسوطه وانا بفتكرها بالزات المفرحه

نظرتك للمستقبل؟؟؟
اكيد ان شاء الله هيكون احسن لانه هيبقي جديد في كل حاجه هشتغل وهجرب ابقي امراة عامله وبازن الله هتجوزوهيتقال عليا مدام مش
انسه ههههههههه وبازن الله هبقي ام ويتقال عليا ماما وهبقي عمه وخاله لو لاد اخواتى في المستقبل فاكيد هيبقي ليه طعم تانى خالص

بتحبى الشعر؟؟
اه بحب الشعر كنت بكتب شعر اصلا في الاعدادى والثانوى بس بطلت ونسيت اصلا كنت بكتب ازاى بس بحب اقراه ووكمان بعرف القي شعر كويس اوى

الرومانسية؟؟
الرومانسيه دى شئ جميل اوى اوى انا عايشه بيها اصلا هى جزء منى واهم صفه في الي هتجوزه انه يكون رومانسي طبعا وبعدين بتخليك شايف الدنيا
بشكل تانى خالص عايش فى زمن الاحلام في المدينه الفاضله زى مااصحابي بيقولولى

طريقة تفكيرك؟؟
قصدك بفكر ازاى يعنى ؟بفكر عادى بس مبتعبشي نفسي في التفكير اوى لانى بلاقي حلول للمشاكل لما بتكون صغيرة اما لما بتكون كبيرة فممكن اتجنن من
كتر التفكير بس بستشير غيري في حلولها بس في الاخر مبنفزش كلامهم بنفز الي انا شايفاه وبس هتقولى طب بتساليهم ليه بقي هقولك مفيش ببقي بفكر
بصوت عالي وخلاص عشان اوصل لنتيجه بسرعه

هل انتى منطوية؟؟
خالص انا اجتماعيه بطريقه متتخيلهاش بحب اتكلم مع الناس واهزر بس مش مع اى حد طبعا بس مش انطوائيه اصلا انا بكره الوحده فهبقي انطوائيه ازاى
انت شايف انى انطوائيه ولا ايه؟

اكتر الافلام اللى بتحبيها؟؟
الافلام الهنديه بمووووووووووووت فيها بس الرومانسيه مش الاكشن بالزات بتاعت شاروخان وشلمان خان وشاهد كابور واكشاى كومار بحبهم جدا
وف ناس تانيه كتير اوى بحبلها اقلام برده وبحب العربي بس الي قصته حلوة مش الهابط

الاغنية اللى بتحبيها؟؟
بحب اغانى كتير بس بحب دا ايه الي بحس بيه وانا بين ايديك لرامى صبري لانها رومانسيه اوى وهو دا حظك ياقلبي لفضل شاكر

مامعنى الحب فى وجهة نظرك؟؟؟ ولو صادفتيه هاتتعملى معاه ازاى؟؟؟
بص الحب حنيه والحنيه رومانسيه الحب تبادل مشاعر بين قلبين و احساس بالامان واحساس بالسعاده والراحه احساس بيخليك تحس انكو روح واحده ونفس واحده
من الاخر كيان واحد تفرح لفرحه وتزعل لزعله وتحس بيه اوى كانك جواه
لو صادفته ......اكيد في الاول هبقي متلخبطه اوى .بص انا متاكده انه هيحبنى اوى عارف ليه لان مفيش حد بياخد حب وميديش حب وانا لما بحب حد سواء
اصحابي او غيرهم بحب اوى تقدر تقول بحب بكل مافيا فسعتها لو اتاكدت انه
بحقيقي يبقي خلاص هسمح لقلبي يحبه

كفاية عشان انا طولت
بالتوفيق ياروما

لا مطولتش ولاحاجه اسئلتك حلوة والله وطبعا تنور في اى وقت ولو لسه عندك اسئله تانيه انا تحت امرك اوكى
thank you very much

جوجو كتب:ممكن اللعب معاكم نفس اسئله احمد يا روما

طبعا ياجوجو تنورى طبعا
واسئلي الاسئله الي تحبيها وانا هجاوبك عليها
بس مينفعش تكرر سؤال وانتى بتقوليلي نفس اسئله احمد
اجاوب مرتين يعنى اسالي اسئلت الي تحبي تعرفيها عنى
وانا هجاوبك عليها اوكى

اوكى يا قمر الحب فى رايك ايه

شكرا يا روما على استحملتى غلاستى وجاوبتى

وع فكرة انتى مش منطوية خالص بس دا كان مجرد سؤال

وطبعا انتى من الناس المتفتحة واللى ليكى فن التعامل مع اللى حواليكى

وانا بشكرك طبعا انك جاوبتى على اسئلتى

not at all

جوجو كتب:اوكى يا قمر الحب فى رايك ايه

دى تالت مرة اتسال السؤال ده بس هجاوبك برده
الحب اجمل احساس في الدنيا ممكن تحسيه
الحب تبادل مزدوج للاحاسيس والمشاعر
الحب احساس بالدفء والامان
الحب احساس بالراحه والسعاده الداخليه
الاحساس ده بيخليكى طايرة في السما بيخليكى دايما متفائله
وشايفه كل حاجه حواليكى جميله شيفاها بعين الحب احساسك قبل متحبي بيختلف عن احساسك بعدها
انا لسه مجربتهوش بس طبعا اى حد فينا بيتمنى يجربه ويارب كل الناس تعيش في حب وتبقي مبسوطه دايما
ميرسي ياجوجوانتى واحمد ولو عندكواى اسئله تانيه تقدرو تكتبوها وانا هجاوبكو اوكى
u r welcom

Ahmed Mounir كتب:شكرا يا روما على استحملتى غلاستى وجاوبتى

وع فكرة انتى مش منطوية خالص بس دا كان مجرد سؤال

وطبعا انتى من الناس المتفتحة واللى ليكى فن التعامل مع اللى حواليكى

وانا بشكرك طبعا انك جاوبتى على اسئلتى

not at all

لا متقولشي كده يااحمد انت مش غلس ولاحاجه والله
وميرسي لزوقك ولو عايز تسال كمان اسال عادى مفيش حاجه
انا ف انتظار اسئلتك
u r welcom in any time

يا مرحبا يا مرحبا
روووووووووووما علي الكرسي
منووووووووووووووووووووورة
دا انا ههريكي اسئلة بس اصبري عليا
ههههههههههههههههههههههههههه
الكرسي منووووووور بالانسة روما
صديقتنا العزيزة
شوية ورجعالك علي اما افوق لك كدا يا قلبي

ههههههههههههههههههه
كده يالوكا براحه عليا شويه في الاسئله
داانا صاحبتك برده
وبعدين اناعارفه انتى اخرك كلتى ايه وشربتى ايه
وبس
هههههههه
لوكا ياقمر اطلبي الي انتى عايزاه تاخدى كام

انا جيييييييييييييييييت يا سموحة
استعدي يالا

1-اسمك؟
2-سنك؟
3-محل الاقامة؟
4-عدد الاخوات؟
5-هوايتك المفضلة واكلتك المفضلة اوي اوي؟
6-اقرب الناس ليكي هنا في المنتدي؟
7-بتصلي الوقت بوقته؟
8-انتي راضية عن نفسك؟ولو راضية راضية ليه؟ولو مش راضية ليه برضو؟
9-ايام الجامعة بالنسبة لك احلي ولا ايام الثانوي؟
10-وفيه فرق بين الايام دي وايام الثانوي فهماني طبعا؟
11-مين اكتر شخص يستحوذ علي اهتمامك؟
12-اكتر عضو وعضوة عجبتك موضوعاته هنا في المنتدي؟
13-اكتر وقت ضحكتي فيه من قلبك؟
14-اصعب يوم مريتي بيه.؟كان امتي؟وايه سببه؟
15-لما بتضايقي من حاجة بتروحي فين؟
16-اتخذتي قرار في حياتك وندمتي عليه؟
17-لو رجعت السنين بيكي لورا اي سنة تتمني تمسيحها من حياتك؟
18-مريتي بحالة مرة حسيتي انك وحيدة في الدنيا؟
19-الحزن اكتر في حياتك ولا الفرح؟
20-هل جرحتي انسان قبل كدا؟
21-قدمتي اعتذار لشخص اصغر منك عمرا وقدرا؟
22-ما نسبة المجاملة في حياتك؟

يلا كفاية عليكي كدا دلوقت
اصل انا حنينة ياحبيبتي صح ولالا يابت انتي

طبعا مستنية اسئلتى
هحاول ما طولش خااااااالص كده وكده

ليه بتحبى الافلام الهندية
لو اتفرجتى على فيلم اجنبى حزين جدا بياثر فيكى
ايه موصفات الفيلم اللى بيعجبك
انتى رومانسية ولونى عارفة الاجابة
هل رومانسيتك ساعات بتسببلك المشاكل
ايه اكتر حلم بتحلمى بيه ونفسك يتحقق
كان نفسك تدخلى كلية ايه ولا كنت فى الاول اصلا حابه التمريض
اكتر اغنية بتحبيها
ايه رايك فى حب المراهقة وهل مريتى بيه
جاوبى بصرااااااااااااحة
ايه مواصفات فتى احلامك
ايه اكتر صفة بتشدك فى الشخص اللى قدامك فى البنت والولد
ايه اكتر صفة بتحبها فى نفسك
واكتر صفة مش بتحبيها
امتى سماح بتزعل من نفسها
امتى بتقولى لنفسك برافو يا سماح
لو اقدامك ورقة وقلم وقولتلك اكتبى اللى بيدور فى بالك دلوقتى
عبرى عن نفسك زى مانتى شايفاها
مين اقرب انسان لكى
مين اللى ادامه بتحسى انك كتاب مفتوح وعارفك اكتر من نفسك
ممكن تضحى عشان حد بتحبيه تضحية كبيرة
بتتبعى مين الاول قلبك ولا عقلك
لو مامتك وباباكى رفضوا انسان انتى حباه اوى مثلا يعنى هتعملى ايه
تقولى ايه للبيقولوا الجواز بينهى الحب
ايه رايك فى الجواز التقليدى وممكن تجوزى بالطريقة دى

زى ماقولتلك بالضبط ما طولتش خاااالص
ماهو انا لازم اوجب معاكى وانتى اول مرة تعدى على الكرسى
والله الكرسى منور
كفاية كده دلوقتى بس اكيد هرجعلك تااااااااااااااانى

loka كتب:انا جيييييييييييييييييت يا سموحة
استعدي يالا

1-اسمك؟
(سماح فايز مامون الرشيدى ) ع اساس انك مش عارفاه يعنى

2-سنك؟
(ماشيه في 19)

3-محل الاقامة؟
(سمنود الغربيه -بنا ابو صير )

4-عدد الاخوات؟
(3)(رامى -سماح-هناء)

5-هوايتك المفضلة واكلتك المفضلة اوي اوي؟
(متكرر يالوكا هههههههه كبسه )

6-اقرب الناس ليكي هنا في المنتدي؟
(كلكو قريبين ليا والله بس مش هحدد عشان محدش يزعل )

7-بتصلي الوقت بوقته؟
(اه الحمد لله بس سعات بقصر )

8-انتي راضية عن نفسك؟ولو راضية راضية ليه؟ولو مش راضية ليه برضو؟
(اه الحمد لله راضيه عن نفسي لان شخصيتى عجبانى وطريقه تفكيري كمان )

9-ايام الجامعة بالنسبة لك احلي ولا ايام الثانوي؟
(دى ليها زكريات ودى ليها زكريات تانيه خالص بس متهيقلي الجامعه احسن عشان مكنتش عرفت رانيا اوى في الثانوى)

10-وفيه فرق بين الايام دي وايام الثانوي فهماني طبعا؟
(اه في فرق كبير حتى في الصحاب الي كنت فكراهم صحاب )

11-مين اكتر شخص يستحوذ علي اهتمامك؟
(يستحوز والله واتطورتى يالوكا هههههههه (الاطفال)

12-اكتر عضو وعضوة عجبتك موضوعاته هنا في المنتدي؟
كلهم مواضيعهم حلوة بس لو قلنا عضو:مصطفي الشربينى لانه بيجيب دايما اخبار جديده
عضوة:يبقي كلكو بجد زيك انتى ورانيا وبوسي كات ورقيه ومنمون وايمان ايران

13-اكتر وقت ضحكتي فيه من قلبك؟
(ممكن في خطوبه مروة )

14-اصعب يوم مريتي بيه.؟كان امتي؟وايه سببه؟
(يوم كده كنت شديت شويه مع خالتى وبنتها وستى وكده ايام رمضان وقالو كلامى ضايقنى لدرجه انى حسيت انى اتخنقت اوى وهموت
انا كنت بصلي وانا بعيط ومش عارفه ابطل عياط لحد مااختى طلبت مروة من ورايا وجاتلي كنا بالليل واتكلمنا وارتاحت بعدها )

15-لما بتضايقي من حاجة بتروحي فين؟
(بعد لوحدى في اى حته بس ببقي متنرفزة اوى )

16-اتخذتي قرار في حياتك وندمتي عليه؟
(لا انا لسه واخده قرار ولو منفزتوش هندم سعتها بس هنفزه بازن الله)

17-لو رجعت السنين بيكي لورا اي سنة تتمني تمسيحها من حياتك؟
(السنين الي قضتهم مع سالى )

18-مريتي بحالة مرة حسيتي انك وحيدة في الدنيا؟
(يااااااااااااه كتير )

19-الحزن اكتر في حياتك ولا الفرح؟
(بصي هو الحزن اكتر بس انا بداريه واضحك عادى تقدرى تقولى الفرح بس فرح مزيف انا الي برسمه)

20-هل جرحتي انسان قبل كدا؟
(مش عارفه والله بس انا معرفش اجرح حد انا ممكن اجرح لو انجرحت منه )

21-قدمتي اعتذار لشخص اصغر منك عمرا وقدرا؟
(لا معتش بعتزر لحد عشان معتش بزعل حدمنى لانى بستحملكو كتير ولا تنكرى وانتى بالزات اخرتك قربت معايا استعدى بقي ههههههههه)

22-ما نسبة المجاملة في حياتك؟
(انتى عارفه انى مجامله للناس كلها تقدري تقولى 90%بجامل الناس يعنى بجبر بخاطرهم )بس مش نفاق لا طبعا

يلا كفاية عليكي كدا دلوقت
اصل انا حنينة ياحبيبتي صح ولالا يابت انتي

(صح طبعا حد يقدر يتكلم هههههههههه مش بقولك بجامل الناس هههههههه المهم لو عندك اسئله تانيه
ادخلى اشجينى ياستى ميهمكيش u r welcom ya moon

ما جاوبتيش ليه
ده اسئلتى سهلة خااااااااااالص
ولا عايزة تهربى
ياااااااااااااااااااااااااااااااااااله
جاوبى بسرعة عشان فيه اسئلة تانية كتييييييييييييييييييييييييييييييير

بتجامليني؟هو انا مش حنينة ولا مش حنينة
اوعي تقولي مش حنينة ههههههههه وربنا لاوريكي بس اما اشوفك
دا انا تعبانة خالص يابت ودخلت كتبت لك اسئلة كمان
تقدري تنكري هاااااااا تقدري
ماشي ياست سماح مقبولة منك يختي يالااااااااا
عادي واختها بتنادي
ههههههههههه

[quote="Busicat"]طبعا مستنية اسئلتى
هحاول ما طولش خااااااالص كده وكده
هههههههههه لا براحتك خالص يايويو

ليه بتحبى الافلام الهندية
(عشان رومانسيه وبيعرفو يوصلولك رومانسيتهم دى صح )

لو اتفرجتى على فيلم اجنبى حزين جدا بياثر فيكى
(انا عموما بتاثر بكل حاجه اه اكيد هتاثر بيه )

ايه موصفات الفيلم اللى بيعجبك
(رومانسي وفيه ابطال بيعرفو يمثلوا وقصته حلوة)

انتى رومانسية ولونى عارفة الاجابة
(جداااااااااااااااا )

هل رومانسيتك ساعات بتسببلك المشاكل
(يعنى سعات لان سعات بنصدم في الناس لان ببقي حاكمه عليهم انهم طيبين وبلاقيهم مش كده خالص
وكمان سعات بيجرحونى حتى ومن غير ميحسو)

ايه اكتر حلم بتحلمى بيه ونفسك يتحقق
(انتى عارفاه انى اخلص كليه بسرعه بقي واتجوز انسان محترم بالمواصفات الي قولتهالك قبل كده فكراها )

كان نفسك تدخلى كلية ايه ولا كنت فى الاول اصلا حابه التمريض
(من صغري كان نفسي ابقي ظابطه او مضيفه ولما دخلت الثانوى كان نفسي ادخل علاج طبيعلى
بس دخلت تمريض فقلت نصيبي بقي وكمان انا بستفاد منه اوى لان احنا بندرس نفس مواد الطب
فلما حد بيحصله حاجه قدامى ببقي عارفه اتصرف ازاى وكده يعنى)

اكتر اغنية بتحبيها
(متكرر )

ايه رايك فى حب المراهقة وهل مريتى بيه
(انا مكنشي حب والله كان اعجاب بس وراح لحاله من زمان الاعجاب ده ورايي فيه انه بيبقي
غصب عننا واكيد كلكو مريتوبيه ع فكرة مبيستمرش )
جاوبى بصرااااااااااااحة..................والله بصراحه اعجاب وبس

ايه مواصفات فتى احلامك
(مكرر وجاوبتك عليه لما كنا بنلعب مرة صح )

ايه اكتر صفة بتشدك فى الشخص اللى قدامك فى البنت والولد
(البنت برائتها ودمها الخفيف
(الولد شهامته ورجولته وادبه

ايه اكتر صفة بتحبها فى نفسك
(حنيتى الداخليه اصل انا مبحبش ابينها عشان محدش يستضعفنى)

واكتر صفة مش بتحبيها
(عموما القسوه .........فيا :تبقي العصبيه والنرفزة

امتى سماح بتزعل من نفسها
(لمابتامن لناس متستاهلش او لما بتزعل حد طيب وبيحبها )

امتى بتقولى لنفسك برافو يا سماح
(لما بساعد حد في مشكله ليه وبشيل عنه بريحه يعنى)

لو اقدامك ورقة وقلم وقولتلك اكتبى اللى بيدور فى بالك دلوقتى
(يارب امك متوافق عشان متجيش معايا هههههههههه )

عبرى عن نفسك زى مانتى شايفاها
(عنيده اوى بس طيبه والله )

مين اقرب انسان لكى
(اهلي وبعدين اصحابي بس لما الاقي الي قلتلك عليه هبعهم كلهم ههههههههه لاطبعا بهزر )

مين اللى ادامه بتحسى انك كتاب مفتوح وعارفك اكتر من نفسك
(محدش لان متهيقلي محدش فهمنى زى ماانا حتى اصحابي فهمنى بس مش اوى مش لدرجه كتاب مفتوح يعنى)

ممكن تضحى عشان حد بتحبيه تضحية كبيرة
(اه اكيد مدام بحبه هضحى بس هتبقي تضحيه صعبه اوى عليا وممكن بعدها اتغير لانسانه تانيه خالص )

بتتبعى مين الاول قلبك ولا عقلك
(في المواقف العاديه عقلي وسعات قلبي بس كلمت قلبي هى الي بتمشي في الاخر )

لو مامتك وباباكى رفضوا انسان انتى حباه اوى مثلا يعنى هتعملى ايه
(لو حصلت يبقي هحاول معاهم كتير وهروح لاعمامى وخلاتى واقنعهم يجو يقنعوهم ولو رافضو برده يبقي مش هتجوز
(جد تانى خالص وهعدلهم في البيت فهما عايزين يزحلقونى فهيوافقو علي طول هههههههه بس متهيقلي مش هتحصل
لانى قلتلك عنيده وهما اكيد سعادتى )

تقولى ايه للبيقولوا الجواز بينهى الحب
(اقولهم الجواز بيقوى الحب بس دا ف حاله ان الطرفين عايزين الحب ده يقوى مش كان بحبها وبموت فيها في
(الخطوبه ولما اتجوزها نسي الحب ده ......صدقينى بيقوى بس لو ساعدو بعض

ايه رايك فى الجواز التقليدى وممكن تجوزى بالطريقة دى
(الي هو امه تشوفك وتقوله عليكى ويجى يتقدملك ده ههههههههه يعنى الي حد ما بينجح عكس الي بتبقي عارفاه قبل
الجواز بس انا هتجوز جواز نصفه تقليدى ونصفه لا يعنى عادى حد اتقدم وانا ارتحتله ووافقت لو حبيته في الخطوبه
كان بها محبتوش ومستريحتش يبقي خلاص

زى ماقولتلك بالضبط ما طولتش خاااالص
ماهو انا لازم اوجب معاكى وانتى اول مرة تعدى على الكرسى
والله الكرسى منور
كفاية كده دلوقتى بس اكيد هرجعلك تااااااااااااااانى

ههههههههههه
تنورى طبعا واسئلتك جميله وعجبتنى يا ايه والله وفي انتظار اسئلتك الجديده يايويو
thank u

Busicat كتب:ما جاوبتيش ليه
ده اسئلتى سهلة خااااااااااالص
ولا عايزة تهربى
ياااااااااااااااااااااااااااااااااااله
جاوبى بسرعة عشان فيه اسئلة تانية كتييييييييييييييييييييييييييييييير

جاوبت والله
حتى بصي فوق كده
ههههههههه
شفتى بقي هى فعلا حلوة
واكتبي الي عايزة تعرفيه وانا هجاوبك
يايويو اجابات ببلاش اهى ابسطى بقي
هههههههههههههههههه

loka كتب:بتجامليني؟هو انا مش حنينة ولا مش حنينة
اوعي تقولي مش حنينة ههههههههه وربنا لاوريكي بس اما اشوفك
دا انا تعبانة خالص يابت ودخلت كتبت لك اسئلة كمان
تقدري تنكري هاااااااا تقدري
ماشي ياست سماح مقبولة منك يختي يالااااااااا
عادي واختها بتنادي
ههههههههههه

ههههههههههههههههههه
لا انا اقدر انكر يالوكا
ميرسي ليكى ياقمر واسئلتك كلها
حلوة ولو لسه عنك اشجييينى بيها ههههههههه

ازيك يا روما

منورة الكرسى

ع فكرة انا من سمنود بس من طليمة لو تعرفيها

Ahmed Mounir كتب:ازيك يا روما

منورة الكرسى

ع فكرة انا من سمنود بس من طليمة لو تعرفيها

الله يسلمك يااحمد
ودا نورك والله
لا مش عارفاها بس سمعت عنها
بس انا مش من سمنود انا مركز سمنود لكن مش بلدى دى
بس كويس طلعت غربيه زينا اهوا

هى اللعبة دي قصدها أيه؟

بيختارو عضو وبقيت الاعضاء بيدخلو يسالوه اسئله
وانا بجاوب عليها
اسئل بقي الي تحبه
وانا هجاوبك

ايه يا روما ده انتى من الغربية
انتى منين بالضبط

أه أنتي منين ؟

ده السؤال اللي الكل بيسأله

طب ماانا من مركز سمنود مش من المدينة نفسها بس من قرية طليمة اللى هى جنب بهبيت الحجارة

عرفتيها ياروما

مرسيى يا سماح على الكلام الى انتى قايلاة عليا فوق وانتى اكيد عارفة انا بحبك اد اية وبسترايحلك اد اية

وصاحبتك وكنت بحب اتكلم معاكى فى الوقت الى انا كان ليا اصحابىوانتى عرفاهم طبعا

بصى انا مش هسالك كتير لانهم خلصوا الاسئلة هجيب اسئلة منين يعنى هههههههههههه

1_ماذا تمثل سماح بالنسبة لكى(انتى شايفة نفسك ازاى)

2_ما اكثر صفة تحبيها فى نفسك
3_ما هى احلامك
4_ما هو اكتر وقت تشعرى فية بالغضب من نفسك

5_ما هو رايك عن الحب قبل الخطوبة او الزواج

6_ما رايك فى الرجل

7_ما رايك فى المراة

8_ما رايك عن الصداقة بين الولد والبنت(فى الكلية-على النت)

9_ما هو رقمك المفضل ويومك المفضل ولية

10-ما هو ممثل والمغنى المفضل وطبعا العربى لان عرفين الهندى

11-ما الشىء الذى كنتى تتمنية ومحققتهوش وزعلت انك معملتهوش بعيدا عن الكلية الى كان نفسك فيها

ماذا تمثل لكى المراحل (الطفولة-المراهقة-الشباب-الشيخوخة)واى مرحلة افضل لكى

واخيرا


رايك فيا وفى شخصيتى وعيوبى ومميزاتى واكتر حاجة بتحبيها فيا واكتر حاجة مبتحبيهاش بصراااااااااااااحة ومن غير مجاملة
شفتى مش كتير يا سماح

سلام يا قمر