رد: نادى التقوى

من طرف MeGa الأربعاء أغسطس 26, 2009 9:30 am

شكرا ع الفكرة د/رضوي
شكرا ع ترشيحك يا فرج

من طرف mody الأربعاء أغسطس 26, 2009 1:04 pm

بسم الله الرحمن الرحيم (إن هذا القرآن يهدي للتي هي أقوم ويبشر المؤمنين الذين يعملون الصالحات أن لهم أجرا كبيراً )"9"الاسراء
لو استشعرنا هذه الآيه فى كل مرة نقرأ فيها القرآن سنزداد انشراحا للصدور وفخرا بهذا الدين وصلاحا فى النفوس ونفعا للآخرين وثباتا على الاسلام ومعانى كثيرة (بإذن الله) .. لابد أن نعى أن القرآن هو دستورنا ل.. حقيقة لانريدة مصحفا فى الجيوب ليصوننا وفقط ولا فى السيارات مغلق وتراكم عليه غبار العام مع أن الخير كله فيه ..اجعل لنفسك خلوات مع هذه النعمة التى لو شكرنا الله عليها أبد الدهر ماأدينا حقها..فى الدراسة وفى الأجازة ..خذ رمضان البداية..ادعو الله أن يوفقك الى هذا ويثبتك عليه لأن الأمر كله بيد الله.. اذا كنت لاتجيد القراءة فأثبت فلك أجران (أجر القراءة وأجر المشقة) ندعو الله جميعا فى صلواتنا أن يجعل القرآن ربيع قلوبنا.. جزاكم الله خيرا

من طرف dezner الجمعة أغسطس 28, 2009 9:22 pm

مشروعنا الجديد بعنوان ( شبابنا بعيد عن الكذب)

الكذب يا أخوتى من أبغض الصفات التى تتسب فى جميع الصفات السيئة بعد ذلك

فالكذب هو الأساس ولا يكون المؤمن كذابا كما أخبر بذلك الصادق الأمين صلوات ربى وتسليماته عليه

للأسف كثير مننا يلجأ للكذب إما للخوف من قول الحقيقة او الظهور بمظهر حسن لكن دائما ما يطول طريق الكذب حتى تتكشف الحقائق فى النهاية

مين عنده المشكلة دى؟؟أو مين يعرف حد عنده المشكله دى؟؟؟؟

يا ريت اللى يعرف يكلمنا لأن بجد الموضوع دا خطير جدااااااااااااااااااااا

كنت زمان وانا صغير كسرت كوباية فبابا جه سألنى مين كسر الكوبايه دى؟ قلتله ببراة الأطفال أنا ادانى (بونبونى) قلتله دا عشان كسرت الكوبايه ضحك وقال لا عشان ماكدبتش

بعدها بحوالى سنتين عرفت الكدب واتكرر نفس الموقف وسألنى مين كسر الكوبايه ( قلتله أختى) كانت لسه صغيرة ومش هتعرف تدافع على نفسها..قالى يبئا انت عليك ليا بونبونى لأنك كدبت فاكر البونبونايه ولا لا؟؟؟؟

قعد والله ساعة يفهمنى انه أكتر صفة بيخاف انها تكون موجودة فيا الكذب لأنه سبب فى جميع المعاصى الكبرى

وقالى كلمة عمرى ما نسيتها قال يا محمد خليك فاكر ( دا حتى الساعة الواقفة اللى مش شغاله بتكون صادقه مرتين فى اليوم)

يالا يا شباب نبعد عن الكذب ومعا لشباب مسلم غير كاذب

من طرف heba الجمعة أغسطس 28, 2009 9:33 pm

مشروع حلو قوى كالعادة
الكدب دة هو اساس كل الصفات السيئة اللى موجودة فى الدنيا
ناس كتير قوى بتتجه للكدب عشان متبانش فى موقف محرج او عشان تبان بشكل اجمل
ناس كتير بتفتكر ان الكدب منجاة
بس طبعا لا الصدق هو اللى منجاة من اى صفة سيئة
وفى ناس تقول دى كدبة بيضة متضرش بس طبعا الكدب هو هو مفيش ابيض ولا اسود

ربنا يبعد كل الناس عن الكذب

من طرف dezner الجمعة أغسطس 28, 2009 9:38 pm

صح
معاكى حق يا بوسى

ووضحتى حته خطيرة جدااااااااااااااااااااا

ان حكاية الكدبة البيضا دى انتشرت أوىىىى وكأن الناس بتحلل الكدب لأنه الحل الوحيد قدمها

وتانى بقول الكدب معناه ضعف الشخصية لأنك مش قادر تواجه الواقع

شكرا بوسى

من طرف omayma السبت أغسطس 29, 2009 2:35 am

فعلا الكدب بقى منتشر اوى اليومين دول وفعلا الناس بتلجأله عشان تخرج نفسها من مواقف كتير محرجة
ده حتى كان فيه قصة زمان اكيد كلكوا سمعتوها عن الست اللى قالت لولد صغير يعمل حاجة وقالته لو عملتها ساعطيك تمرة الولد عملها وراح قالها عايز التمرة قالتله انا كنت بضحك عليك ومش معايا تمرة فالرسول قالها لقد كتبت عليكى كذبة
وشوفوا قد ايه الحاجة دى بسيطة
شوفوا دلوقتى كمية الكدب الل بقت منتشرة
وبرده حكاية الناس اللى تكدب وفى الاخر تقولك ده كدب ابيض مفيش حاجة اسمها كدب ابيض وكدباسود
وكان فيه حديث عن ارسوول عليه افضل الصلاة والسلام انا مش فاكراه حاليا
بس فيما معناه ان الكدب ميجوزش غير فى 3 حاجات بس في ااصلاح بين امتخاصمين وفى الحرب وفى الاصلاح بين المراة وزوجها
تقريبا يعنى انا مش متذكرة الحديث اوى

من طرف MeGa السبت أغسطس 29, 2009 4:07 am

The broken clock tells us the time twice truely in the day.....
Even the (((broken))) clock tells the truth
begad kelma 3omry ma hansaha
mashro3 gameel gedan
wfakakom alah

من طرف MeGa السبت أغسطس 29, 2009 4:09 am

The broken clock tells us the true time two times in day......
Even the (((broken))) clock tells the truth
begad kelma 3omry ma hansaha
mashro3 gameel gedan
wfakakom alah

من طرف dr.ahmedilwn السبت أغسطس 29, 2009 1:26 pm

معلش يا جماعة أنا مش عارف إزاى مشفتش الموضوع ده إلا دلوقتى

و اكيد أتمنى إنى أكون عضو معاكم

يا رب تقبلونى معاكم

لأن الفكرة بجد جميلة جدا

من طرف dr.ahmedilwn السبت أغسطس 29, 2009 1:32 pm

و بالنسبة لموضوع الكدب ده موضوع بجد خطير جدا وكل الناس بتقع فيه كتير حتى لو كان ده بحسن نية

بس الرسول - صلى الله عليه وسلم - قالها من زمان ( فيما معناه ) الصدق ينجى والكذب ملوش نهاية غير الهلاك

يمكن لو الواحد فى مواقف بالذات مع الأب والأم لما يقول الصدق ويلاقى نفسه بيتعرض للعقاب ويتكرر ده أكتر من مرة يلاقى إن الصدق مش بينجى ولا حاجة لأنه بيتعاقب أهه وده سوء تقدير من الآباء أولا واخرا وخصوصا لو كان الإبن أو الإبنة فى عمر صغير ولسه بيكون فكرته عن الحياة لأنه بعد كده بالطريقة ديه هيقتنع إن الكدب اللى بينجى مش الصدق و هايخده كطريق فى الحياة واللى هيؤدى طبيعيا لكثير من المصائب والكوارث كلنا بنعيشها كل يوم

آسف على الإطالة

من طرف Dr.R السبت أغسطس 29, 2009 1:44 pm

أنا أصلا معاكو

وبعدين الكدب حاجه سيئه
بس إللى بيكدب مش عارف أنو بيكدب
لأنو فاكر إن ده الطبيعى
وبعض الدكتره بيعتبروا الكداب مريض نفسى

الكداب ضعيف الشخصيه
الكدب فى لسانه دائما مش بيكدب مره ولا إتنين
لأ دائما فى أبسط الأمور ....... لأنو متخيل إن ده الطبيعى
وعلى فكره سهل جدا من إكتشاف إن كان الشخص بيكدب ولا لأ
أبسط حاجه أنو بيغير كلامو بسرعه وكلامه متناقض ولو سألتو فى حاجه وسألتو فى نفس الحاجه بعد شويه رده هيختلف
يستخدم الكاذب اقل عدد ممكن من الكلمات وهو في الحقيقة يفكر هيقول إيه من اكاذيب وفى ايضاً كداب يتبع العكس ليربكوا المستمع ويثبتوا أنهم صادقين .
الكداب يستخدم دائما كلمه مش عارف
يمكن أنا طولت فى الكلام لأنى قابلت الأنواع دى كلها فى حياتى
وإللى يعيش ياما يشوف

وربنا يحفظنا ويحفظكم جميعااا

_____________________________

هو قلمى
يكتب ما يريد..يعبر عن رأيى
وضعت له خطوطا حمراء..لا يتجاوزها
ليس أى كان سلطه عليه
ليس المهم أن يرضى الناس
الأهم أن يرضى ضميرى

من طرف spy.eng السبت أغسطس 29, 2009 4:54 pm

الله عليك يادزنر ياحبيب قلبى موضوع جامد جدا وربنا يبعدنا عن الكذب ان شاء الله وياجماعة دى طرق عملية للتخلص من هذه العادة السيئة
1-معرفتك أنه من كبائر الذنوب، وأن عاقبته وخيمة، وأن الله لا يحب الكاذبين،
2-مراقبة الله واستشعار نظره إليك وقربه منك
3-الحياء من ملائكة الرحمة الموكلين بكتب ما ينطق به ابن آدم، فتستحي منهم أن يكتبوا في صحائفهم افتراءك للكذب
4-سؤال الله كثيراً بذل وإلحاح أن يجعلك صادق اللهجة، وأن يبغض إليك الكذب ويصرفه عنك
5-طلب العلم النافع، فإنه يقرب إلى الله تعالى، ويقضي على أسباب الكذب والتي منها: عدم إقدار الله حق قدره بالجهل بأسمائه وصفاته وأفعاله، ومنها: الخوف من غير الله خوفاً لا يكون إلا لله، ومنها: عدم التوكل على الله، وغير ذلك من الأسباب
6-صحبة الصالحين، فإن صحبتهم تغري بالصلاح، والصاحب ساحب، والطباع سراقة، ففتش عن الشباب المؤمن المستقيم، وانخرط في سلكهم، وتعاون معهم على الخير، فستنفعك صحبتهم وستتغير طباعك وأخلاقك الذميمة إن شاء الله.

الطرق منقولة عن موقع اسلام ويب علشان مكونش كداب هههههههههههه سلام

من طرف Den.emoOo السبت أغسطس 29, 2009 5:11 pm

واضح انى جيت متاخره اوى وفاتنى شويه مواضيع

معلش بقى ظروف

المهم نتكلم عن الموضوع المطروح وهو الكدب

الكدب ده بجد ن اذم واقبح الصفات اللى ممكن تكون موجوده فى حد

لان اى حد بيكدب ممكن يعمل اى حاجه وحشه

والكدب مالوش رجلين على فكره ....يعنى هتكدب مره مرتين تلاته عشرين فى الاخر الكدب بيبان

بس فيه حاجه انا كنت قريتها

ان ربنا مبيفضحش حد من اول مره

يعنى اللى يكدب وتعرف انه كدب لازم تعرف ان دى مش اول مره يكدب فيها

لان ربنا بيصبر على البنى ادم ومش بيفضحوا من اول مره..زى ما يكون بيديلوا فرصه انه مبيكدبش تانى

...................

بس طبعا احب اقول حاجه فى الاخر محدش فينا مكدبش قبل كده..ولو هتكلم على نفسى فهقول انى للاسف اضطريت اكدب قبل كده لان انا مش ملاك ومحدش فينا معصوم من الخطا

بس الخطا بقى اننا منعترفش اننا كدبنا ونعاند فى ده

............................

وياريت كل واحد فينا يبدا بنفسه ويحاول يشوف هو عمل ايه غلط او كدب على مين ويصلح ده

********************

اسفه انى طولت
بس احب اقول فى الاخر ربنا يهدينا جميعا ويغفرلنا ذنوبنا ويرحمنا جميعا

وشكراااااااااااااااااااا

من طرف spy.eng السبت أغسطس 29, 2009 5:36 pm

(اضاعة الوقت)

تسمحولى اعرض موضوع للمناقشة وهو موضوع اضاعة الوقت للأسف ياجماعة الشباب دلوقتى معدش بيسال ازاى استغل وقتى صح ؟لأ بيقول انا مش لاقى حاجة اعملها اهو وقت وبنضيعه سبحان الله الأية اتقلبت يعنى خلاص ياخويا عملت كل حاجة تقربت الى الله وضمنت الجنة ولا بقيت اكبر عالم فى مجالك ولا بقيت ماسك وظيفة بتاخد منها اكبر مرتب فى العالم وبقيت اغنى اغنياء العالم مش عارف المشكلة الكبيرة بقى ان اللى بيضيع وقته مش حاسس انها مشكلة ياريت نناقش الموضوع واللى عنده حاجة فى ازاى نقضى على الظاهرة دية يقولها
وجزاكم الله خيرا[i]

من طرف Dr/Asmaa السبت أغسطس 29, 2009 11:25 pm

الموضوع ده اكثر من رائع
وبجد اافادة منه كبيرة
وانا معاكو ان شاء الله

اما بالنسبة لموضوع اضاعة الوقت فهو افة العصر حقا
وان كنت اول من عاني منه الا اني بحاول اقاومه وبرجع اعقد النية لله اني استفيد من وقتي
ومبحسش بكده الا في الاجازة بس
واعتقد ان المشكلة ان الشباب بلا وجهه بلا هدف ماشين كده وخلاص ذي ما بيقولوا
وبالتالي مش لاقي حاجة يعمله لان الانسان لازم يبقي عنده دافع عشان يشتغل ويجتهد

كمان معظم الشباب وبالذات في بلدنا حاسس انوا مالوش لازمه يعني مشكلاته ما بتشغلش اي حد صوته مش مسموع مالوش قيمه في البلد دي بمعني اصح وبالتالي فهو هيشتغل ويجتهد ليه وهو فاقد اامل

عذرا للاطالة
وموضوع جميل للمناقشة

من طرف dezner الإثنين أغسطس 31, 2009 3:03 pm

هو المشكلة نابعة من جوه الشباب و اعتقادهم بعدم القدرة فى التأثير على الأحداث

أفة العصر كلمة و أنا مالى هو انا اللى هغير الكون

ومفيش حاجة شغالة بال الشباب

مفيش قضية حقيقية أو هدف عايزين يحققوه مع ان الخير جواهم ودا أكيد

ودا طبعا لأنه حاسس انه مهما عمل مش هيقدر يوصل وطبعا موضوع الكوسة اللى واخد الحيز الأكبر على الساحة اليومين دول

مخلى الشباب محبطين وقعدين على القهاوى يتفرجوا على الماتشات او يلعبوا شطرنج

لازم الإيمان بالهدف ونسيب النتايج على الله

من طرف someone الإثنين أغسطس 31, 2009 4:33 pm

حقيقي فكره النادى فكرة هايلة يمكن شفت الموضوع متأخر شويه .

بالنسبة لاضاعة الوقت فالوقت الى بيعدى ده هو حياتنا كل دقيقة بتمر فعلا معدتش راجعة
تانى اكيد كل واحد فينا ضيع من وقته كتير لكن المهم نلحق الباقى
علشان كده لازم يكون فى فن لادارة الوقت.
دا لو الانسان ضيع ساعتين بس فى اليوم ونفرض ان الانسان ده عنده سبعين سنة
فيكون الانسان ده صيع من 6 الى 8 سنين من عمره.
فيا ريت بجد نقدر نستفيد من الوقت اقصى استفادة.

من طرف MeGa الإثنين أغسطس 31, 2009 9:21 pm

موضوع و مشروع جديد رائع كالعاده
شكرا سباي انج

اضاعه الوقت لا يجني ثمارها الفاسده الا من يفعلها

نضيع وقت من
وقتنا نحن
الذي سوف نحاسب عليه
عن عمره فيما افناه
لا اله الا الله

من طرف cutegirl الأربعاء سبتمبر 02, 2009 5:22 am

معلش انا شوفت الموضوع متاحر اوووووووووووووووووووووووووووووووووووى بس مش مشكله ويا ريت تقبلوني معاكو ف النادى يا جماعة وبالنسبه لموضوع الوقت احنا بنعاني دلوقتي من عدم القدرة علي استثمار الوقت بالطريقة االمثلي احنا ف الصيف دلوقتي حد فكر بجد انه يقسم ايام الاسبوع بحيث انه كل يوم يعمل حاجات معينه ليه يعني مثلا يبقي جدول يحط فيه الحاجات الي هو محتاجها مثلا يبقي فياليوم صله رحم تقرب من الله قرايه كتاب خروج مع الاصحاب ممكن شويه ع النت دى طريقة قال عليها الداعيه مصطفي حسني لادارة الوقت هى مش هي دى الفكرة العامة ليها تقريبا يا ريت نحاول نستفيد منها كلنا ومش لازم يبقي كله ف يوم واحد ممكن نقسم الحاجات دى علي ايام الاسبوع والموضوع جميل اوى بجد ويارب كلنا نستفيد

من طرف roma الأربعاء سبتمبر 02, 2009 4:32 pm

وانا كمان معاكو ان شاء اللة

من طرف roma الأربعاء سبتمبر 02, 2009 5:02 pm

للاسف انا وصلت متاخر اوى وفاتنى مواضيع مهمة ومعظمها يهمنى جدا
وهتكلم عن اول موضوع وانا كنت اتكلمت فية بس في منتدى المناقشات العامة وهو ان انا وواحدة صاحبتى سيبنا بعض بعد صداقت 7سنين ودلوقتى احنا مبنتكلمشي الصراحة هى بتقولي ازيك لما بتشوفنى وانا برد في وقتها بس بعدها مبكلمهاش خالص وانا بسالكو
كل الناس بتقولى كلميها كزملاء علي الاقل بس انا مش قادرة اكلمها بجد واللة انا مجروحة منها اوى اوى ومش هينفع اكلمها انا من جوايا مش حبه انى اكلمها وبضايق جدا لما بشوفها في الكلية لاننا في كلية واحدة بس انا لما بشوفهابفتكر كل الى عملتو فيا ومش قادرة بجد انا عارفة ان حرام عليا خاصة اننا في رمضان بس هعمل اية بجد مش بايدى عايزة اعرف رايكو اية ويارب متقولولي كلميها

من طرف dezner السبت سبتمبر 05, 2009 2:06 am

يارب متقولولي كلميها

طول ما انتى حاطة دا فى دماغك مش هتسمعى لنصح أى حد

أكيد احنا مش عارفين ايه أسباب القطيعة دى بس ممكن تكون غيرة أو ماشابه ذلك

لكن صداقة هذه السنوات لا يجب ان تقطع هكذا

دائما أختى تذكرى وخيرهما من يبدأ بالسلام

حتى اذا كنت على حق وهيا اللى غلطانة فما المانع أن تلقى عليها السلام إذا صادفتها مرة

حصل معايا نفس الموقف مع اعز صديق ليا و بالرغم ان كل اللى حواليا عارفين انه غلطان شوفته فى الشارع و سلم عليا و سلمت عليه ومع الأيام جالى واعترف بخطأه وأعتذر وأنا قبلت عذره ورجعت الميه لمجاريها

لازم نخلى الباب موارب يمكن تتحل

مستنى أرائكم

من طرف heba السبت سبتمبر 05, 2009 2:17 am

مهما كانت غلطت يا روما استحالة يكون فى قطيعة بينكم
انتوا نفس مجال العمل ونفس الدراسة ع الاقل زملاء حتى لو كان فى كلام خفيف بينكم
انما انتى عاوزة تقاطعيها تماما
مش يمكن هى ترجع تعتذر وتعرف مدى قيمتك عندها وكل شئ يتصلح
انصحك بجد بلاش القطيعة تماما
زى ما محمد قال خلى الباب موارب شوية
مسير الامور ترجع زى الاول
وربنا يوفقكوا

من طرف someone السبت سبتمبر 05, 2009 2:24 am

ع فكره الى بيبتدى بالصلح بيبان كبير اوى بجد
ممكن الى يكون مانع البدء بالصلح هو الاحساس بأن ده شىء يقلل من كرامته
لكن حقيقى الناس الى بتشوف الموقف بتعرف ان عقله كبير
وبعدين طالما دى صداقة خالصة لوجه الله وانتى مش عاوزة منها حاجة
وبدأتى انتى بالكلام وفتحتى باب تانى للمناقشة والصلح كده مش عليكى اى غبار
واحنا ف شهر كريم عسى الله يجازيكى خير لو بدأتى بالكلام لان انتوا ف الاخر اصدقاء
من زمان.

من طرف dezner السبت سبتمبر 05, 2009 2:44 am

كلامكم جميل جدااااااااااااا

بس انا برضه عاتب على روما فى كلمة يا رب ما تقولولى كلميها

لأن دينا دين جميل وبيحافظ على العلاقات الإنسانية

و بداية انك كاتبه الموضوع دليل ان الموضوع يهمك وان فى جواكى خير كبير و أحسب ذلك

من طرف MeGa السبت سبتمبر 05, 2009 3:09 am

لا استطيع الاضافه بعد اراء اخواني
بس
ليس معني ان تمدي يدك بالسلام او الكلام
الانتقاص من قدرك او اهانة لكرامتك الجريحة بسببها
و لكنها تعني انك تودين ان ترجع المياه لمجاريها ولكن ......
تريدين معرفة رد فعلها
وبذلك تكونين قد اطفأتي هذه النار المستعره في داخل نفسك
لا تعرفين سببا و لا تريدين قطيعة ولا تدرين رد فعلها جراء ابتدائك بالحديث
ولكن عندما تدعين الباب مواربا بينكما فلربما تقر نفسك و تفهمين
دعونا نتخيل مثلا صديقين
مثلي انا و صديقي مثلا
مرارا وتكراره تشاجرنا و تخاصمنا لأياما
و لكن
لا ندري كيف تعود المياه لمجاريها
ولا ندقق فيمن بدأ بالسلام
او فيمن قبل السلام
لماذا لا نشعر بذلك
لأن المياه ابدا لاتترك مجاريها
ربما تبطئ قليلا و لكنها لا تجف او تنضب
فنحن احباء في الله
تقبلي رأيي