رد: نادى التقوى

من طرف dezner السبت أغسطس 22, 2009 2:53 pm

المشروع التانى بعنوان ( رضا الوالدين طريقنا لجنة ربنا)

كام مرة والدك أو والدتك طلبوا منك حاجة واتأففت وزرجنت وبرطمت بالكلام( مش عايز أنزل اشمعنى انا ماتقولوا للتانى دا)

كام مرة قبلت ايد الحاجة وانت داخل أو خارج

كام مرة اترنفزت عليهم

ورغم كل دا لن تجد من يحبك فى الدنيا أكثر منهم

عايزين من هنا نبدأ بداية صحيحة لبر يدخلنا الجنة

مش لا قدر الله ممكن أى واحد منا يفارق الدنيا وأهله مش راضين عنه يبئا كتب عليه الهلاك

اللى يعرف حد عنده مشكله مع والديه يقولنا ولو أى حد حاسس إن أهله زعلانين منه يروح يستسمحهم وبلاش كبرياء الشباب اللى كلنا عارفينوا

عايز مناقشة فعالة و مواقف حصلت معاكم و مشاكلنا ومشاكل اللى حوالينا عسى الله أن يجعلنا سببا فى حل بعضها

مستنى الردود

تنويه .. الكلام فى المشروع الأول ماخلصش ومش هيخلص طول مافى عمر بإذن الله

من طرف heba السبت أغسطس 22, 2009 3:57 pm

جميلة جدا فكرة المشروع التانى
وطبعا رضا الوالدين من اهم الاشياء بعد عبادة الله سبحانه وتعالى
ولن تجد اى انسان ناجح فى دنيته الا برضا والديه عنه بعد رضا الله سبحانه وتعالى
انا عمرى ما حسيت بدة بجد الا لما والد صاحبتى مات
هى صاحبتى المقربة منى
قالتلى انها ندمانة على كل ثانية اغضبت والدها منها
وان لو والدها رجع تانى هتعيش طول عمرها برضاه
وقالتلى ان محدش بيحس بقيمة حد الا لما بيروح منه
يومها حسيت ان انا ابويا وامى لسة عايشين وانى مش هستنى لما يروحوا منى علشان ابقى بارة بيهم
والحمد لله علاقتى بيهم تمام واتمنى يا رب على طول

من طرف MeGa السبت أغسطس 22, 2009 4:36 pm

شكرا يا محمد
حصلي انا فعلا الموضوع ده
و كنت زعلت والدي مني
و كانت اسوأ فترات حياتي

من طرف dezner السبت أغسطس 22, 2009 6:08 pm

أنا حصل معايا نفس الموقف و كبرياء الشباب صورلى إنى انا صح ومش لازم أعتذر

ويومها توفى والد أعز صحابى وكأن ربنا بيقولى حذار حذار

رجعت لوالدى وانا باكى ومن يومها والله أفعل ما فى وسعى لإرضائهما

وكانت والدة صاحبى دايما تشتكيلى منه وانه مطلع عنيها على حد تعبيرها فذكرته بمدى صبرها واحتمالها له واللى بذلته وانه مش هيقدر يصبر على أى حد زى ماهى صبرت عليه ورق قلبه وراح استسمحها وبعدها بيومين توفيت جالى بعد الدفن وقالى تخيل لو كانت توفت وهى زعلانة منى كنت هلكت

مستنى مشاركتكم

من طرف omayma السبت أغسطس 22, 2009 6:19 pm

ايوة فعلا طبعا رضاء الوالدين من رضا الله
بجد كل واحد و قعد يفكر فى اللى هما بيعملوه عشانه وانهم بيستحملوه مهما عم فيهم وان مفيش حد هيحبك زي ما بيحبوك

بجد عمرك ما هتزعلهم

يا ريت فعلا اى حد مزعل والده او والدته فى حاجة يروح ويصالحهم ويستسمحهم بجد هتلاقي بعدها السعادة فى عنيهم وبجد هيبقوا راضيين عنك ساعتها هتحس بسعادة كبيرة وان ربنا راضي عنك وانك نفسك راضي عن نفسك

من طرف den.M.H.ELkholy السبت أغسطس 22, 2009 11:28 pm

موضوع جميل جدا

وتقبلوني في نادي التقوي

اللهم اجعلنا من المتقين

من طرف den.M.H.ELkholy السبت أغسطس 22, 2009 11:47 pm

انا والله العظيم معرفش أنام وانا مزعل حد فيهم وربنا يبراكلي فيهم ويباركلي في دعواتهم لية الي أنا اصلا من غيرها مسواش حاجة

إلى متى سنبقى في التأجيل المستمر للتفكير في برنا لوالدينا..

إلى متى سيبقى الوقت لم يحن للبر؟؟..

وكأننا ضمنا معيشتهم أبد الدهر..

وغفلنا عن هذا الكنز الذي تحت أبصارنا ولكننا للأسف لم نره..

وكاننا نسينا مراقبة الله وكأننا لن نحاسب

ولماذا نظن أن برنا لوالدينا كرم من عندنا أو شئ يمكن فعله او تركة كلا يإخواني إنه واجب علينا

فنحن لا يجب ان ننسي فضل أبوينا لينا وسهرهم لراحتنا وتضحياتهم من اجلنا ونحن فقط نعقهم ونتأفف من خدمتهم

أليس هذا خطايجب تصحيحة منا جميعا

من طرف Den.emoOo الأحد أغسطس 23, 2009 12:30 am

لا انا الحمد لله بابا وماما كويسين وراضيين عنى الحمد لله

بس كانت جت فتره كده وكنت بزعل من بابا كتير

او بمعنى اصح وبصراحه يعنى كنت غلطت ومن غلطى بقيت حاسه انى وحشه وانى مكروهه وعلشان كده كنت بحاول ازعل بابا منى ومش عارفه كنت بعمل كده ليه

بس كنت بحس انى بقيت وحشه اوى من كله فبحاول بقى اخلى بابا يزعقلى او كده علشان ابقى كويسه

يمكن محدش هيفهم كلامى بس مش عارفه او مش قادره اوصل الموضوع كويس

بس الحمد لله ...ابتديت ارضى عن نفسى واصالح بابا تانى

والحمد لله هو راضى عنى دلوقتى وبجد بجد انا بموووووووت فيك يا بابا

اما ماما بقى فدى اطيب حد فى الدنيا مش بنزعل من بعض خالص دى سوسو حبيبه قلبى ربنا يخلهالى يارب

بس بجد والله العظيم انا لما بيبقى ماما وبابا راضيين عنى بحس ان الدنيا حلوه جدا جدا

اما بقى لما بيزعلوا منى ببقى بجد مخنوقه اوى اوى وحاسه انى وحشه جدا

سورى طولت عليكم

ولازم اى حد مزعل مامته او باباه يروح يصالحهم على طووووووووووووووووووول

من طرف mody الأحد أغسطس 23, 2009 12:59 am

وقضى ربك ألاّ تعبدوا إلا إياه وبالوالدين إحساناً * إما يبلغنّ عندك الكبر أحدهما أو كلاهما فلا تقل لهما أُفٍّ ولا تنهرهما وقل لهما قولاً كريماً) الإسراء/ 23-24.
ياجماعة ربنا عزوجل بيكلم كل واحد فينا ..لو احنا مستشعرين كدة هنحاول بأقصى جهد عندنا الحرص على بر الوالدين ..لأنه ماينفعش الا كدة.. أكيد مننا كتير عمل مشاكل معاهم فى البيت مرة واتنين وأكتر بس الذكى ((اللى يرجع)) وبيبقى متهيألنا ان احنا صح بس والله غلط حتى لو احنا صح وافتكروا الآيه الكريمة .. من غيرهم احنا صغيرين وللحديث بقية

من طرف Mostafa ElShirbeny الأحد أغسطس 23, 2009 1:14 am

طبعا موضوع مهم و خطير
و اكيد كاى انسان حصل مشاكل و خلافات احيانا مع والدى لكن رغم كده كنت قريب جدا منه و الحمد لله حاسس انه لما توفى كان راضى عنى و والدتى طبعا مقدرش ازعلها و بحاول ارضيها ف كل صغيرة و كبيرة و ربنا يقدرنا جميعا على ارضاء والدينا
و حاجه كمان الايام دوارة يا جماعة ممكن ربنا يبتليك بابن يطلع عينك زى ما عملت مع والدك او يرزقك بابن يكون سند ليك زى ما كنت عون لوالدك برضه

من طرف dezner الأحد أغسطس 23, 2009 3:50 am

شكرا لمشاركتكم جميعا

وزى ما صاصا قال كما تدين تدان واى حد بيعق والديه وبيزعلهم يتأكد ان هيكونله ولد يطلع عنيه

كان فى قصة معروفة اذكرها

كان هناك رجل يسكن فى منزل ووالده فى منزل أخر فكان يذهب إليه بين الحين والأخر مصطحبا ولده الصغير

وكان يأتى بطبق خشبى قديم يضع الاكل لوالده فيه فسأله ابنه ( الطبق الوحش دا لمين يا بابا)
فرد قائل ( لجدو عشان ياكل)
فرد الولد ببراءة ( أنا هخلى معايا عشان أكلك فيه لما تكبر)

فصعق الرجل وعاد إلى رشده واستغفر ريه وطلب العفو من والده

ومنور يا أبو هشام فى نادينا

من طرف Eman Iran الأحد أغسطس 23, 2009 5:48 pm

يااااااااه بر الوالدين ده موضوع جمييييل جداااااا

بجد بشوف فيه عظم الاخلاق والرقى الحضارى كله ...وده اكبر دليل على اننا دين مش همجى ولا يدعو للعنف

لانه بيحثنا على احترام الكبير وطاعته ...و طبعا الوالدين لهما مكانه خاصة

و بجد بجد مش بيحس بقيمة والديه الا اللى فقدهما فعل زى ما قلتم

انا الحمد لله كنت بشوف امى بتروح تطبخ لجدى فى البيت((رحمه الله وادخله فسيح جناته وغفر له ما تقدم من ذنبه وجعل له قبره روضه من رياض الجنة ))
وكانت بتبر بيه سبحان الله لغايه الايام اللى كانت قبل مماته مباشرة
واكيد ان شاء الله هو مات وهو راض عنها

وانا للاسف يعنى اعتبر مقصرة فى حق امى مهما كان
بس النهاردة الصبح قالتلى بنفسها انا دعتلك فى الصلاة ...بجد الجمله دى فرحتنى جداااااا

وفعلا مفيش حد فى الدنيا دى كلها هيتمنى انك تكون احسن منه غير امك وابوك

وانا حطيت موضوع فى المناقشات العامة عن بر الوالدين

الموضوع بجد اكثر من رائع

انا لما قريته بكيت والله
اتمنى ان انتوا تقرؤوه

https://senanko.own0.com/montada-f27/topic-t4577.htm#145144

وبالنسبة للاكونت اللى اسمه ...اريد حلا

اللى حابب يستخدمه ياريت يبقى يبعت المشكلة لاى حد من الadmins
وهو بدوره يحطها فى الموضوع

عشان المشاكل كلها تبقى ب آى بى واحد

واللى هيكون بتاع الادمين ان شاء الله

من طرف dezner الأحد أغسطس 23, 2009 6:16 pm

أعتقد ان كل واحد بيحس قد ايه أهله بيستحملوا بحب وود من غير تذمر

وشوف لما تبئا تعبان بيكونوا عاملين ازاى

منساش أبدا دموع أمى الغالية فى مرضى وانا فى 2 إعدادى تقريبا

بجد منظر لا يوصف وشعور صعب جداااااااااااااااا

بكون حاسس انى قليل أوى عشان دموعك يا غالية وفى نفس الوقت فرحان بحبها وحب ربنا ليا لأنه أعطانى أما مثلها

من طرف MeGa الأحد أغسطس 23, 2009 6:24 pm

انا عندما اري دموع امي
احس
ان الدنيا تبكي
و ابذل روحي فداء دمعه من عيونها
ربنا يخليكي ليا يا امي

من طرف dezner الثلاثاء أغسطس 25, 2009 2:54 am

مشروع جديد بعنوان ( صلة الرحم توجب صلة الرب)

موضوع متكرر و أكيد بسمع أو بنقرأ فيه كتيييييييييير بس يا ترى كلنا بنفذ

عايز أسألكم يا شباب حبة أسئلة و تجوبوا عليها

1-امتى اخر مرة زرت فيها حد من قرايبك؟ أقصد قرابة من الدرجة الأولى
2- تعرف تتعرف على جميع قرايبك؟ يعنى تحدد صلة قرابة كل واحد بيك
3- فى رأيك ايه أهم أسباب ابتعادنا عن صلة الرحم؟
4- ممكن تزور حد من قرايبك حتى لو هو مجاش بيتك من سنة مثلا؟

جاوبوا بمنتهى المصداقية عشان نفتح باب النقاش وعايزين نعمل رمضان بداية حقيقية لعبادة جميلة قيمة يحبها الله ومش كدا وبس دا كمان بتعمق العلاقات الإجتماعية

ليا واحد صاحبى عامل حاجة جميلة جدا

كل يوم خميس على مدار السنة بيجمع العيلة ويروحوا عند واحد منهم وكمان عاملين حاجة اسمها رابطة العيلة بيعرضوا فيها مشاكل أى حد بينتهى اسمه باسم العيلة دى وكمان صنوق العيلة بيجمعوا فيه اللى ربنا يقدرهم عليه ويساعدوا فى جواز فلان وعلاج فلان وكدا

ليه ما نطبقش الحكاية دى فى بيوتنا ولا صعب؟؟؟؟؟

مستنى مشاركتكم

من طرف MeGa الثلاثاء أغسطس 25, 2009 4:18 am

كلام جميل و مشروع قوي كعادتك
1_لسه زاير جدتي من اسبوع تقريبا
و طبعا كانت طايره من الفرح
و انا اتبسطت لاني قدرت افرحها
2_اعرف جميع قرايبي حتي الدرجه التانيه و التالته
حتي اذا لم يعرفوني هما
3_و الله تتعدد الاسباب
مثلا التليفونات بتخلي الواحد يكسل
و تباعد المسافات احيانا
و احيانا الخلافات التافهة
و السبب الرئيسي و هو ان كل واحد في بيته اللي مكفيه
هيزور الناس ليه
هو فاضي و لا رايق للحاجات دي
4_انا اسعي لذلك اساسا
و اعرفهم بشخصيتي
و اتعرف بيهم
و حتي لو ما زارنيش بلتمسله العذر دايما

من طرف heba الثلاثاء أغسطس 25, 2009 4:36 am

1-امتى اخر مرة زرت فيها حد من قرايبك؟ أقصد قرابة من الدرجة الأولى
امبارح كنا بنزور عمتى وكنت فرحانة جداااااااااا وهى كانت فرحانة قوى
2- تعرف تتعرف على جميع قرايبك؟ يعنى تحدد صلة قرابة كل واحد بيك
اة الحمد لله اعرفهم كلهم
3- فى رأيك ايه أهم أسباب ابتعادنا عن صلة الرحم؟
حاجات كتير بقى الكسل وكل واحد بيقضى الموضوع بمكالمة تليفون وخلاص ومعتش فيه تسامح خالص وممكن نقطع صلة الرحم لمجرد خلاف بسيط تافه
4- ممكن تزور حد من قرايبك حتى لو هو مجاش بيتك من سنة مثلا؟
اة بنلتمس ليهم العذر
والحمد لله بنزور كل قرايبنا

مشروع جميل جدا كالعادة

من طرف omayma الثلاثاء أغسطس 25, 2009 6:37 am

1-امتى اخر مرة زرت فيها حد من قرايبك؟ أقصد قرابة من الدرجة الأولى
ايوة عمتو وابن عمتو زرناهم قبل رمضان باسبوع وخالتو وخالو وخالتو زرناهم برده قبل رمضان باسبوع ونص كده
2- تعرف تتعرف على جميع قرايبك؟ يعنى تحدد صلة قرابة كل واحد بيك
بصراحة مش كهم يعنى اعمامى وعماتى وخلانى وخلاتى وولادهم وولاد ولادهم ايوة
لكن ولاد عم وولاد خالة بابا وماما ولا اعرفهم بس بابا بيزورهم وبيسال عنهم بس بصراحة انا معرفهمش

3- فى رأيك ايه أهم أسباب ابتعادنا عن صلة الرحم؟
اكيد مشاغل الحياة كل واحد مشغول بشغله وحاله وكده يعنى

4- ممكن تزور حد من قرايبك حتى لو هو مجاش بيتك من سنة مثلا؟
ايوة عادى

بجد فعلا صلة الرحم من الاشياء الللى قربت تنتهى او تنعدم بجد ممكن عشان ظروف ومشاغل الحياة بقت صعبة وكتيرة بس بجد المفروض نحرص عليها اكتر من كده

من طرف hero الثلاثاء أغسطس 25, 2009 1:21 pm

جزاكم الله كل خير يا جماعة
انا مشفتش الكلام ده قبل كده
بس كلام فى منتهى الروعة والجمال
وان شاء الله اشارك معاكم قريب بفكرة

من طرف MeGa الثلاثاء أغسطس 25, 2009 5:19 pm

مستنيينك يا هيرو

من طرف dezner الثلاثاء أغسطس 25, 2009 9:42 pm

المشروع الجديد بعنوان ( كان خلقه القرآن)

طبعا المقصود هو رسول الإنسانية صلى الله عليه وسلم

كان قرآنا يمشى على الأرض

هل من الممكن أن نرجع للقرآن ونجعله منهج حياة يقود ويوجه فى كل أمورنا

دستور نستمد منه أخلاقنا و أسس معاملتنا مع الغير و سياسة حياتنا

هل نواظب على قرىة ورد يومى من القرآن

ليس المهم الكم ولكن المهم هو كيفية استفادتك من كل آية من كتاب الله

مشروعنا النهاردة عملى جدا وهو العودة لكتاب الله بتدبر وعدم الإنتقال من آية لأخرى حتى نفهم ونعى ونتدبر الأية السابقة وتصبح جزءا من شخصيتنا

مستى مشاركتكم

من طرف MeGa الأربعاء أغسطس 26, 2009 3:46 am

الاهم فعلا ان تعي و تدرك ما تقرأ
و ليس كم ما تقرأ
هذا هو بيت القصيد فعلا

من طرف heba الأربعاء أغسطس 26, 2009 3:54 am

مش مهم كمية اللى بتقراه يوميا
المهم انك تحاول تخلى كل ايه منهج حياتك
بجد قراة القران بتشرح صدرك وتفرج همك وكربك
وانا بحاول انى اعى كل كلمة بقراها
وكونى قسم لغة عربية ودراسات اسلامية الحمد لله بناخد حاجات كتير عن القران وتفسيره

من طرف KAZKOZA الأربعاء أغسطس 26, 2009 4:57 am

مشروع جميل والتنبيه ليه مهم فعلا .. وكلام جميل اللي قلتوه ديزنر و بوسي ..
واضافة ليه .. ممكن نقرا ف مصحف فيه تفسير الآيات .. لأننا مش شيوخ أو علماء واكيد فيه حاجات بتفوت مننا .. فأكيد الفايده والتعمق هيكون أكبر ..

من طرف Gladiator الأربعاء أغسطس 26, 2009 5:16 am

طبعا زى ما قالت الدكتورة رضوى لازم نفهم الاية من خلال تفاسير لعلماء معتبرين

و انا ارشح لكم تفسير السعدي للعلامة عبد الرحمن السعدي بسيط جدا و سهل

من طرف MeGa الأربعاء أغسطس 26, 2009 9:30 am

شكرا ع الفكرة د/رضوي
شكرا ع ترشيحك يا فرج