طب اقول ايه يعنى

لا معلش هو بيناقشهم و بيسالهم و هم من نرفزتهم ردوا كده و بعدين هو جاب حاجه من عنده يا عطار ما الكلام ده مالى المواقع كلها

يا بنى مفيش دم ازاى يقولوا يعنى ايه خسرنا ماتش؟؟
هم فعلا مش حاسين الناس اتحرق دمها ازاى م الماتش و الاداء ده
و بعدين مش موضوع حسن انا زى ما قلت ان التشكيله وحشه جدا قلت ان اداء اللاعيبه مفيش فيه اى دافع او عزيمه يعنى كله مشترك ف الهزيمه و هم رافضين حتى يقولوا انهم لعبوا وحش
يا راجل بلا حرقه دم
ماتشين الفرق بينهم يومين كنت ف سابع سما و دلوقتى ف سابع ارض مفيش منتخب ف العالم بيعمل اللى احنا بنعمله ده

تصفيات مين بقى

والله العظيم بجد عيب اوى

فضايح وقله ادب بلا قرف

دا انا كرهت الكوره والله العظيم

حاجه مشمئزه

حسبى الله ونعم الوكيل

بجد مش لاقيه حاجه اقولها

بس لو ده صح

يبقى تتحرق الكوره على بيشجعوها

والله ما عنت هشجع كوره تانى

يا جماعه من قظاره الكلام إلي إتقال محمد زيدان على الحياه قال إن أبو تريكه قرر الإعتزال دولي
فعلاً الكلام ده كان واضح إنه أثر على تركيز الاعيبه في الملعب كان واضح
و ده رابط كلام محمد زيدان
من هنا

kareem.h كتب:يا جماعه من قظاره الكلام إلي إتقال محمد زيدان على الحياه قال إن أبو تريكه قرر الإعتزال دولي
فعلاً الكلام ده كان واضح إنه أثر على تركيز الاعيبه في الملعب كان واضح
و ده رابط كلام محمد زيدان
من هنا

شكرا يا دوك

انا سمعته

وبجد لو تريكه اعتزل

يبقى مفيش كوره فى مصر اصلااااااا

emo كتب:

kareem.h كتب:يا جماعه من قظاره الكلام إلي إتقال محمد زيدان على الحياه قال إن أبو تريكه قرر الإعتزال دولي
فعلاً الكلام ده كان واضح إنه أثر على تركيز الاعيبه في الملعب كان واضح
و ده رابط كلام محمد زيدان
من هنا

شكرا يا دوك

انا سمعته

وبجد لو تريكه اعتزل

يبقى مفيش كوره فى مصر اصلااااااا

هو فعلاً قال الكلام ده بس ممكن يكون في وقت عصبيه و لما يهدئ يتراجع عنه
ده أبو تريكه يعني الناس كلها عارفه أخلاقه و مستحيل حق يشك في أخلاقه
و إنشاء الله مفيش إعتزال و لا حاجه

اولا انا بجد كنت زعلانه جدا من اللى حصل امبارح ومكونتش مصدقه ان احنا خلاص طلعنا من البطوله بس الحمد لله
بس بجد انا لما هديت وفكرت بالعقل و المنطق لقيت ان بجد المنتخب ده عمل اللى عليه وحقق نجاح عظيم محدش يقدره ينكره ابدا حد فكر ان الماتش بين البرازيل و مصر كان يوم الحد وبعديه علطول يوم الخميس كان ماتش ايطاليا و حققنا فيهم نجاح عظيم و بعديه علطول يوم الحد الماتش مع امريكا فبجد كان لازم اللاعيبه تبقى مش لياقتهم البدنيه و يبقوا مجهدين زى ما بان عليهم فى المباراه ده الى جانب الاصابات الكتيره عند معظم واهم لاعيبه فى المنتخب ده كله اثر بالسلب طبعا على اداءنا و طبعا الجول الاول ده كان جول وحش جدا مش فاهمه ازاى اتحسب بس فعلا كان واضح انحياز الحكم لامريكا و بعدين من وجهة نظرى انا حاسه ان امريكا ما كانتش بتلعب كويس اللى كان ماثر انهم عمالقه مش اكتر وبجد احنا لو كنا مركزين كنا غلبناهم بس ده قدر ربنا و بجد حطوا نفسكوا مكانهم كده هما بجد بيبذلوا اقصى ما عندهم ممكن التشكيله ما كنش موفق فيها بس ده مش معناه ان حسن شحاته مش كويس لا طبعا حسن شحاته احسن مدرب فى العالم و هو اكيد كان لى رؤيته الخاصه فى التشكيله دى بس ربنا موفقوش فيه نقوم احنا نشتم فيهم و نقول ان احنا بنكسب بالحظ لا طبعا انا بقيت بحس ان الشعب المصرى مالوش امان معاهم معاهم عليهم عليهم
و الاهم محدش فكر فى نفسيه اللاعيبه اكيد هما زعلانين بس احنا دايقناهم اكتر لما شتمنا فيهم واللى عمله عمرو اديب كنتوا منتظرين ايه ما طبعا كان لازم يقولوا كده و فعلا دى الحقيقه فيها ايه لما يخسروا ماتش و انا مع ابو تريكه وحسن شحاته فى اللى قالوه مع عمرو اديب ولازم فعلا يقاضوه
فى نقطه مهمه عايزه اقولها حد فكر سر زعلنا الكبير ده و التاثر مع ان دى كوره السر ان المنتخب فعلا كبير اوى و عظيم فى اداءه و الدليل ان احنا زعلنا لاننا كنا بنتوسم فيهم الفوز بس ياريت نعامل اللاعيبه كويس و نستقبلهم وهما مشكورين على المجهود والاداء
و فى النهايه احنا نسينا اهم نقطه وهى الفرق فى الامكانيات بينا وبينهم وان احنا كنا فى اصعب مجموعه و مع ذلك احنا حققنا نجاح هايل محدش يقدر ينكره مهما حصل