حب الله للعبد

سئل الحسن البصري
يا ابا سعيد انا نجالس علماء يخوفوننا من الله حتي تكاد قلوبنا تنتزع من شدة الخوف
فقال والله لان تجلس لاناسا يخوفونك من الله حتى تامن في الاخرة خير من ان تجاس اقواما يامنوكمن الله فتخاف الاخرة

و في حديث قدسي رواه البهقي وابن حبانة
ان رسول الله :PBUH*: قال ان الله عز وجل قال وعزتي لا اجمع على عبدي
خوفين وامنين فان خافني في الدنيا امنته في الاخرة وان امنني في الدنيا خوفته في الاخرة

حدثنا ‏ ‏محمد بن رافع ‏ ‏وعبد بن حميد ‏ ‏قال ‏ ‏عبد ‏ ‏أخبرنا ‏ ‏و قال ‏ ‏ابن رافع ‏ ‏واللفظ له ‏ ‏حدثنا ‏ ‏عبد الرزاق ‏ ‏أخبرنا ‏ ‏معمر ‏ ‏قال ‏ ‏قال لي ‏ ‏الزهري ‏ ‏ألا أحدثك بحديثين عجيبين ‏ ‏قال ‏ ‏الزهري ‏ ‏أخبرني ‏ ‏حميد بن عبد الرحمن ‏ ‏عن ‏ ‏أبي هريرة ‏
عن النبي ‏ ‏صلى الله عليه وسلم ‏ ‏قال ‏ ‏ أسرف رجل على نفسه فلما حضره الموت أوصى بنيه فقال إذا أنا مت فأحرقوني ثم اسحقوني ثم اذا كان يوم ريح عاصف ‏ ‏اذروني ‏ ‏نصفي في البر و نصفي في البحر فوالله لئن قدر علي ربي ليعذبني عذابا ما عذبه به أحدا قال ففعلوا ذلك به فامر الله البحر فجمع فيه و قال للأرض أدي ما أخذت فإذا هو قائم فقال له ما حملك على ما صنعت فقال خشيتك يا رب و انت تعلم أو قال مخافتك فغفر له بذلك ‏

يعني انت بتتكلم كده
وكأني قلت
يا جماعة متخافوش ربنا.....وليعاذ بالله
طيب ليه منجمعش بين الخوف من ربنا وحبه؟؟؟؟؟؟؟؟؟؟؟


ارجووووووووووووووك افهم قصدي
انا اتكلمت عن الحب في جااااااااانب واحد بس
وهوووووووووو اننا لما نغلط منترددتش في اننا نرجع ونتوب لربنا لانه بيحبنا وعشان كده لازم نحبه


واظن مفيش تعارض بين كلامي والكلام السابق اللي انت كتبته ده!!!!!

احمد يا فرج انا بقول كدة
كلمة الحب
كيف اخاف وهو حبيبي

و لاء يا دكتورة اسراء في فرق كبير
السلف ماستخدمش كلمة الحب دي خالص
و لكن اساس العلاقة بين العبد و ربه الخشية
و انا معتش داخل الموضوع ده عشان انا عصبي
و مش بقدر اقنع كويس
و كمان انا والله زهقت

بختصار شديد النية محلها القلب و محدش فينا اكيد نيته وحشه و مش لما حد يقولي اخاف من ربنا هخاف او مخافش دي حاجه جوايا انا ومحدش من اللي رد على الموضوع مبيخافش ربنا يا منسي و دكتوره اسراء قصدها ان خوفي من ربنا يخليني اتجنبه و ده اللي انت مش عارف تفهمه خوفي من ربنا يكون حبا فيه و طاعه ليه

يا متولي والله منا مصدق ان في لسه حد مش فاهم الحكاية دي ده حتة العلماء معدوش بيكلمه فيها
العلاقة بين العبد وربه خوف ورجاء
في الصحة يغلب الخوف الرجاء
اما في المرض او الحاجة يغلب الرجاء الخوف
زي ما سيدنا معاذ بن جبل ما قال على فراش الموت اللهم اني كنت اخافك واني اليوم ارجوك


ربنا بقول
لا تخافوهم وخافوني

ممكن حد يقلي الامر هنا قصده ايه
؟؟؟؟؟؟
. قال ابن القيم : " القلب في سيره إلى الله عز و جل بمنزلة الطائر ، فالمحبة رأسه و الخوف و الرجاء جناحاه ، فمتى سلم الرأس و الجناحان فالطائر جيد الطيران ، و متى قطع الرأس مات الطائر ، و متى فقد الجناحان فهو عرضة لكل صائد و كاسر " .

انا معاكم ان لازم يكون في حب
بس انتم لو فهمتم الكلام اللي مكتوب واللي واضح انكم ماركزتوش فيه
كيف اخاف وهو حبيبي دي غلط
انتم اول ناس بسمعهم بيكلموا كده
محنا بنحب ربنا
بقية الموضوع عادي
بس جملة الافتتاحية دي
غلط كان لازم تفهمي الموضوع قبل ما تحطيه
و انا والله انا منا مصدق ان لسه في حد بيفكر زيكم كده في امور الدين
ده الشيوخ والدعاة ملوا الدنيا
معلش ان كنت دوست شوية بس لازم تسمعوا خطب ودروس وبرامج
لان واضح انكم مش عارفين اساسيات علاقة العبد بربه حته

و انا عارف يا متولي انكم بتخافوا ربنا
بس الموضوع اتحط غلط
انا متاكد انها مقراتوش قبل متحطه او قراته ومفهمتوش
ده انتم فكرتموني برابعة العدوية اللي كانت بتقول
اللهم ان كنت اعبدك طمعا في جنتك فلا تدخلنيها
وان كنت اعبك خوفا من نارك فعذبني فيها
و لكني اعبدك خوفا فيك
ده نفسه بالظبط
كيف اخاف دي معناها انا مبخافوش
و بكرر
لا تخافوهم وخافوني
الامر معناه ايه؟؟؟
مع السلامة

هي المشكله ان التوبيك بيتكلم ف جانب واحد بس اللي هوا حب ربنا
لكن الموضوع بسيط انا بعبد ربنا طاعة له
خوفا منه ومن عذابه
حبا فيه وما أنعم عليا من النعم
طمعا في جنته و اتقاء لنار جهنم
والكلام اللي سمعته من الشيوخ اني بعبد ربنا لأنه أمر لازم أمتثله بس برضه لازم اطمع ف الجنه واخاف م النار
والحب والخوف ده شئ طبيعي يترتب على القرب من ربنا ومعرفته حق المعرفه

موضوع جميل
وأنا لو مكنتش سمعت عن الموضوع من الشيخ /محمد يعقوب كنت هكتفي باني اقول الكلمة دي وامشي
بس أنا عرفت من كلامه ان الحب درجة أعلى من الخوف
بمعنى انك يجوز لك جدا انك تعبد ربنا عشان عايز جنته وخايف من ناره
بس الدرجة الأعلى من كده انك تعبد ربنا عشان بتحبه


اللهم ارزقنا حبك وحب نبيك

تمام يا خالد كنت مستني تعليقك
بس اللغط أو سوء التفاهم اللي حصل
بسبب العنوان
بس محتوي الموضوع جميل
و الكلام اللي قاله المنسي رائع و لا ينافي ما جاء بأسطر الموضوع
بل يدعمه
فكل من د/إسراء
و منسي
تكلم من وجهة نظر تختلف عن الأخري للموضوع
و لكنه يمنحنا نحن القراء نظرة شبه شامله للموضوع

جزاكم الله خيرا علي مشاركاتكم الجميلة ........
ويارب نوصل للصح دايما........

يا رب

انا هقول كلمتين ابراء للذمة

للعلم يا شباب احمد المنسى بتكلم صح

من الناحية العلمية

لكون اسلوبه شديد شوى و او الناس مش فاهمة قصده

نسال الله السلامة

هو كلامه دينيا وعلميا صح
ولا غبار عليه تماما
و لكن اللغط كان بسبب العنوان
و الذي لا نقبله كسنيين
بل هو مذهب المتصوفه
اما الموضوع فلا يدعو للصوفية او غيرها
و شكرا للنقاش
و شكرا لالتزامك يا فرج بمبدأ
إحقاق الحق

بصوا يا جماعة انا هغير العنوان اهه
وهو لو كان قالي براحة من الاول ما انا كنت هغيره
لكن طريقته في النقاش كانت جامده شويتين
واللي استفزني انه بيقول..."مقراتش الموضوع ولو قراته يبقي مش فهمته"


انا هغيره بس لاجتناب الشك فقط
ع العموم حصل خير

كده تمام
تشكري د/إسراء