اسئلة ملهاش لازمه خااااااالص

من طرف eng.s.aboalkhir الجمعة يونيو 19, 2009 3:30 pm

فيه اسئلة ملهاش اى لزمة متفهمش بتتقال ليه

يعنى مثلا
^^^^^^^
لابس و متشيك و ضارب الجل فى
شعرك و ريحت البارفان جايبة لغايه اخر الشارع و بتفتح باب الشقة و جاي
تنزل تلاقى حد من البيت شافك يقولك ( ايه ده هو انت خارج ؟ )

- لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^
خلصت خروجت و راجع البيت بتفتح الباب و داخل تلاقي الى بينده عليك بعد ما دخلت

زكريا ترد و تقول نعم يقولك( انت جيت ؟ )

- لا لسه لما اجى هاقولكم
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^
قاعد فى اوضتك و كبس عليك النوم اومت اتغطيت و مظبط حالك و طفيت نور الاوضة و لسه بتغمض عينك تلاقى حد بيفتح عليك باب الاوضة ويقولك(ايه ده هو انت هتنام ؟)

- اكيد لا م انت شايفنى برقص باليه اهوه
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^
او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية

يا حسنين ترد وتقول نعم يقولك( انت نمت ؟ )

- يااااااااه فى سابع نومة و بتفرج على كابوس كمان
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^
او روحت مسكت التليفون مسكته و لسه بتضغط عالارقام عشان تتصل تلاقى الى بيقولك
(ايه هو انت هتتكلم فى التليفون و لا ايه ؟)

- لا يا عم دا الكابتن فى الجيم قالى على تمرين صوابع بعمله عالتليفون
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^
او معزومين عند ناس و لاحاجة و راييحين ترنوا الجرس يفتحلكم طفل او طفلة عساسيييييل اوى يقولكم
( ايه ده انتوا جيتوا؟)

- معلش يا بنى العيب مش عليك انت لسه صغير
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^
رايح عند بتاع عصير القصب تقوله سلام عليكم فى خروب
يقولك فى سوبيا و عصير قصب و تمر هندى و دوم و مانجة وبرتقال

- طب يا عم قولى مفيش و خلاص ( جربوا السؤال ده بالذات )
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^
يجيى الراجل نازل من بيتهم الصبح ضارب البدلة و ماسك الشنطة و لسه بيدور العربية و جاى يطلع يلاقى البواب بيخبطله عالازاز و يقوله ( هو انت رايح الشغل يا بيه ؟ )

- لا يا عم رايح العب نيد فور سبيد مع صحابى
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^
او التليفون رن و رحت رديت قعدت ترغى مع الى اتصل شوية و فى الاخر قفلت السكة

تلاقى بعد شوية حد جاى يقولك (كان حد عايزنى عالتليفون ؟ )

اه يا عم بس انا كلمته بالنيابة عنك و بعدين قفلت معاه ... ما اكيد لو حد عايزك كنت نادلتك يعنى
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^
او بتكلم واحد صاحبك من على تليفون البيت تلاقيه بيقولك(انت فين دلوقتى يا بنى ؟)

يااااااااااااه يا عم دانا فى جمصة بصيف
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^

او يا سلام بقي عايز تروح حتة وتايه مش عارف توصلها قولت اسئل حد تقابل حد تقوله لو سمحت ما تعرفش شارع كذه فين يقولك ( هما قالولك فين ؟ )

طب انا لو عارف هسئل حضرتك على انهى اساس يعنى
^^^^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^^^^^ ^^^^^
تلاقى المذيعة فى برامج الاهداءات بترد على اتصال طفل صغير عندك كام سنة يا عمر يقولها 5 سنين تقوله
( انت بتحب بابا و ماما يا عمر ؟)

يعنى اكيد الواد لسه ما طلعلوش عرق الندالة و هيقولك دانا متخانق معاهم وسايبلهم البيت يعنى

من طرف omayma الجمعة يونيو 19, 2009 3:35 pm

هههههههههههههههه
حلوة اوى تسلم ايدك lol lol lol

من طرف den_sama الجمعة يونيو 19, 2009 3:47 pm

هههههههههههههههههههه
جاااااااااااااامدة

من طرف breathless الجمعة يونيو 19, 2009 11:51 pm

fazeeeeeeeee3 la begad topic fazeee3
ana brfa3lk elkoba3a wlahy lol lol lol

من طرف eng.s.aboalkhir السبت يونيو 20, 2009 7:09 am

طب شيليها احسن وقعت

من طرف Mostafa ElShirbeny السبت يونيو 20, 2009 7:14 am

يجيى الراجل نازل من بيتهم الصبح ضارب البدلة و ماسك الشنطة و لسه بيدور العربية و جاى يطلع يلاقى البواب بيخبطله عالازاز و يقوله ( هو انت رايح الشغل يا بيه ؟ )

- لا يا عم رايح العب نيد فور سبيد مع صحابى

lol lol lol
جامده الحته دى
توبيك جميل اوى
شكرا يا eng.s.aboalkhir