اجمد 10 اسئلة

من طرف *ghada* الأربعاء يونيو 24, 2009 4:17 pm

ازيكوا يا جماعة اخباركم واخبار الاجازة ايه
يارب تكونوا كويسين ومش زهقانيين زيي كده

هاسالكم 10اسئلة وتجوبوا عليهم وطبعا نقلاهم كالعادة يعنى

ومعلش بقى الالوان وحشة بس مش بايدى انتوا اللى عاملين خلفية لونها صعب اوى هى دى الالوان اللى هتبان عليها
المهم بقى الاسئلة اهى

1-عرف شخصيتك فى كام كلمه؟

2-تقول لمين الله يسامحك؟

3-اهم 3 احلام بالنسبالك؟

4-ايه الحاجه الى خايف على نفسك منها؟

5-بتفكر فأيه؟

6-بتحس بالراحه مع مين؟

7-بتحب؟

8-ايه الحاجه الى ممكن تخليك متسامحش؟

9-ايه الغلطه الى غلطها وندمان عليها؟

10-خايف من ايه وعلى ايه؟

مستنية ردودكم ...

من طرف MeGa الأربعاء يونيو 24, 2009 4:28 pm

1-عرف شخصيتك فى كام كلمه؟
مش عارف

2-تقول لمين الله يسامحك؟
لواحد صاحبي
3-اهم 3 احلام بالنسبالك؟
اني اجيب تقدير
الاقي اللي احبها بجد
اطلع احج

4-ايه الحاجه الى خايف على نفسك منها؟
الفشل في اي حاجة في حياتي

5-بتفكر فأيه؟
بفكر في ربنا
واني لازم ارجعله تاني

6-بتحس بالراحه مع مين؟
مع اصحابي وعيلتي
بس اصحابي اكتر7
بتحب؟
لأ

8-ايه الحاجه الى ممكن تخليك متسامحش؟

الخيانة

9-ايه الغلطه الى غلطها وندمان عليها؟

حاجات كتير

10-خايف من ايه وعلى ايه؟
خايف من الدنيا
و خايف ع ناس اصحابي
و علي نفسي

من طرف heba الأربعاء يونيو 24, 2009 4:31 pm

1-عرف شخصيتك فى كام كلمه؟ شخصية عبيطة وطيبة وبيضحك عليها بسرعة

2-تقول لمين الله يسامحك؟ واحدة صاحبتى قالت عنى كلام مش صح

3-اهم 3 احلام بالنسبالك؟ 1.اخلص الكلية بسرعة .2.نفسى اتجوز واستقر. 3.نفسى بابا وماما يفضلوا راضين عنى كدة

4-ايه الحاجه الى خايف على نفسك منها؟ بصى عشان انا رومانسية جداااااااا خايفة من اسطوانات الشباب اليومين دول

5-بتفكر فأيه؟ بفكر انا هبقى ازاى فى المستقبل

6-بتحس بالراحه مع مين؟ لما ببقى فى حضن امى

7-بتحب؟ اااااااة ونفسى ربنا يجمعنا مع انى مش متفائلة

8-ايه الحاجه الى ممكن تخليك متسامحش؟ بصى انا متسامحة جداااا بس الخيانة حتى لو خيانة وعد مبقدرش اسامحها

9-ايه الغلطه الى غلطها وندمان عليها؟ فى غلطة عملتها وندمان عليها جدا بس للاسف مش هقدر اقولها

10-خايف من ايه وعلى ايه؟ خايفة من انى اصحى فى يوم الاقى حد انا بحبه مش جمبى ومش هقدر اشوفه تانى وخايفة على نفسى من الطيبةوالسذاجة اللى انا فيها دى وميرسى جدا التوبيك رائع

من طرف dezner الأربعاء يونيو 24, 2009 4:32 pm

1-عرف شخصيتك فى كام كلمه؟

مش بعرف والله أعرف شخصيتى بس ممكن طيب وبحب الخير للناس ومش بحمل أحقاد لحد
قلبى أبيض زى ما بيقولوا

2-تقول لمين الله يسامحك؟
لأى حد فهمنى غلطت و معرفش يقرانى كويس
3-اهم 3 احلام بالنسبالك؟
نفسى أشتغل فى مصر مش عايز أسافر والله
نفسى ألاقى بنت الحلال اللى تصلح زوجة مستقبلية
وبجد أهم حلم بحلمه إنى أموت و أهلى راضيين عنى عشان أنال رضى ربى

4-ايه الحاجه الى خايف على نفسك منها؟
الفشل فى أى حاجة

5-بتفكر فأيه؟
دلوقتى جعااااان جدااااا ومش عارف أفكر بس دايما بفكر فى المستقبل مش مستقبلى بس ولكن اللى حوليا ومستقبل الوطن العربى كله

6-بتحس بالراحه مع مين؟

بجد مع أعز صحابى ومع أمى

7-بتحب؟
لا ....كنت بحب قبل كدا زى أى شاب فى سنى بس دلوقتى لا

8-ايه الحاجه الى ممكن تخليك متسامحش؟
المشكلة عندى إنى فعلا بسامح

9-ايه الغلطه الى غلطها وندمان عليها؟
إنى كنت زمان بعيد عن أهلى ومش عارف قيمتهم

10-خايف من ايه وعلى ايه؟
بخاف من الفشل فى اى حاجة وبخاف من الخوف نفسه لأنه بيأثر على نجاح أى عمل
وبخاف على الناس اللى حواليا

التوبيك حلو أوى تسلمى يا غادة

من طرف MeGa الأربعاء يونيو 24, 2009 4:34 pm

نسيت اشكرك ع التوبيك الجامد ده

من طرف dr teeth الأربعاء يونيو 24, 2009 4:43 pm

1-عرف شخصيتك فى كام كلمه؟

بنى ادم عادى جدا..
بتعامل مع كل الناس ببساطه. بحب صحابى فى الجامعه وبحب اقعد معاهم كتير..

والله ما اعرف عادى يعنى..لسه ما عملتش حاجه فى حياتى تستاهل انى اعرف نفسى بيها او انسبها ليا..

2-تقول لمين الله يسامحك؟
لأى حد ظلمنى ......واللى ظلمونى كتير..

3-اهم 3 احلام بالنسبالك؟
نفسى ابقى دكتور اسنان مشهور بس وانا فى سن صغير..
الاقى حد يحبى زى ما بحبه.
وقبل دول كلهم طبعا وفى المقدمه.. وممكن اضحى بيهم علشان الحلم ده.
انى ادخل الجنه.

4-ايه الحاجه الى خايف على نفسك منها؟
خايف لاحسن ما اعرفش احقق احلامى اللى فاتت دى..
خاصه ان انا على شفا حفره السنه دى.
فربنا يستر عليا وانجح.. علشان انا بجد تعبت خلاص..

5-بتفكر فأيه؟
لو شىء تبقى النتيجه..
لو حد يبقى انسان غالى عليا أوى..(بس متأكد انه مش بيفكر فيا)

6-بتحس بالراحه مع مين؟
مع نفسى.. بحب اقعد لوحدى أوى..
ويمكن مع صحابى ببقى على حريتى معاهم.. وبتحصل مواقف حلوه كتير..

7-بتحب؟
بصراحه....والله ما أعرف.

أصل احنا لسه مراهقين .. زى ما ناس كتير بتقول.
وساعه ما حسيت انى بحب بجد..
كتير قالوا.
لأ.. انت لسه صغير... دى مراهقه..

8-ايه الحاجه الى ممكن تخليك متسامحش؟
ان حد يضحك عليا..
ويحسسنى انى تافه او ماليش لازمه..

9-ايه الغلطه الى غلطها وندمان عليها؟
انى استهترت بالكليه .. وما اديتش للمزاكره حقها من اول يوم دخلت فيه الجامعه..
بس متعوضه ان شاء الله..

10-خايف من ايه وعلى ايه؟

خايف من النتيجه برضه..

و خايف على ...........أوى أوى أوى..

من طرف *ghada* الأربعاء يونيو 24, 2009 5:12 pm

ميرسى ياجماعة على ردودكم
وان شاء الله ننجح كلنا

من طرف *ghada* الخميس يونيو 25, 2009 4:11 am

mega كتب:نسيت اشكرك ع التوبيك الجامد ده

ولا يهمك يا دوك منور

من طرف dr.ahmedilwn الخميس يونيو 25, 2009 12:01 pm

1-عرف شخصيتك فى كام كلمه؟

يعنى طيب و حساس و مبعرفش أشيل حاجة فى قلبى من أى حد ( فيما يخصنى ولا يمس أى حد بحبه ) و ده بيخلينى ساعات أحس إن اللى حوليا بيستغلوا الحتة ديه

2-تقول لمين الله يسامحك؟

لواحد أذانى و أذى ناس بحبهم وأنا مش هقدر أسامحه أبدا للأسف

3-اهم 3 احلام بالنسبالك؟

أبقى ذى ما أهلى عايزين
أجوز اللى بحبها إن شاء الله
أموت شهيد بإذن الله

4-ايه الحاجه الى خايف على نفسك منها؟

إن يكون أقرب الناس ليا السبب فى تعاستى و موتى

5-بتفكر فأيه؟

فى حاجات كتيييييير بس دلوقتى النتيجة و الهدايا اللى هتجيلى إن شاء الله لو جبت إمتياز

6-بتحس بالراحه مع مين؟

مع أمى لما بتكون رايقة و مع إصحاب معبنبن و مع .... مع إنى ......

7-بتحب؟

واضح

8-ايه الحاجه الى ممكن تخليك متسامحش؟

لما حد يضر حد بحبه بجد

9-ايه الغلطه الى غلطها وندمان عليها؟

حاجة عملتها من 5 سنين و لسه مأثرة عليا لدلوقتى

10-خايف من ايه وعلى ايه؟

خايف من الأيام و من ربنا ، وعلى نفسى و .......

مستنية ردودكم ... [/quote]