رد: كيف تتخيل شكل الاعضاء وصفاتهم؟؟!

من طرف dezner الخميس أغسطس 06, 2009 5:16 pm

ممكن يا رضوى ماتديش درجات عادى بس لازم تختارى عضو بعدك لما تخلصى

من طرف KAZKOZA الجمعة أغسطس 07, 2009 12:19 am

sorry ya gma3a 3al t25eer bs ana msh 3arfa aft7 mel pc

dr.teeth >> kalam sa7i7.. bs mwdo3 el 2orb men rbna bganeb kman fadl baba w mama w e5waty el kobar b3d fadl rbna tb3n .. w she2 tbe3y l2y 7d lw mar b ay mwkef .. bs ana b2assar kteer wallahy rbna yhdy

thanxxxxx barsha 3ala kalamk w raddak :hat:

napeeh>>nseet bs a2ol en yom el yateem msh maghody lwa7dy tb3n .. da maghodak w maghod el bnat elly kano m3aya .. Rbna yg3alo f mizan 7asanatna

wal2an b3d tafkeer 3ameek w moba7athat karrart ana kazkoza albale3'ah men el 3omr 18 sana ella kam sa3a an a5tar el 3odw *vergenia "marwa shabana"* lyatem takyeemha men kebal a3da2 montadana montada senankoOo

faltabda2 al ma3rakah :D

من طرف Ahmed Nabeeh الجمعة أغسطس 07, 2009 12:27 am

نتوجه بخالص جزيل الشكر الوفير الكتير
لرضوى
ونقول لحضراتكم انه تتجه الحركة الان لتوجيه الكلام للعضوه marwa
اكتب بالانجليزي لحسن تطلع غلط بالعربي

هههههههه

وامامكم في قفص الاتهام العضوة
فلتقولوا يا جدعاااااااااان

من طرف dezner الجمعة أغسطس 07, 2009 12:29 am

فيرجينيا

أهلا أهلا

هكتب بس كمان شوية

من طرف MiSHMISH الجمعة أغسطس 07, 2009 12:54 am

مروه انا اتعاملت معاها كتير اوي وهي في الشغل جد اوي
وبتحب تفيد وتستفيد
طيبه وفاكره كل الناس طيبين برده
متقلبة المزاج خالص
جدعه اوي مش بتخاف من حاجه (فاكره خنزير غنيا يامروه الي كان عنده القلب ده ههههههههه )
طموحه ونفسها تكون حد كويس
نشيطه جدااااااا وحيويه
يالا كفايه عليكي كده هههههههههه طبعا مهما قلت مش هعرف اقول كل حاجه (عرفتيني دلوقتي يامروه )

من طرف KAZKOZA الجمعة أغسطس 07, 2009 12:56 am

أنا جيت اهه الحمد لله ..

مررروووه .. هعترفلها اعتراف الاول ..
قبل ما اعرف مروه كنت حاسه انها شريره هههههههه
مكنتش مستريحلها كده مش عارفه ليه !! مع العلم اني غالبا انطباعاتي الاولى غلط ونا عارفه كده ..

بس بجد لما اتعاملت معاها وقربت منها لما نقلت لسيكشن 8 لقتها بنت في قممممة الطيبه .. اللي ف قلبها على لسانها على طول ..

مع صحابها وكده دايما مرحه ومش بيبان عليها زعل لو هي وسط ناس بتحبهم وكده
بس مش بيستخبى عليا على فكره ;)
وبتفك بسرعه برضه ..
بثق فيها جدا ويعتمد عليها بجد .. لما اعرف ان مروه هي اللي بتعمل حاجه معينه مثلا ببقى مطمنه بجد والله ..

جدعه اوي ..
من النوع اللي مش بيحب يكتم بس لما تلاقي حد تستريحله ويفهمها .. غير كده بتنعزل ..
مممممممم مش بتعرف تاخد المواضيع ببساطه او يمكن ظروفها هي اللي بتحكم عليها كده ..
كفايه دلوقتي على ما امخمخ تاني

من طرف vergenia الجمعة أغسطس 07, 2009 3:49 am

ههههههههههههه
انا اللى فى القفص
والله انا داخله صدفه اصلى بقالى فتره مش متابعه على المنتدى
بس انتوا وحشتونى خالص ورضوى وحشتنى كتير
وانا والله بصمم لها حاجات علشان عيد ميلادها وكده وانا بحبها اوى ومشتاقلها كتير
ولازم تحولى معانا السكشن بتاعنا ان شاء الله يا جميل وانا شريره يا رضوى هعيط بقه بس فى بنات برده قالولى الكلمه دى قبل كده ونفس كلامك بيتفتكرونى شريره وبعدين ابقى طيبه هههههههههههههههه
اما مشمشه دى مين يا ترى مش عارفه والله لانى مش متابعه بس ممكن تكون نفين

من طرف MiSHMISH الجمعة أغسطس 07, 2009 3:53 am

هههههههههههههه لا يافالحه بصي انا هقولك علامه بس ماتنطقيش بالاسم قولي اه وخلاص
انتي البنت الوحيده الي ورايا في اللجنه والباقي اولاد افتكرتي

من طرف vergenia الجمعة أغسطس 07, 2009 3:56 am

ههههههههههههههههههههههههه
لا والله بس شاكه كده

من طرف MiSHMISH الجمعة أغسطس 07, 2009 4:22 am

يالهوزززززززززززززززززززززززززززززززززززززززززززززز
اعمل فيكي ايه غلط
انما ناقص اجيب ميكروفون وادن علي باب المنتدي
طب بصي فاكره جروب واحد في سكشن الفيزيا الترم الاول
ماعنتش هقولك

من طرف vergenia الجمعة أغسطس 07, 2009 4:28 am

هههههههههههههههه
اه طب انتى انه واحده بقه اللى لابسه نظاره احمر فى ابيض ولا التانيه ههههههههههههههه

من طرف MiSHMISH الجمعة أغسطس 07, 2009 4:31 am

ههههههههههههههه ياهبله مش بلبسها علي طول مابلبسهاش الا ف المحضرات والسكاشن

من طرف KAZKOZA الجمعة أغسطس 07, 2009 12:58 pm

vergenia كتب:ههههههههههههه
انا اللى فى القفص
والله انا داخله صدفه اصلى بقالى فتره مش متابعه على المنتدى
بس انتوا وحشتونى خالص ورضوى وحشتنى كتير
وانا والله بصمم لها حاجات علشان عيد ميلادها وكده وانا بحبها اوى ومشتاقلها كتير
ولازم تحولى معانا السكشن بتاعنا ان شاء الله يا جميل وانا شريره يا رضوى هعيط بقه بس فى بنات برده قالولى الكلمه دى قبل كده ونفس كلامك بيتفتكرونى شريره وبعدين ابقى طيبه هههههههههههههههه
اما مشمشه دى مين يا ترى مش عارفه والله لانى مش متابعه بس ممكن تكون نفين

ونتي واحشاني اكتر يا مرمر الله .. موضوع السكشن ده هيبقا على حسب المواعيد ممكن افضل ف السكشن بتاعي او احول سكشن تاني حسب المواعيد ان شاء الله .. بس انتوا سكشنكوا بجد مايتعوضش مع اني مكنتش مرتاحه ف الاول اوي بس لما عرفتكوا كويس حبيته ..فيه عيال زي العسل زيك كده :brokenlaugh:

مشمش انتي كنتي معايا ف نفس مجموعة الفيزيا ؟؟

وخدوا بقا الهديه دي تفكرنا بالذي مضى

صورة المرحوم

من طرف MiSHMISH الجمعة أغسطس 07, 2009 3:32 pm

ههههههههههههههه الله يرحمه اتعذب معانا والله مش قولتلكم صوروه وهتولي الصوره يا اندال
لا يارضوي انا حولت الترم التاني في الفيزيا والاول كنت مع نونا ومروه بس خمني كده :shshsh*:

من طرف dezner السبت أغسطس 08, 2009 2:45 am

احم احم

مروة انسانه بجد محترمة جداااااااااا جدااااااا
خدومة ومتواضعة وطيبة جدااااااااا
مهذبة جداااااااا وخلوقة

وبصراحة وقفت معايا شخصيا وقفة بميت راجل ومش هنسى جميلها دا طول عمرى أيام مرض خالتى

وبحس فيها روح الدعابة و الإجتهاد مخلوطين ببعض مش عارف ازاى

من طرف Den.Esraa السبت أغسطس 08, 2009 3:11 am

ايه ده انا اول مرة ادخل التوبيك ده
فكرته جامده جدا جداااااااااااااااااااااااااااااا
تسلم يا د\محمد
وبالنسبة لمروة
فانا مكلمتهاش غير مرتين ولا حاجة
لكن هي حد متواضع وامور وعسول كده خالص
وروحها حلوة بجد
عيوب بقي معرفش بصراحة

من طرف omayma السبت أغسطس 08, 2009 7:14 am

هو بالنسبة لمروة
انا مكلمتهاش غير مرة واحدة بس حسيت فيها انها اجتماعية جدا وارتحت لها اوى بجد
وكمان حسيت ان دمها خفيف وطيوبة وعسوله كده يعنى وروحها حلوة اوى
بس والله بجد ما اعرفش عيوبها

من طرف vergenia الأحد أغسطس 09, 2009 10:09 am

ايه ده على فكره انا كده هتغر فى نفسى
والله النت بتاعى عطل مش عارفه ايه الحكايه دى بس تقريبا هيتصلح النهارده
وانا فاتحه من الكورس بتاع icdl

من طرف KoKo&KoLa الإثنين أغسطس 10, 2009 10:32 pm

مروتــــــــــــــــــــــــــــــــــــــــــــى

مروة ده حبيبتى والله اكتر واحدة قريبة منى فى الكلية كلها...وقفت جمبى ايام الامتحانات كتير جدا وكانت بتشجعنى اكتر وبتساعدنى فى المزاكرة وتنظملى وقتى وتتفق هنزاكر ايه النهاردة ولما مش ازاكر اللى اتفقنا عليه كانت بتزعقلى بجد بحبها اوووووووووى جدا موت
هى مش بتحب انى اقولها يامروتى بس انا بحب ارخم عليها على طول... معاها تقريبا كل اسرارى وبتنصحنى كتير لما بغلط وبجد احلى صديقة ليا فى الكلية والله
كنت اول ماعرفتها كل شوية اقولها انتى مخنوقة منى ليه يامروة..؟؟ تروح متنرفزة وتقولى والله ما مخنوقة منك بس مش عارفة ليه كنت بحس انها مخنوقة منى برضوا

بتكره اوى انى ابوسها ادام الناس ودايما اللى فى قلبها على لسانها وبجد بحب طريقة كلامها اوى جدا عشان فيها كلام دبش ساعات بس زى العسل والله..ياحزنى (واخدة بالك يامروتى)
هى اول واحدة سألت عنى اول ما النتيجة ظهرت وفضلت قلقانة عشانى كتير ربنا يكرمك يارب يامروتى
واحلى ايام قضتها وهى معايا فى الكلية وان شاء الله السنة الجاية هحول سكشنها عشان ابقى معاها
ليا مواقف كتير بتضحك معاها وصور كتير اتصورناها سوا... وقت الجد بتحب يكون كل حاجة تمام ومش بتحب الهزار وقتها
نفسى اشوفها جــــــــــــــــــــــــــــــــــــــــــــــــــــــــــــــــــــــــــــــــــدا اوى وان شاء الله قريب اشوفها
فى كلام اكتر عاوزة اقوله مرة تانية ان شاء الله لانى طولت اوى الوقتى

من طرف vergenia الثلاثاء أغسطس 11, 2009 10:26 am

ايه ده يا نفين دى انتى لخبطى الدنيا خالص
دى لو مكنتيش اتكلمتى كان افضل يا بنتى
وبعدين الف شكر ليكى على الكلام ده وميرسى خالص
انا هرد على كلامكم كلكم والله ان شاء الله وهختار حد بعدى بس ربنا يسهل لما النت يرجع ونشوف ايه عيبه

من طرف real angel الثلاثاء أغسطس 11, 2009 10:38 am

اولا وقبل اى حاجة لما نتكلم عن مروة لازم نقول الطيبة الشديدة جدا...........لدرجة الهبل.مروة من الناس اللى انااول مرة اقرب منهم السنة اللى فاتت بس بجد حسيت انى من زمان اعرفها وبحبها ف الله جدا وبصراحة مش وحشانى لانها كل يوم معايا يعنى خلاص........ وبالرغم ان احنا مع بعض علطول تقريبا الا انى تقريبا مفهمتهاش كويس بس مسيرى هفهمها فى يوم من الايام ...انا وراها وراها.......اما بالنسبة للعيوب انا مش عارفة حتى لو فيه عمرى ما هاقولها قدا م المنتدى كله لان النصيحة على الملأ فضيحة بس متهيألى مفيش عيوب الى حد ما . وبقوله ربنا يوفقك ياميرو وللامام دائما ويارب تجيبى امتياز السنة اللى جاية ومن غير كورسات وعلشان تعزمينا اوكى؟.ايوة اقتكرت عيب فيها مصممة انها تاخد كورسات . ربناااااااااااا يوفقك ياميرو يا اعز الاصدقاء

من طرف vergenia الخميس أغسطس 13, 2009 3:32 pm

شكرا ليكوا كلكم
انا هرد دلوقتى عليكم
وبعدين اختار حد بكره
ان شاء الله

من طرف vergenia الخميس أغسطس 13, 2009 3:51 pm

Ahmed Napeeh كتب:نتوجه بخالص جزيل الشكر الوفير الكتير
لرضوى
ونقول لحضراتكم انه تتجه الحركة الان لتوجيه الكلام للعضوه marwa
اكتب بالانجليزي لحسن تطلع غلط بالعربي

هههههههه

وامامكم في قفص الاتهام العضوة
فلتقولوا يا جدعاااااااااان

الحمد لله انك كتبتها مره صح
شكرا يا احمد

من طرف vergenia الخميس أغسطس 13, 2009 4:10 pm

MiSHMISH كتب:مروه انا اتعاملت معاها كتير اوي وهي في الشغل جد اوي
وبتحب تفيد وتستفيد
طيبه وفاكره كل الناس طيبين برده
متقلبة المزاج خالص
جدعه اوي مش بتخاف من حاجه (فاكره خنزير غنيا يامروه الي كان عنده القلب ده ههههههههه )
طموحه ونفسها تكون حد كويس
نشيطه جدااااااا وحيويه
يالا كفايه عليكي كده هههههههههه طبعا مهما قلت مش هعرف اقول كل حاجه (عرفتيني دلوقتي يامروه )

مشمشه دى سكر
انا عمرى ما صدقت انك تدخلى على المنتدى وكده ولا حتى لو دخلتى تعملى كل المشاركات دى
وحتى لما قعدت افكر مين اللى كان واقف معانا وانا بشرح الخنزير افتكرتك وكده بس قولت لا مش معقول هى
بس الف شكر على الكلام الجميل ده
وكلامك كله اعتقد انه فيه
واعطيكى 97% امتياز مع مرتبه الشرف

من طرف Ahmed Nabeeh الخميس أغسطس 13, 2009 4:17 pm

مروة انا بحس من كلامها
انها حد محترم جدا
وطيبة اوي
ومجتهدة في المذاكرة بس بتخاف من الامتحانات جااااااااااامد
واصعب حاجه بس اسمك اللي انا مش بعرف اكتبه ودايما بتلخبط فيه
هههههههه
المهم انا الوقتي غشيته من اللي فوق

من طرف vergenia الخميس أغسطس 13, 2009 4:19 pm

KAZKOZA كتب:أنا جيت اهه الحمد لله ..

مررروووه .. هعترفلها اعتراف الاول ..
قبل ما اعرف مروه كنت حاسه انها شريره هههههههه
مكنتش مستريحلها كده مش عارفه ليه !! مع العلم اني غالبا انطباعاتي الاولى غلط ونا عارفه كده ..

بس بجد لما اتعاملت معاها وقربت منها لما نقلت لسيكشن 8 لقتها بنت في قممممة الطيبه .. اللي ف قلبها على لسانها على طول ..

مع صحابها وكده دايما مرحه ومش بيبان عليها زعل لو هي وسط ناس بتحبهم وكده
بس مش بيستخبى عليا على فكره ;)
وبتفك بسرعه برضه ..
بثق فيها جدا ويعتمد عليها بجد .. لما اعرف ان مروه هي اللي بتعمل حاجه معينه مثلا ببقى مطمنه بجد والله ..

جدعه اوي ..
من النوع اللي مش بيحب يكتم بس لما تلاقي حد تستريحله ويفهمها .. غير كده بتنعزل ..
مممممممم مش بتعرف تاخد المواضيع ببساطه او يمكن ظروفها هي اللي بتحكم عليها كده ..
كفايه دلوقتي على ما امخمخ تاني

رضوى انا بحبها جدا ومن اكتر الناس اللى اتعرفت عليهم واستريحتلها اوى
بس انا من اول انطباع حبيتك يا رضوى
وشكرا اوى على الكلام الجميل ده
وده كتير عليه اوى والله
وتاخدى برده 97%
امتياز مع مرتبه الشرف