رد: كيف تتخيل شكل الاعضاء وصفاتهم؟؟!

من طرف KAZKOZA الخميس أغسطس 06, 2009 4:04 pm

vergenia كتب:رضوى حبيبتى وروح قلبى
طيبه اوى اوى اوى
خدومه جدا جدا جدا
بتحب فعل الخير
مبتحبش تزعل حد منها
بتحب تسيح عليا خالص
بتطمن على صحابها علطول
لو حد طلب منها حاجه مبتقلش لا وبتعملها فى الحال
كانت بتنفعنى فى اككيمياء التحليليه علشان كنت اوقات كتير بنسى الادوات او اما بكسل اجيبها فبعمل معاها
من احسن الناس اللى عرفتها السنه دى وشرفت السكشن بتاعنا الترم ده
مهيسه وبتحب تضحك علطول اكيد عدوه من سكشنا
وقت الجد بتبقى جد ووقت الهظار مفيش احسن منها
بتعرف تثبت جامد
وكفايه دول لو افتكرت حاجه هكتب تانى

تمام يا مرمر .. بس مكنتش اعرف ان الطيبه باينه عليا اوي كده !!

حكاية التسييح بقا دي كانت حاجه لازم تتسيح :teeeeeth: وانتي كنتي طلبتي اقول عيوبك قلت فرصه :teeeeeth: بلاش نفتح الموضوع تاني بقا كفايه فضايح :oops*:

بحاول على اد ماقدر فعلا اتواصل مع اصحابي حتى بتوع ثانوي الحمد لله لسه على علاقه وطيده ببعض

محسساني اني عملت انجاز معاكي ف سيكشن الكيميا دحنا تحت امرك يا باشا.. وهما اصلا كانوا مرتين باين بس

ونا اللي اتشرفت اني جيت السيكشن :hat:

موضوع التهييس ده مش عدوه ولا حاجه دي طبيعه

وقت الجد جد والهزار هزار دي صح جدا بس ف الهزار طبعا فيه احسن مني

و تمام بعرف اثبت الحمد لله واتاكدت من كده ف مواقف كتير صعبه جدا .. بس انتي عرفتي ازاي ؟؟ ماشفتنيش قبل كده ف موقف او حاجه

شكراااااااا يا مرمر ع الكلام الجميل ده .. وربنا يعلم معزتك عندي ازاي ..
هدي الدرجات ف الاخر ان شاء الله .. ترقبوا النتيجه :move:

من طرف KAZKOZA الخميس أغسطس 06, 2009 4:14 pm

dezner كتب:رضوى
دايما بحس إنها اجتماعية و طيبة وإنسانة يعتمد عليها
ردودها فيها حكمة و لباقه ممزوجة بخفة دم
بحس إنها تمتلك القدره على النقد البناء بطريقة مهذبة
خدومه جدااا و بحس إنها تمتلك قلب طيب لا يحمل أحقاد لأحد
كفاية كدا دلوقتي

شكرا يا دزنر ع الكلام الجميل ده ..
كلامك مظبوط بس الردود والنقد البناء يمكن لما قريتها كنت اول مره اخد بالي او اعرف النقطه دي فيا ..
إنسانه يعتمد عليها .. صح بس مش دايما فيه حاجات ماينفعش حد يعتمد عليا فيها ..
بس الكلام في مجمله جميييل اشكرك عليييييييييه :hat:

من طرف KAZKOZA الخميس أغسطس 06, 2009 4:15 pm

vergenia كتب:يااااااااااااااه
انتوا لسه
ايه ده دى الموضوع اتحنط
يلا ردى يا كزكز
وانا عملالك شويه صور وحاجات من تصميمى
ههههههههههههههه
حاجات كده اتعلمتها فى كورس icdl
بس لسه مخلصتش

تسلم ايدك يالغلا كفايه انها منك ..
انا برد اهه

من طرف KAZKOZA الخميس أغسطس 06, 2009 4:19 pm

dr teeth كتب:هى ايه اللعبه دى؟؟؟؟؟؟؟؟؟؟؟

العضو اللى خلص بيختار عضو بعده .. الاعضاء تتدخل تتكلم عن العضو اللى تم اختياره صفاته وشكله من خلال ردوده
وبعدين بعد فتره كده العضو ده يدخل يقيم الاعضاء بالصفات اللى موجوده فيه من اللى الاعضاء قالوها وفى نهايه التقيم بنكون عرفنا تقريبا شخصيه العضو ده
ده شرح مروه بعد التعديل ..

من طرف KAZKOZA الخميس أغسطس 06, 2009 4:21 pm

د.اميرة كتب:مع اني متعرفتش بيها كويس
بس اناحاسة انها انسانة مهذبة فعلا

شكراااااااا يا اميره :hat:.. الحمد لله ..ويارب دايما

من طرف Ahmed Nabeeh الخميس أغسطس 06, 2009 4:23 pm

طيب انا هقول رايي انا كمان

رضوى انسانة محترمة اوي وبحسها طيبة جدا
وخدومة ويعتمد عليها في المواقف اصعبه
وبحس ان الدنيا متقفله معاها شوية
وكمان دمها خفيف
وكمان بحس ان ليها مكانه جامده في المنتدى

متنسيش يا رضوى تختاري حد بعدك

من طرف dr teeth الخميس أغسطس 06, 2009 4:26 pm

KAZKOZA كتب:
dr teeth كتب:هى ايه اللعبه دى؟؟؟؟؟؟؟؟؟؟؟

العضو اللى خلص بيختار عضو بعده .. الاعضاء تتدخل تتكلم عن العضو اللى تم اختياره صفاته وشكله من خلال ردوده
وبعدين بعد فتره كده العضو ده يدخل يقيم الاعضاء بالصفات اللى موجوده فيه من اللى الاعضاء قالوها وفى نهايه التقيم بنكون عرفنا تقريبا شخصيه العضو ده
ده شرح مروه بعد التعديل ..

شكرا على رد حضرتك ...

و شكرا جدا على التوضيح ....

من طرف KAZKOZA الخميس أغسطس 06, 2009 4:29 pm

Dr/Asmaa كتب:رضوي
بحس انها طيبة اوي وقلبها ابيض مابتشلش في قلبها يعني
خدومة وهادية
واكثر ما يميزها انها ذوق جداااااااااا والطول طبعا
وكفاية كده ماتطمعيش

تمام يا اسماء مابشلش ف قلبي حاجه تقدري تقولي هبله ف الموضوع ده بمعنى اصح .. بس لااااااازم لو حصل معايا حاجه مثلا بسامح وبنسى اه بس لازم استفيد من اللي حصل واحترس اوي بعد كده من نقطه معينه .. لازم لازم اخرج باستفاده يعني
الحمد لله اني طلعت ذوق .. يارب على طول ..
اه طبعا الطول ده شئ اساسي
لأ مش هطمع كفايه دول اوي .. شكرااااااا يا اسماء ربنا يخليكي :okok:

من طرف omayma الخميس أغسطس 06, 2009 4:33 pm

طيب انا كمان هاقو ماي ابينين المتواضع

رضوى مع انى ما اتعاملتش معاها كتيير
بس واضح انها انسانة هادية ومحترمة اوى
واجتماعيه
وبتشيل المسؤولية ومتدينة
ومن ردودها واضح انها مبتزعلش حد منها وعسولة وطيوبة خالص

من طرف KAZKOZA الخميس أغسطس 06, 2009 4:42 pm

Ahmed Napeeh كتب:طيب انا هقول رايي انا كمان
اتفضل :okok:
رضوى انسانة محترمة اوي وبحسها طيبة جدا
وخدومة ويعتمد عليها في المواقف اصعبه
دنا قلت انك هتقول ما ينفعش يعتمد عليها خالص
وبحس ان الدنيا متقفله معاها شوية
ازاي ؟؟ بس هي حاجه صح
وكمان دمها خفيف
وكمان بحس ان ليها مكانه جامده في المنتدى
طب الحمد لله .. والله انا بعرف منكوا حاجات اول مره اخد بالي منها ..
شكرااااااااا يا نبيه على كلامك الجميل .. :hat:
متنسيش يا رضوى تختاري حد بعدك

مش هنسى والله ان شاء الله ..
بس يا جماعه انا عايزه عيوب حد يقول عيوب

من طرف KAZKOZA الخميس أغسطس 06, 2009 4:43 pm

dr teeth كتب:
KAZKOZA كتب:
dr teeth كتب:هى ايه اللعبه دى؟؟؟؟؟؟؟؟؟؟؟

العضو اللى خلص بيختار عضو بعده .. الاعضاء تتدخل تتكلم عن العضو اللى تم اختياره صفاته وشكله من خلال ردوده
وبعدين بعد فتره كده العضو ده يدخل يقيم الاعضاء بالصفات اللى موجوده فيه من اللى الاعضاء قالوها وفى نهايه التقيم بنكون عرفنا تقريبا شخصيه العضو ده
ده شرح مروه بعد التعديل ..

شكرا على رد حضرتك ...

و شكرا جدا على التوضيح ....

العفوووووو والله ماعملتش حاجه يعني .. أي خدمه :okok:

من طرف ahmed elmansy الخميس أغسطس 06, 2009 4:46 pm

انا لسة مش فاهم الجزء التاني من اللعبة يعني بعد مع الاعضاء يقيموه بيعمل هوه ايه
و معلش انا معرفش رضوى اساسا

من طرف KAZKOZA الخميس أغسطس 06, 2009 4:50 pm

mima كتب:طيب انا كمان هاقو ماي ابينين المتواضع
اتفضلي يا ميما تنوري :okok:
رضوى مع انى ما اتعاملتش معاها كتيير
بس واضح انها انسانة هادية ومحترمة اوى
واجتماعيه
وبتشيل المسؤولية ومتدينة
انا اتعلمت موضوع المسئوليه ده بالظبط من حوالي 7 سنين بس قبل كده كنت تييييييييت خالص ولا ليا ف اي حاجه ..
موضوع التدين ده والله يا ميما مش أوي وكتير بكون مقصره فعلا .. ربنا يهدينا جميعا..
ومن ردودها واضح انها مبتزعلش حد منها وعسولة وطيوبة خالص
طلعت بعرف ازعل تصدقي ؟؟oh! ومرسييييييييييززز خالص يا ميمااززز على كلامك الجميل ده .. :hat:
بس برضه عايزه عيوب

من طرف Ahmed Nabeeh الخميس أغسطس 06, 2009 4:51 pm

لا ميعتمدش عليكي ليه ؟
كفاية التعب بتاع يوم اليتيم
وبصراحه عملتي مجهود رائع

بصراحه بالنسبة للعيوب
هو ممكن انتي بتصممي شوية على رايك وبتحبي حساب في اي حاجه
حتر لو ربع جنبه

وممكن دا ميكونش عيب بس دا رايي وياريت ميزعلش

من طرف omayma الخميس أغسطس 06, 2009 4:52 pm

والله مااعرفش عيوبك بجد
لانى ما اتعاملتش معاكى كتيير
بجد والله لو اعرف هاقولك انا اصلا مبعرفش اجامل

من طرف KAZKOZA الخميس أغسطس 06, 2009 4:55 pm

ahmed elmansy كتب:انا لسة مش فاهم الجزء التاني من اللعبة يعني بعد مع الاعضاء يقيموه بيعمل هوه ايه
و معلش انا معرفش رضوى اساسا

الاعضاء بعد ما يقولوا رايهم فيه هو بيرد عليهم زي منا بعمل دلوقتي كده ويقيم الاراء دي مدى صحتها يعني وكده
وهي اللعبه اساسا المفروض ان الاعضاء مايكونوش عارفين بعض ويقولوا رايهم ف العضو اللي تم اختياره من خلال ردوده
أتمنى اكون قدرت اوصل الفكره

من طرف dezner الخميس أغسطس 06, 2009 4:58 pm

ahmed elmansy كتب:انا لسة مش فاهم الجزء التاني من اللعبة يعني بعد مع الاعضاء يقيموه بيعمل هوه ايه
و معلش انا معرفش رضوى اساسا

ماهو دا المطلوب يا منسى

انك تتخيل شكل رضوى وصفاتها من ردودها ومساهماتها

من طرف KAZKOZA الخميس أغسطس 06, 2009 5:02 pm

Ahmed Napeeh كتب:لا ميعتمدش عليكي ليه ؟
كفاية التعب بتاع يوم اليتيم
وبصراحه عملتي مجهود رائع

بصراحه بالنسبة للعيوب
هو ممكن انتي بتصممي شوية على رايك وبتحبي حساب في اي حاجه
حتر لو ربع جنبه

وممكن دا ميكونش عيب بس دا رايي وياريت ميزعلش

لأ طبعا مايزعلش ..
بس موضوع الحساب ده يعني مثلا 2 جنيه على 2 جنيه على جنيه وربع هيعملوا اخر الشهر 60 جنيه ولا حاجه .. خلاص لو الموضوع ده بيدايقك نخلي الحساب اخر الشهر .. عشان الفلوس تبقا كتير شويه وتوافق تاخدها
من رايي يعني ده حق ولو كانت على مره مثلا كنت عادي لكن دي كذا مره بنصور وكده ..
لو فيه حاجه تانيه انا صدري رحب والله

من طرف KAZKOZA الخميس أغسطس 06, 2009 5:03 pm

mima كتب:والله مااعرفش عيوبك بجد
لانى ما اتعاملتش معاكى كتيير
بجد والله لو اعرف هاقولك انا اصلا مبعرفش اجامل

عارفه يا ميما انك مش بتعرفي تجاملي .. واوك لو عرفتي خبريني واصل :)

من طرف ahmed elmansy الخميس أغسطس 06, 2009 5:05 pm

طب فهمت انا
المرة الجاية بقه لما ابقي طولت في المنتدي اكون عرفت اقيم

من طرف KAZKOZA الخميس أغسطس 06, 2009 5:07 pm

طيب يا جماعه انا ينفع ماديش درجات ؟؟ اصلي بصراحه مابعرفش ادي درجات oh!

من طرف dr teeth الخميس أغسطس 06, 2009 5:09 pm

دكتوره رضوى ..

محترمه ... و بتهتم بقراءه المواضيع و التعليق عليها ..

ممكن تكون مرت بمواقف صعبه كتير ...

خلاتها تبقى قريبه من ربنا .....

على فكره انا تحليلى عمره ما ينزل الارض ابدا .....

من طرف Ahmed Nabeeh الخميس أغسطس 06, 2009 5:11 pm

KAZKOZA كتب:
Ahmed Napeeh كتب:لا ميعتمدش عليكي ليه ؟
كفاية التعب بتاع يوم اليتيم
وبصراحه عملتي مجهود رائع

بصراحه بالنسبة للعيوب
هو ممكن انتي بتصممي شوية على رايك وبتحبي حساب في اي حاجه
حتر لو ربع جنبه

وممكن دا ميكونش عيب بس دا رايي وياريت ميزعلش

لأ طبعا مايزعلش ..
بس موضوع الحساب ده يعني مثلا 2 جنيه على 2 جنيه على جنيه وربع هيعملوا اخر الشهر 60 جنيه ولا حاجه .. خلاص لو الموضوع ده بيدايقك نخلي الحساب اخر الشهر .. عشان الفلوس تبقا كتير شويه وتوافق تاخدها
من رايي يعني ده حق ولو كانت على مره مثلا كنت عادي لكن دي كذا مره بنصور وكده ..
لو فيه حاجه تانيه انا صدري رحب والله

خلاص اوك
بس انا مش باخد شيكات

بس مشم مهم الدرجات
وشوفي حد نقطعه بعدك

من طرف ahmed elmansy الخميس أغسطس 06, 2009 5:12 pm

dr teeth كتب:دكتوره رضوى ..

محترمه ... و بتهتم بقراءه المواضيع و التعليق عليها ..

ممكن تكون مرت بمواقف صعبه كتير ...

خلاتها تبقى قريبه من ربنا .....

على فكره انا تحليلى عمره ما ينزل الارض ابدا .....

واسالوني انا

من طرف Ahmed Nabeeh الخميس أغسطس 06, 2009 5:14 pm

حنفيييييييييي
هههههههههه
خلاص ينزل المرادي

من طرف dezner الخميس أغسطس 06, 2009 5:16 pm

ممكن يا رضوى ماتديش درجات عادى بس لازم تختارى عضو بعدك لما تخلصى