ايه رايكم في النهرده(يوم اليتيم)

وكمان الف مبروك يا هشام علشان متزعلش مني
وان شاء الله نحاول في اقرب فرصه جايه نكرر الموضوع ده
وان شاء الله السنه الجايه يبقى اوسع كمان ونروح كذا مكان ونلم مبلغ اكبر ان شاء الله

لا والله يا مصطفى مش مستاهله موضوع جميل زي ده يتقفل علشان جاجه غلط زي دي
انا حذفت كلامي اللي خلى الموضوع يتقفل
علشان الموضوع الاساسي اهم من دا بكتير

ما هو ما ينفعش اسلوب الكلام اللى بين الزملاء ده ابدا
يا ريت تفتكروا اننا كلنا اخوات ف الاول و الاخر

بس بجد اللي شايف ان انا غلطت ف حاجه او قلت كلمه مش صح يقول
انا اتكلمت عن اليوم الجميل اللي قضناه سوا وبعدين بركت لهشام زي الباقي انا مش شايفه ان فيها حاجه وماغلطتش

خلاص يا رنا حصل خير
ارجعوا للموضوع الاساسى احسن

خلاص يا رنون

خلاص يا جماعه

الموضوع مش مستاهل

كلنا اخوات وزمايل

وبعدين اليوم كان جاااااااااااااامد اخر حاجه

وكمان هشام كمان نجح وطلع انه بيدح وبيذاكر من ورانا

يعنى بيس خالص

يلا عقبالنا يارب كلنا

وكمان عايزين نكرر اليوم ده تانى

اوك
انتم عارفين قلبي الطيب

بس كان يوم تحفه ولا ايه ياايمو؟

ماكنش ناقصه غي مصطفى والله

معلش انا كان عندى ظروف و مقدرتش اجى بس اهم حاجه ان الاطفال اتبسطوا و انتوا كمان اتبسطتوا و ان شاء الله نكون كلنا مع بعض السنه الجايه

اكيد يا بت يا رنون

وبعدين احنا مش هنستنى السنه اللى جايه

احنا باذن الله ناويين نكرر الموضوع ده تانى قريب
يعنى على الاكتر اوى فى الاجازه

لان بجد الاحساس اللى كلنا حسينا بيه واحنا هناك ميتعوضش بجد

كنت حاسه اننا الاطفال مش هم
ان شاءالله نكررها

طيب والله العظيم انا هقول موقف حصل معايا كان هيخليني اعيط
انا واحنا بنلعب كده لمحت بنت قاعده في الجمب كده عند السماعات الكبيرة اللي كانت محطوطة ولما رحتلها اكلمها مرضتش ترد عليا
قلتلها يا عسولة قوليلي اسمك ايه ؟
قاتلي مي
رحت قايلها انتي زعلانه من ايه
والله مردتش عليا
حت واخد من امنية تقريبا او من حد كان معاه لعب كده
لعبه عربيه بتمشي لما تشد الحبل بتاعها
واديتهالها ولعبت بيها فعلا
وبعدين رحت بعديها بقولها اشييلك قالتلي اه
رحت شايلها وبايسها وخليت سيف يصورنا بالموبايل
ولما وريتها صورة الموبايل كانت مبسوطة اوي
والله العظيم انا لما روحت وحكيت الموقف ده في البيت
مامتي عيطت

ف تخيلوا اد ايه حاجه بسيطة زي دي بتبسط طفل صغير كل امله انه يبقى سعيد وفرحان وهو لسه صفير وساذج وميعرفش حقيقته
او عالاقل ميعرفش الواقع اللي هو عايشه

ف علشان كده ان شاء الله لازم يا شباب نكرر الموقف ده تاني
قريب
ومش لازم نلم فلوس برضه كل مرة
بس عالاقل بس نروح نلعب معاهم ونقعد معاهم لان دول يتامى
واكيد اي حاجه بسيطة بتفرحهم