برنامج يوم اليتيم

ايها الاخوه الزملاء :D

وبعد التفحيص والتمحيص واللف والدوران على الدور بتاعت الايتام وبعد ما دار العز اللي رحناه السنة اللي فاتت رفض عمل حفلة في اليوم دا قررنا إننا هنروح (دار بنات الفضل) وده دار موجود في أولنجيل كان اسمه قبل كدا دار الششتاوي وكان في سندوب تقريبااولا الدار دا كبير جدا ونظيف جدا جدا جدا جدا وحسيت اني داخل قصر مش بيت أيتام وهو كله من اوله قائم على التبرعات يعني محدش يقولي هنروح نودي حاجات لأيتام في قصر :D

وهما بيبنوا فيه بقالهم 7سنين من التبرعات بس المهم يعني مديرة الدار وهيي دكتورة بشرية بالمناسبة رحنالها انهردة وقابلناها وهي مرحبه بينا جدا جدا وقالت اننا اول ناس نكلمهم السنادي علشان يوم اليتيم المهم برنامج اليوم دا هيبقا إننا هنتجمع (يوم الجمعة 1/4 اول جمعة في شهر ابريل الساعه 1.30) عند الصنية الأولى اللي بعد ميترو وهيبقا فيه اتوبيس إن شاء الله علشان البنات والصبيان هيروحوا مشي طبعا :Dوإن شاء الله بدون مقاطعة هنكون هناك الساعة 2 كدا و لما نروح مش هيدخلوا حد غيرنا علشان ناخد وقتنا يعني وربنا يستر ومحدش يروح قبلنا بقا وهيبقا فيه فقرات حلوة ان شاء الله الناس هناك هينظموهالنا واسئلة نسألها للأطفال واللي يجاوب ياخد جائزة وكدا هتبقا لعب يعني وزعابيط وبلالين وكدا وهيبقا يوم جميل بإذن الله وربنا يستر ويبقا امتحان الفارما كويس علشان منروحش نطلع عين الأطفال بقاويارييييييييييييييييت يا جماعة اللي عاوز ييجي يحاول يلتزم بالميعاد لان لو حد ناوي يروح لوحده لا يمكن يوصل للمكان لانه بعيد علشان كدا هيبقا فيه اوتوبيس للبنات والصبيان هيبقا فيه عربيات نروح فيها إن شاء الله وانا عن نفسي مستريح جدا للدار دا أكتر من دار العز بتاع السنة اللي فاتت كمان

مع العلم اننا هنودي برضه حاجات لدار العز بس هيبقا من غير زيارةويا ريت اي حد عنده ملاحظة يقولها يا شبابوبالمناسبة الحمد لله الفلوس اللي اجمعت لحد دلوقتي حوالي 4500 جنيه وربنا يسهل ويزيدوا إن شاء الله



ملاحظة : لحد دلوقتي دكتور يسري الهواري ودكتورة شذا حماد ودكتور صلاح حجازي جايين معانا أكيد إن شاء الله

بالتوفيق ان شاء الله يا نبيه نطلع من الفارما كده عاملين دماغ حلوة:D