أكتب الي تعرفه عن ربنا!!

من طرف den.M.H.ELkholy الإثنين مارس 16, 2009 9:14 pm

السلام عليكم و رحمة الله و بركاته

إزيكم يا جماعة

طبعا مستغربين من العنوان

بس للأسف مش كلنا هنعرف نجاوب على السؤال ده

سؤال : اكتب ما تعرفه عن : الله

و حتى لو جاوبنا هتبقى اجابتنا ضعيفة و قصيرة جدا

كتير مننا لو اتكلم عن العربيات ممكن يتكلم بالساعات و بأسلوب يخلي اللي قدامه ينبهر بنوع العربية اللي بيتكلم عنها

و كتير ممكن يتكلم عن أفلام الأكشن و الحاجات الرهيبة اللي بتحصل من أبطالها لدرجة تخلي الواحد مش مصدق البطولات دي

و كتير من الأخوات لو اتكلمت عن الموضة والمكياج ممكن تتكلم لفترات طويلة و هي مستمتعة بالكلام و عندها كمية معلومات غزيرة جدا

بس للأسف معظمنا لو حب يتكلم عن ربنا مع أي حد من الشباب ... مش هيعرف يجمع كلمتين على بعض و لو اتكلم هيبقى كلامه فاتر و مفيش فيه أي عاطفة أو حماس

و السبب

لأننا مش عارفين مين ربنا

احنا حبينا العربيات و حبينا أفلام الأكشن و حبينا الموضة

و ماحبيناش ربنا

لا لا ... إيه اللي انت بتقوله ده ؟؟؟
انا بحب ربنا طبعا

بس كل الحكاية اني مبعرفش اتكلم و معنديش أسلوب كويس في الكلام

طيب اشمعنى لما بتتكلم في مواضيع تانية بتتكلم كتير و بيبقى اسلوبك جميل

طيب هل يا ترى احنا أصلا نعرف ربنا عشان نحبه و نتكلم عنه ؟؟

هو ده سؤالي من الأول

تعرف إيه عن ربنا

لو قلتلك دلوقت ... اكتب ما تعرفه عن : الله

هتقول إيه ..؟؟

أكيد انت تعرف شوية حاجات

و حتى لو أسلوبك مش كويس

بس احنا عاوزين كل واحد فينا يقول اللي يعرفه عن ربنا

بس من غير ما ينقل من كتب ولا من منتديات

يجيب بس اللي جواه

حتى لو كان كل اللي يعرفه موقف مايتنسيش حس فيه بعظمة ربنا

حتى لو كان كل اللي يعرفه دعاء ربنا أجابه ليه و حس بعدها قد إيه ربنا رحيم

حتى لو حاجة انت حاسس انها مش هتأثر فينا أوي

بس هي مأثرة فيك

قلها لنا

بس إوعى مايكونش في قلبك أي حاجة ناحية ربنا

إوعى متكونش تعرف تكتب عن ربنا و لو سطر واحد من قلبك

في انتظار مشاركاتكم

من طرف den.M.H.ELkholy الإثنين مارس 16, 2009 9:18 pm

أنا هبدأ بنفسي الأول

الحقيقه انا اكتب الكلام ده وانا مكسوف جدا لانى اقسم بالله العظيم لو اتكلمت وكتبت مجلدات مش اقدر اتكلم عن ربنا
.....اقسم بالله العظيم ان الله ارحم بى من امى
....اقسم بالله العظيم لا يوجد احد على الارض يستحملنى ويصبر على مثل الله
فالله هو الرب الكريم الحليم الجميل التواب
...........الذى يحب عباده فهو الذى سترنى وانا فى المعاصى ولم يفضحنى وكان قادرا على انا يفضحنى ولكنه الستير الكريم
والله لم يخذلنى ابدا فى موقف من المواقف رغم انى كنت متوقع العقاب ولكنه الرب الرحمن
فانا احب الله حبا شديدا واشتاق لرؤيه وجهه الكريم
ونصيحه لكل الاخوه لو انت بعيد عن ربنا والله العظيم ستعيش فى كر شديد
والله السعاده كل السعاده وانت قريب من الله
السعاده كل السعاده وانت تبكى بين يدى الله
فهو الله الرحمن الرحيم الكريم الودود التواب العفو الغفور رحمته سبقت غضبه

أكتب الي تعرفه عن ربنا!!

أكتب الي تعرفه عن ربنا!!

رد: أكتب الي تعرفه عن ربنا!!