ربنا يعينكم

السلام عليكم ورحمة الله وبركاته

طبعا عارف انكم فى موسم امتحانات وانكم دخلتم الموقف ده قبل كده وان شاء الله الامتحانا ت تعدى على خير و تكون سنة سعيدة عليكم يارب

بس من باب ذكر فإن الذكرى تنفع المؤمنين دى بعض نصايح ليكم

1- توكلوا على الله ودايما كونوا مع الله يكن معكم ( ومن يتق الله يجعل له مخرجا ويرزقه من حيث لا يحتسب)

2- انت عملت اللى عليك وذاكرت أكيد ربنا مش هيضيع تعبك ( ان الله لا يضيع اجر من أحسن عملا) وحتى لو ماذكرتش كويس لأى ظرف ادعى ربنا بالتوفيق من كرمه وعطائه فهو أكرم الأكرمين

3- أكيد بعد المذاكرة هتحسن انك ناسى كل حاجة لكن دى والله ظاهرة صحية ولو شوفت السؤال هتفتكر

4- حاول تنظم اجابتك فى نقط وتفهم الدكتور انك فاهم وتخلى شكل الورقة كويس لأن والله ده بيريح الدكتور وهو بيصحح اسالونى

5- تفاءلوا بالخير تجدوه يا شباب والله عند ظن عبده به ومفيش حاجة بعيدة عن ربنا

6- دائما تأكد ان الله كاتبلك الخير ولو كنت متيقن من ده هترتاح ولو اطلعتم على الغيب لأخترتم الواقع

7- لو فى سؤال لا قدر الله مش عارفه اوعى تسيبه فاضى سيبه للأخر وركز فيه وحتى لو موصلتش خالص ألف فى اجابته من مقدار فهمك

8- الجامعة حاجة والمدارس حاجة ممكن من سؤال واحد الدكتور يحس انك فاهم وتستميله فى صفك بس الحاجة المشتركة للأسف وده من عيوب نظام تعلمنا ان الدش مطلوب

9- ربنا يعينكم و يوفقكم ويجعلكم ذخرا للإسلام والمسلمين

أحبكم فى الله