مايك منتدى سنانكو

اخش شوية في شخصيتي

انا انسان عادي جدا زي بقية الناس

بس بتعصب بسرعه جدا
وبفقد اعصابي بسرعه برضه

بحب اهزر في كل حاجه واي حاجه وممكن اعمل من موقف صغير مسرحية كبيرة ومش عارف ازاي
بتيجي بظروفها كده

احيانا بعمل حاجات غلط وبحس اني صح بس لما بقعد مع نفسي بلاقي نفسي غلطان وبقعد الوم نفسي كتير

مبحبش اكون بتاع مصلحتي بس
يعنش مبتعاملش مع حد علشان مصلحتي بس
ولا بحب حد يتعامل معايا علشان مصلحته وبعد كده ميعرفنيش


مبعرفش اخبي حاجه
يعني لو عملت حاجه وخبيت بيبان عليا علطول
وانا اللي في قلبي على لساني
يعني لو شايل من حد لازم اقوله انشالله لو كان ممكن ميتعاملش معايا بعد كده
بس مبعرفش اكتم جوايا

وياريت زي ماهيرو قال
لو حد عاوزني اتكلم في حاجه معينه يقولي انشالله لو في رساله خاصه

اكمل تاني

عاوز اتكلم شوية عن الدراسة

يعني مثلا ايام الثانوي
بصراحه كانت ايام جميلة جدا
والواحد كان بيذاكر فيها ونفسه مفتوحه كده علشان عارف ان اللي هو بيعمله بيحدد مستقبله
يعني كنت بحب اوي السهر بالليل لوحدي اقعد اذاكر

وكنت بجد اجدع واحد يفلسع من الدروس وبالذات درس الاقتصاد ومع اني عارف ان كده غلط
بس كنت بروح العب بلياردو


اما اخر الايام يعني قبل الامتحانات بطلت بقا وبقيت ملتزم
والحمد لله كنت فرحان جدا ايام النتيجة بتاعت التنسيق اني دخلت طب اسنان
وقعدت كام يوم كده افكر بقا في الكلية وايامها


وبعديييييييييييييين

دخلت الكلية وبدات بقا الدراسة وايامها
وطبعا اول ايام دي كانت في الضياع خالص
ومكنتش فاهم حاجه وكاني جاهل
بس بعد كده بدات بقا امشي في المواد

واتعرفت على ناس كتير جدا
ومنهم طبعا الحلو والوحش

وبصراحه من اول تعامل كده بدات اعرف الناس

وكنت داخل السنه دي ومش معايا ناس اعرفها الا 2 بس او 3
يعني كنت عارف خالد ضياء ومحمد الماكي
ولما دخلت عرفت بقا ناس زي
مصطفى ودزنر ومتولي وجلادياتور ونااااااس كتير اوي

وبصراحه المنتدى كان ليه دور كبير اوي في حكاية معرفة الناس دي

وكان فيه موقف ظريف اوي حصلي ايام التنسيق وتقديم الرغبات

كنت كاتب في رغباتي
بالترتيب
صيدلة وطب وبعدين اسنان
يعني كانت اخر اختيار ليا خالص
اسنان

وكان ليا عم دكتور في كلية طب

جالي اخر يوم قبل ما التقديم ينتهي
قعد معايا وقعد يقولي
بلاش تخش طب او صيدله
لان طب طويلة ومقرفة
وصيدلة اخرك مندوب وكده

واقنعني جدا باسنان

رحت في اخر يوم والله
مغير الرغبات بتاعتي من ورا اهلي

:walk: :walk:

والمهم عمي هو اللي قالي كدا

لان اهلي كلهم كانوا عاوزيني اخش صيدلة مش عارف ليه

طبعا لما والدي ووالدتي شافوا النتيجة
استغربوا جدا
وقعدوا يسالوا ازاي؟
هي صيدلة واخده كام و............
طبعا اضظريت اصارحهم بالوضع الحقيقي
وعمي جه في ساعتها وقعد يفهمهم
وبعدين اقتنعوا بقا وعدى الموقف بس بابا زعل مني انا وعمي شوية
والموقف عدا على خير

بس من المواقف اللي انا عمري ما هنساها

ارجع تاني لشخصيتي

انا طبعي اني بحب اقعد لوحدي مش عارف يكن فعلا بحب العزلة في بعض الاحيان

واحيانا بلاقي نفسي قاعد افكر وبقعد بالساعات بالوضع ده
بفكر بقا في اي حاجه بتيجي على بالي
الدراسة
الماضي
الاصدقاء
يوميات الكلية
بس عمري ما فكرت في المذاكرة
:fun:
واحيانا تانية بلاقي نفسي مخنوق وشايل هم ونفسي افضفض مع اي حد
وفي الاحيان دي
لازم علشطول بلاقي نفسي بروح لاخويا الكبير واتكلم معاه وهو بيفيدني كتير
بحكم خبراته


وانا عموما طبعي اني لما بلاقي حد محترم بتعامل معاه
بحبه جدا
سواء من اصحابي او اي حد تاني
بحب اخدم الناس اللي اعرفهم
لو حاجه في مقدوري اني اعملها لحد

وانا مبحبش ابدا حكاية الناس اللي بتقول بنذاكر ونخبي والكلام ده
لان كل شئ مكتوب والكل ربنا مقدرله هو ايه نصيبة ومستقبله
مهما كان الواحد بيعمل وبيذاكر
ربنا مقدرله كل حاجه




وبالمناسبة ياريت
كل الناس اللي زعلانين من المنتدى والوضع الحالي
يرجعوا تاني لان والله انا شايف ان الوضع كده بقى احسن شوية

سوري بقا
انا مش هعرف اكتب تاني النهاردة لان النهاردة فرح ابن خالتي والله
واكيد بليل مش هعرف اخش تاني
يا ريت يا عمو دزنر يا رئيس الاذاعة تسيبلي فرصه بكره السبت لحد بالليل علشان لسه عاوز ارغي

كان معكم من البيت عندنا
المذيع الموتألك احمد محمد نبيييه

والسلام عليكم ورحمه الله وبركاته

أولا رئيس الإذاعة مايتقلوش يا عمو إحنا مش فى سوق

ثانيا تكرما منا و تشجيعا للمذيعين المبتدئين هنوافق على طلبك لمد فترة برنامجك ليوم السبت باليل

وربنا معاك

شكرا يا عمو برضه
وعالعموم انا هكمل الوقتي

عاوز اكلم شوية تاني عن شخصيتي

انا اولا بحب التقدير
مش التقدير في الدراسه
لا يعني لما حد يعمل حاجه احب اقدره جدا عليها لان ده بيكون زي تشجيع كده
او انا لما بعمل حاجه وبحس انها كويسة بحب جدا ان حد يشجعني او يشكرني عليها
مش عارف ليه بس بحس ساعتها ان انا بعمل حاجه صح
وفي نفس الوقت برضه لما بعمل حاجه غلط مثلا او بشوف حاجه غلط بتتعمل لازم بيكون ليا موقف فيها يا اما حد يفهمني غلطي ايه او انا افهم اللي قدامي ايه غلطه

عاوز اتكلم برضه عن طفولتي

يمكن انا معنديش ذكربات طفوله اوي يعني وده لاني زي ماقلت معشتش الطفولة هنا في مصر
ولما كنت لسه صغير كان كل يوم نفس النظام من البيت للحضانة او المدرسة وحتى كمان والدي كان بيوديني لاننا نعتبر اغراب وعلشان كده مكانش ليا اصحاب كتير
يمكن ولد واحد بس جارنا هو اللي كنت ممكن العب معاه وكده علشان كده مكانش ليا اي ذكريات طفولة
ويمكن فعلا اول صداقات ليا بدات اول ما رجعت مصر هنا وبكده بدات اعرف اصحاب
وطبعا كان عندي صعوبة في التعامل مع الناس او حتى المدرسين
بس طبعا بمرور الوقت كل حاجه بتتغير معايا
ولحد الوقتي يمكن فاكر حاجات بسيطة بس من طفولتي وايام الابتدائي

انا نفسي في حاجات كتير ربنا يقدرني واعملها
يعني نفسي ان شاء الله اكون ناجح في الشغل
اكون انسان سعيد اسريا
ونفسي ارضي والدي ووالدتي وقبلهم طبعا رضا ربنا عني

نفسي اعمل مستشفى او مركز طبي متخصص في المجال بتاعنا
نفسي الاقي الانسانه اللي اقتنع بيها كزوجه صالحه تفهمني وافهمها وده اهم حاجه في الزوجه
نفسي ابطل اشجع الزمالك
:fun: :fun:

نفسي يكون كلامي عجبكم واكون اتكلمت في كل حاجه انا عاوز اتكلم فيها

وبكدة انا اقول انا
خلصت
ومستعد اسمع تعليقاتكم

حبيبى

ايه الحلاوة دى

بس انت فعلا شخصية محترمة واحلى كتير من الى انت كتبتة

اما فى تعملى معاك سعات بحس انى اعرفك من زمان وسعات بحي انك مش طيقنى

لا والله يا احمد انت احساسك غلط انا زي ما قلت لو زعلان من حد بقوله
وانت زي الفل بالنسبة ليا

اممممممممممممممم
كلامك جميل اوى يا نبيه
ربنا يوفقك ان شاء الله وتفتح المركز اللى انت عايزه
وكلامك هاااااااااااايل بجد

شكرا جدا

ماشاء الله يااحمد سبحان من ثبتك ع الاقعده الصعبه ف الصحرا دى بس بصراحه كلامك صريح وربنا يوفقك يارب وتحقق اللى بتتمناه
بس اما تفتح المركز بقى متنساش اصحابك ماشى حاول تخفف نسبة البطاله من دفعتك بقى ههههههههههههههه

هههههههههههههههههه
ماشي يا فاطمة
الف شكر اولا
ثانيا
حاضر اول ما هعمل المركز هعين فيه كل اصحابي
وهعينك انتي كمان حتى لو هتبقى مديرة المستشفى
ههههههههههههههه

ههههههههههههههه
طبعا بجد انا نفسى تفتح كلنا مستشفى كبيره ونجيب فيها اصحابنا من طب وصيدله واحنا طبعا اسنان ودى امنيه حياتى
بس المشكله اننا كلنا فى اماكن مختلفه
وعلى فكره انا اقترحت على بابا الفكره دى وعجبته اوى لان العيله الحمد لله فيها دكاتره كتير وممكن الموضوع ده يتعمل بس الكلام ده لو اتبنى البرج فيا ريت تدعوا انه يتبنى وانا عليا مكان المستشفى وانتوا بقه تتصرفوا وتشوفوا تيجوا ازاى :fun:

كلام جميل جدا ..و انت فعلا شخصيه كويسه يا نبيه و من الناس اللى اتشرفت بمعرفتهم السنه دى

لا بجد فاجاتني بتكلم ببساطة اوي
ربنا يوفقك في حياتك وتحقق كل الي بتتمناه
وفي امل في مذيعين المنتدي اهو
جود ورك نبيه


:good:

NAPEEH كتب:هههههههههههههههههه
ماشي يا فاطمة
الف شكر اولا
ثانيا
حاضر اول ما هعمل المركز هعين فيه كل اصحابي
وهعينك انتي كمان حتى لو هتبقى مديرة المستشفى
ههههههههههههههه

ههههههههههه ماشى بس انت متاكد من اللى انت بتقوله ده انا المديره!خد بالك ان الناس كلها شاهده عشان تنفذ الكلام ده ههههههههه

هههههههههههههههه اوك
ينفع عامله تنظيف
طبعا انتى دكتوره ولا نسيتى ههههههههههههه