رد: مايك منتدى سنانكو

من طرف hero الثلاثاء يناير 27, 2009 4:03 pm

فيه شوية اسئلة كده اجاوب عليها من م
ايه اكتر حاجة عملتها وبعدها زعلت انك عملتها؟
اللى بعمله وساعات بزعل عيه الصراحة هوه انى ازعل حد وخصوصا ماما
ايه اكتر حاجة عملتها ولو رجعت الفرصة هتعملها تانى؟
تقريبا مفيش غير ايام الثانوى اللى نفسى ترجع واعمل الحاجات اللى كنت بعملها تانى ايه اكتر حاجة ممكن تزعلك؟
يعنى ان حد يكدب عليا وفيه حاجات كتيرة ممكن تزعلنى زى اى انسان
ايه اللى كان نفسك تعمله قبل كده وعملته؟
انى ادخل كلية حلوة الحمد لله زى اللى انا فيها
مين اكتر حد بتحبه فى الدنيا دى؟
ماماايه اللى ممكن يخلى هيرو يكره حد؟
حاجات كتيرة لكن انا عموما ما بعرفش حاجة اسمها الكره

من طرف hero الثلاثاء يناير 27, 2009 4:06 pm

واحب اوجه طلب ادوك سمية ودوك ايمان
انهم يرجعوا المنتدى تانى لان المنتدى انتوا وحشينه واكيد هوه وحشكم
والهروب من المشاكل ده جبن حتى لو حد زعلان
مفروض يواجه المشاكل ديه

من طرف rana الثلاثاء يناير 27, 2009 8:36 pm

سوري للمقاطعه
بس بجد الموضوع جامد جدا ربنا يعينك يامحمد
انا قلت اقطع الملل بقى يالذيذ يارايق(محدش يشتمني عشان دخلت لو سمحتوا)

من طرف hero الثلاثاء يناير 27, 2009 9:30 pm

ههههههههه
مش تخافى انا حاسس انى فى صحراء وعمان اكلم نفسى

من طرف doctor1992 الثلاثاء يناير 27, 2009 9:42 pm

انا كمان اسفه جدا جدا ع المقاطعه بس والله لسه داخله وعايزه اقول ان الفكره حلوه اوى ومتزعقش ليه بقى ياعطار اخر مره
وشد حيلك يامحمد

من طرف hero الثلاثاء يناير 27, 2009 11:25 pm

وردا على الاسئلة من م
انا بقضى اكتر وقتى فى البيت لكن بخرج مع صحابى كتير اوى وبلاقى راحة بالى لما اقعد لوحدى لانى بحب الهدوء بحب اوى ابص للقمر بليل وانا نايم وبحس براحة نفسية شديدة اوى وانا فى البيت يعنى بقضى معطم وقتى على النت ولما باخد اجازة يا اما بقعد فى البيت او بخرج مع صحابى - من علمته الرماية فرماك ... ؟

الحمد لله مفيش حد كده لان انا مش بصاحب الناس اللى من الصنف دولت من يعجبك من أعضاءالمنتدى .. (( عضو واحد فقط )) ... ؟

السؤال ده مش فى محله لان مفيش عضو من الاعضاء كلها كامل وكل واحد فيه عيب فمش ينفع اقول واحد كل واحد ليه ناحية بتعجبنى يعنى العطار فى الدين كيكو فى التهيس شرشر فى الرياضة فرج فى الفلسفة وهكذا بقى كل عضو ليه ميزة لان ربنا ما خلقش حد كامل

من هو صديقك الصدوق ... ؟
الحمد لله ليا كتير فى الدفعة زى كيكو اخويا والعطار والشربينى وناس كتيرة كلهم وانا اول سنة اتعرف بيهم

لكن الصدوق واحد اعرفه من حضانة وهوه صاحبى من حضانة وهوه فى شرطة وطبعا يمكن اكتر من اخويا لكن ليا غيره كتييييييييييييييييييييييييييييييييييييييييييييييييييييييييييييير زى اخواتى بالظبط- من أى شئ تغضب ... ؟
ان حد يعمل نفسه كبير عليا او يحاول يفهمنى انه اعلى منى- متى تبكي بحرقه ... ؟
لما شوفت غزة وساعات بس من زمان لما كنت بزعل ماما
متى تجلس لوحدك ... ؟
يعنى لو مفيش حد معايا ههههههههههههه يعنى لما اكون مدايق مبحبش حد خالص يقعد معايا متى تقول لا ... ؟
فى كتيرمن مواقف الحياة
ممتى تكون أناني ... ؟
غالبا عمرى ما كننت انانى الحمد لله الا فى بعض الامور لكنها بتكون انانية مشروعة كيف تعيش يومك ... ؟
عادى دلوقتى بس على النت والتى فى او مع صحابى ويا رب اقعد واذاكر
كيف ترى حال الأمة اليوم ... ؟
السؤال ده لو اتكلمت هرغى كتير ده عايز توبيك لوحده كيف تنظر لمستقبلك ... ؟
انا عندى طموحات كبيرة جدا اكبر من الخيال والمستقبل بيدى الله في عصر العولمة الحالي (( ما رأيك في حب الإنترنت )) ... ؟
والله كلنا عارفين السؤال ده طبعا كلنا بنحب النت لكن كلنا عارفين هوه وحش ليه عشان ........... انتوا فاهمين طبعا عشان المذاكرة وكده
يقال أن الحب يمحو جميع العيوب والأخطاء في المحبوب (( ما تعليقك )) ... ؟
والله زى المثل لما يقول القرد فى عين امه غزال لكن انا هاسال اللى بيحب الشخص ده سؤال لو فيها فعلا عيب وحش وانت حبتها ومش شوفته ازاى قدرت تحبها اصلا ما هو سر نجاحك في الحياة ... ؟
الطموح الا رادة الاعتماد على الله

ما أجمل مافي الحياة في نظرك... ؟
الكرامة لان الواحد مش ينفع من غيرها وده متاثر بيها عشان حال العرب الكل فاهم طبعا هل أنت عاطفي ... ؟
اه بس فى الامور الحازمة بحكم عقلى لانها مش تحتاج عاطفة لكن مش معنى كده انى ابقى قاسى لكن لازم اكون حازمهل صدمت بالخيانة من قبل ...
لا الحمدلله
هل أنت فوضوي ... ؟
لا طبعا انا بموت فى حاجة اسمها النظام
هل كنت صادقاً في كل ما قلتة ... ؟
الحمد لله لكن مش قولت كل حاجة بالتفصيل عشان اراعى ربنا لكن الكلام اللى قولته طبعا صادق فيه اوى لكن ناقص كلام كتير

من طرف dezner الثلاثاء يناير 27, 2009 11:27 pm

وبعدين بئا

سيبوا المذيع يتكلم براحته

المايك معاك يا هيرو اتفضل

من طرف hero الثلاثاء يناير 27, 2009 11:31 pm

اوكى يا عطار
مدير الاذاعة نقول ايه :fun:

من طرف dezner الثلاثاء يناير 27, 2009 11:42 pm

من غير تريئا يا حضرة المذيع المحترم

لسالك يوم بحاله

فضفض على اللى جواك

من طرف hero الثلاثاء يناير 27, 2009 11:48 pm

وردا على اسئلة محبى برنامج اذاعة سنانكو
اسئلة من ف
ايه اكتر موقف بكيت فيه او زعلت فيه؟
السؤال متكرر بس هجاوب طبعا موقف غزة ومقف العرب من زمان اوى واحيانا لما كنت بزعل ماما وبحس ان الدنيا كلها واقفة ادامى اما بتحس بالملل بتعمل ايه؟
يا اما بسمى بسم الله واسمع قران او اقعد بليل لوحدى واقعد افكر فى خواطرى ايه الشخصيه اللى انت حاططها ف دماغك وعايز توصلها؟اوصفها يعنى
يعنى بحب جمال عبد الناصر والسادات اوى طبعا مش محتاجة وصف
مين اللى دايما بتستشيره ف امورك وبتحب انك تاخد برايه؟
ربنا سبحانه وتعالى السؤال لغير الله مذلة لكن عادى ساعات بستشير صحابى القدامى او الجداد وعموما بسال اى حد وااااااااااااااااااااثق فيه
ف نظرك يعنى ايهالحب شىء مقدس من عند ربنا لكن حاليا مفيش الحب الحقيقى بمعناه الحقيقى
الصداقة من غيرها ممكن اموت ما اقدرش اعيش من غيرها
الشفقة حاجة مطلوبة لكن مش فى كل الامور لان فيه امور مش ينفع فيها الشفقة وانا مش قاسى ولا حاجة بس حازم
وانى افرق بين التلاتة ممكن نقول اول اتين بيكملوا بعض يعنى الصداقة بتيجى نتيجة الحب
وايه الحاجه اللى نفسك تغيرها ف نفسك؟
مممممممممممم مش عارف بس ممكن الصمت وفيه حاجات تانية
تقتك ف نفسك نسبتها كام؟
الحمد لله واثق من نفسى الى حد ما لكن الثقة الزيادة انتوا عارفين بتتلقلب لشيطان يزين كل حاجة ليكىقربك من الله نسبته كام؟
الحمد لله قريب جدا لانى واثق ان مفيش حاجة بتم الا باذن من الله
قول اى مثل بتؤمن بيه؟
والله امثلة كتير لكن ممكن المثل بتاع جمال عبج الناصر
اللى هوه ما اخذ بالقوة لا يسترد بغير قوة قول ايه الحاجه بتحتل جزء كبير من تفكير هيرو؟
طموحاتى

من طرف hero الثلاثاء يناير 27, 2009 11:49 pm

dezner كتب:من غير تريئا يا حضرة المذيع المحترم

لسالك يوم بحاله

فضفض على اللى جواك

اوامرك يا مدير الاذاعة
والله بفضفض بس لو فضفضت اوى مش هيكفينى اسبوع عشان كده بحاول اجاوب على الاد

من طرف hero الأربعاء يناير 28, 2009 12:29 am

واحب اقدم عتاب لكل الاعضاء بلا استثناء على الاحداث المؤسفة اللى حصلت فى المنتدى الفترة اللى فاتت واحب اقولهم اتقوا الله احنا مش صغيرين

ويا ريت النفوس تتصافى والمية ترجع لحنفيتها على راى كيكو والحمد لله انا حاسس ان خلاص ما عدش فيه حاجة

من طرف hero الأربعاء يناير 28, 2009 3:29 am

وعن سؤال ف
ايه الشخصيه اللى انت حاططها ف دماغك وعايز توصلها؟اوصفها يعنى
طبعا الشخصية اللى اتمناها هى والدى ومش هاقدر اوصف كتير لانى مهما وصفت مش هاقدر اقول حاجة

من طرف hero الأربعاء يناير 28, 2009 3:42 am

احب اقول وانا ماسك المايك عايزين ترحيب كبير اوى اوى بايمان اللى كانت غايبة عن المنتدى
وانا بعاتبها طب لو حد زعلك نفرض مثلا
طب الباقى ايه زمبهم
بس على العموم الحمد لله انك رجعتى ونروتى المنتدى تانى
وعايز اضربلك عيارين فى المنتدى بس خايف تيجى رصاصة طايشة فى حد :fun:

من طرف hero الأربعاء يناير 28, 2009 5:32 pm

معلش يا جماعة ما مسكتش المايك النهاردة لانى كنت مخنوووووووق جدا
المهم بلاش اخنقكم معايا فيه اسئلة جتلى من محبى برنامج مايك سنانكو وهااجاوبها علطول ان شاء الله

اجمل حاجة موجودة فى حياتى لغاية دلوقتى حاجات كتير ممكن بابا وماما وصحاب عمرى ما هعوضهم تانى لو عشت مية سنة الحمد لله فيه حاجات كتير

وبالنسبة انى انا جربت الحب ممممممممممممم بعدين هابقى اقول
والحب فى السن ده ممكن يكون نعمة ونقمة تعمة ممكن يدى دفعة للحبيب انى يجتهد فى شغله لكن لازم يكون حب صافى منزه عن اى حاجة
لكن ممكن يكون فى نفس الوقت نقمة لو الحبيب طبعا اتشغل باللى بيحبه وخلاه مهمل فى نفسه وفى كل حاجة

بزاكر كام ساعة فى اليوم الحمد لله لو ساعة يبقى رضا من ربنا لكن عشان مزاجى الويمين دولت مش حلو

وال3 وردات اهديهم من برة المنتدى لماما وبابا وعمى الله يرحمه
ومن جوا المنتدى انا هديت ورد كتير فى لعبة اهدى وردة والله ما عارفاقول مين كيكو والعطار والشربينى بس والله كل الولاد بحبهم واهدلهم ورد من عندى انا

احب اوجه عتاب زى ما قولت لكل الاعضاء على اللى حصل الفترة اللى فاتت

الشكر اوجهه الى والدى وكل اصدقائى فى المنتدى

اكتر 3 اعضاء برتحلهم بجد كل الاعضاء بترحلها اوى لكن انا هاغير السؤال اكتر اعضاء بتكلم معاهم فى المنتدى كيكو والعطار والشربينى وفرج وسيف وممكن متولى ونبيه

اكتر عضو بنقض تصرفاته برضو الاعضاء على اللى حصل قبل كده بدون ذكر اسماء
الحمد لله انا مختار كلية اسنان بكامل ارادتى الحمد لله كان ادامى طب وصيدلة واسنان يعنى التلاتة وانا مختارها اول رغبة والحمد لله

احلامى وطموحاتى فى كليتى طبعا بالنسبة للتعين فى الكلية مش اوى فى دماغى لانهم اصلا ساعات مش بيعينوا حد لكن نفسى اطلع تقدير عام امتياز وان شاء الله نفسى اسافر اقعد برة 5 6 سنين وارجع
ام بالنسبة لاحلامى وطموحاتى فى شخصيتى نفسى افضل زى ما انا مع تعديل بعض الحاجات لان مفيش انسان كامل

استعدادى للامتحانات بتاعتنا الحمد لله كل امتحان بستعدله اوى لكن دلوقتى لسه مش استعديت لكن انا بحب الامتحانات عشان بتخلينى اذاكر

حالتى النفسية اليومين دولت الصراحة مش اوى وبميل للوحدة اوى اليومين دولت

مهيس زيادة عن اللزوم لما اخرج مع صحابى ونقضيها ضحك بفتح اوى وبنهيس تهيس وساعات على المنتدى بليل

من طرف hero الأربعاء يناير 28, 2009 5:40 pm

وبالنسبة لشخصيتى اللى نفسى اكون عليها هافصلها شوية عشان خاطرى محبى برنامج مايك سنانكو
الحمد لله على كل شىء
نفسى اكون ليا مكانة اجتماعية كبيرة اوى ونفسى اكون شخصية محترمة اى حد يحترمها ونفسى انى اكون شخصية تحبها الناس مش تكرهها وافضل اجتماعى بطبعى زى اى انسان خلقه ربنا ونفسى اكون متفوق فى مهنتى واحاول اقضى رسالة لكن فيه حاجات تانية نفسى تتحقلى بس انا عارف انها صعبة لكن مفيش حاجة اسمها صعب على ربنا

من طرف Den.emoOo الأربعاء يناير 28, 2009 6:04 pm

hero كتب:احب اقول وانا ماسك المايك عايزين ترحيب كبير اوى اوى بايمان اللى كانت غايبة عن المنتدى
وانا بعاتبها طب لو حد زعلك نفرض مثلا
طب الباقى ايه زمبهم
بس على العموم الحمد لله انك رجعتى ونروتى المنتدى تانى
وعايز اضربلك عيارين فى المنتدى بس خايف تيجى رصاصة طايشة فى حد :fun:

اولا اسفه لانى هقاطع البرنامج
بس بجد ميرسى يا هيرو على الكلام الجامد ده .

وان شاء الله ربنا ميجبش حاجه وحشه وان شاء الله مش هسيب المنتدى تانى

واحب اوجه شكر من خلال البرنامج لكل اعضاء المنتدى اللى سالوا عليا

وميرسى مره تانيه يا هيرو .

من طرف a7mad seif الأربعاء يناير 28, 2009 6:25 pm

معلش يا عطار انا هتكلم وابقوا امسحوها فى المنتاج

الموضوع جامد جدا يا هيرو وانت راجل محترم وجدع جدا جدا

من طرف hero الأربعاء يناير 28, 2009 6:28 pm

اولا يا ايمان مفيش حاجة اسمها ميرسى لاننا كلنا اخوات وده واجب عليا

وسيف حبيبى قلبى وربنا يعلم اللى فى القلب

وشكرا على المداخلة الجامدة ديه من ايمان وسيف ونوجه الشكر لكل محبى برنامج مايك سنانكو ونتمنى انهم يشاركوا معانا الى اللقاء
ميعاد الحلقة القادمة بليل

من طرف hero الخميس يناير 29, 2009 12:51 am

واحب اقول وانا ماسك المايك
انى بدايق لما اشوف كده يعنى اوشى برضو قالت هى ماشية مش عارف انا طب ما كل واحد يواجه مشكلة ولا احنا جبنة انك تمشى ديه تتقال لما خلاص كل الاعضاء يكونوا مش عايزينك
يا ريت يكون كلامى وصل وترجع اوشى زى زمان

من طرف hero الخميس يناير 29, 2009 1:02 am

واحب اجاوب على اسئلة من ف صديق برنامج مايك سنانكو ونتمنى ليكم مشاهدة سعيدة مع برنامجنا المتواضع

بالنسبة لحياة الجامعة يعنى مش مختلفة كتير رغم ان الكل بيقول مختلف بس طبعا هى حياو فيها تغير يعنى النظام غير الثانوى خالص لكن انا لغاية دلوقتى بفضل ايام الثانوى مش عارف بقى ادام ممكن يتغير

واجمل يوم قضيته الصراحة مفيش اختلاف كل الايام مشابهة وزى بعض لكن اكتر ضحكت كتير ساعة لما كان بيتعملى محضر لما كسرت العدسة بتاعة الفيزياء والمعيدة تضحك والعطار كان معايا ساعتها ما تخافوش كان بيشهد عليا هههههههههههههه

والدكاترة اللى بحبها اوى اوى دكتورة عزة وجابر بحس انه على نياته لما رحتله المكتب مرة والمعيدين اكتر ناس بتدايقنى بتعوت الحيوان دكتورة نشوى ومش فاكر التاية اسمها ايه
واللى بحبهم ممكن الفيزياء ومعيدة الكيمياء لكن معيد الكميياء كويس بس جدع اوى

واكتر مادة حبتها الدنتال عشان محسسانى انى فى اسنان
واكتر مادة كرهها النبات والكيمياء

اكتر حاجة مخوفانى مفيش
وتقديرى المتوقعه ليا ان شاء الله مش اقل على جيد باذن الله
واكتر شىء ممكن يدياقنى حاجات كتيرة بس بدايق لما حد يعمل عليا كبير او اى حد يجرح كرامتى لان كرامتى بالدنيا كلها

اكتر حاجة بتبسطنى وتريحنى لما اطلع رحلات مع صحابى او اكون خارج مع صحابى

وبحب اخرج مع صحابى اكتر واكتر حد فاهمنى بس برضو مش اوى لكن الى حد ما كذا واحد من صحابى وبرضو ساعات ماما بتفهمنى برضو يعنى هى او بابا
من الاخر مفيش حد فاهمنى كويس اوى

ولما بخرج واتفسح عادى بخرج مع صحابى بقعد على الكورنيش اى حاجة

الاجازة بتاعة الصيف بحب اروح اليكس حبيبتى اللى بحبها موت او على النت او خروج وكنت بلعب هوكى بس بطلت وحسب الظروف برضو

من طرف hero الخميس يناير 29, 2009 1:38 am

مش عارف ادى المايك لمين

من طرف hero الخميس يناير 29, 2009 2:02 am

طب خلاص امرى لله هاختار الشربينى لو مش عنده مانع لو عنده مانع يختار هوه حد تانى

من طرف dezner الخميس يناير 29, 2009 2:16 am

أولا لازم تقول خلصت

و بعدين تسيب فرصة لجمهورنا عشان يعلقوا على كلامك و بعد كدا تختار

شكلك مذيع مبتدىء

من طرف vergenia الخميس يناير 29, 2009 2:22 am

يا خراشى يا هيرو انا بجد هبط
بس انت كلامك جميل اوى بجد عجبنى
وانت كمان انسان جميل وطيب
وانت بتقول نفسك تغير حاجات منها الصمت
بس الصمت ده فى اسرارك وحاجات تانيه شىء جميل جدا يا ريت انا اكون كده
بس لما بكون واثقه فى حد واو مصاحبه حد بقول لانى احيانا ببقى شيفاها مش غلط
بس ما شاء الله عليك
وان شاء الله ربنا يحقق لك طموحاتك

من طرف hero الخميس يناير 29, 2009 2:23 am

حاضر مدير الاذاعة اقول ايه اوامرك
هاسيب المشاهدين يعلقوا وبعد كده اختار وانا انتهيت من الاذاعة اى خدمة