مسابقه الشعر -متجدد-

من طرف Mostafa ElShirbeny الإثنين يناير 26, 2009 11:22 pm

انا فضلت انى اجيب القصائد هنا ف موضوع منفصل عشان تبقى اسهل للناس اللى هتختار الافضل و طبعا موضوع القصيده عن الخيانه....اقراوا بتمعن و شاركوا ف الاستفتاء

من طرف Mostafa ElShirbeny الإثنين يناير 26, 2009 11:23 pm

1-جلادياتور

لقد عشـت ايامـا مـا باكثـرٍ
و حيداً كئيبـاً شريـداً اعـزلَ

ما وجدت ُ فـى صديـقٍ لـذةً
حكم علـىّ الزمـان ألا أزامـلَ

فكـفـى لــى بالله خلـيـلا ً
و نبراسا لى كتابه الـذى انـزلَ

هـذى حياتـى لـم اهنـى بهـا
فـمـا عـسـى ان افـعــلَ

لا يخدعنـك الزمـانُ بصاحـبٍ
معسولٌ كلامه فربما يـكُ انـذلَ

و كدرةٍ طُلبَ فيها نوراً يهتدى به
فاذا هـو لحرائـق قـد اشعـلَ

و اذا ابتغيـه فليـكـن مـمـن
بحسـن الخُلـق قــد تجـمّـلَ

ولا يكن ممـن قسـت قلوبهـم
و لـدر المكـارم قـد اغـفـلَ

افى ضـلال انـا ام فيـه هـمُ
هـداك ربــى بـمـا افـعـلَ

و سام على صدر كل مخلص لها
و عبىء على السواعـد تُحمّـلً

درة مـن صانهـا رقـى بـهـا
الى ظـل ربـه فبـه ألا تامـلَ

و من ضيعها فقد خان نفسه قبل
خليله و نال سخط مـن امهـلَ

كـى يـنـال رضــاه فـأبـى
فنال من الدركات ما كان اسفلَ

من طرف Mostafa ElShirbeny الإثنين يناير 26, 2009 11:25 pm

2-خالد

كانت الحياةُ آمنــــــةً وبالوفــــــــــاءِ أمطــــــــــرَ السحــــــــــابْ

حقا كان النقاءُ سائــــــدًا دون أن يشـــــوبَه غــــدرُ الصِّحـــــــابْ

لقد عرفتُ معهم طهرَ النفوسِ وكان يمزِّقــني بعدُهم والغـــــيابْ

كانوا مبدأي ومرجــــعي وإلــيهم كــان ذهابـــي والإيـــــــــــــابْ

كانوا لطريقي شمعةً وبــــنور سنــــاياهم أضـــــــاءَ الشـــــــبابْ

شمعةً واستحالت دمعةً،أطفأها الزمــانُ دون رفــــــقٍ أو حسابْ

واستحال النورُ ظلامًا وبعــــــد رقــــيِّ الأيــام حـــــلّ الخــــــرابْ

بدلوا وفــــــاءهم خيانةً وبعــــــــدوا بعــــــدَ طـــــــول اقتـــــرابْ

وعرفت بعد وداعــــةِ المــــها كـــيف يكـــــونُ دهـــــاءُ الذئــــابْ

كيـــــف تستحـــــيلُ أيديـــــهمُ الحانيـــةُ إلى قســــــوةِ الأنيـــابْ

فلا أدري لمَ يقسو الزمــــان؟ ولمَ يفــــــتح للـــحزن ألــفَ بـــــابْ؟

وبعد جـــرح الصـــــــحاب أتســـــاءل كيف يصْدُقُني بـعــدُ الأغرابْ؟

وكيف لي أن أعيـــــش في دنـــــيـاي بلا حــــــبٍ .. بلا أحـــــبــابْ؟

أفتش في داخلي عن عيوبي وفي نفــــسي أبحـــث عن الأسبــــابْ

مزقني زماني قاسيا وبتمزيقي نفـــسي قد اكــتــــمل الــــنصــــابْ

نصابُ من مــــات حيا ..نصابُ من دُفِنَ لـكـــــن فـــوق الـــــتـــــرابْ

صريعــــُكـــــم أنا فــــي وحدتي .. قتيــــــلُ كلِّ خـــــــائـــنٍ كــــذابْ

كانت كلــــــماتُه محــــضَ خـــداعٍ ووعــــــودُه كـــنيلِ الســـــــــرابْ

إلهي لا أملك ســـــواك في عـزلتي .. لتزيـــــلَ حـــــزني واكتـئـــابْ

بـــــات ملازمًـــــا وحــشــــــتي . . فـــي خــضـــــم الاغــــــتـــــرابْ

لتعينــــنــــــي في أزمـــــــتي .. فأنـــــــــت إلهـــــي ربُّ الأربـــــابْ

من طرف Mostafa ElShirbeny الإثنين يناير 26, 2009 11:27 pm

3-المنسى

كنت فين وان وانتي هنا والحنين يبكي لحد ما صرخ الانين
كنتي فين وانا وانتي هنا والاشتياق قطع ضلوعي والقلب الحزين
تسيبيني انا تسيبيني هنا و تبعدي عني وانا اللي كنت بقول انتي مني
تخونيني انا وانا اللي كان قلبي ملكك
تخدعيني انا وانتي اللي قلتي في قلبي شيلتك
و جايه تقولي اسفه وانا اللي مت وانتي مش حاسه
و جايه تاني ليه تشكيلي بعد ايه تشكي من بعدي ليه
انا مش عايزك ولو هموت من بعدك
انا قلبي مات والوقت فات وان قلتي هات الحب هات
هقلك قلبي من حبه معتش فيه دقات
اه الفراق ده نار بس كرامتي عندي اغلى
ليلي كان معاكي والنهار و كنتي انتي في عيني احلى
و انا بعدك دقت المرار بس خلاص كبريائي اعلى
بتقولي غلطتي ايوه غلطتي و انا تبت عنك
وان كنتي تبتي ورجعتي تحبي فعشان خاطري
سيبيني اعيش يومين لوحدي
يومين ده قلبي اتعلم الفراق ده منك

من طرف Mostafa ElShirbeny الإثنين يناير 26, 2009 11:33 pm

4-شريف

من زمان
من زمان لما كانت ايامي عاديه
من زمان لما كان القمر بيمر حواليا
لما كان الجمال انا ماسكو بايديا
والعشق انا شايفو بعينيا
من زمان من زمان

من زمان
لما الحياه كنت شايفها بمعانيا
لما حسبت ان كل حاجه ممكن تكون ليا
وان القمر جنبي يفضل خايف عليا
يفضل حبيب ليا
ويكون دوا قلبي
واشيله ف عينيا
من زمان

لكني بردو زمان حسيت
ان الحب دا زي البيت
وييجي يوم يتهد الحيط
على راسي على راسي

لكني و بطبيعة الانسان
قلت لازم اعيش حبي
اعيش عمري
وادي لحبيبي كل الحنان
وانسى يا قلبي كل الالام
ده الحب بييجي مره
وعمرو ما يكون تاني ولا الاحلام

و ف لحظه مرت الايام
و ف ثانيه ضاعت الاوهام
ضاع الهوا وضاعت الاحلام
ولا حب بقّا, ولا عشق حتى يوافق الانغام
انا اصل قلبي كان بيعزف كتير االحان
الحان حبي و عشقي مع الايام

وسالني ناس عما فيا من الاحساس
حسيتني لازم اشتكي همي
اشتكي همي
اشتكي المي ,اشتكي حزني
اشتكي للناس

وبدات احكي قصه قمر ليلي
و رميت حمولي على غيري
ولقيته اصلا مش واقف هنا جنبي
و ف لحظخ لقيت ان حتى الناس
مش راضيه تعرف الاحساس اللي بيه قلبي

لكني مع اليام
عرف قلبي اللي كان مفروض يعزف من الالحان
الحان الحزن والهم والاوهام

خانتني واخاني الناس
ولقيت قلبي وحيد
وعقلي وياه شريد
و ما عاد قلبي عارف يحب
و ما عاد الهوا بيمر على ليلي
و زاد الصدا على سنيني
والهم غطا علي جفوني

سلمت
سلمت قلبي لقاضي الزمان
سلمت اما عرف قلبي سنة زمان
زمان قاسي على الاحلام

لكني عمري ماحسيت بالظلم
عمري ما حسيت بنزف الدم
لاني عارف ان قلبي ف ظلم الزمن معاه اصحاب
وياه قلوب خانوها البشر والاحباب

سلمت قلبي انا سلمت

من طرف Mostafa ElShirbeny الإثنين يناير 26, 2009 11:36 pm

خلاص كده تمام...تقدر الناس دلوقتى تشارك ف الاستفتاء....و اضطريت احذف مشاركات الناس اللى دخلت عشان بس القصايد كلها تبقى ورا بعض و تبقى اسهل للقارىء

التصويت هينتهى يوم الجمعه الساعه 12 ان شاء الله

من طرف sheref ashraf الإثنين يناير 26, 2009 11:40 pm

هو الواحد يصوت لنفسو :(*&%:

من طرف Amr Wahba الثلاثاء يناير 27, 2009 12:15 am

انا بحب الشعر المحافظ ...........
عشان كده صوت لخالد
مع ان قصيده شريف جامده.............

من طرف Mostafa ElShirbeny الثلاثاء يناير 27, 2009 12:40 am

مش شايف ولا صوت :dentist:
محدش ناوى يشارك و لا ايه

من طرف hero الثلاثاء يناير 27, 2009 12:41 am

هنشارك بس بنقرى الاول ونتمعن

من طرف oshy الثلاثاء يناير 27, 2009 12:42 am

انا خلاص صوت
ولميت الناس عليا كمان :good:

من طرف dr.omnia الثلاثاء يناير 27, 2009 12:49 am

انا صوت جلاديتووووووووووور

من طرف دمعه حزن الثلاثاء يناير 27, 2009 12:50 am

بجد شعر رااااااااااائع

والحمد لله صوت لجلاديوتور

من طرف hero الثلاثاء يناير 27, 2009 12:53 am

الصراحة انا محتار بين خالد وفرج هاصوت بكرة لما اقرى كمان مرة

من طرف smsma الثلاثاء يناير 27, 2009 3:11 pm

انا خلاص
صوت
بس كنت محتااااره :hot:

من طرف hero الثلاثاء يناير 27, 2009 5:14 pm

والله برضو محتار اوى بين خالد وفرج
خلاص هصوت وامرى لله بس ارفع القبعة للقصيدتين :hat:
مع احترامى لباقى القصائد سواء كان المنسى او شريف وهما جمال ايضا

من طرف Mostafa ElShirbeny الأربعاء يناير 28, 2009 1:35 am

متهيالى 20 صوت قليلين اوى...يا ريت الناس تشارك اكتر

من طرف Den.emoOo الأربعاء يناير 28, 2009 2:55 am

بجد شعر جميل جدااااا

انا صوت
بس عموما والله بجد اى حد تعب وكتب قصيده يستحق انه يكسب علشان حتى مجهوده
فاللى يكسب نقوله مبروك واللى لا برضه مبروك يكفيك فخرااا انك اثرت اعجابنا بشعرك

من طرف KiKo الأربعاء يناير 28, 2009 3:45 am

بجد شعر جميل
و استمروااااااااااا :good:

من طرف Ahmed El Metwally الأربعاء يناير 28, 2009 8:50 pm

انا صوت خلاااص

من طرف Mostafa ElShirbeny الأربعاء يناير 28, 2009 9:32 pm

شكرا لكل الناس اللى شاركت بس العدد لسه قليل اووووووووووووى
32 بس!!!!!!

من طرف KAZKOZA الأربعاء يناير 28, 2009 9:40 pm

اييييييييييه داااااااااااا يا نهاااااااااار ابيااااااااااض هو التصويت بدا؟؟؟؟؟؟؟؟؟؟؟؟؟؟؟

ونا كنت عامله حسابي اشترك في المسابقه ؟؟؟؟؟؟؟؟؟

طيب مش حد يعرفني ؟؟؟؟

عموما خيرها في غيرها انا لسه هقرا المشاركات وبعدين اصوت ان شاء الله

من طرف Mostafa ElShirbeny الأربعاء يناير 28, 2009 9:47 pm

حصل خير يا رضوى
التضويت ده هيخلص الجمعه...يوم السبت هختار موضوع جديد ان شاء الله و هيبقى من السبت للجمعه اللى بعدها فرصه للكتابه و ان شاء الله تشاركى الاسبوع الجاى

من طرف KAZKOZA الأربعاء يناير 28, 2009 9:50 pm

ماشي حصل خير بس هو بصراحه الموضوع كان عاجبني عموما انا صوت خلاص

من طرف Mostafa ElShirbeny الخميس يناير 29, 2009 2:40 am

المفروض يبقى فيه اقبال يا جماعه عشان ابدا مسابقه جديده يوم السبت الجاى ان شاء الله بس بصراحه كده الاقبال ضعيييييييييييييييف اوى

مسابقه الشعر -متجدد-

اختر افضل ما قرات ؟

مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-

رد: مسابقه الشعر -متجدد-