رايك فى دفعتنا بصراحة

ازيكم يا جماعه..... الموضوع ده اتعمل عشان نتكلم بصراحه....كل واحد يقول وجهه نظره ف الدفعه بتاعنا بكل صراحه و من غير اى زعل لكن طبعا من غير تجريح او اهانه او ذكر اسماء معينه.....كل واحد يقول مميزات الدفعه و عيوبها من وجهه نظره.....
وانا الدافع اللي خلاني اكتب الموضوع ده هو الكلام اللي بيتقال على بعض الناس من وراهم
والكل فاهم اكيد

الله الله الله يا خالد
كلامك ده اتر فيا وفي عينيا شويه شويه عليا
هعهههههههههههههههههههههههههههههههههه
ممكن واحد نشيد وطني بقا

ههههههههههههه...طبعا يا نبيه انا عن نفسى كنت بحسد نفسى انى موجود ف الدفعه دى لانها مليانه ناس كتير اوى كويسه...بس بصراحه كده فيه ناس كتير بتتعامل بأقنعه .....و طبعا اكتر حاجه تزعل ان الواحد يعرف كلام اتقال عليه من حد تانى و يتاكد ان الكلام ده صح....ما دام عايز تتكلم طب ما تروح تكلمه هو ليه تتكلم عليه من وراه....و للاسف فيه ناس ظهرت على حقيقتها و للعلم ان اى كلمه بتتقال من ورا اى شخص بتلف ع الناس كلها و بيعرفها ف الاخر.... و يا ريت الناس تبطل الموضوع ده عشان بجد يزعل.... ده غير نشرات الاخبار اللى شغاله ف الدفعه...... والاهم انى اكتشفت اخيرا ان الناس الجدعان ف الدفعه قليلين و مش كتير زى ما كنت متخيل ف الاول ... بس ف النهايه كل واحد حر

انا اتكلمت بصراحه و اللى شايف ان كلامى يزعل هو حر برضه

الموضوع حلو يا نبيه
وفعلا مافيش احسن من الصراحه
لان دفعتنا بجد انا كنت بحبها جدا وكل الناس اللي فيها كويسين جدا
بس ظهر ناس خلاف كده فيه ناس بيقعوا ناس ف بعض كتير وناس كتير بتتكلم عندك بطريقه وحشه جدا يعني انت لو عايز تقولي حاجه ماتقولهالي انا وانا هتقبلها من زميل عادي جدا

بس فعلا فيه ناس بتوقع بينا جامد ياجماعه يعني خدوا بالكم وماتتسرعوش اتاكدوا الاول انا عندي اني اروح اسال الانسان ده انت قلت عليا كذا ولا لا عشان اتاكد
بس بجد كده ما ينفعش والناس الغريبه اللي بتتكلم دي
انا اتكلمت بصراحه اهو
تقبلوا مروري

موضوع حلو يا نبيه
بس بصراحه
الدفعه فى الاول كانت جميله جداااا وبجد حبيت اسنان علشان الناس اللى فيها 00بس بعد كده بجد اكتشفت حاجات كتيييييييير جدا وحشه فى ناس مكونتش متوقعه انها تكون كده
بس اكتر حاجه مضيقانى اوى الكلام اللى بيتقال من ورا بعض بجد بسمع كلام كتير اوى ملوش اى لازمه 00
وكمان بيتقالى عليا كلام رخم جداااااااااا وبيوصل والله مفيش اى حاجه بتستخبى خااالص
ياريت بجد نبطل كلام على بعض واكيد هنبقى احسن

فى رايى الدفعه بتاعتنا دى بصف عامه محترمه وناس طيبه اوى ودمهم خفيف وناس تقف بجد جنب الواحد اما يكون محتاج مساعده
بس طبعا لاتخلو من بعض الناس الرخمه والناس اللى بتحب تترسم والدحيحه السوس اللى بيزاكروا وميقولوش

طبعا دفعه مهيسه ع الاخر

دفعتنا..... اقول ايه ولات ايه
بجد انا بحب الدفعة دى جداااااا
مجملها جيدة وشايفة ان نسبة النفسنة والاحقاد قليلة شوية
بنحب نساعد بعض ودا غريب فى الزمن ده
مهييسسسسسسسسسسسسسين اخر حاجة ودا برده غريب على الكليات الطبية
هو يعنى فيها شوية اشخاص كده مش ليهم لازمة اصلا معانا
بس اهم حاجة ان دفعتنا ككل جميلة وبتحب بعضها وناس جدعة اوى وخدومة

i agree with all of uuuuuuuuuuu

عموما الدفعة دى فيها ناس زى العثل
منهم ناس كتيييير عثل نحل جميل و حلو و مغذى
وناس قليلين عثل أسود مسكر زيادة على اللزوم و يغم النفس

الناس محرجه تكتب ف الموضوع ده و لا ايه رغم انى شايفه مهم جدا....عايزين نسمع وجهات النظر و نقول الووووووووووو

الو يافندم كده صوتى واضح :D بصوا اسمعوا رايى انا بقى هههههههه متسمعوش اوى
دفعتنا دى بصراحه غريبه ده راى دفعات اسنان كلها اللى سبقونا اولا دفعه كويسه الى حد ما لان لازم يكون فيها الكويس وفيها الوحش وفيها الوحش اوى اوى كمان فيها الظريف والمحترم وفيها الرخم والغلس والذى منه برضه ده برضه مش محتاج توضيح (المذكر فى اللغه العربيه هنا يحتمل المذكر والمؤنث لاحسن الولاد يزعلوا ) انا شخصيا اول مادخلت الكليه اتعرفت على تلات ارباع البنات تقريبا لحد دلوقتى يمكن اكون عرفت الدفعه كلها كبنات طبعا بس والله بجد مطلعتش منهم غير بواحده و تقريبا اتنين بجد بجد عمرى ماهصاحب زيهم ولا صاحبت اصلا زيهم بس د :D

متشكرين عالرد ي شباب وياريت اللي مدش يخش يقول رايه
واكتر راي عاجبني راي doctor 1992 وخصوصا الناس السوس الدحيحه
بس يلا عاوزين نسمع الاراء كمان

اه بصاحه معدلات التهييس مرتفعة اوي عندنا

بصراحة دفعتنا جامدة موت ومهيسة ع الاخر وبتقف جنب بعضها فى الشدة ومفيهاش نفسنة بس هيا فيها شوية ناس كدة مش ظراف بس لكل قاعدة شواذ وهما شواذ دفعتنا بس مجملا الدفعة بتاعنا تمام ودماغها عالية اوىىىىىىىىىىىىىىىىىىى

الموضوع حلو يا نبيه بجد لأن في شويه حاجات كده
ظهرت مأخراً (بخصوص النفسنه )
و لكن كل مكان في الحلو و السئ فيه المحترم و المش محترم
وكل إنسان قال إن حصلت موقف من الدفعه دي فده بسسب التسرع و سوء الإختيار
و لكن في ناس في الدفعه بتاعتنا دي بجد بجد بجد بدون مجاله رجاله و ده أقل وصف
و كمان البنات زمايلنا متعاونين جداً الكل بيشوف تلخيصهم و شغلهم الجميل في المكتبات
و في أيضاً ناس ؟؟؟؟؟؟
وفي النهايه عاوز اقول مش عارف أقول إيه!!!!!!!!!!!!!!!

من جد دفعة فلة ووناسة

مش عارفه اقول ايه هي بداية كنت بكره الدفعه و معظم اللي فيها بس بدات اتعود عليها خلاص,وبصراحه اصحابي اللي مصبرني و عمري ماسمح لحد يتكلم وحش عنهم,فيه ناس كويسه بجد و في ناس تفتكرهم كويسين و يطلعوا....... و ناس اصلا.......,
اللي عرفوا ان ناس بتتكلم عليهم لازم يروحوا يكلموهم و يواجهوهم يمكن يطلعوا الاتنين فاهمين غلط

دفعة الطيبة بتغلب عليها انا شايفة كده

انا ما قلت دفعة فلة ووناسة
فلة : مهيسة
وناسة : روشة

بجد هى دفعة معظمها كويس وطيب وبيحب يساعد غيره اما فى ناس ظهرت فى الاخر مش كويسة على الاطلاق والناس اللى بتخبى انها بتذاكر احنا اصلا مش عايزين نعرف ولو عرفنا مش هنحسدهم يعنى بالعكس هندعيلهم بالتوفيق وربنا يوفقنا كلنا
وميرسى على موضوع لانه حلو اوى

شكرا على رايك
بس فعلا اعتقد انكم عرفتوا بنفسكم
ان الكلام اللي بيتقال ان فيه ناس بتخبي وكده
مش صح
واللي يتكلم يتكلم

وعاوزين اراء كمان

العفو وبعدين انا مش بتكلم على اللى اتقال عليهم انهم بيخبوا لان انا عارفة انهم مش بيخبوا ولا حاجة
انا بتكلم على ناس فعلا بتخبى بس يلا ربنا يوفقهم