قول رايك

الحكم: ضعيف الشخصية و هم جسوه ف الاول لقوه هيخاف يطلع الكارت الاحمر ساقوا فيها و طبعا تضييع الوقت مقدروش حتى زى الحكم اللى فات ... ف المجمل الحكم ساهم بجزء م الهزيمة لان نذير بلحاج استحق الانذار التانى مرتين ف الشوط الاول ما ييجى الجون فينا

منتخبنا: لعب عشوائى و كله ع الاطراف مفيش غير شوطة يتيمة ف 90 دقيقة كعادتنا زى ما يكون بنخاف مثلا حاجه غريبة و اصرار ع الفلسفه ف كرات مش مستاهله و تحضير كتيييييييييييييييييييييييييير اوى بعرض الملعب و ف نص ملعبنا و كرات طولية امامية من غير عنوان و شايفين ارض الملعب الكورة بتنط عليها جامد و مش مستوية برضه شغالين كرات عاليه قمة الذكاء باختصار لعب تقليدى جدا زى ما يكونوا ف تقسيمة
ابو تريكة اسوا مباراة ف تاريخه و الماتش ده شهادة انتهاء صلاحية للجيل ده بمعنى اصح بركات و تريكة و الحضرى وجمعة و عبد الظاهر و احمد حسن كل دول هيعتزلوا ف حدود الموسمين الجايين و على ما ييجى جيل زيهم الل اعلم هنكون عايشين و لا لا

منتخب الجزائر: فى المجمل لعبوا ماتش كويس طبعا قلة الادب و السفالة ده شىء مفروغ منه و تضييع الوقت و الضرب من غير كورة كل دى اساسيات ف الكورة الجزائرية اما فنيا جابوا الهدف و قدروا يحافظوا عليه و افضل ما فيهم الهجمة المرتدة وقوة بدنية و متوسط اعمار كويس هيساعدهم بعدين

الجمهور السودانى: مش عايز اقول زى قلته لان لما القرعة جت للسودان و من المفروض ان ده ف صالحنا لقيت ان الملعب نص مصرى و نص جزائرى و صوت الجزائريين اعلى ف الملعب و ف بعض الفترات حسيت اننا ف ملعب خصم مش ملعب احنا اخترناه

الحكومة السودانية: تشكر ع التنظيم و عبء المباراة على المستوى الامنى و كفاية ان الرئيس بنفسه استقبل البعثتين و حاول يهدى الاجواء المتوترة

الاعلام المصرى: بعض الشخصيات اشتغلت نفسها و اشتغلت الجمهور لمصالح شخصية و قناة مودرن تحديدا شحنت الناس زيادة جدا ف الاول و بعد كده جت مبادرة الشعبين الشقيقن ووردة و مش وردة اما الاعلام الجزائرى عدى الحدود بكل المقاييس سواء على المستوى النقدى او الشخصى او السياسى و اخره توليع الدنيا و هو السبب الرئيسى فيما حدث للمصريين هناك و اخص بالذكر جريدة الشروخ

الحظ: مفش حظ بس مفيش توفيق من ربنا و مش مكتوبالنا النهارده و مكتوب التوفيق للحارس بتاعهم

حسن شحاته: اعتقد انه كان المفروض يبدا بنفس تشكيل الماتش اللى فات مع البداية بجمعة طبعا بس دى وجهه ظره اما الغريب انه خرج فتحى و زكى و هم اكتر اتنين بيقاتلوا ف الملعب على كل كورة بس اقول ايه هو خلاص اعتقد اخره كاس افريقيا اللى جاى ف كل الاحوال

رابح سعدان: مدرب مراوغ بس احنا اللى عملنا منه خصم بنتايجنا ف الاول لانه مكانش بيفكر ف كاس العالم اصلا بس احييه ف الماتش ده على حاجه واحده انه لحق يخرج لعيبته م الاثار النفسية لهزيمة القاهرة و ف 3 ايام بس و قدروا يلعبوا شوط اول جيد جدا معانا و جابوا جون و ناموا عليه

مش محتاج اتكلم ع الشعبين لان كل واحد عارف نفسه

و اخيرا هى كلمة يا جماعه البطولة مش مكتوبالنا و نفتكر انهم فرحونا قبل كده مش هنعلقلهم المشانق برضه و الحمد لله على كل حال

و من غير رأي الموضوع ده كان متوقع
عادي عادي جداً
عليه العوض و منه العوض
بس الرأي الوحيد المحمدى ده لاعب غبي

قدر الله وماشاء فعل

ربنا مش رايد




الكبير كبير مهما حصل وده توفيق من ربنا

مفيش زيادة عن اللى صاصا قاله دا بالنسبة للماتش

انما احب اقول ان شبابنا فعلا اثبت ان جواه طاقات هائلة والدولة مش عارفة تستخرجها او تسيرها فى النطاق المظبوط

معلش يا احمد مش عارف اتكلم اقول ايه لأنى فعلا حتى لو كنت متوقع الهزيمة بس مايكونش منظرنا كدا

مفيش ولا شوته يا لعيبة كسر على الحارس

مصممين على الكورسات اللى اتحفظت

ولا الركنيات يا سلام على الأوفرات اللى كانت بتتلعب

والتحضير ورا وكأننا احنا الكسبانين

كفاية كدا بئا يا أحمد يا حسن عايزين نشوف ناس جديدة انت جبت كل اللى عندك والف شكر على اللى قدمته لمصر محدش يقدر ينكر دا

وكفاية ليا أحسن لو كملت ممكن اخرج عن شعورى

و لا عروبة و لا بطيخ انت لو بتلاعب اسرائيل مش هتعمل فيك كده
كفانا شعارات و خلينا واقعيين
انا اول واحد مش هشجع الجزائر ف كاس العالم

وعارفين ان الجزائرين نزلوا اشتروا اسلحة واجروا ناس من السوادن عشان تشجع الجزائر ديه حاجة تانية وفيها تقصير مننا

سيبك م التشجيع و الماتش و الكورة كلها
ازاى يعنى مش فاهم هل المطلوب مننا اننا نعمل زيهم عشان منبقاش غلطانين و هل الشىء المنطقى ان كل واحد يروح الاستاد ياخد مطوته معاه دى حاجه جميلة اوى
انا فاهم كويس يعنى ايه عروبة و وحدة عربية بس لو كانت العروبة معناها تهديد لارواح الناس و بلطجة ع الخلق تغور العروبة ف داهية و الدول اللى حواليك دى كلها طلعت على اكتافنا و مصر ليها خير كبير عليهم و على امثالهم بس خلاص بعد ما شدوا حيلهم مش هاممهم حد
يكفينى فخرا انى مصرى من شعب طيب و بسيط مش شعب همجى عنيف حاقد ع اللى ليه فضل عليه

تصدق فعلا عندك حق المفروض لما نلعب مع الدول دى نبعت مع كل طيارة مشجعين طيارة هدية فيها قوات امن ما هى خلاص بقت معركة
اما نشوف كرامة الناس دى هتترد و لا لا يا اما اى مصرى بعد كده بره بلده هياخد على قفاه و مش هيبقى له سعر ما هو خلاص ملوش حكومة تحميه

يا فتحي فاهمين اللي قصدك علييه بس لما يكونوا يستاهلوا إنهم يبقوا عرب واللي بتعمله عشان تبين إن المصريين أحسن منهم مش هيفيد بحاجة لانهم أصلا معتبرينك يهودي فاهم يعني اإيه يا بتاع العروبه وكل ده وعايز تشجعهم



ومهما تعمل مش هاغيروا فكرتهم عنك يا عم العربي

hero كتب:هيا فعلا مش رياضة يا مصطفى ولا تعصب كروى هيا كراهية لينا الله اعلم باسبابها انا لسه متفرج على الفيديو اللى انت حطه على الفيس وسمعت الكلام كله وده واحد شارب اصلا معتوه
عشان كده السفير الجزائرى اللى فى مصر مفروض يطرد لانه مطلعش انكر حكاية القتلى الجزائرين فى مصر والتزم بالصمت

وانا مش ببين يا نصيب ان المصريين احسن منهم لكن ديه الحقيقة اصلا ان مصر هيا سبب الحفاظ على كل الدول العربية ديه ولو وقعت مصر هما هيقعوا بعديها علطول

والناس اللى بتفكر بالتفكير ميستحقوش زى ما انت بتقول انهم يكونوا عرب بس ليه الكراهية ديه كلها ليه متش كورة يفرق بين دولتين عربيتن المفترض انهم اشقاء ومسلمين فى المقام الاول مين اللى زرعها ايه اللى خلاها توصل لكده

ومصر مش بتاخد على قفاها ولا حاجة هيا طيبة وكل حاجة لكن ساعة الخطر بتضرب بيد من حديد واظن التاريخ هوه اللى بيحكى ده احنا كلنا لينا الفخر ان احنا مصريين

يابني كلام الأفلام بتاعك ده مش عايزينه

فين اليد من حديد بتاعتك دي
المفروض بعد ماتش 14/11 كان يتبعت فرق جيش مصري تجيب المصريين من هناك واللي يتكلم ياخد على دماغه
خلي حد يعمل كده في شوية امريكان هنا هتلاقيهم تاني يوم عندنا بالجيش كله بس احنا اللي مرخصين الإنسان المصري

وتقولي ايد حديد يا راجل بلاش كلام فاضي من بتاع الطريق إلى ايلات ده

كله كلام نفسي أشوف فعل

شوبير‏:‏ لقد أرسلنا جمهورا عاشقا لكرة القدم‏,‏ بينما أرسلت الجزائر ميليشيات عسكرية مزودين بأسلحة بيضاء‏.‏ بصراحة شديدة الإعلام الجزائري المتهم الأول وراء ذلك السلوك المشين‏,‏ ولم يراعوا العلاقة التاريخية بين البلدين التي أفسدتها مباراة‏,‏ فمن الصعب أن ينسي الشعب المصري ما حدث‏..‏ نحن جميعا في منتهي الألم لما حدث‏!!‏

أكدوا أن تأمين الجماهير بعد انتهاء المباراة من جانب الأمن السوداني لم يكن كافيا‏,‏ مما ساعد مجموعات الميليشيات الجزائرية‏,‏ علي حد قولهم‏,‏ علي تنفيذ اعتدائهم الهمجي علي المصريين‏,‏ وقالوا‏:‏ إن سوء التنظيم وكان وراء عدم دخول أكثر من‏2500‏ مشجع مصري إلي الاستاد لمساندة الفريق القومي‏.‏

الموضوع ده مش موقوع ماتش ده له ابعاد تانية خالص احنا مش عارفيين اية هيا
وانا اتفق تماما مع كل واحد هيشجع ضد الجزائر فى كاس العالم ده قالوا علينا يهود
دهما نسبوا مين اللى كان محتلهم احنا ولا فرنسا
يعنى اية تهديد بالقتل يعنى اية جمهور رايح ماتش مش معاها الا العلم والسنجة او ماطوة او سكينة
انا مش عارف اللى بيحصل دلوقتى لكل مصرى فى الجزائر
ربنا يكون فى عونهم
ويقولك احنا هزمناهم رياضيا اصلا اصلا هو ده لعب كورة
اخلاقيا ............ ....اخلاق رياضة
اعلاميا دهما عاوزين يقارنوا بين الاعلام المصرى <المصرى > واعلام هابط اساسه الشائعات بالذات الجريدة اياها على راى مدحت شلبى
http://www.fr3oon.net/video/file.php?f=592
اتفرجوا على الفيديو ده