رد: كرسي الاعتراف

من طرف dr teeth الخميس يوليو 08, 2010 4:32 pm

طب ازيك ؟
الله يسلمك
الحمد لله تمام باين :D

لو قلت على أي سؤال مكرر أو هربت منه هشب واضربك :D :D
ههههههههههههه .. حاضر :D
طحمودي ايه أهم صفات بتميزه عن غيره ؟
طويل .. بيستظرف .. متشائم .. واقعى شوية ..

أكتر صفة مش بتحبها فيك ؟
مش واثق فى نفسى أوى ..

امتى أول مرة كتبت شعر ؟؟
السنة اللى فاتت ..

الشعر بالنسبالك غاية ولا وسيلة ؟
بص يا خالد
أنا بكتب وقت مايجيلى مزاج أكتب بس ..

أنا بحس انك بدأت تكتب شعر لما مريت بتجربة عاطفية ولولاها مكنتش هتكتب .. صح ؟؟
:D :D صح باين ..

بالمناسبة كام مرة حبيت ؟
ممممممممم
واحد - اتنين - تلاتة - أربعة - خمسة
هههههههههههههههههههههههههههههه

وعلى أي مدى ممكن تفضل وفي لحب راح ؟؟
الى مالا نهاية ..

بتحب مين في المغنيين غير جورج ؟
كاظم و منير و انغام و اصاله

وممثل ؟ وممثلة ؟ وكاتب و؟ وكاتبة ؟ ولاعب كورة ؟
جونى ديب و جيم كارى
انجلينا جولى
كاتبة : لا ما أعرفش الصراحة ..
لاعب كورة : كاكا :D

مين أكتر بنت حلوة شفتها في حياتك ؟؟
لسه مجاوب سامح فوق أهوه
و هقولك تانى ياعم المودل الللى مع هانى شاكر فى الكليب الأخرانى :D

ايه رأيك في دفعتنا ؟
يجى منها
ههههههههههههههه

أكتر حد بتحبه فيها ؟
متعاونين ممكن و بيخافوا على بعض ..

أكتر شعر بتحب تقراه ع المنتدى ؟
رتب أحسن 3
خالد- سامح - أوشى
بس ده مش ترتيب
لأن التلاتة مش زى بعض ..

أغنية شايفها لايقة عليك أوي ؟؟
سهرت الليل لعمو جورج :D

لو هتعمل منتدى هتسميه ايه ؟
6767
hhhhhhhhhhhhhhhh

ان شاء الله في المستقبل لما ربنا يرزقك أطفال ناوي تسميهم ايه ؟
ولد عيســـــــــــــى أو أدم .. بس تقريبا عيسى أكتر يعنى
بنت مريم

شايف نفسك أحسن في الرسم ولا في الشعر ؟
أنا بحب الرسم أوى ..
ولو معاك لوحة دلوقتي .. ترسم ايه ؟؟
بنت ووردة و شمس ..

سؤال بقى بجد نفسي أعرف ليه مش بتحترف الرسم ؟؟ بمعنى انك ترسم بأقلام رسم HB و 2B وألوان ماية أو كده ؟؟
انت بترسم بأدوات محدودة
مش عارف اجيب الأدوات دى منين المكان يعنى
بس ان شاء الله بفكر أعمل كده
ربنا يستر المعرض اللى جاى لو عرفت ارسم حاجة ان شاء الله

أكتر حد بتتخنق منه في الدفعة ؟
ممكن تقول أول حرف في اسمه واسم باباه
ا.ع
هههههههههههههههه

حد فخور انك عرفته من خلال الكلية ومكنتش تعرفه ؟
صحابى ..

وحد ندمان انك عرفته ؟؟
ماحدش ندمت انى عرفته ..

يارب مكنش تقلت يا 676776765367
كل دى أسئلة يا خالد
ده انت كنت تركب ميكروباص و تيجى تسألنى أوفر يا جدع :D

من طرف dr teeth الخميس يوليو 08, 2010 4:36 pm

جميلة كتب: احلي كلام و الله يا ابني

بجد اجاباتك حلو اوي

ده احنا هنشوف احلي اسبوع مع التوبيك ده

و اللي انت مش عايز تجاوبه عادي ما تجاوبش براحتك

شكرا يا جميلة
ربنا يخليكى
ده بس من ذوقك ...

من طرف dr_khaled الخميس يوليو 08, 2010 4:53 pm

والله وأنا كمان يا 676786785 نفس الشخص تقريبا ... الحمد لله العيب مش فيا :D :D

وبالنسبة للونها : أزرق

من طرف dr teeth الخميس يوليو 08, 2010 5:39 pm

هاى
انا مش عارفه ايه الى اتسال وايه الى لا يعنى متكتبليش متكرر مبحبهاش اوكى
مش هكتبها اوك ..

اولا ازي حضرتك
حضرتى الحمد لله كويس

مودك الان
تمام الى حد ما ..

طولك كام بالظبط ومن غير فبركه
تقريبا 188 او معديهم كمان :D
يعنى بيقولوا من 185 ل 190 ..
اوصف نفسك في سطر واحد
طالب فى اسنان المنصورة بيحلم يخلص و يتخرج و يبتدى حياته ..

حلمك ايه ونفسك تبقي ايه غير دكتور اسنان
ممثل بس بما ان ده مستحيل فخليها دكتور و خلاص ..

وانت صغير كده كان حلمك تكون دكتور اسنان بردة ولاحاجه تانيه
دكتور و خلاص

جايب كام في الثانويه العامه
98%

تقديرك السنه الى فاتت كان كام
مقبول بالعافية ..:D :D

عندك امل حلمك الى جواك ومحدش يعرف عنه حاجه يتحقق ولا صعب
مستحيل الا بقى اذا كان المخرج عاوز كده :D
لا صعب أوى حلملى ده يتحقق ..

مغامر بطبيعتك ولاخواااااااااااااف
خواف :D

جريئ ولافي حالك ادينا مثال علي كلامك
فى حالى ..
مش عارف أدى مثال على انى فى حالى الصراحة ..

بتحب تعمل ايه كل يوم
أفطر .. هههههههههههههههههه
ماهو علشان أفطر لازم أصحى بدرى ما أصحاش على الغدا يعنى
أصل هنا تقريبا كل حاجة بمواعيد شوية ..

بلد كان نفسك تبقي فيها الوقتى
جنوب أفريقيا علشان كاس العالم ..

حلم حلمته لاخواتك واتحقق
ما حصلش ..

ضربت حد قبل كده ؟؟؟مين بالظبط ؟وليه
لا ماضربتش ..
ده جسم حد يضرب برضه
ده جسم محاسب
ههههههههههههههههه

اشمعن جورج وسوف الى بتحبه اوى كده ليه يعنى السبب ممكن ؟؟؟؟
أصل بجد الراجل ده بيقول كلام زى الفل
بيقول حكم ..

ايه الممثل الى بيعجبك تمثيله وليه ؟
جيم كارى دمه خفيف جدا
جونى ديب مالوش حل معتوه و ادواره ماحدش يعرف يعملها غيره
مورجان فريمان دماغه عاليه اوى :D

مسلسل عجبك اوى ونفسك تشوفه تانى ومسرحيه برده ؟
كنت بحب سوق العصر .. و اى حاجة لدكتور يحيى الفخرانى :D
مسرحية .. ممممممممممم .. العيال كبرت مالهاش حل ..

اختار 3 ولاد اعضاء من عالمنتدى بتحبهم وتحترمهم
نبيه : نبيـــــــل الأمم دمه خفيف و عسل .. و فى نفس الوقت جد برضه و عارف هو بيعمل ايه ..
الشربينى : جدع و بحس انه ينفع يتحمل مسئولية .. غرباوى بقى و شقيق و كده ..:D :D
حليموو : حليم .. هينجحونا ياعم :D ..جدع و صاحبى و يارب نفضل مع بعض على طول
مع انى اشك فى حاجة زى كده :D

اختار 3 بنات من عالمنتدى وقول رايك فيهم
بقايا انسانة : د.رقية .. انسانة محترمة - عندها مبدأ فى الحياة - على قدر عالى من الثقافة و التدين ..
د.أسماء : طيبة و جدعة و بتحب النشاطات و بتحب تساعد زمايلها
den sama : محترمة جدا .. مؤدبة .. ذكية .. بس متفائلة زيادة عن اللزوم ..

رايك في
هانكوك : جدع و عنده شوية تقاليد و مبادىء ماشى بيها فى حياته و بيحب يطبقها ..
محمد المحلاوى : جدع برضه زى اللى فوق ده :D .. بحب اشوفه مع البدراوى أوى :D
ديزنر : العطار بيحب الحياة الأسرية و بيحب النشاطات ..
خالد عبد المهيمن : خاللود .. محلاوى جدع و طيب أوى أوى ..

احمد خيالى اكتر ولاواقعى وبتفضل ايه
خيالى فى حاجات وواقعى فى حاجات
بس الأغلب واقعى ..
الواقعى مابيتصدمش أوى ..

لو حد غلط فيك اوى وجه بعد فترة اعتزر تسامحه ولا قلبك اسود ههههههه
هسامحه .. كفاية انه اهتم و جه اعتذر
يبقى انا بالنسبة له مهم و لو حتى بنسبة صغيرة و الا ما كنتش افرق معاه
و ماكنش يعتذرلى ..

انت مرة قلتلى خدى في الواسع باين ومتحطيش في دماغك اوكى ومرة كده بقرا في اللعب دى من الترم الى فات لقيتك كاتب رد بنفس طريقتى وبتقول لجميله هرد عليكى بنفس طريقه رومااااااااااااااااا
مش هعتبرها تريقه

بس هسالك رايك في شخصيتى ايه وبصراحه قول مميزات عيوب قول الى تقوله ومش هزعل ؟؟؟؟؟؟؟؟؟
مميزات بتهزرى موجودة على طول تقريبا ..
عيوب هو مش فيكى بس انا ممكن اكون ملاحظة فى كل البنات
انهم بيتلككوا أو بيترجموا الكلام على مزاجهم
ممكن حد يكون كاتب تعليق عادى و انتى تزعلى و تاخديه لنفسك
كده يعنى
بس بيتهيألى انتى بطلتى الموضوع ده و لا ايه ؟؟ ::D :D :D :D

شايف انك محظوظ في الدنيا ؟
لأ ..
بتحب اكله ايه اوى ؟؟
بحب البامية :D و كل أنواع الطبيخ ..
فراخ او لحمة مسلوقة و محمرة ..

بتعرف تطبخ ايه ؟؟؟؟
. أنا مابعرفش أعمل الشاى حتى
أنا مابعرفش أقيد البوتجاز أساسا ...

رحت سينما قبل كده ولا عمرك مرحتها ؟ ولو اه شفت فيلم ايه ههههههههههه
لأ روحت بس من زمان الكلام ده
شوفت أفلام مالهاش لازمة فى الحياة
حراية فى تايلند
قلب جرىء
يعنى أفلام ساقطة .. هههههههههههههههه
و شوفت ترانسبورتر 3

كفايه كده وهبقي ارجع تانى بازن الله
بس جاوب علي دول الاول بزمه وضمير كده واياك تعمل زى ناس وتقول المقوله المشهورة معرفش ولا وربنايستر ايااااااااااااااااااااااااااك ثم اياااااااااااااااااااااااااك ؟
ربنا يستر :D
يارب مكنشي طولت عليك
لا طولتى
ههههههههههههههه ..

من طرف dr teeth الخميس يوليو 08, 2010 5:42 pm

dr_khaled كتب:والله وأنا كمان يا 676786785 نفس الشخص تقريبا ... الحمد لله العيب مش فيا :D :D

وبالنسبة للونها : أزرق

لا ياعم العيب فيا انا
هههههههههههههههه

احنا باشكالنا دى كبيرنا اوى نسافر ليبيا عوم
نروح نشتغل هناك فى مصانع بسكوت :D

من طرف roma الخميس يوليو 08, 2010 7:20 pm

طولك كام بالظبط ومن غير فبركه
تقريبا 188 او معديهم كمان :D
يعنى بيقولوا من 185 ل 190 ..

كتير يااحمد حرام
دانا جنبك مبانش بقي
هههههههههه

بس هسالك رايك في شخصيتى ايه وبصراحه قول مميزات عيوب قول الى تقوله ومش هزعل ؟؟؟؟؟؟؟؟؟
مميزات بتهزرى موجودة على طول تقريبا

موجوده ع طول فين عالمنتدى وهى دى تعتبر ميزة برده انابقعد عليه بس عشان اضيع الملل الى انابحسه لان بمل بسرعه مش اكتر
..
عيوب هو مش فيكى بس انا ممكن اكون ملاحظة فى كل البنات
انهم بيتلككوا أو بيترجموا الكلام على مزاجهم
ممكن حد يكون كاتب تعليق عادى و انتى تزعلى و تاخديه لنفسك
كده يعنى
بس بيتهيألى انتى بطلتى الموضوع ده و لا ايه ؟؟ ::D :D :D :D

يسلام طب المفروض الوقتى بقي
اخد الكلام عليا ولاعلي اى حد جنبي
بص انامبتلككش لحد بالمرة انالمااقول حاجه ابقي عارفه ان اناالمقصودة ولممانت قلتلى كده قبل كده اناقلتلك هات موقف يثبت وانت معرفتش تجيب
عموما لو اناكنت كده فانامعتش كده انا حتى لمابتعملو موقف يزعل بزعل مع نفسي شويه وبرجع تانى لكن مبتلككش لحد لانى معرفش حد فيكو عشان اتلكك ليه

ميرسي
بس اكيد هرجع تانى وهطول براحتى ولافي مانع حضرتك ؟؟؟؟؟؟؟؟

من طرف dr teeth الخميس يوليو 08, 2010 7:51 pm

احم احم

لأ عادى ...

من طرف جميلة الخميس يوليو 08, 2010 9:14 pm

اهلا بكم في الجزء التاني من الحلقه

و نحب نرحب بضيفنا الكريم للمره التانيه

د\احمد منورنا

-دايما الولاد بيفكروا في حكايه الكليه العسكريه ايا كنت اعرف ناس هنا كده و فيه ناس اعرفها كتير بتفكر في الحكايه دي

مافكرتش فيها؟؟

-مين اقربلك ماما ولا بابا

-علاقتك باللي حواليك .......عامله ازاي؟؟

-احمد الطحمودي في كلمه واحده؟

-يا ورد مين علمك تجرح.......لمن تهدي هذه العباره؟؟

-اللي راح راح و ماتفيد كلمه ياريت.....امتي تقول الكلمه دي؟؟

-اغنيه بتحب تسمعها و انت زعلان؟؟

-انت من المحله مش كده بتهيالي غزل المحله ده تبعكوا ليه ما بتشجعوش و تسيبك من الاهلي

-اكتب سطر عن كل واحد من دول ووجهه لهم نصيحه بجد علي حسب وجهه نظرك فيهم..

محمود و المحلاوي و الشربيني جميله ايه

-ليك في الجنبي اغاني و بتحب مين؟؟

-حلم دايما بيتكرر معاك؟؟

-رساله من مجهول ...ماذا تتمني ان يكون مضمون الرساله و من مين؟؟

-شايف حياتك ازاي؟؟

كفايه دول خفيف خفيف اهو لحد ما تجاوب

فاصل قصير تم نواصل اعزائي مشاهدي ا ر تي اكشن

من طرف dr teeth الجمعة يوليو 09, 2010 10:05 am

اهلا بكم في الجزء التاني من الحلقه
:D :D

و نحب نرحب بضيفنا الكريم للمره التانيه
د\احمد منورنا
الله يخليكى ده نور حضرتك :D

-دايما الولاد بيفكروا في حكايه الكليه العسكريه ايا كنت اعرف ناس هنا كده و فيه ناس اعرفها كتير بتفكر في الحكايه دي
مافكرتش فيها؟؟
لأ .. مع ان صحابى كلهم تقريبا راحوا يقدموا القصير و الطويل الرفيع و التخين
كله راح يقدم و كلهم سقطوا .. بس أنا ماليش فى الحاجات دى :D

-مين اقربلك ماما ولا بابا
ماما :D

-علاقتك باللي حواليك .......عامله ازاي؟؟
عامله كده اهوه ههههههههههه
.. تقريبا بحس أنها كويسة الى حد ما ..
بس ساعات بحس ان انا بعيد عن الناس كلها و لوحدى كده ..

-احمد الطحمودي في كلمه واحده؟
6767 :D

-يا ورد مين علمك تجرح.......لمن تهدي هذه العباره؟؟
للورد :D :D

-اللي راح راح و ماتفيد كلمه ياريت.....امتي تقول الكلمه دي؟؟
لما اندم على حاجة ضيعتها من ايدى .. و قولتها قبل كده
و هقولها كتير فى حياتى - ربنا يستر -

-اغنيه بتحب تسمعها و انت زعلان؟؟
ما قولنا قبل كده سهرت الليل لجورج وسوف
اغنيه 19 دقيقة انما ايه .. مزاج المزاج :D

-انت من المحله مش كده بتهيالي غزل المحله ده تبعكوا ليه ما بتشجعوش و تسيبك من الاهلي
علشان الأهلى هو الكل فى الكل
و بيعلم عليكوا رايح جاى .. دورى و كاس
هههههههههههههههههههههههههههههههههبطلوا حقد بقى يا زملكاوية
ثم انه عندنا فى غزل المحلة اللعيب الحلو بيبيعوه على طول لاى نادى كبير ..

-اكتب سطر عن كل واحد من دول ووجهه لهم نصيحه بجد علي حسب وجهه نظرك فيهم..

محمود
بدراوى .. محترم .. مؤدب .. متدين .. بيرجنى كتير اوى و بيفرهضنى :D
النصيحة : يبطل يبقى تقليدى شوية .. ما يدققش فى كل حاجة كده:D :D
و المحلاوي
محترم .. جدع .. داغه شغالة الى حد ما .. ممكن يعملها و ينجح السنة دى :D
النصيحة : يمشى مع البدراوى كتير ربنا يخليهم لبعض يا رب ..
و الشربيني : جدع .. لماح .. ممن يتحمل مسئولية .. ع النت 24 ساعة :D
النصيحة : بطل نت شوية يا ابنى نظرك هيضيع .. و يبطل برو ايفولوشن :D
جميله : دمها خفيف .. طيبة .. بتصفى بسرعة .. و برضه بتزعل بسرعة
النصيحة : حاولى تاخدى فى الواسع كده .. و الحياة هتبقى جميــــــــــلة :D
ايه :المنتدى عليه أيـــــــــــــــــــــــــات كتير
أنهى واحدة فيهم ؟؟؟ :D

-ليك في الجنبي اغاني و بتحب مين؟؟
قصدك يعنى اغانى اجنبى ؟؟!!
يعنى .. akon .. back street boys ..
rihanna .. enrique ..
shayne ward

-حلم دايما بيتكرر معاك؟؟
لا أحلم ...

-رساله من مجهول ...ماذا تتمني ان يكون مضمون الرساله و من مين؟؟
من أى حد زعل منى يقبل اعتذارى ..
-شايف حياتك ازاي؟؟
شايفها غامقة .. هههههههههه
شايفها معقولة بس لو حصلت حبة حاجات كده ..
كفايه دول خفيف خفيف اهو لحد ما تجاوب
أه خفيف طبعا :D
فاصل قصير تم نواصل اعزائي مشاهدي ا ر تي اكشن
انتى هتواصلى كتير ؟؟!! ههههههههههههه

من طرف جميلة الجمعة يوليو 09, 2010 10:42 am

اكن احنا الاهلي بيعلم علينا رايح جاي

ماشي يا سيدي برده بحبه و هفضل اشجعه لحد ما اموت

و لو الدنيا كلها احمرت هفضل زملكاويه برده

و هيكون ايه مين يعني ايه تبعكوا المحلاويه

احسن حاجه قولتها انك بتحب شيان ورد اتز ماي فافورت

و لو مش عايزني اسال تاني اوكي ممكن انهي الحلقه و انزل التتر

من طرف dr teeth الجمعة يوليو 09, 2010 2:38 pm

لا بس عاوزك تغيرى التوقيع بتاعك ده

من طرف جميلة الجمعة يوليو 09, 2010 7:27 pm

انت كمان

نفسي اعرف اللي مضايقكوا في التوقيع

و انا مش هغيره الا اذا مودي نفسه اتغير

و هرجعلك بعد شويه في الجزء التالت من الاسئله

من طرف ???? الجمعة يوليو 09, 2010 8:13 pm

احمد ؟؟
احمد هل تسمعنى ؟
حوووووووووووووووول ؟

هما سؤالين مش هكتر عليك
بما اننا لنا نفس الزوق فى الافلام اللى بنشوفها
السؤال بقى
قارن بين سينما هوليود وبوليود (السينما الميته دى عارفها ؟ بتاع الهند )
مين فى رايك
احسن ممثل اجنبى
واحسن ممثل عربى
احسن ممثله اجنبية
احسن ممثله عربيه
احسن فيلم اجنبى
احسن فيلم انيميشن
احسن فيلم عربى
فيلم عربى لما شوفته حسيت انه هندى ؟
وفيلم تانى لما شوفته عجبك اخراجه اووى لدرجة انك افتكرت انه امريكى ؟ اشك !

ايه انواع الافلام اللى بتحبها حسب الترتيب
اكشن رومانسى كوميدى دراما انيميشن فانتزيا موسيقى
؟؟؟

سيبك بقى من الافلام والكلام الفاضى ده
ونروح للمهم
لو عملت نفسك اخطبوط وبقيت انا الساحر اللى بروضك ههههههه
وحطيتك فى صندوق عشان نشوف توقعاتك لنهائى كاس العالم
هتختار مين ؟؟
تفتكر لو انا جبت قرد وخليته يختار زى الاخطبوط الالمانى ده ممكن اتشهر ؟؟؟
مين يستحق احسن لاعب ف كاس العالم فى رايك ؟
واحسن حارس ؟

لو هتسافر لدوله اوروبيه هتسافر فين ؟
وليه ؟

السؤال الاخير بقى
فاكر انت علامة الاكس اللى على كبرى طلخا ؟
لو هتختار بديل للكبرى المعفن ده
هتختار ايه؟
يللا كفايه عليك كدا
انا مطولتش اههه
اى خناقه

من طرف dr teeth الجمعة يوليو 09, 2010 9:48 pm

احمد ؟؟
:D
احمد هل تسمعنى ؟
لا و الله مش سامعك
حوووووووووووووووول ؟
حولنـــــــــــــــــــــــــــا
هما سؤالين مش هكتر عليك
ليه انت كنت عاوز تكتر كمان ؟؟ ههههههههههههههه
بما اننا لنا نفس الزوق فى الافلام اللى بنشوفها
السؤال بقى
قارن بين سينما هوليود وبوليود (السينما الميته دى عارفها ؟ بتاع الهند )
بوليود اعتقد ان الانتاج بتاعها اتعدل كتير عن زمان
رغم انهم ساعات بيبقوا خيالين فى الافلام بس برضه فى افلام جميلة اوى
عندهم قصص و حكايات مالهاش حل
هوليود اكثر واقعية الى حد ما .. فى افلام كتيرة بتناقش أمور مهمة ..
الانتاج رهيب طبعا ..

مين فى رايك
احسن ممثل اجنبى : johenny depp
واحسن ممثل عربى : fo2ad eL mohands w ahmed zakI
احسن ممثله اجنبية : angLina joli
احسن ممثله عربيه : La yooogad
احسن فيلم اجنبى : sherLok hoLmes ( 7aLyn bashofo koL yoom)
w fe kaman secret window
احسن فيلم انيميشن :corpse bride .... Coraline
w .. wall E bardo :D
احسن فيلم عربى : البــــــــــــــــرىء
فيلم عربى لما شوفته حسيت انه هندى ؟ : shewaya mn afLam 3adeL emam :D
وفيلم تانى لما شوفته عجبك اخراجه اووى لدرجة انك افتكرت انه امريكى ؟ اشك !
awLaaad eL 3m

ايه انواع الافلام اللى بتحبها حسب الترتيب
اكشن رومانسى كوميدى دراما انيميشن فانتزيا موسيقى
؟؟؟
كوميدى - فانتازيا - أكشن - رمانسى - انيميشن - دراما - موسيقى

سيبك بقى من الافلام والكلام الفاضى ده : حاضر
ونروح للمهم
لو عملت نفسك اخطبوط وبقيت انا الساحر اللى بروضك ههههههه
وحطيتك فى صندوق عشان نشوف توقعاتك لنهائى كاس العالم
هتختار مين ؟؟
للأسف هختار أسبانيا .. أصل البطرمان بتاعهم هيبقى أقرب و هيبقى فيه أكل كتير
ههههههههههههههههههههههههههههههههههههههههههههههههههههههههههههه

تفتكر لو انا جبت قرد وخليته يختار زى الاخطبوط الالمانى ده ممكن اتشهر ؟؟؟
لو فى دعاية كويسة هتتشهر يا محلاوى و ماحدش هيعرف يكلمك بعد كده :D

مين يستحق احسن لاعب ف كاس العالم فى رايك ؟
الصراحة مافيش لعيب مستواه سابت ..
كاس عالم نص كم .. كان عاوز مصر و الله ..
بس ممكن نقول كلوزه حلو يعنى ..

واحسن حارس ؟ كاسياس

لو هتسافر لدوله اوروبيه هتسافر فين ؟
فرنسا
وليه ؟ اسمع انها بلد الموضه .. و اسمع كمان انه فى هناك برج كبير أوى أسمه برج ايفل :D :D

السؤال الاخير بقى
فاكر انت علامة الاكس اللى على كبرى طلخا ؟
لو هتختار بديل للكبرى المعفن ده
هتختار ايه؟
بحر عياش
و انا فعلا روحت عاينت الموقع
المية عميقة بس هو مش واسع زى طلخا طبعا
بس غويط أوى و فيه أسماك متوحشة على حد قول الحشد الجمهورى اللى كان هناك ..

يللا كفايه عليك كدا
انا مطولتش اههه
اى خناقه

لا و الله أسئلة حلوة .. :D

من طرف dr teeth الجمعة يوليو 09, 2010 10:28 pm

شوفوا كده يا جماعة لو خلاص انا كده عرفونى علشان اختار حد جديد ..

من طرف جميلة السبت يوليو 10, 2010 8:48 am

خلاص ده ايه لا لسه

ده انت بقالك 3 ايام بس

انت هتقوم يوم الاربعاء

زهقت ولا ايه

من طرف dr teeth السبت يوليو 10, 2010 11:56 am

لا
بس لاحسن اكون براجوت و لا حاجة ..

يعنى اللعبة اسبوع ؟؟

طب كويس

اما اطلع بقى العب باقى الالعاب علشان انزل الموضوع ده تحت
و ماحدش يشوفه على ما يعدى الاسبوع

أستأجز أنا بقى
هههههههههههههههههه

من طرف جميلة السبت يوليو 10, 2010 9:50 pm

لا يا راجل خبيت انت انا عارفه

يلا يا جماعه 1....2........3

علي الهوا

مع الجزء التالت من البرنامج

و نبدا

احمد
. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول عمرك أمامنا ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

من طرف dr teeth السبت يوليو 10, 2010 10:37 pm

. ماذا ستكتب لنا لتعبر عن حياتك التي عشتها الى الان في كلمات قليله ؟
انتصارات قليلة و هزائم كثيرة ..
. اذا اردت ان تبكي الان , فعلى من تبكي؟
على نفسى ..
من ستختار ليمسح دموعك ؟
انا ..
لو خيروك بين حبيبك وبين اعز صديق فمن تختار ؟
حبيبى لأن حتما صديقى ده هيعذرنى و هيبقى فاهمنى
لكن الحب فى أوله اعتقد ان أى شىء ممكن يغير مساره أو ينهيه ..

.ماهو تقييمك لهذا المنتدى بصراحه ؟
لسه ما رجعش زى أيام زمــــــــــــــــــــــان ..
.من يسكن قلبك؟
و الله ما اعرف :D
.هل تعتقد ان حظك سيئ؟
للغاية ..:D
.هل هزمك حزنك في يوما من الايام؟
ممكن أه ..
.((مستحيل انساك)) لمن تقولها ؟
لحبيبى
.(( انت كل شيء بحياتي )) لمن تقولها ؟
ما اعرفش
متى اخر مره بكيت؟
قريب .. من كام يوم باين
اي الدول تتمنى ان تزورها ؟
فرنســـــــــــــــــــــــــا و حاليا نفسى اروح السعودية اوى ..
هل لديك الجرأه ان تقول عمرك أمامنا ؟
طبعا كونى فنان مشهور يخلينى ما ابوحش بحاجة زى دى قدام جمهورى
علشان انا ممكن اعمل دور طالب فى جامعة و فى نفس الوقت ممكن اعمل دور أب
و ده طبعا بعتمد على موهبتى اكتر مابيعتمد على سنى الحقيقى
علشان كده مش بحبذ ان الفنان مننا يقول سنه الحقيقى للجمهور ..
ههههههههههههههههههههههههههههههههههههههههههههههههههه
15-8 الجاى يبقوا 20 سنة بحالهم ..
هل انت راضي عن نفسك ؟
لأ لأ لأ لأ لأ للأسف ..
.هل تؤيد الزواج العاطفي ام الزواج التقليدي ؟ ولماذا ؟
كنت اتمنى عاطفى بس حاسس انه هيبقى تقليدى ..
عاطفى طبعا رومانسى و فاهمين بعض و كده
لكنه هيبقى تقليدى للأسف على ما اعتقد لاننى لا اجيد التعامل مع الجنس الاخر
و بالتالى جواز الصالونات هيكون منصف ليا بعض الشىء لأنه مابيعتمدش كتير
على لباقتى فى الحديث ..
.ايهما اهم شهادتك الجامعيه أم الزواج ممن تحب ؟
الشهادة يترتب عليها كل شىء
عندك حد يجوزنى من غير شهادة ؟؟ :D :D
.هل تعترف بشيء اسمه الصداقه بين الرجل والمرأة ؟
اعترف بيه بس مش فى كل الأعمار ..
.هل انت مدمن تفكير؟
اه .. و ساعات بحس ان انا ممكن اتجنن من كتر ما بفكر فى حاجة معينة
.
.من هو اكثر شخص تفكر فيه؟
مافيش

.اذا تم تعيينك ملكا لجميع البلاد العربيه فما اول قرار ستتخذه ؟
هاوزع فلوس ع الناس
هههههههههههههههه
هاعمل جيش كبير أوى أوى
جيش عنده ايمان و عزيمة و احارب اسرائيل و امريكا كمان لو اتدخلت ..
.هل تكره شخص بشده في حياتك ؟
لا
.ما هو اقتراحك الذي تتمنى ان يحدث في هذا المنتدى ولم يحدث الى الان ؟
العضو اللى ما يدخلش يتطرد وش كده ههههههههههههه
الا اذا كان مقدم عذر بقى ..
.هل ملابس الشخص امامك تؤثر فيك لتأخذ عنه انطباع ؟؟
لو ما اتكلمتش معاه قبل كده و لا اتعاملت معاه
اكيد اه طبعا و مش معايا انا بس مع كل الناس ..
ساعتها علشان اخد انطباع عنه هدور على اى حاجة قدامى
ان شالله تكون هدومه حتى ..

.ماالذي يلفت انتباهك بسرعه في الشخص لكي تعجب به ؟
انهى شخص صاحبى يعنى و لا ايه ؟؟ :D :D
اذا احببت شخصا في الوقت الخطأ وفي المكان الخطأ فماذا تفعل ؟؟
اعرفه انى بحبه و نواجه مع بعض بقى و نحاول نحل ..
.حكمة تؤمن بها جدا؟؟
علمني الصيد خير من ان تطعمني سمكة
.عاده تفعلها دائما تتمنى ان تتركها ؟
اللبس اللى بلبسه مش هو اللى بخرج بيه
هههههههههههههههههههههههههههههههه
بغيره على اخر لحظه :D
ماهو اجمل اسم لولد واجمل اسم لبنت من وجهة نظرك؟
عيسى .. أدم
مريـــــــــــــــم
.ماذا تفعل اول شيء اذا ربحت مليون ؟
هشترى عربية فيات 128 برضه .. لازم ابتدى حياتى بيها :D
و هعمل مشروع بيهم
.هل انت من لديهم رغبة حب التملك واذا تملك الشيء اصابه الملل منه ؟
مش كل حاجة ممكن احس تجاهها بالملل ..
.اعتذار تريد ان تقدمه لمن؟
لاى حد حاسس انى ظلمته
اقوله ان انا ماكنتش اقصد ..

من طرف جميلة الأحد يوليو 11, 2010 8:47 pm

هل لديك الجرأه ان تقول عمرك أمامنا ؟
طبعا كونى فنان مشهور يخلينى ما ابوحش بحاجة زى دى قدام جمهورى
علشان انا ممكن اعمل دور طالب فى جامعة و فى نفس الوقت ممكن اعمل دور أب
و ده طبعا بعتمد على موهبتى اكتر مابيعتمد على سنى الحقيقى
علشان كده مش بحبذ ان الفنان مننا يقول سنه الحقيقى للجمهور ..
ههههههههههههههههههههههههههههههههههههههههههههههههههه
15-8 الجاى يبقوا 20 سنة بحالهم ..

ههههههههههههههههههههههههههههههههههههههههههههههه

ايهما اهم شهادتك الجامعيه أم الزواج ممن تحب ؟
الشهادة يترتب عليها كل شىء
عندك حد يجوزنى من غير شهادة ؟؟ :D :D

هههههههههههههههههههههههه لا
اقولك الحق بدات الاحظ ان معظم البنات دلوقتي يهمها الفلوس اكتر من التعليم

.هل تعترف بشيء اسمه الصداقه بين الرجل والمرأة ؟
اعترف بيه بس مش فى كل الأعمار ..

بمعني ايه؟؟؟؟؟؟؟؟؟؟؟؟؟؟؟

.ماالذي يلفت انتباهك بسرعه في الشخص لكي تعجب به ؟
انهى شخص صاحبى يعنى و لا ايه ؟؟ :D :D

عموما يعني؟؟؟؟؟؟؟

من طرف dr teeth الإثنين يوليو 12, 2010 10:34 am

يعنى مش كل الاعمار بيبقى فيه صداقة بين الرجل و المرأة
واضحة يعنى

مش فى مثلا سن مراهقة وكده
ده مافيهوش صداقة

و موضوع لفت الانتباه ده مش عارف و الله
بس بيتهيألى مافيش حاجة بعينها يعنى ..

من طرف Ali.... الإثنين يوليو 12, 2010 6:05 pm

انا بقي يادكتور لسه جديد
فاسالتى هتبقي اكمل النقط الاتيه بس
حاجه سهله يعنى كده عشان مطولش عليك

أعتقد الآن أنني ..........

- دائما مآأتساءل بيني وبين نفسي عن .........

- فشلت ذات مرّه بسبب ........

- أميلُ كثيرا إلى .......

- أحب كثيرا .......

- يزعجني كثيرا .......

- أعتقد أن الآخرين .......

- عندمآ أتطلع للمستقبل أجده .......

- أنا حسّـاسـ نحو الأمور ........

- رصيدي من النجاح بسبب توفيق الله ثم .........

- أحلامي دائما ما تكون ......

- عندماأقع في مأزق ........

- أشعر بأنني .......

- أعتقد أن مظهري يبدو .....

- أحب أن يتفهم من حولي أني ......

- أكره بشدّه ......

- مشكلتي أنني ......

- كنت أتمنى أن .......

- في المناسبات الإجتمآعيه أحب أن أكون .......

- أعاني بيني وبين نفسي من ......

- الماضي بالنسبة لي ......

- أنا راضٍــيه عن .....

- عندما أواجه النقد .......

- الحياة بآلنسبة لي .......

- كثيرا ما أجد نفسي .......

- عندمآ أكون بمفردي ........

- أنفعل بشده عندما ........

- مررت بتجارب ........

- أود أن يسامحني ..........

- كلمة في خاطري .........

- أنـــــــآ ...........................

يارب مكونشي طولت عليك يااحمد
شكرا

من طرف Busicat الإثنين يوليو 12, 2010 7:16 pm

انا جييييييييييييييييييييييييييييت

جيالك بسؤال واحد بس مش زى اى سؤال
هههههههههههههههههههههههههههههههههههههههههههههههه

اكتب ماتعرفه عن H هرمون!!!!!!!!!!!!!!!!!!!!
ههههههههههههههههههههههههههههههه

من طرف dr teeth الإثنين يوليو 12, 2010 11:58 pm

انا بقي يادكتور لسه جديد

دكتور ؟؟ مقبولة منك ياعم .. ربنا يسامحك
فاسالتى هتبقي اكمل النقط الاتيه بس
ماكنتش تبقى اختار احسن :D :D
حاجه سهله يعنى كده عشان مطولش عليك
براحتك يا زميل
أعتقد الآن أنني مرتاح نوعا ما

- دائما مآأتساءل بيني وبين نفسي عن المستقبل

- فشلت ذات مرّه بسبب سوء تقدير للأمور

- أميلُ كثيرا إلى العزلة

- أحب كثيرا أصدقائى

- يزعجني كثيرا التجاهل

- أعتقد أن الآخرين احسن منى

- عندمآ أتطلع للمستقبل أجده غامض

- أنا حسّـاسـ نحو الأمور التى لا اعرف عنها الكثير
- رصيدي من النجاح بسبب توفيق الله ثم الدعاء

- أحلامي دائما ما تكون خيالية نوعا ما

- عندماأقع في مأزق اندب حظى و هذا يعوقنى عن الخروج منه سريعا

- أشعر بأنني مازلت فى البداية

- أعتقد أن مظهري يبدو طويلا هههههههههههههه

- أحب أن يتفهم من حولي أني طيب

- أكره بشدّه تجاهلى او عدم اعارتى الانتباه حين اتحدث

- مشكلتي أنني لا اثق فى نفسى

- كنت أتمنى أن انجح :D :D :D

- في المناسبات الإجتمآعيه أحب أن أكون اسمع و ما اتكلمش و ما احبش الانظار تبقى عليا

- أعاني بيني وبين نفسي من ندم على ما مضى

- الماضي بالنسبة لي ذكرى حزينة

- أنا راضٍــي عن كل شىء و لا شىء

- عندما أواجه النقد لا اتقبله من كل الأشخاص
و لكن هناك أشخاص احب نقدهم لى

- الحياة بآلنسبة لي رحلة

- كثيرا ما أجد نفسي خاسرا

- عندمآ أكون بمفردي اكون سعيدا

- أنفعل بشده عندما اتذكر خطأ فعلته فى الماضى

- مررت بتجارب قليلة

- أود أن يسامحني الله

- كلمة في خاطري ربنا يستر

- أنـــــــآ أحمد :D

يارب مكونشي طولت عليك يااحمد
لا و الله خالص .. بس اسئلتك صعبة :D
هو انت على اللى معانا فى الدفعة يا على :D
شكرا
العفـــــــــــــــــــــــو

من طرف dr teeth الثلاثاء يوليو 13, 2010 12:01 am

Busicat كتب:انا جييييييييييييييييييييييييييييت

جيالك بسؤال واحد بس مش زى اى سؤال
هههههههههههههههههههههههههههههههههههههههههههههههه

اكتب ماتعرفه عن H هرمون!!!!!!!!!!!!!!!!!!!!
ههههههههههههههههههههههههههههههه

ههههههههههههه
السؤال اليتيم
انا شامم ريحة معايرة بس هاعمل مش واخد بالى :D

من طرف DR\HEND الثلاثاء يوليو 13, 2010 12:28 pm

هااااي

المفروض بنسال ..... طيب

كم مره تقريبا بتنده علي مامتك ف اليوم؟

لو قاعد ف قطار وحد جه قعد جمبك وقعد يتامل فيك تعمل ايه تساله؟ تغير المكان؟ ولا تبج بطنه بجيج؟

من الافضل ف نظرك راس نفرتيتى تفضل بره ولا تدخل جوه من البرد زي ما د. زاهي حواس عايز؟؟

ايه رايك مصر فيها قمامه كتير اوي والزبالين مبيشتغلوش عشان الراتب لو كل الجامعات المصريه تكاتفت ولمت حتي جنيه من كل فرد عشان نحل المشكله دي ؟؟

ممكن تضرب اخواتك لو عملوا حاجه غلط ؟؟

كل واحد فينا عنده( لزمات)او كلمات بيكررها كتير ف حديثه انا مثلا عندي (عادي) (مغفل)

ما شاء الله انت دمك خفيف يا تري بتشرب كام لتر مياه ف اليوم؟

الاخرون ماذا يمثلون لك ؟

واخيرا وليس اخرا حاول ان تبهج نفسك وتحبها قبل ان تبهج الاخرين وهناك معالج نفسي امريكي يقول انك لازم تطبطب ع نفسك كل يوم وتقولها احسنتى عملتى كل الي قدرتى عليه النهارده حتى لو لا

التشجيع يهب الثقه

اه انا خلصت بس اقولك نصيحه رمزي قالها لدووووله (ظبط حياتك تستقيم حياتك)

يا بخت من زار وخفف

:slam*: