رد: كرسي الاعتراف

من طرف dr teeth الخميس يوليو 08, 2010 12:30 am

مافيش حاجة يا رنا :D

من طرف roma الخميس يوليو 08, 2010 12:39 am

محتار في ايه
انت يااستاز بالفعل قاعد عالكرسي
يعنى بمزاجك او غصب عنك انت هتتسال هتتسال
وهتجاوب
ولاعاوز تعمل زى هانكوك تقول ربنايستر ومفيش ولا ومعرفش
انسى بقي

من طرف Hancock الخميس يوليو 08, 2010 9:51 am

لتانى مرة أجى ألاقى نفس السخصين بيجيبوا ف سيرتى

خلاص يا جماعة أنا بقيت بعرف بالشرقة خلاص شرقت مالك يابنى لا لا أبدا

أصل أحمد و روما عمالين يجيبوا ف سيرتى دلوقتى عادى يعنى هههههههههههههههههه

و انت يا حبيبى ما تتسئل بقى و تخلصنا .... الله

من طرف dr teeth الخميس يوليو 08, 2010 10:56 am

انا قولت اسأل نفسى بدل ما اقعد فاضى كده
ههههههههههههههههههههههههههههههههه

Dr teeth

اسم حضرتك بالكامل؟؟

سنك؟؟

ليك كام اخوة واخوات؟؟

ليك ابناء اخوات قد ايه واسمائهم؟؟

ايه اكتر حاجة تبكيك
؟؟

واكتر حاجة تفرحك؟؟

ايه اكتر حاجة ندمت انك عملتها؟؟

واكتر حاجة ندمت انك مش عملتها؟؟

بتقضي وقت فراغك ازاي؟؟

بتمارس رياضة ؟؟ ولو اه ايه نوعها؟؟

مين اقرب الناس ليك

مين اللى بتحس ادامه انك كتاب مفتوح وقادر يفهمك كويس

مين اكتر حد عجبك شعره فى المنتدى

لو حد غلط فى حقك غلطة كبيرة ورجع واعتذرلك هتسامحه ولا لا

ايه الصفة اللى مش بتحبها فى نفسك

ايه اكتر صفة بتحبها برده

لو قلتلك لو اتمنيت حاجة دلوقتى هتتحقق
امنية واحدة بس هتتمنى ايه

من طرف dr teeth الخميس يوليو 08, 2010 11:03 am

اسم حضرتك بالكامل؟؟
أحمد محمود أحمد محمد مصطفى
سنك؟؟

15-8-1990

ليك كام اخوة واخوات؟؟
أخ و أخت

ليك ابناء اخوات قد ايه واسمائهم؟؟
لا يوجــــــــــــــــــــد

ايه اكتر حاجة تبكيك
؟؟
انى اندم على حاجة عملتها

واكتر حاجة تفرحك؟؟
انى اتوقع حاجة و تحصل

ايه اكتر حاجة ندمت انك عملتها؟؟
شديت مع صحابى شوية من كام يوم
بس خلاص كل شىء اتظبط يعنى

واكتر حاجة ندمت انك مش عملتها؟؟
انى مازاكرتش عدل السنة دى :D :D

بتقضي وقت فراغك ازاي؟؟
مش ببقى مرتب
حسب الظروف يعنى

بتمارس رياضة ؟؟ ولو اه ايه نوعها؟؟

لأ
بس بحب ألعب كورة مع صحابى
لو دى تعتبر رياضة يعنى

مين اقرب الناس ليك ؟؟
ممكن صحابى

مين اللى بتحس ادامه انك كتاب مفتوح وقادر يفهمك كويس ؟
واحد صاحبى فى تانية

مين اكتر حد عجبك شعره فى المنتدى ؟؟؟
كل اللى بيكتبوا شعر ع المنتدى كويسين و الله
و مافيش حد فيهم شبه التانى
كلهم موهوبين .. ربنا يوفقهم

لو حد غلط فى حقك غلطة كبيرة ورجع واعتذرلك هتسامحه ولا لا ؟
هسامحه

ايه الصفة اللى مش بتحبها فى نفسك ؟؟
ماعنديش ثقة فى نفسى خـــــــــــــــــالص

ايه اكتر صفة بتحبها برده ؟؟
بحب أضحك :D

لو قلتلك لو اتمنيت حاجة دلوقتى هتتحقق
امنية واحدة بس هتتمنى ايه ؟؟؟؟؟؟؟؟؟؟؟

هتمنى ان (اى امنية اتمناها بعد كده تتحقق) :D :D
هههههههههههههههههههههههههههههههههه
انى انجح السنة دى ان شاء الله يعنى

من طرف جميلة الخميس يوليو 08, 2010 11:09 am

خلاص يا جماعه احنا اتصالحنا اصلا

انسوا بقي خلاص

ماحصلش حاجه

و انا اللي هسال اول واحده لو ماعندكش مانع يعني

من طرف جميلة الخميس يوليو 08, 2010 11:21 am

السلام عليكم و رحمه الله

اهلا بكم اعزائي مشاهدي توبيك كرسي الاعتراف باولي حلقات سلسله الاعترافات الشخصيه لاحدي اهم الشخصيات المميزه في منتدانا العظيم

فنحن الان بصدد اهم اللقاءات في تاريخ البرنامج حيث سيطوق لنا الحظ سماع و معرفه الكتير عن تلك الشخصيه الفذه

فنحن مع لقاء مع الاستاذ الدكتور و شاعرنا العظيم احمد الطحمودي

د\احمد اهلا بك

الاسم بالكامل

المهنه

العنوان

السن

و ايضا سؤالنا المعتاد شعور حضرتك و انت علي الكرسي

و الان نبدا الحلقه بالفعل

1-مــــن انـــــــت ؟

2- ماهو هدفك في هذي الحياة ؟

3-صفه فيك تحبها؟

4-صفه فيك تكرهها ؟

5-اكثر شئ يعصبك؟

6-اكثر شئ يخوفك؟

7-من مثلك الأعلى؟

8-تجربه مريت بها وودك تكررها؟

9-لما بتزعل بتروح لمين؟؟

10-مـــــن يطـــــربك ؟

11-من هو أعز شخص عندك؟

13-باقة ورد لمن تهديها ؟

14-باقة شوك لمن تهديها ؟

15-أعظم شيء فقدته ؟

16-وأعظم جرح دفنته ؟

17-اسوأ خبر سمعته ؟

18-ماهو الموت ؟

19-اكثر شئ اتندمت عليه؟

20-دعوه صادقه من اعماق قلبك لمن تهديها ؟

21-اوصف نفسك كما تراها ؟!

22ا- صف نفسك بكلمات بسيطة كما يراك الناس ؟

23-يقول احسان عبد القدوس حبك الاول هو حبك الاخير.....مارايك بهذه المقوله؟

و ايضا كشاعر عظيم نريد ان نعرف منك

24-نزار شاعر المراه و انت شاعر من؟؟

25-برايك بماذا تتميز كتاباتك عن من حولك ؟؟

26-انت مميز بتلك الكتابات التي لا استطيع تصنيفها ربما هي واقعيه بطريقه السخريه لماذا يستهويك تلك النوع من الكتابه

كفايه كده و هرجعلك تاني

فاصل و نواصل

من طرف Busicat الخميس يوليو 08, 2010 11:28 am

dr teeth كتب:
اسم حضرتك بالكامل؟؟
أحمد محمود أحمد محمد مصطفى
سنك؟؟

15-8-1990

ليك كام اخوة واخوات؟؟
أخ و أخت

ليك ابناء اخوات قد ايه واسمائهم؟؟
لا يوجــــــــــــــــــــد

ايه اكتر حاجة تبكيك
؟؟
انى اندم على حاجة عملتها

واكتر حاجة تفرحك؟؟
انى اتوقع حاجة و تحصل

ايه اكتر حاجة ندمت انك عملتها؟؟
شديت مع صحابى شوية من كام يوم
بس خلاص كل شىء اتظبط يعنى

واكتر حاجة ندمت انك مش عملتها؟؟
انى مازاكرتش عدل السنة دى :D :D

بتقضي وقت فراغك ازاي؟؟
مش ببقى مرتب
حسب الظروف يعنى

بتمارس رياضة ؟؟ ولو اه ايه نوعها؟؟

لأ
بس بحب ألعب كورة مع صحابى
لو دى تعتبر رياضة يعنى

مين اقرب الناس ليك ؟؟
ممكن صحابى

مين اللى بتحس ادامه انك كتاب مفتوح وقادر يفهمك كويس ؟
واحد صاحبى فى تانية

مين اكتر حد عجبك شعره فى المنتدى ؟؟؟
كل اللى بيكتبوا شعر ع المنتدى كويسين و الله
و مافيش حد فيهم شبه التانى
كلهم موهوبين .. ربنا يوفقهم

لو حد غلط فى حقك غلطة كبيرة ورجع واعتذرلك هتسامحه ولا لا ؟
هسامحه

ايه الصفة اللى مش بتحبها فى نفسك ؟؟
ماعنديش ثقة فى نفسى خـــــــــــــــــالص

ايه اكتر صفة بتحبها برده ؟؟
بحب أضحك :D

لو قلتلك لو اتمنيت حاجة دلوقتى هتتحقق
امنية واحدة بس هتتمنى ايه ؟؟؟؟؟؟؟؟؟؟؟

هتمنى ان (اى امنية اتمناها بعد كده تتحقق) :D :D
هههههههههههههههههههههههههههههههههه
انى انجح السنة دى ان شاء الله يعنى

ههههههههههههههههههههههههههههههههههههههههههههه
بتسال وتجاوب على نفسك لاحول ولا قوة الا بالله
وبعدين يااستاذ انت غشيت الاسئلة اللى انا بسالها اسال ايه انا دلوقتى!!!!!!!!!!!!!!!!!!!!!

من طرف ???? الخميس يوليو 08, 2010 11:51 am

احمد هنا يا اهلا وسهلا
لازم ارحب طبعا باحمد باشا واسئله كام سؤال كدا انا عارف اجابتهم D:
بس بعد الفاصل

من طرف Busicat الخميس يوليو 08, 2010 12:04 pm

استعنى على الشقى بالله

احمد سيدتك على الهوا حاسب لتوقع
ونقول
الوووووووووووووووووووو
ههههههههههههههه

ى حاجات معينة بتفتكرها ايام الابتدائى ولو اه ايه هى
مرحلة الاعدادى بتمثلك ايه
وبدال سالتك على الابتدائى والثانوى لازم اسالك على الثانوى
كنت متوقع النتيجة اللى جبتها
ايه شعورك بعد اما التنسيق ظهر
مرحلة الجامعة بتمثلك ايه
لو فى ايدك ترجع لمرحلة معينة فى حياتك تختار ايه
اول مرة اعجبت ببنت وحسيت انك بتحبها كان عندك كام سنة
ايه اكتر لون بتحبه
لو جبت لحد هدية تفضل تجيبله ايه
لو مش عجبك فى حد حاجة معينة هتقوله ولا لا
لو حد سالك ايه رايك فى حاجة جابها مش عجباك هترد تقوله ايه
لو قدامك ورقة وقلم وقولتلك اكتب اللى بيدور فى دماغك دلوقتى
طب لو كراسة رسم والوان هترسم ايه
على اى اساس بتختار اصحابك
ازاى بتتعامل مع الناس حسب شخصيتك ولا على حسب شخصيتهم
ولا الاتنين
اكتر مادة عجبتك السنة دى واكتر دكتور عجبك شخصيته
واكتر مادة مش بتحبها
موقف مضحك حصلك فى الكلية ولسه فاكره
بتتبعى مين الاول قلبك ولا عقلك
ايه اكتر صفة بتشدك فى الشخص اللى قدامك فى البنت والولد
عبر عن نفسك زى مانتى شايفاها
بكام بيت شعر كده
اكتر مغنى بيطربك غير جورج وسوف دى
واكتر اغنية بتحس انها بتعبر عنك
ثقتك بنفسك بنسبة كام فى المية
ممكن حد يستفزك بسهولة

متسرعفى قراراتك
ما معنى الرجولة من وجهة نظرك

كفاية كده دلوقتى
بس اكيد رجعالك تانى

من طرف Hancock الخميس يوليو 08, 2010 12:36 pm

حبيب قلبى دانت اتهرست من أول يوم أهوه

ويكأن قلبى كان حاسس برضه

من طرف dr teeth الخميس يوليو 08, 2010 2:14 pm

السلام عليكم و رحمه الله ..
و عليكم السلام و رحمة الله و بركاته
اهلا بكم اعزائي مشاهدي توبيك كرسي الاعتراف باولي حلقات سلسله الاعترافات الشخصيه لاحدي اهم الشخصيات المميزه في منتدانا العظيم

ههههههههههههههههههههه
أحلى كلام و الله ..

فنحن الان بصدد اهم اللقاءات في تاريخ البرنامج حيث سيطوق لنا الحظ سماع و معرفه الكتير عن تلك الشخصيه الفذه

معانا اتصال هاتفى و نقول ألوووووووووو .. :D

فنحن مع لقاء مع الاستاذ الدكتور و شاعرنا العظيم احمد الطحمودي

شكرا و الله
ده بس من ذوق حضرتك ..

د\احمد اهلا بك
أهلا بحضرتك :D

الاسم بالكامل
أحمد محمود أحمد محمد مصطفى ................... الطحمــــــــــــــــودى

المهنه
طالب أسنان
طباعة ملابس
بتاع تمر هندى .. ههههههههههههه
و أخيرا مندوب مبيعات عبر التليفون
و كله فشل تقريبا ماعدا الأولى اللى هى طالب أسنان ( ربنا يستر )

العنوان
9 ش محمود موسى - المنشية الجديدة - مدينة المحلة الكبرى - محافظة الغربية ..

السن
15-8 اللى جاى يبقى 20 سنة ان شاء الله

و ايضا سؤالنا المعتاد شعور حضرتك و انت علي الكرسي
فرحان انى بتكلم معاكوا و شوية قلق صغيرين :D

و الان نبدا الحلقه بالفعل

1-مــــن انـــــــت ؟
واحد راسم حبة حاجات لمستقبله نفسه يحققها فى وقت قصير ..

2- ماهو هدفك في هذي الحياة ؟
هدفى فى الحياة طلع أوف سايت :D
انى ابقى دكتور سنان

3-صفه فيك تحبها؟
مممممممممممم
funny
hhhhhhhhhhh
مش عارف و الله ..

4-صفه فيك تكرهها ؟
جاوبتها أنا فوق باين
موضوع الثقة فى النفس و كده قليلة ..

5-اكثر شئ يعصبك؟
انى اتكلم و ماحدش يسمعنى ..

6-اكثر شئ يخوفك؟
الجهل

7-من مثلك الأعلى؟
انا ممكن يبقى مثلى الاعلى صفة فى كل شخص
لكن مش عاوز ابقى شخص بعينه بكل اللى حصله و كل اللى عمله او وصله ..

8-تجربه مريت بها وودك تكررها؟
مصيف السنة اللى فاتت و اعتقد انها لن تكرر ..

9-لما بتزعل بتروح لمين؟؟
انا او واحد صاحبى ..

10-مـــــن يطـــــربك ؟
جــــــــــــــــــــــــــورج وسوف :D

11-من هو أعز شخص عندك؟
مش هجاوب ..

13-باقة ورد لمن تهديها ؟
لأعز شخص عندى :D

14-باقة شوك لمن تهديها ؟
مممممممممممممممم
مش هديها لحد
انا لو اديتها لحد ابقى استحق ان حد يدهالى فيما بعد ..

15-أعظم شيء فقدته ؟
الثقة بالنفس

16-وأعظم جرح دفنته ؟
مش عارف الصراحة ..

17-اسوأ خبر سمعته ؟
راسب و يحق له الاعادة
هههههههههههههههههه

18-ماهو الموت ؟
حسب الاعمال بقى
لو واحد عمله حلو الموت راحة و حياة أخرى
و لو العكس
الموت بيبقى هلاك ..

19-اكثر شئ اتندمت عليه؟
حاجات كتيرة بس مش فاكر حاجة بعينها دلوقتى

20-دعوه صادقه من اعماق قلبك لمن تهديها ؟
لدفعة أولى أسنان ..

21-اوصف نفسك كما تراها ؟!
واحد زى الناس بس أطول منهم شوية
ههههههههههههههههههههههههههههه

22ا- صف نفسك بكلمات بسيطة كما يراك الناس ؟
عـــــــــــــــــــــــــــــــــــــــــــــادى

23-يقول احسان عبد القدوس حبك الاول هو حبك الاخير.....مارايك بهذه المقوله؟
فى كل مرة بيبقى الحب هو الحب الأول
لاننا بنبر لنفسنا ان الحب اللى كان قبله كان مجرد مراهقة مثلا ..

و ايضا كشاعر عظيم نريد ان نعرف منك
هههههههههههههههههه ربنا يسامحك :D

24-نزار شاعر المراه و انت شاعر من؟؟
شاعر المحلة :D
لأ بجد .. شاعر على ماتفرج :D

25-برايك بماذا تتميز كتاباتك عن من حولك ؟؟
اى حد يقراها يحس انه يعرف يكتب زيها

26-انت مميز بتلك الكتابات التي لا استطيع تصنيفها ربما هي واقعيه بطريقه السخريه لماذا يستهويك تلك النوع من الكتابه
السؤال ده جامد اوى على فكرة
ماتسيبك من الكلية اللى مش جايبة همها دى و قدمى أعلام :D
لان انا بحب النوع ده من الشعر بتعجبنى البساطة اوى ..
كفايه كده و هرجعلك تاني

من طرف dr teeth الخميس يوليو 08, 2010 2:41 pm

استعنى على الشقى بالله
يا قوى :D
احمد سيدتك على الهوا حاسب لتوقع
لا ماتقلقيش :D
ونقول
الوووووووووووووووووووو
الوووووووووووووو :D
ههههههههههههههه

ى حاجات معينة بتفتكرها ايام الابتدائى ولو اه ايه هى
كنت بقول الاذاعة و كنت رئيس الفصل
اصل بابا كان مدرس فى المدرسة بقى ..
ههههههههههههههههههههههههههههه

مرحلة الاعدادى بتمثلك ايه
تدهور فى المستوى
بعد ما كنت ببقى الأول بقيت ببقى من الخمسة الأوائل
ثم من العشرة الأوائل :D

وبدال سالتك على الابتدائى والثانوى لازم اسالك على الثانوى
كنت متوقع النتيجة اللى جبتها
تقريبا أه

ايه شعورك بعد اما التنسيق ظهر
صدمة ..

مرحلة الجامعة بتمثلك ايه
حرية بس مش فى صالحنا الحرية دى ..

لو فى ايدك ترجع لمرحلة معينة فى حياتك تختار ايه
أولى ثانوى
مالعبتش فيها زى ما الناس كانت بتلعب

اول مرة اعجبت ببنت وحسيت انك بتحبها كان عندك كام سنة
أولى اعدادى هههههههههه
هى حبتنى فحبتها :D

ايه اكتر لون بتحبه
الأسود
عندى 6 تيشرتات سوووود ههههههههههه

لو جبت لحد هدية تفضل تجيبله ايه
لو بنت وردة
لو ولد افكر فى حاجة تفيده لو جبتهاله
حاجة عملية يعنى ..

لو مش عجبك فى حد حاجة معينة هتقوله ولا لا
على حسب الحد ده
فى ناس مش بتتقبل ده
و فى ناس عادى ..

لو حد سالك ايه رايك فى حاجة جابها مش عجباك هترد تقوله ايه
لو بينا عشم هقوله وحشة ياعم ايه اللى انت جايبة ده بالذمة ينفع يعنى
لو مافيش عشم هتوه الكلام او هقول عـــــــــــــــــــــــــــــــــادى
أصل انا تقريبا عندى كلمة عادى = وحش :D

لو قدامك ورقة وقلم وقولتلك اكتب اللى بيدور فى دماغك دلوقتى
ضيعوا الأيام و راحو و لاسئلوا فى جرحنا
مين يعيش فى جراحه و يسامحك قدنا ..

طب لو كراسة رسم والوان هترسم ايه
وش واحد ..

على اى اساس بتختار اصحابك
ارتياحى ليهم .. دماغهم زى دماغى الى حد ما

ازاى بتتعامل مع الناس حسب شخصيتك ولا على حسب شخصيتهم
ولا الاتنين
الاغلبية على حسب شخصيتهم ..

اكتر مادة عجبتك السنة دى واكتر دكتور عجبك شخصيته
دكتور يسرى راجل محترم جدا ..
و مادة انا بحب مواد أسنان ..

واكتر مادة مش بتحبها
فيسيولوجى ..

موقف مضحك حصلك فى الكلية ولسه فاكره
كتير بس مش فاكر حاجة دلوقتى

بتتبعى مين الاول قلبك ولا عقلك
حسب الموقف طبعا

ايه اكتر صفة بتشدك فى الشخص اللى قدامك فى البنت والولد
البنت رقتها طبعا ...
الولد خفة دمه ..

عبر عن نفسك زى مانتى شايفاها
بكام بيت شعر كده

مسرح عرايس و الحبل نازل من فوق ..
يرخى الحبل ننام يتشد الحبل نفوق ..
عرايس خشب لكن بقلب و دم و عروق ..
ماتباش من بعيد عروسة خشب
تبان واحد مشنوق ..
و عجبى :D :D :D

اكتر مغنى بيطربك غير جورج وسوف دى
جورج وسوف - كاظم الساهر - محمد منير - و فضل شاكر
أصالة - أنغام - و ماجدة الرومى ..

واكتر اغنية بتحس انها بتعبر عنك
سهرت الليل ..

ثقتك بنفسك بنسبة كام فى المية
38 %
يعنى راسب نظرى ..

ممكن حد يستفزك بسهولة
لأ ..

متسرع فى قراراتك

أه

ما معنى الرجولة من وجهة نظرك
تحمل مسئولية ..

كفاية كده دلوقتى
بس اكيد رجعالك تانى
مش كفاية كده :D :D

من طرف dr_khaled الخميس يوليو 08, 2010 2:58 pm

طحمودي لو سألتك هتجاوب بصراحة ؟؟ ولا هتعمل زي هانكوك ...

من طرف dr teeth الخميس يوليو 08, 2010 3:04 pm

ليه بس بتقول كده ؟؟

من طرف Busicat الخميس يوليو 08, 2010 3:06 pm

dr teeth كتب:استعنى على الشقى بالله
يا قوى :D
احمد سيدتك على الهوا حاسب لتوقع
لا ماتقلقيش :D
ونقول
الوووووووووووووووووووو
الوووووووووووووو :D
ههههههههههههههه

ى حاجات معينة بتفتكرها ايام الابتدائى ولو اه ايه هى
كنت بقول الاذاعة و كنت رئيس الفصل
اصل بابا كان مدرس فى المدرسة بقى ..
ههههههههههههههههههههههههههههه

مرحلة الاعدادى بتمثلك ايه
تدهور فى المستوى
بعد ما كنت ببقى الأول بقيت ببقى من الخمسة الأوائل
ثم من العشرة الأوائل :D
ههههههههههههههههههههههههههه يالهوى عليك

وبدال سالتك على الابتدائى والثانوى لازم اسالك على الثانوى
كنت متوقع النتيجة اللى جبتها
تقريبا أه

ايه شعورك بعد اما التنسيق ظهر
صدمة ..

مرحلة الجامعة بتمثلك ايه
حرية بس مش فى صالحنا الحرية دى ..

لو فى ايدك ترجع لمرحلة معينة فى حياتك تختار ايه
أولى ثانوى
مالعبتش فيها زى ما الناس كانت بتلعب

اول مرة اعجبت ببنت وحسيت انك بتحبها كان عندك كام سنة
أولى اعدادى هههههههههه
هى حبتنى فحبتها :D

ههههههههههههههههههههههههههههههه وجيت على نفسك اوى كده ليه ههههههههههههههههههه

ايه اكتر لون بتحبه
الأسود
عندى 6 تيشرتات سوووود ههههههههههه

لو جبت لحد هدية تفضل تجيبله ايه
لو بنت وردة
لو ولد افكر فى حاجة تفيده لو جبتهاله
حاجة عملية يعنى ..

لو مش عجبك فى حد حاجة معينة هتقوله ولا لا
على حسب الحد ده
فى ناس مش بتتقبل ده
و فى ناس عادى ..

لو حد سالك ايه رايك فى حاجة جابها مش عجباك هترد تقوله ايه
لو بينا عشم هقوله وحشة ياعم ايه اللى انت جايبة ده بالذمة ينفع يعنى
لو مافيش عشم هتوه الكلام او هقول عـــــــــــــــــــــــــــــــــادى
أصل انا تقريبا عندى كلمة عادى = وحش :D

لو قدامك ورقة وقلم وقولتلك اكتب اللى بيدور فى دماغك دلوقتى
ضيعوا الأيام و راحو و لاسئلوا فى جرحنا
مين يعيش فى جراحه و يسامحك قدنا ..

استااااااااااااااااااااااااذ

طب لو كراسة رسم والوان هترسم ايه
وش واحد ..

على اى اساس بتختار اصحابك
ارتياحى ليهم .. دماغهم زى دماغى الى حد ما

ازاى بتتعامل مع الناس حسب شخصيتك ولا على حسب شخصيتهم
ولا الاتنين
الاغلبية على حسب شخصيتهم ..

اكتر مادة عجبتك السنة دى واكتر دكتور عجبك شخصيته
دكتور يسرى راجل محترم جدا ..
و مادة انا بحب مواد أسنان ..

واكتر مادة مش بتحبها
فيسيولوجى ..

موقف مضحك حصلك فى الكلية ولسه فاكره
كتير بس مش فاكر حاجة دلوقتى

بتتبعى مين الاول قلبك ولا عقلك
حسب الموقف طبعا

ايه اكتر صفة بتشدك فى الشخص اللى قدامك فى البنت والولد
البنت رقتها طبعا ...
الولد خفة دمه ..

عبر عن نفسك زى مانتى شايفاها
بكام بيت شعر كده

مسرح عرايس و الحبل نازل من فوق ..
يرخى الحبل ننام يتشد الحبل نفوق ..
عرايس خشب لكن بقلب و دم و عروق ..
ماتباش من بعيد عروسة خشب
تبان واحد مشنوق ..
و عجبى :D :D :D

وعجبى

اكتر مغنى بيطربك غير جورج وسوف دى
جورج وسوف - كاظم الساهر - محمد منير - و فضل شاكر
أصالة - أنغام - و ماجدة الرومى ..

واكتر اغنية بتحس انها بتعبر عنك
سهرت الليل ..

ثقتك بنفسك بنسبة كام فى المية
38 %
يعنى راسب نظرى ..

ممكن حد يستفزك بسهولة
لأ ..

متسرع فى قراراتك

أه

ما معنى الرجولة من وجهة نظرك
تحمل مسئولية ..

كفاية كده دلوقتى
بس اكيد رجعالك تانى
مش كفاية كده :D :D

تتتتتتتتتتتتتتتتتتتتتتتتتتتتتتتتتتتتؤ مش كفاية

اجاباتك حلوة اوى يا احمد اقصد يا 6767
ولاول مرة ماعنديش اعتراض هههههههههههههههههههههههه

سؤال بقى على الماشى كده

ايه حكاية 6767 دى

من طرف same7 الخميس يوليو 08, 2010 3:06 pm

الله يا طحمودي كلامك عاجبني بجد .....

بس انت طويل اوي مش شوية ............ ههههههههههههههههههههههههههههههههه

لأ بجد .. شاعر على ماتفرج :D خيبت أمل فيك وأنا اللي باقول عليك (الشاعر الظريف )

العنوان
9 ش محمود موسى - المنشية الجديدة - مدينة المحلة الكبرى - محافظة الغربية ..

يعني الواحد لو نزل المحلة وحاب يتغالس على حد من أصحابه ..... بيت أخوه الطحمودي مفتوح في اي وقت ..؟؟ مش كده برده .هههههههههههههههههههههههه

من طرف dr teeth الخميس يوليو 08, 2010 3:11 pm

babroman21 كتب:الله يا طحمودي كلامك عاجبني بجد .....

بس انت طويل اوي مش شوية ............ ههههههههههههههههههههههههههههههههه
بالنسبة لك يا ساموووح
هههههههههههههههههه

لأ بجد .. شاعر على ماتفرج :D خيبت أمل فيك وأنا اللي باقول عليك (الشاعر الظريف )

حلوة الشاعر الظريف .. متشكرين و الله
ده من ذوقك :D

العنوان
9 ش محمود موسى - المنشية الجديدة - مدينة المحلة الكبرى - محافظة الغربية ..

يعني الواحد لو نزل المحلة وحاب يتغالس على حد من أصحابه ..... بيت أخوه الطحمودي مفتوح في اي وقت ..؟؟ مش كده برده .هههههههههههههههههههههههه

ههههههههههههههههه
ابقى تعالى
عنوان قسم ثان المحلة :D
لا ياعم ده عنوانى بجد و بالمرة يا سيدى الدور ألأرضى
خامس بيت فى الشارع على ايدك اليمين :D

من طرف dr teeth الخميس يوليو 08, 2010 3:13 pm

Busi

سؤال بقى على الماشى كده

ايه حكاية 6767 دى

67moooooDy
tb2a
6767
طحطح
:D :D :D :D :D

من طرف dr teeth الخميس يوليو 08, 2010 3:14 pm

الصورة اللى فى توقيعك جامدة أوى يا سامح :D

من طرف same7 الخميس يوليو 08, 2010 3:19 pm

إليك التالي :

___ أول مرة كتبت قصيدة ..؟؟

___ كتب بتحب تقرأها ؟؟

___ إيه رأيك في الناس اللي بتكتب شعر ونثر في المنتدى ؟؟

___ أكتر موقف محرج قابلك السنة دي ؟؟

___ يُعرف الصديق وقت الضيق ؟؟؟إيه رأيك ؟؟ انت اتخليت عن حد من اصحابك قبل كده في وقت ضيق ؟؟

___ ما المرأة إلا كشربة الماء إذا رأت منك الظمأ , قل ّ عطاؤها وإن لم تخبرها بظمأك تفلتت من بين أصابعك ؟إيه رأيك ؟

___ علو الهمة يدني كل ثمين , ودنوها يعلي كل وضيع ؟؟ إيه رأيك ؟

___ بعد التخرج ناوي تسافر ولا.... ؟؟

___ ايه رأيك بصراحة في طب أسنان ككلية ؟؟ وطب أسنان المنصورة كمكان بتدرس فيه ؟؟

___ حد ظلمك قبل كده ؟؟؟

___ ما سر ابتسامتك الدائمة ؟؟

____ أرخم مادة قابلتها السنة دي ؟

____ أظرف دكتور ؟؟

____ أصعب امتحان دخلته ؟؟

___ أجمل بنت شوفتها ؟؟؟ فين ؟؟؟ ( إجباري )

محبتي ...,,,,,,,

من طرف dr_khaled الخميس يوليو 08, 2010 3:21 pm

طب ازيك ؟

لو قلت على أي سؤال مكرر أو هربت منه هشب واضربك :D :D

طحمودي ايه أهم صفات بتميزه عن غيره ؟

أكتر صفة مش بتحبها فيك ؟

امتى أول مرة كتبت شعر ؟؟

الشعر بالنسبالك غاية ولا وسيلة ؟

أنا بحس انك بدأت تكتب شعر لما مريت بتجربة عاطفية ولولاها مكنتش هتكتب .. صح ؟؟

بالمناسبة كام مرة حبيت ؟

وغلى أي مدى ممكن تفضل وفي لحب راح ؟؟

بتحب مين في المغنيين غير جورج ؟

وممثل ؟ وممثلة ؟ وكاتب و؟ وكاتبة ؟ ولاعب كورة ؟

مين أكتر بنت حلوة شفتها في حياتك ؟؟

ايه رأيك في دفعتنا ؟

أكتر حد بتحبه فيها ؟

أكتر شعر بتحب تقراه ع المنتدى ؟
رتب أحسن 3

أغنية شايفها لايقة عليك أوي ؟؟

لو هتعمل منتدى هتسميه ايه ؟

ان شاء الله في المستقبل لما ربنا يرزقك أطفال ناوي تسميهم ايه ؟

شايف نفسك أحسن في الرسم ولا في الشعر ؟

ولو معاك لوحة دلوقتي .. ترسم ايه ؟؟

سؤال بقى بجد نفسي أعرف ليه مش بتحترف الرسم ؟؟ بمعنى انك ترسم بأقلام رسم HB و 2B وألوان ماية أو كده ؟؟
انت بترسم بأدوات محدودة

أكتر حد بتتخنق منه في الدفعة ؟
ممكن تقول أول حرف في اسمه واسم باباه

حد فخور انك عرفته من خلال الكلية ومكنتش تعرفه ؟

وحد ندمان انك عرفته ؟؟

يارب مكنش تقلت يا 676776765367

وإن شاء الله أسألك تاني

من طرف roma الخميس يوليو 08, 2010 3:44 pm

هاى
انا مش عارفه ايه الى اتسال وايه الى لا يعنى متكتبليش متكرر مبحبهاش اوكى

اولا ازي حضرتك

مودك الان

طولك كام بالظبط ومن غير فبركه

اوصف نفسك في سطر واحد

حلمك ايه ونفسك تبقي ايه غير دكتور اسنان
وانت صغير كده كان حلمك تكون دكتور اسنان بردة ولاحاجه تانيه
جايب كام في الثانويه العامه
تقديرك السنه الى فاتت كان كام
عندك امل حلمك الى جواك ومحدش يعرف عنه حاجه يتحقق ولا صعب
مغامر بطبيعتك ولاخواااااااااااااف
جريئ ولافي حالك ادينا مثال علي كلامك
بتحب تعمل ايه كل يوم
بلد كان نفسك تبقي فيها الوقتى

حلم حلمته لاخواتك واتحقق
ضربت حد قبل كده ؟؟؟مين بالظبط ؟وليه
اشمعن جورج وسوف الى بتحبه اوى كده ليه يعنى السبب ممكن ؟؟؟؟
ايه الممثل الى بيعجبك تمثيله وليه ؟
مسلسل عجبك اوى ونفسك تشوفه تانى ومسرحيه برده ؟
اختار 3 ولاد اعضاء من عالمنتدى بتحبهم وتحترمهم
اختار 3 بنات من عالمنتدى وقول رايك فيهم
رايك في
هانكوك
محمد المحلاوى
ديزنر
خالد عبد المهيمن

احمد خيالى اكتر ولاواقعى وبتفضل ايه
لو حد غلط فيك اوى وجه بعد فترة اعتزر تسامحه ولا قلبك اسود ههههههه
انت مرة قلتلى خدى في الواسع باين ومتحطيش في دماغك اوكى ومرة كده بقرا في اللعب دى من الترم الى فات لقيتك كاتب رد بنفس طريقتى وبتقول لجميله هرد عليكى بنفس طريقه رومااااااااااااااااا
مش هعتبرها تريقه

بس هسالك رايك في شخصيتى ايه وبصراحه قول مميزات عيوب قول الى تقوله ومش هزعل ؟؟؟؟؟؟؟؟؟

شايف انك محظوظ في الدنيا ؟
بتحب اكله ايه اوى
بتعرف تطبخ ايه ؟؟؟؟
رحت سينما قبل كده ولا عمرك مرحتها ؟ ولو اه شفت فيلم ايه ههههههههههه
كفايه كده وهبقي ارجع تانى بازن الله
بس جاوب علي دول الاول بزمه وضمير كده واياك تعمل زى ناس وتقول المقوله المشهورة معرفش ولا وربنايستر ايااااااااااااااااااااااااااك ثم اياااااااااااااااااااااااااك ؟

يارب مكنشي طولت عليك

من طرف dr teeth الخميس يوليو 08, 2010 4:08 pm

___ أول مرة كتبت قصيدة ..؟؟

السنة اللى فاتت :D
مش قصيدة اوى يعنى
حاجة على ما قسم كده :D

___ كتب بتحب تقرأها ؟؟
شعر نزار قبانى

___ إيه رأيك في الناس اللي بتكتب شعر ونثر في المنتدى ؟؟
حلوين و كل واحد له اسلوبه
و دى حاجة كويسة جدا ..

___ أكتر موقف محرج قابلك السنة دي ؟؟
مش فاكر و الله حاجة دلوقتى يا سامح :D

___ يُعرف الصديق وقت الضيق ؟؟؟إيه رأيك ؟؟ انت اتخليت عن حد من اصحابك قبل كده في وقت ضيق ؟؟
مش عارف بس مش اتخليت بمعنى اتخليت
ممكن أكون ماكنش فى ايدى حاجة اعملها
او اللى اقدر اعمله ما يفرجش الضيق ده ..

___ ما المرأة إلا كشربة الماء إذا رأت منك الظمأ , قل ّ عطاؤها وإن لم تخبرها بظمأك تفلتت من بين أصابعك ؟إيه رأيك ؟
ناس كتير قالتلى المعنى ده قبل كده
بس انا شايف ان انا ما احكمش على البنات كلهم بصفة واحدة
كل واحدة ليها طبعها ..

___ علو الهمة يدني كل ثمين , ودنوها يعلي كل وضيع ؟؟ إيه رأيك ؟
هههههههههههههههه
بتعقدنى أنت يا سامح
كلام مظبوط الى حد ما ..
احنا اما مابنقدمش على فعل شىء أقل النتائج بتسعدنا لأننا ما تعبناش نفسنا فى تحقيق أهداف كبيرة
و العكس طبعا صحيح ..

___ بعد التخرج ناوي تسافر ولا.... ؟؟
ناوى ان شاء الله ..
و احتمال أهرب من الجيش
ههههههههههههههههههههه

___ ايه رأيك بصراحة في طب أسنان ككلية ؟؟ وطب أسنان المنصورة كمكان بتدرس فيه ؟؟
الكلية لذيذة
المنصورة مملة ... روتينية أوى بس ده ما يمنعش ان الى بيزاكر صح بيفوت فى الحديد .. :D :D

___ حد ظلمك قبل كده ؟؟؟
ممكن

___ ما سر ابتسامتك الدائمة ؟؟
بحب أضحك و بحب أضحك الناس أوى :D
و فى نفس الوقت مابحبش أبقى رخم و تقيل على حد
يا رب ما ابقاش كده فعلا ..

____ أرخم مادة قابلتها السنة دي ؟
الفيسيولوجى كبير أوى يا جدع
و الأناتومى بيتنسى بسرعة ..

____ أظرف دكتور ؟؟
عصام الوكيل دمه خفيف ..
و الجندى برضه ..

____ أصعب امتحان دخلته ؟؟
الفيسيولوجى طبعا ..

___ أجمل بنت شوفتها ؟؟؟ فين ؟؟؟ ( إجباري )
ههههههههههههههههههههههههه
ههههههههههههههههههههههههه
المودل اللى فى كليب هانى شاكر الجديد اسمه ( بعدك ماليش ) باين :D
مش عارف أحدد لون عنيها لحد دلوقتى
أستنى كده أما اشوف الكليب تانى يمكن أعرف أحدده :D

محبتي ...,,,,,,,
شكرا :D

من طرف جميلة الخميس يوليو 08, 2010 4:17 pm

احلي كلام و الله يا ابني

بجد اجاباتك حلو اوي

ده احنا هنشوف احلي اسبوع مع التوبيك ده

و اللي انت مش عايز تجاوبه عادي ما تجاوبش براحتك

من طرف dr teeth الخميس يوليو 08, 2010 4:32 pm

طب ازيك ؟
الله يسلمك
الحمد لله تمام باين :D

لو قلت على أي سؤال مكرر أو هربت منه هشب واضربك :D :D
ههههههههههههه .. حاضر :D
طحمودي ايه أهم صفات بتميزه عن غيره ؟
طويل .. بيستظرف .. متشائم .. واقعى شوية ..

أكتر صفة مش بتحبها فيك ؟
مش واثق فى نفسى أوى ..

امتى أول مرة كتبت شعر ؟؟
السنة اللى فاتت ..

الشعر بالنسبالك غاية ولا وسيلة ؟
بص يا خالد
أنا بكتب وقت مايجيلى مزاج أكتب بس ..

أنا بحس انك بدأت تكتب شعر لما مريت بتجربة عاطفية ولولاها مكنتش هتكتب .. صح ؟؟
:D :D صح باين ..

بالمناسبة كام مرة حبيت ؟
ممممممممم
واحد - اتنين - تلاتة - أربعة - خمسة
هههههههههههههههههههههههههههههه

وعلى أي مدى ممكن تفضل وفي لحب راح ؟؟
الى مالا نهاية ..

بتحب مين في المغنيين غير جورج ؟
كاظم و منير و انغام و اصاله

وممثل ؟ وممثلة ؟ وكاتب و؟ وكاتبة ؟ ولاعب كورة ؟
جونى ديب و جيم كارى
انجلينا جولى
كاتبة : لا ما أعرفش الصراحة ..
لاعب كورة : كاكا :D

مين أكتر بنت حلوة شفتها في حياتك ؟؟
لسه مجاوب سامح فوق أهوه
و هقولك تانى ياعم المودل الللى مع هانى شاكر فى الكليب الأخرانى :D

ايه رأيك في دفعتنا ؟
يجى منها
ههههههههههههههه

أكتر حد بتحبه فيها ؟
متعاونين ممكن و بيخافوا على بعض ..

أكتر شعر بتحب تقراه ع المنتدى ؟
رتب أحسن 3
خالد- سامح - أوشى
بس ده مش ترتيب
لأن التلاتة مش زى بعض ..

أغنية شايفها لايقة عليك أوي ؟؟
سهرت الليل لعمو جورج :D

لو هتعمل منتدى هتسميه ايه ؟
6767
hhhhhhhhhhhhhhhh

ان شاء الله في المستقبل لما ربنا يرزقك أطفال ناوي تسميهم ايه ؟
ولد عيســـــــــــــى أو أدم .. بس تقريبا عيسى أكتر يعنى
بنت مريم

شايف نفسك أحسن في الرسم ولا في الشعر ؟
أنا بحب الرسم أوى ..
ولو معاك لوحة دلوقتي .. ترسم ايه ؟؟
بنت ووردة و شمس ..

سؤال بقى بجد نفسي أعرف ليه مش بتحترف الرسم ؟؟ بمعنى انك ترسم بأقلام رسم HB و 2B وألوان ماية أو كده ؟؟
انت بترسم بأدوات محدودة
مش عارف اجيب الأدوات دى منين المكان يعنى
بس ان شاء الله بفكر أعمل كده
ربنا يستر المعرض اللى جاى لو عرفت ارسم حاجة ان شاء الله

أكتر حد بتتخنق منه في الدفعة ؟
ممكن تقول أول حرف في اسمه واسم باباه
ا.ع
هههههههههههههههه

حد فخور انك عرفته من خلال الكلية ومكنتش تعرفه ؟
صحابى ..

وحد ندمان انك عرفته ؟؟
ماحدش ندمت انى عرفته ..

يارب مكنش تقلت يا 676776765367
كل دى أسئلة يا خالد
ده انت كنت تركب ميكروباص و تيجى تسألنى أوفر يا جدع :D