ساعدنى بالله علييييييييييييك

Dr.R كتب:والله بحس إن دول ناس ما يستحقوش

لأ ويقعدوا يمشوا ورا الواحد لحد لما يوصلوه البيت
والواحد بيسمع كل الحللفانات والأيمان دى
إللى نصها مينفعش

أخر تهريج والله
ده الواحد أساسا يخاف يديهم حاجه
أولا لأنهم باين إنهم بيستهبلوا
وحرام لأن الفلوس دى طلعه لحد مش يستاهلها
وبعدين مفيش ثواب ولا حاجه
مهو صدقه مش فى محلها

بس بجد زى ما فى حد مش محتاج فى ناس كتير محتاجه
بس بيبقوا معرفوين بين الناس
دول يستحقوا بجد
وصاعتها هتبقى صدقه وذكاه وثواب من الله

بس برضه أ{جع أقول إن الشخص هو إللى يقدر يحدد من النظر للبنى أدم المحتاج ده
ونقدر نحس بالغريزه البشريه بتاعتنا


صدقونى كلنا محتاجين بس لحاجه تانيه خالص


رضا الله

فتاة طموحة كتب:انا بحب المحتاج يكون عنده عزة نفس


مقدرش اجزم هما محتاجين ام لا

ولكن افضل ان اضع الصدقة لمن يملك عزة نفس وكذلك لان ليس كثيرا يعرفه حتى لا يموت جوعا


الى جانب ذلك اخذت موقف من هؤلاء
لانه في احد المرات
قالت اخداهن ربنا يجبر خطرك ياابلة
وكلام فكسان من ده
بعدين قلت لها شكرا يا حاجة مش عايزة
قالت الهي يارب اشوفك مكسورة الخاطر
ههههههههههه
قلت لها انشااللهانتي واللي جابوكي
واللي جابوا جبوكي
هههههههههههه
فمن يومها وانا واخدة منهم موقف


وكمان بحب ادي الصدقة زي ماقلت للناس اللي محدش يعرفها ومحدش يعرف كمان انا اديت واللا لا
متهيالي ممممممم
دارايي

Mostafa ElShirbeny كتب:اولا شكرا للموضوع يا كيكو
انا بحس ان معظمهم ميستاهلش بصراحة و فيه ادعاءات كتير اوى و اللى بحس انه محتاج ممكن اديله و ف الاخر الانسان بيعامل ربه يعنى لو طلعت حاجه بالنية هاخد ثوابها و هو بقى يتحاسب على انه محتاج و لا نصاب دى حاجه ترجعله بس ف نفس الوقت يكون عندنا نظرة شوية للى بنديله
و ما اكتر المواقف طبعا من دى
و موقف لا ينسى ابدا و انا ف تالته اعدادى ليله امتحان طالعين من مراجعه الدرس لقينا ست قلنا الله يحنن يا حاجه دعت علينا كلنا هههههههههههههه الهى لا تنجحوا و لا تشوفوا مش عارف مين و كده يعنى
و زى ما د.رقية قالت كمان لو حد نعرفه اكيد اولى بالصدقة دى من غيره لاننا هنبقى عارفين فعلا هو محتاجها اد ايه
و ربننا يعيننا جميعا على فعل الخير

KAZKOZA كتب:أنا مبحبش الناس دي ابدااااا وأغلبهم بستخصر اديهم اي حاجه
اصل أغلبهم صحتهم كويسه و ف سن كويس يقدروا يعتمدوا على نفسهم
وكمان كرهتهم اكتر لما واحده قعدت تتريأ على واحده صاحبتي بكلام مستفز عشان مرضتش تديها حاجه
وبيعملوا كده عشان يحرجوا الواحد فيضطر يديهم فلوس عشان يسكتهم
وبيتلزقوا ف الواحد كده بطريقه مقرفه
الافضل فعلا اننا ندي لحد نعرفه و مستاهل او لجمعيه مثلا
شكراااا كيكو ع الموضوع الجميل والطرح المميز

bossy كتب:اولا ثانكس ليك ع الموضوع الجمييل دة
انا بقى بقابل ناس كتييييييييير جدا من النوع دة
خصوصا بقى انى بركب قطر وما ادرااااااااااك ما القطر
ناس كتييييييييييير بقى تعدى عليك وتفضل لازقة فيك تقولها الله يسهلك او الله يحنن ابدااااااااا برده مفيش فايدة
ساعات كتير جدا بطلع فلوس واديها لان المنظر بيبقى بايخ ومحرج جدا وما شاء الله على الكلام اللى بيتقال بقى
بس انا بقول انهم ما شاء الله واقفين على رجليهم طول النهار علشان يخدوا من الناس طب ما انتوا ممكن تشتغلوا اى شغلانة بسيطة طالما ربنا مديكم صحة
عموما ربنا يرزق الكل ويهدى الناس دى

rana كتب:انسب واحد يكتب التوبيك ده يا محمووووووووووووووووووووود

وطبعا مافيش اضافه بعد كلامكم ده بصراحه غير الكانز الله يسامحه بقى الواد ده واللي قالهولي هههههههههههه دي عيال مقرفه بيبقوا متفقين مع بعض كل واحد يجي شويه وبيحلقوا علينا زي الفرااااااااااغ هههههههه

ميرسي ع التوبيك يا كيكوووووووووو

MiiMii كتب:Bos ypni
ely byt3mel da mn l nas dy 3'al6 * 3'al6
w enta 7ta mat2darsh t7aded
da yesta7e2 or not..
Bs kol ely a2dr a2olo n ely 3ayz 7aga kda f3ln
fi odamo 6oro2 kteer 3'eer l tsawol
w mo3zamhom byeb2o tb3 nkapet l sh7ateen
y3ni bysht3'alona
bs beny w benk
lw f gepy 7aga w 7aset n l sett dy me7taga *sett mesh ragel* hadeeha 3ady.
Ana nyety 5eer
w l a3mal bl nyat.
Thx 4 za topic
ktaptak 7elwa gdn 3 fkra
g0 0n

د.اميرة كتب:انا رايي زيك برده يارقيية
الانسان المحتاج فعلا وبيضطر يمد ايده بيكون عنده عزة نفس لانه مش متعود علي كدا
بس اضطر لكدا نتيجة ضيق او دين ........الخ
ودول الي يستحقه لكن اشكال التسول الموجودة دي انا مبقتنعش بيها
وانا شوفت بعيني كتيييييييييير الواحدة تكلمك بانكسار وذل وهي بتطلب واول متبعد عنك شوية تلاقيها لسانها قد كدة
اعتقد ان المحتاجين معروفين
وشكرا علي الموضوع دا يادكتور فعلا كنا محتاجين وقفة عنده
لان الظاهرة دي كتيييير جدا في المنصورة

*ghada* كتب:عجبنى الموضوع ده كتيير
ورايي بقى هما اولا طبعا محتاجين يعنى مفيش شك لو مش محتاجين مش هيهزقوا نفسهم كده ...بس المشكلة انهم يقدروا يشتغلوا اى حاجة لو حتى بسيطة يعنى هتكون احسن من التسول ده
اكتر حاجة بتغظنى بجد الدعوات بتاعتهم دى ...يعنى لو انا هاديهم فلوس عشان يدعولى ودعواتهم مستجابة كده يدعوا لنفسهم احسن يعنى
بس والله هما غالبنين وبيبقى فى اطفال صغيرة بجد مساكين اوى لان مكانهم الوحيد هو الشارع ده مش ليهم اهل ولا اى حاجة خالص ...وفى ناس كمان كبار اوى فى السن بيبقى معاهم مناديل برضوا دول اللى يعنى احسن شوية على الاقل عملوا حاجة واشتروا مناديل يعملوا نفسهم بيبيعوها يعنى
بس طبعا فى ستات كده بستهبل وتجيب عيالها كلهم وكل واحد منهم يقف فى مكان ويتجمعوا فى الاخر ويدوها الفلوس ده ان كانوا اولادها اصلا
وفى شباب بقى بستهبلو بيقفوا البنات يطلبو منهم فلوس عشان يروحو بلدهم كل يوم ...دول بقى بيبقى شكلهم تيييت خالص

ahmed nassib كتب:بص إنت تديله نص جنيه لو بصلك بقرف اضربه وخُده منه تاني وتبقى كده مخسرتش كتيير


lol lol lol lol

Hancock كتب:بص يا كيكو
فيه ناس بتطلب منك حسنة ببلطجة و اسلوب مش حلو و كأن فرض عليك انهم أول ما تشوفهم تطلع اللى فى جيوبك
تديهولهم دول أنا عن نفسى يا اما أقولهم يحنن يا اما بعمل نفسى مش شايفهم
و فى ناس تانيين بتشوفهم مساكين و هما ممكن فعلا يكونوا مساكين بس لازم برضه تشوف احساسك وانت بتديلهم
أى حاجة لأن زى ما انت عارف طبعا ان
المسلم كيس فطن
يعنى بيحصل ان حد بيوقفك ويكون لابس شيك جدا و يقولك انه مش من هنا ومحفظته اتسرقت وانه فى غاية الاحراج وبعد شوية تشوفه موقف واحد تانى وقايله نفس القصة وده طبعا على أد ماتحاول تكشفه
و فى النهاية بيتهيألى ان انت بتاخد ثواب فى كل الأحوال لأن نيتك ان الفلوس دى بتبقى طالعة لله
بس ده ميمنعش انك تاخد بالك