اخطاء عمرو خالد اللي المفروض نتجنبها

من طرف Ahmed El Metwally الجمعة سبتمبر 04, 2009 2:04 pm

يا جماعه انا من الناس اللي بتحب تسمع عمرو خالد بس ربنا ميزنا بالعقل احنى مش صغيرين لازم نعرف ناخد الصح و نتجنب الغلط انا مش عامل الموضوع ده عشان اقول متسمعوش عمرو خالد انا عن نفسي هسمعه برضو بس بحرص ولازم دايما ندور على الصح ونستفيد بيه و نبعد عن الغلط الاسطاونه دي متجمعا فيها اخطاء عمرو خالد و هي فعلا اخطاء كبيره منها اخطاء في التعبير بطريقة الكلام ومنها اخطاء في المعلومات ومنها اخطاء غريبه بس ده مينكرش انه ليه حاجات صح وكويسه و انا عملت الموضوع ده عشان اوضحلكو الصح من الغلط و يا ريت تستفيدو فعلا

http://aboaleez.dreamhosters.com/other/cd2.rar

و يا ريت اللي معندوش علم يكون عنده عقل و يدور على الصح و يبعد عن الخطأ

من طرف MeGa الجمعة سبتمبر 04, 2009 2:49 pm

شكرا ليك يا متولي
شكرا ليك ع المجهود

من طرف dezner الجمعة سبتمبر 04, 2009 3:09 pm

شكرا يا أحمد

من طرف Dr.R الجمعة سبتمبر 04, 2009 4:04 pm

خلاص ماشى أنا هشوفه أهو وحمله وأحطه على الكمبيوتر
أصل أخويه بيحب جدااا عمرو خالد
وهوريهوله

شكرااا على المجهود العظيم

________________

اللهم انا نسألك من الخير كله عاجله وآجله ماعلمنا منه وما لم نعلم ، ونعوذ بك من الشر كله عاجله وآجله ماعلمنا منه وما لم نعلم
اللهم انا نسالك من خير ماسألك منه عبدك ونبيك محمد صلى الله عليه وسلم وعبادك الصالحون ، ونعوذ بك من شر مااستعاذك منه عبدك ونبيك محمد صلى الله عليه وسلم وعبادك الصالحون

اخطاء عمرو خالد اللي المفروض نتجنبها Cdaf0c688a

اخطاء عمرو خالد اللي المفروض نتجنبها Cdaf0c688a

من طرف Ahmed El Metwally الجمعة سبتمبر 04, 2009 6:44 pm

العفو يا جماعه دا واجب اننا نبين الصح و الغلط طلاما شفناه مينفعش نسيب الناس مش عارفه الغلط من الصح و انا زي ما كنت بدافع عن عمرو خالد في مواقف لازم اوضح اخطاؤه عشان محدش يقع فيها

من طرف dr_khaled الجمعة سبتمبر 04, 2009 10:39 pm

DownLoAding ..

Thanx

من طرف Hancock الثلاثاء يناير 19, 2010 9:20 pm

أنا مش عارف يا جماعة و الله ايه ده
أنا بيتهيألى ان الاسطوانة دى اللى عملها المفروض مثلا يكون ... مش عارف أقول ايه
تقريبا نص الحلقات دى أنا شايفها كاملة مش بالتقطيع اللى فيه سفه ده و بيحاولوا يسفهوا من انسان ربنا يجازيه كل خير
بجد فكرنى بالناس اللى بتقطع الآيات
زى ( ولا تقربوا الصلاة ) من غير ميكملوا بقية الآية
مع فرق التشبيه طبعا
لا حول ولا قوة الا بالله العلى العظيم

من طرف Tarek Hosam El-Deen الأربعاء يناير 20, 2010 2:59 pm

بسم الله الرحمن الرحيم
السلام عليكم ورحمة الله
جزاكم الله خيرا أخى الفاضل على الغيرة على الدين ولكن :
من فى هذه الدنيا معصوم من الأخطاء سوى الأنبياء ؟
وأخطاء الدكتور عمرو خالد معظمها أخطاء لغوية وغير مقصودة
لماذا نقف عند هذه الأخطاء ونتغافل عن الإنجازات الدعوية التى يقدمها ؟
لماذا ننظر إلى نصف الكوب الفارغ ؟
يا أخى ..... بدل الانشغال بالأخطاء والذلات ، نشغل أنفسنا بالدعوة وعمل الخير ؟
هذا هو صميم الإسلام
الإسلام لم يدعوا فى يوم من الأيام إلى التجريح وإظهار الأخطاء
بل منع ذلك حتى مع الكافرين
وأنا يا أخى أعلم أنك لم تنقل هذا إلا من قبيل حب الدين والحرص عليه
ولكن الفهم الصحيح للدين أولا أهم من الإخلاص فى فكرة معينة قد يتضح خطأها فى ما بعد
وأنا من منطلق حبى للدكتور عمرو خالد كان يجب على أن أرد غيبته
وجزاكم الله خيرا

من طرف Gladiator الأربعاء يناير 20, 2010 5:24 pm

Tarek Hosam El-Deen كتب:بسم الله الرحمن الرحيم
السلام عليكم ورحمة الله
جزاكم الله خيرا أخى الفاضل على الغيرة على الدين ولكن :
من فى هذه الدنيا معصوم من الأخطاء سوى الأنبياء ؟
وأخطاء الدكتور عمرو خالد معظمها أخطاء لغوية وغير مقصودة
لماذا نقف عند هذه الأخطاء ونتغافل عن الإنجازات الدعوية التى يقدمها ؟
لماذا ننظر إلى نصف الكوب الفارغ ؟
يا أخى ..... بدل الانشغال بالأخطاء والذلات ، نشغل أنفسنا بالدعوة وعمل الخير ؟
هذا هو صميم الإسلام
الإسلام لم يدعوا فى يوم من الأيام إلى التجريح وإظهار الأخطاء
بل منع ذلك حتى مع الكافرين
وأنا يا أخى أعلم أنك لم تنقل هذا إلا من قبيل حب الدين والحرص عليه
ولكن الفهم الصحيح للدين أولا أهم من الإخلاص فى فكرة معينة قد يتضح خطأها فى ما بعد
وأنا من منطلق حبى للدكتور عمرو خالد كان يجب على أن أرد غيبته
وجزاكم الله خيرا

السلام عليكم

معظم اخطاؤة عقيدة يا اخي

هل لما يقول ابليس ليس كافر هذا خطا لغوي

و انصح ان تشغل نفسك بالعلم على يد العلماء ليس من المتعالمين

اما لكون هذا غيبة فهذا ليس من الغيبة

فالمخطئ يجب أن يرد عليه

و يعرف الناس اخطاؤه فالهدف الاسمي هو الحفاظ على هذا الدين

لا دعوى التمييع التى خربها بها البعض

شكرا ياميتو علي التوبيك
انا فعلا بحب اسمع عمر خالد
وقبل كده بردو في كلام ليه ماعجبنيش
شكرا ياميتو

من طرف جميلة الأربعاء يناير 20, 2010 7:33 pm

شكرا يا احمد اولا علي الموضوع و انك بادرت بفتح القضية دي.....ثانيا انا فعلا علي فكرة اننا نشغل نفسنا باللي يهمنا وان احنا لا ننظر دائما علي الجانب السئ او نتتبع عيوب الاخرين بس ده لما يبقي الموضوع يخص امر من امور الدنيا ايا كان بس لما يبقي الموضوع متعلق بالدين و السنة وكمان رسولنا الكريم sallah

اعتقد ان لازم نفهم وكمان ندافع عن دينا وعن رسولنا sallah

لان ده هنتحاسب علية امام الله -عزوجل-يوم القيامة وبعدين يا طارق اخطاء عمرو خالدمش متوقفة علي انها اخطاء لغوية بس دي اخطاء في صميم العقيدة والاصول الدينية ما اعتقدش في الوقت ده اننا المفروض نقف ونصقفلة لمجرد انه لامم شويةة شباب حولية وبعدين ده راجل عقلاني بيتكلم عادي لا فية استشهاد لا بقرءان ولا حديث مش عالم رباني لديه القدرة علي التحدث اصلا في الدين وا اعتقدش ان اي واحد يحفظله اية ولا حديث يحق له بهذا التحدث في الدين اللي يعتبر في نظري مسئولية كبيرة جداااااااااااااااا ما يحس بيها اللا اللي فاهم الدين صح لانه في الوقت ده مش مسئول بس عن نفسه لكنه مسئول ن كل اللي بيخدوا عنه الكلام ده وبيتصرفوا علي اساسه.تقبلوا مروري

من طرف Amr Wahba الخميس يناير 21, 2010 12:17 am

جزاك الله خير يا متولي واللي عامل الفيديو ده
احنا فعلا محتاجين ناس زيكوا كده بيفهموا يورونا الصح من الغلط
ويطلعوا اخطاء الناس العظيمة دي
طبعا انا مش مقتنع بحاجة من ده
يا سيدي اسمع له بحرص ، بحذر براحتك
لكن تبين ان الراجل ده بيغلط ............طب يا ريت يبقي فيه ناس كتير لهم نفس المجال ده
حتي اسمع له وطبق اللي يعجبك
لكن متنفرش الناس منه....................خد اللي يعجبك من كل واحد
لكن انت محسيسني انها اخطاء عقيدية يعني تخلي الواحد يخرج من الملة
كل واحد بيغلط........... واكيد الخطأ ده مش مقصود التضليل يعني
يا ريت يبقي في حد في اجتهاده او اخلاصه
انت عارف انه قبل ما يتكلم في موضوع بيروح يسأل كام شيخ؟؟؟؟؟

من طرف sheref ashraf الخميس يناير 21, 2010 1:33 am

يا متولي دي اخطاء في الالفاظ في الكلام بتبقا يغر مقصودة في الكلام بتطلع غلط لمجرد عدم الالمام باللغة بشكل كامل عادي يعني
ليه بتعملوها اخطاء في العقيدة

من طرف Hancock الخميس يناير 21, 2010 10:19 am

يا جماعة فيديو ايه ده أساسا اللى عمالين تتكلموا عنه
أنا عندى استعداد لو متفرغ انكم تختاروا الشيخ اللى انتوا عاوزينه
و لو قطعت شوية كلام من اللى بيقوله هبين بيه انه عنده عدد كبير من الأخطاء فى كل حاجة زى العقيدة
و بعدين ياريت قبل ما حد فيكم يحكم على أى حاجة من اللى فى الاسطوانة دى
يجيب الأول الحلقات الكاملة ويشوفها و هيعرف بعد كده ان مكنش فيه غلط
و ياريت أى حد بيقول فيه أخطاء فى مشاركة أو حاجة يوضحلنا ايه هى الأخطاء دى لعل و عسى ان احنا منكنش شايفنها
مش يقول لأ عمرو خالد عنده أخطاء و يسكت عشان بيتهيألى دى ساحة حوار

ان محاولة تصيد الكلمات واخراجها من سياق النص هذه محاولة تدل على سوء النية والطوية لان أي عاقل لا يستطيع ان يقول ان ابليس ليس كافر لكن عندما يقوم المدرس والداعية لغرض توصيل معلومة يقوم بتجزئتها ليسهل على المتلقي فهمها فقد قسم العلماء الكفر الي انواع كما يلي

أنواع الكفر:
1- كفر الشك: وهو الذي يشك في ما جاء به رسول الله صلى الله عليه وسلم فلا يجزم بصدقه، ولا يجزم بكذبه.
قال الله تعالى: {وَقَالُوا إِنَّا كَفَرْنَا بِمَا أُرْسِلْتُمْ بِهِ وَإِنَّا لَفِي شَكٍّ مِمَّا تَدْعُونَنَا إِلَيْهِ مُرِيبٍ(1)} [إبراهيم: 9].
2- كفر الإعراض: وهو الإعراض عمَّا جاء به رسول الله صلى الله عليه وسلم فلا يصدقه ولا يكذبه ولكنه يعرض عنه.
قال الله تعالى: {وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ ثُمَّ أَعْرَضَ عَنْهَا إِنَّا مِنَ الْمُجْرِمِينَ مُنتَقِمُونَ} [السجدة: 22].
_____________
(1) موقع للريبة والقلق.
3- كفر الجحود: وهو أن يجحد جملة بما أنزله الله تعالى أو يجحد شيئاً مما هو معلوم بالضرورة من الإسلام.
قال الله تعالى: {وَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا(1) فَانظُرْ كَيْفَ كَانَ عَاقِبَةُ الْمُفْسِدِينَ} [النمل: 14].
وقال تعالى: {قَدْ نَعْلَمُ إِنَّهُ لَيَحْزُنُكَ الَّذِي يَقُولُونَ فَإِنَّهُمْ لا يُكَذِّبُونَكَ وَلَكِنَّ الظَّالِمِينَ بِآيَاتِ اللَّهِ يَجْحَدُونَ} [الأنعام: 33].
4- كفر التكذيب: وهو اعتقاد كذب الرسول صلى الله عليه وسلم في أيِّ شيء مما جاء به.
قال الله تعالى: {وَإِنْ يُكَذِّبُوكَ فَقَدْ كَذَّبَ الَّذِينَ مِنْ قَبْلِهِمْ جَاءَتْهُمْ رُسُلُهُمْ بِالْبَيِّنَاتِ وَبِالزُّبُرِ(2) وَبِالْكِتَابِ الْمُنِيرِ * ثُمَّ أَخَذْتُ الَّذِينَ كَفَرُوا فَكَيْفَ كَانَ نَكِيرِ} [فاطر: 25-26].
5- كفر إباء واستكبار: وهو مثل كفر إبليس فإنه لم يجحد أمر الله ولا قابله بالإنكار، وإنما تلقاه بالإباء والاستكبار، وهذا مثل حال من يعلم أن دين الإسلام هو دين الحقِّ الذي لا يقبل الله سواه، والذي فيه صلاحه في الدنيا والآخرة، ثم يتركه إباءً واستكباراً ويتخذ له ديناً أو مذهباً من صنع البشر.
قال الله تعالى: {وَإِذْ قُلْنَا لِلْمَلائِكَةِ اسْجُدُوا لآدَمَ فَسَجَدُوا إِلا إِبْلِيسَ أَبَى وَاسْتَكْبَرَ وَكَانَ مِنْ الْكَافِرِينَ} [البقرة: 34].

من التقسيم السابق كان ذلك هدف كلام الداعية عمرو خالد كان يريد ان يوصل ان كفر ابليس كان من نوع كفر إباء واستكبار وانقل نص ما جاء في حديثه

على كفر الإباء والإستكبار
هل انكر ابليس ان الله هو الخالق وكفر بذلك هل انكر عزة الله انما كفر ابليس متعلق باي شيء
قال عمرو خالد في شريط الأخلاق : ( في هنا معنى تاني الحقيقة جميل إن إحنا نقوله .. خلِّي بالكو يا جماعة، إبليس كفر بربنا ولا مكفرش ؟ لا مكفرش ، إبليس مكفرش !! بص إبليس بيقوله إيه : ((خَلَقْتَنِي)) (الأعراف: 12) . يبقى هو اعترف بالله إن هو خلق ولا لأ ؟ مش كده ؟ قال ((خَلَقْتَنِي مِن نَّارٍ)) ؟ ((وَخَلَقْتَهُ مِن طِينٍ))، فإنت خلقتني، وأنت اللِّي خلقته ،
وفى آية تانية بيقوله إيه : ((قَالَ فَبِعِزَّتِكَ)) (ص82). يبقى مدرك عزة الله عز وجل ولا لأ ؟
وفي آية تالتة يقوله إيه:((قَالَ أَنظِرْنِي إِلَى يَوْمِ يُبْعَثُونَ)) (الأعراف : 14) . ما هو مش بيدي ، بيدك إنت فـ .. أنكر إبليس أن الله هو الخالق ؟! أنكر إبليس أن الله هو الرب ؟! لأ ... أُمَّال أنكر إيه ؟ مشكلة إبليس إيه ؟
رفض الطاعة .. آه ، دي نقطة مهمة جداً ، جداً ، إنت إله ، إنت رب آه .. لكن إله تقوللِّي أعمل كذا ومعملش كذا ، لأ ) انتهى .
كلامه صحيح و لاغبار عليه الا الذين اشغلوا انفسهم بالتصدي لمن يدعو الي الله

__________________________________________________________

في برنامج قصص القرآن وبالتحديد قصة بلعام بن باعوراء قال الدكتور عمرو خالد بأن أبليس كافر .............

إذن والرابط الصوتي الذي قال فيه عمرو خالد (خلي بالك أبليس مكفرش بالله ) عمرو خالد كان يقصد أن أبليس لم يكفر كفر ربوبيه بل كفر كفر ألوهيه لأنه لم يسمع لأمر الله وهو السجود لأدم(وعمرو خالد لم ينفي عن أبليس الكفر المطلق بل قال مكفرش بالله) وحال أبليس كحال كفار قريش الذين قال الله عنهم (وَلَئِن سَأَلْتَهُم مَّنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ ) فكفار قريش لم يكن كفرهم كفر ربوبيه بل كان كفر ألوهيه (لكن هذا لايعني أن يطلق عليهم مؤمنون) .....

......

وهنا مقطع لعمرو خالد يقول فيه (أستغفر الله أن أقول أن تجربة النبي فشلت هل فيه نجاح زي تجربة النبي )
وهذا المقطع كان بعد قوله في برنامجه أن بعض محاولات الرسول تفشل (يقصد التفاوض مع القبائل) وهذا التراجع منه من ثلاث سنوات فما بال كارهي عمرو خالد لم يلموا الموضوع من جميع جوانبه (أليس دينهم يأمرهم بأن يتبينوا ) ....

هذا هو المقطع ....

https://www.youtube.com/watch?v=2Aou-NIs-e4

من طرف بقايا إنسانه الخميس يناير 21, 2010 12:09 pm

Hancock كتب:

أنا عندى استعداد لو متفرغ انكم تختاروا الشيخ اللى انتوا عاوزينه

مش يقول لأ عمرو خالد عنده أخطاء و يسكت عشان بيتهيألى دى ساحة حوار

ان محاولة تصيد الكلمات واخراجها من سياق النص هذه محاولة تدل على سوء النية والطوية

..

https://www.youtube.com/watch?v=2Aou-NIs-e4

ودا فيديو للي بنسمع لهم

https://www.youtube.com/watch?v=Gwz2n9phlxc
بيرد على الاستاذ عمرو خالد
سبق وكلنا عرفنا خطاا حديثه عن ابليس
دلوقتي بغلط في المصطفى عليه افضل الصلاة والسلام

لا ادري اتعرف الشيخ محمد حسان؟؟
دا اول واحد بنسمع له
والباقي
ابي اسحاق الحويني دا بقى ملوش حل بجد
ربنا يتم شفائه على خير

التالت الشيخ حازم شومان
ربنا يكرمه

الرابع
الشيخ عبد الرحمن العريفي
ربنا يبارك له

الخامس
الشيخ مصطفى العدوي

وكتير كتير بس دول القمة

دا بالنسبة لبنسمع لمين وفي نفس الوقت وضحت غلط تاني وليس بالاخير

شوف كدا
عمرو خالد
كررها وبقول يصح اننا نقول ان ؟؟
والله ماانا قادرة انظقها البتة
واكمل ما قاله
قلبي يحترق

عمرو خالد مينفعش بجد الا زي اي حد بيتكلم في تنمية المهارات بس
لكن شيخ نتعلم منه
لا اخي الفاضل بارك الله فيك

من طرف بقايا إنسانه الخميس يناير 21, 2010 12:11 pm

حلوة اوي حتة اني اغلط واكرر غلطي
واقوله ايوا يصح وينفع

ولزيادة التاكيد بقى
اعتذر كمان
والله نكته

من طرف Mostafa ElShirbeny الخميس يناير 21, 2010 1:10 pm

من غير ما اقرا كل الكلام اللى فات ده
ببساطة شديدة فيه ناس كتير بتحبه جدااااا و بتفضله على اى شيخ او عالم جليل مش عارف على اى اساس مع احترامى ليهم كلهم و يقولك ده داعية الشباب و مش عارف ايه
انا احيانا كنت بتفرج عليه من كام سنة على اقرا لحد ما بدا يغلط بكلام عجيب زى حلقة انا اتفرجت عليها بنفسى كان بيتكلم عن سيدنا موسى و زوجته و قال جملة غبية كده لا يصح ان يصف بها نبى من انبياء الله
اما عن التكفير او غيره دى حاجه احنا منتكلمش فيها و مش هتفرق معانا
المقصود حالا ان تخلى بالك و انت بتتفرج عليه من بعض الاخطاء اللى ممكن يقع فيها
طب و ليه ما انا اريح دماغى و اتفرج على الشيخ محمد حسان ربنا يكرمه مهما اتفرجت عليه مبزهقش او غيره من الشيوخ الافاضل
و سيبوكوا من حكاية الانجرار خلف ما يسمى ب دعاة الشباب او دعاة المستقبل يعنى عمرو خالد او مصطفى حسنى و غيرهم
مش بقول انهم وحشين لا بيقولوا نصايح كتير كويسة و ممكن تستفيد منهم بس الاولى انى اسمع لشيخ عالم ف الدين و ليس لقارىء او مطلع

ده رايى بصراحة يا ريت ميكونش زعل حد

و شكرا يا ميتو

من طرف Hancock الخميس يناير 21, 2010 4:23 pm

بقايا إنسانه كتب:
Hancock كتب:

أنا عندى استعداد لو متفرغ انكم تختاروا الشيخ اللى انتوا عاوزينه

مش يقول لأ عمرو خالد عنده أخطاء و يسكت عشان بيتهيألى دى ساحة حوار

ان محاولة تصيد الكلمات واخراجها من سياق النص هذه محاولة تدل على سوء النية والطوية

..

https://www.youtube.com/watch?v=2Aou-NIs-e4

ودا فيديو للي بنسمع لهم

https://www.youtube.com/watch?v=Gwz2n9phlxc
بيرد على الاستاذ عمرو خالد
سبق وكلنا عرفنا خطاا حديثه عن ابليس
دلوقتي بغلط في المصطفى عليه افضل الصلاة والسلام

لا ادري اتعرف الشيخ محمد حسان؟؟
دا اول واحد بنسمع له
والباقي
ابي اسحاق الحويني دا بقى ملوش حل بجد
ربنا يتم شفائه على خير

التالت الشيخ حازم شومان
ربنا يكرمه

الرابع
الشيخ عبد الرحمن العريفي
ربنا يبارك له

الخامس
الشيخ مصطفى العدوي

وكتير كتير بس دول القمة

دا بالنسبة لبنسمع لمين وفي نفس الوقت وضحت غلط تاني وليس بالاخير

شوف كدا
عمرو خالد
كررها وبقول يصح اننا نقول ان ؟؟
والله ماانا قادرة انظقها البتة
واكمل ما قاله
قلبي يحترق

عمرو خالد مينفعش بجد الا زي اي حد بيتكلم في تنمية المهارات بس
لكن شيخ نتعلم منه
لا اخي الفاضل بارك الله فيك

يا دكتورة أنا قلت قبل كده ياريت تسمعوا الحلقة على بعضها
و بعدين أى أسلوب ده اللى الشيخ محمد حسان المفروض انه رجل علامة
طالع ينقض بيه حد أنا طبعا مقدرش أتكلم عليه نص كلمة بس أنا كواحد بيحب الشيخ محمد حسان اتضايقت جدا من نقضه بالطريقة دى
بس بيتهيألى ان الاستاذ عمرو خالد لو عايز يشوه صورة أشرف الخلق أجمعين
مش هتزيدى كل يوم و بعد كل موقف كان بيحكيه حبا للرسول عليه الصلاة و السلام
مكنش هيبقى نفسك تقلديه فى كل شئ و مكناش هنبكى لما نسمع حكاية وفاة النبى

حضرتك هاتى الحلقة دى كاملة لعمرو خالد و اعرفوا يا جماعة الأول هو بيتكلم فى ايه قبل ما تنقضوه
و يا دكتورة أنا مش فاهم الاقتباس اللى حضرتك اقتبستيه من كلامى
جمل مقطوعة برضه و بعيدة عن بعض
و لو حضرتك كنتى سمعتى الحلقات دى أساسا هتعرفى ان الاستاذ عمرو خالد
كان بيوضح حاجة معينة و بعدين وضح ان هو عمره ما يقصد أبدا اتهام النبى بتهمة زى دى

من طرف بقايا إنسانه الخميس يناير 21, 2010 4:40 pm

يا دكتورة أنا قلت قبل كده ياريت تسمعوا الحلقة على بعضها
و بعدين أى أسلوب ده اللى الشيخ محمد حسان المفروض انه رجل علامة
طالع ينقض بيه حد أنا طبعا مقدرش أتكلم عليه نص كلمة بس أنا كواحد بيحب الشيخ محمد حسان اتضايقت جدا من نقضه بالطريقة دى

متهيالي مفروض غيرتنا تبقى على دينا
والشيخ محمد حسان تكلم من هذا المنطق

بس بيتهيألى ان الاستاذ عمرو خالد لو عايز يشوه صورة أشرف الخلق أجمعين
مش هتزيدى كل يوم و بعد كل موقف كان بيحكيه حبا للرسول عليه الصلاة و السلام
مكنش هيبقى نفسك تقلديه فى كل شئ و مكناش هنبكى لما نسمع حكاية وفاة النبى

طب وكلامه عن سيدنا موسى فعلا
وهو بيقول الواد موسى
؟؟
مشوفتش الحلقة دي

حضرتك هاتى الحلقة دى كاملة لعمرو خالد و اعرفوا يا جماعة الأول هو بيتكلم فى ايه قبل ما تنقضوه
و يا دكتورة أنا مش فاهم الاقتباس اللى حضرتك اقتبستيه من كلامى
جمل مقطوعة برضه و بعيدة عن بعض

لانك سالت وقلت لو متفرغ اختاروا الشيخ اللي انتوا عايزينه
دا شدني في كل كلامك
وانك قلت مستعد تطلع اخطاء
فاطلقت العنان لحضرتك عشان تعمل كدا فعلا
لاني متاكدة ان لو ايه
مفيش حد حيخرج غلطة على حد من دول
دا غير طبعا الشيخ ابن باز وغيره
بس بتكلم عن الناس اللي مكتسحة الساحة
ومش اي ناس
علماء وشيوخ اجلاء

وبعدين مقطوعة وبعيد عن بعض
مش لحضرتك يعني
يبقى خلاص

و لو حضرتك كنتى سمعتى الحلقات دى أساسا هتعرفى ان الاستاذ عمرو خالد
كان بيوضح حاجة معينة و بعدين وضح ان هو عمره ما يقصد أبدا اتهام النبى بتهمة زى دى

اها المهم انكوا بتقولوا انه مقصدش وغلط لفظا
تعرف لو كان فعال غلط لفظا مكنش
قال بعدها في نفس الحلقة
هو ينفع ان نقول ان الرسول...
لانه كان حيبقى زلة لسان
الاهو مصر ومصمم

رديت على حضرتك على كل المشاركةعشان حضرتك متقولش بقطع وبرد

كمان
متهيالي حضرتك بترد على كلام حد رد قبل حضرتك
فسايبه له المساحة للتحدث برضو

واتمنى ان كلامي ميكونش زعل حد
مفروض مفيش حد يزعل الا لاجل الدين
فقطططط

من طرف Hancock الخميس يناير 21, 2010 4:44 pm

يا جماعة كمان لو تعرفوا الشيخ وجدى غنيم
و لو كنتم عارفين الرسائل اللى كان وجهها للأستاذ عمرو خالد و كان برضه فيها نقد لأشياء كتير
تم عقد مؤتمر بعدها بينهما فى برمنجهام وده تقريبا نص للشيخ وجدى غنيم و بيتهيألى اللى يعرف فينا الشيخ
وجدى غنيم يعرف انه لا يخاف فى الله لومة لائم و انه بيبعت كتير من الرسائل لكتير من الدعاة عشان ينبههم لحاجات كتير
و هو ده تقريبا نصها

السلام عليكم ورحمة الله وبركاته

دعاني بعض المشايخ والاخوة الي الحضور الي بريطانيا لمناقشة ومراجعة الاخ / عمرو خالد فيما هو مأخوذ عليه مما قاله في بعض شرائطه ولقاءاته .

تم عقد لقاءين علي مدار يومين بحضور الاخوة الافاضل الداعين لهذا اللقاء بُغية الاصلاح.

وافق الاخ / عمرو خالد علي تشكيل لجنة من العلماء لمراجعة الاصدارات السابقة له وتنقيحها.

وفي جو اخوي وبعد المراجعات خرجنا بهذا البيان:-

بسم الله الرحمن الرحيم

تم ترتيب لقاء بتاريخ 26 يوليه الموافق غرة رجب 1427 جمع بين الأخ وجدي غنيم والأخ عمرو خالد بمدينة برمنجهام في بريطانيا.

تم خلال هذا اللقاء تبادل لوجهات النظر والأشياء المختلف عليها وإسداء النصيحة الأخوية الصادقة وكانت نتيجة هذا اللقاء:

1. تأكيد معاني الأخوة والحب والتعاون المستمر على البر والتقوى هو ما يجمع الدعاة إلى الله.

2. لم يكن هناك أي خلاف شخصي بين الأخ وجدي والأخ عمرو، وإنما كان الهدف توضيح الصورة وإسداء النصيحة .

3. لم يكن الأخ وجدي غنيم يقصد أن يصل خطابه الأخير إلى الأخ عمرو خالد إلى وسائل الإعلام. فقد دأب الأخ وجدي على مراسلة الكثير من العلماء والدعاة ليطرح عليهم نصائحه فيما يقولون ويفعلون، وما ينسب إليهم، وأن الأخ عمرو خالد يسعده أن يواصل الأخ وجدي وغيره من الدعاة نقدهم ونصحهم المخلصة، فهو حقا يعينه على بيان الحق والوصول إلى المبتغى.

4. على كل من يبغي إثارة الفتن والصيد في الماء العكر من أعداء الدعوة بهدف الوقيعة والفرقة بين الدعاة أن يتقي الله في الأمة وشبابها.

5. الإستجابة الكاملة وقبول النصيحة بحب من قبل الأخ عمرو خالد وطلبه الإستزادة منها فهما منه للحديث الصحيح الذي رواه الإمام مسلم (الدين النصيحة).

6. اتفق الأخ وجدي والأخ عمروعلى إختلاف أساليب الدعوه، كل له طريقته في عرض بشرط عدم الخروج على الثوابت في إطار الضوابط الشرعية.

7. يبشر الأخ عمرو خالد مستمعيه على أنه سيتم بإذن الله إصدار جديد منقح يراعى فيه الإستفادة من النصائح والملاحظات.

• وتتميما لما تم يغلق هذا الملف كاملا حتي يعلمنا الاخوة الافاضل بانتهاء المراجعات واتمام التنقيح .

نسال الله ان يهدينا جميعا الي الحق وان يثبتنا عليه.

والسلام عليكم ورحمة الله وبركاته

وجدي غنيم

الخميس27 يوليو 2006

و بعدين يا جماعة الحاجات اللى بتقولوا عليها دى قديمة أوى زى ما احنا شايفين
و الأستاذ عمرو خالد من الناس اللى بتقبل النصيحة

و بالمناسبة محدش يعرف مواعيد لبرنامج للشيخ وجدى غنيم
أو حتى الموقع بتاعه مش بيفتح لو حد يعرف أى حاجة عن كده ياريت يقول

من طرف Hancock الخميس يناير 21, 2010 4:46 pm

لانك سالت وقلت لو متفرغ اختاروا الشيخ اللي انتوا عايزينه
دا شدني في كل كلامك
وانك قلت مستعد تطلع اخطاء
فاطلقت العنان لحضرتك عشان تعمل كدا فعلا
لاني متاكدة ان لو ايه
مفيش حد حيخرج غلطة على حد من دول
دا غير طبعا الشيخ ابن باز وغيره
بس بتكلم عن الناس اللي مكتسحة الساحة
ومش اي ناس
علماء وشيوخ اجلاء

وبعدين مقطوعة وبعيد عن بعض
مش لحضرتك يعني
يبقى خلاص

يا دكتورة أنا قصدى انى لو قصيت كلام لأى حد مهما كان ممكن أغير معنى كلامه 180 درجه

من طرف Hancock الخميس يناير 21, 2010 4:48 pm

طب وكلامه عن سيدنا موسى فعلا
وهو بيقول الواد موسى
؟؟
مشوفتش الحلقة دي
لأ بصراحة مشوفتهاش ياريت حضرتك تجيبلنا اللينك بتاعها بس كلها مش الحتة دى بس

من طرف Mostafa ElShirbeny الخميس يناير 21, 2010 4:56 pm

يا بدراوى الموضوع اسماء اخطاء عمرو خالد اللى المفروض نتجنبها
مقالش ان كل كلمة بيقولها غلط بس بينبه للاخطاء اللى وقع فيها عشان منمشيش وراه فيها
و الحلقة بتاع سيدنا موسى دى انا شفتها و قال كده فعلا و قال جملة غير دى كمان

من طرف Hancock الخميس يناير 21, 2010 5:28 pm

محنا يا مصطفى بنتكلم فى الحاجات اللى قالها غلط هو احنا بنتكلم فى ايه ؟؟؟
و أنا مكذبتش الدكتورة لما قالت انه قال على سيدنا موسى
بس أنا بجد عاوز اللينك بتاع الحلقة دى مش أكتر

من طرف بقايا إنسانه الخميس يناير 21, 2010 5:41 pm

Hancock كتب:[color=red]

يا دكتورة أنا قصدى انى لو قصيت كلام لأى حد مهما كان ممكن أغير معنى كلامه 180 درجه

لا يا دكتور مظنش
ان الجزء يختلف عن الكل كتير
الا اذا كان الانسان ده متناقض وبيشهد صراع داخلي
ساعتها ممكن نطلع له ونقص منه غلطات لا تعد

اخطاء عمرو خالد اللي المفروض نتجنبها

اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها

رد: اخطاء عمرو خالد اللي المفروض نتجنبها