*--*--*AsSsNaN CaFe *--*--*

mega كتب:و الله جامد يا سيف

hero كتب:الجيم جامد جدا
انا مش هشجع حد فى الجيم ده انا محايد
لان اجابتكم انتوا الاتنين حلوة

dezner كتب:ايه الحرب النفسية دى

شيدوا حليكم يا أبطال

dr.seif كتب:

hero كتب:الجيم جامد جدا
انا مش هشجع حد فى الجيم ده انا محايد
لان اجابتكم انتوا الاتنين حلوة

ماشى ياعم فتحى خليك محايد وابقى خليها تنفعك :angery: :angery: :angery:

جاسوس من تجارة كتب:انا اول مره اشوف التوبك دا

انا عايز العب يا ولاد

Greesha كتب:

بسم الله الرحمن الرحيم وبه سبحانه استعين

اما بعد .... :
اتفضلي يا منوسة اسألة اسخن بيهم لإني من زمان اوي ملعبتش وزي الأوبشن اللي سبته ل ميرو هسيبه ليكي ان اي سؤال ميعجبكيش ليكي حق عدم الإجابة..
انا هعيط دي المرة االتالتة الي بكتب فيها الرد ده
انت كمان جريشة ليك نفس الاوبشن


1- منة منة منة عايز نشرة تفصيلية عنك ..
احم احم
اسمي منوسة عندي 17 سنة و11شهر و7 ايام و4ساعات و9 دقايق
وعندي اخ كبير واختين واحدة صغننة وواحدة كبير
وعندي جد وجدة وعم وخالة واحدة و5 عمات
برج الاسد بالمناسبة
وبس بئا
2- منوسة هانم ف جوانب ف حياتك مش راضية عنها ونفسك تغيريها .. ؟؟؟
الملل و الالمبالاة وعدم الاستقرار شوية
3- قوليلي احساسك لما نجحتي .. وهل انت شايفة انك كنتي تستاهلي ده ولا دي بركة دعاء الوالدين ؟؟
فرحت كتير كتير كتير يعني
علشان اخواتي كانو خيفين عليا جامد
والحمد لله ربنا ساعدني
وصراحة لا مكنتش استهلها
4- تقدري تقولي انتي اهو بعد ما السنة خلصت ايه اللي استفدتيه جديد لحياتك ؟؟؟
يعتبر اكتر سنة ف حياتي كلها اقرب فيها من حد بالسرعة دي واحتك ف التعامل مع ناس كتير كده
كنت مبسوطة ف اوقاااااااات كتير منها بجد من اجمل سنين حياتي يمكن اصلا عرفت حجات كتير عني مكنتش اعرفها

5- مام منوسة مين اكتر واحدة نالت شرف انها تبقى صحبتك وانتي فرحتي بصداقتها ليكي السنادي ؟؟
مروة ومريم واية ومنة دول كده حد واحد بالنسبة ليا وفرحانة بيهم جدااااااااااا
6- عندك فكرة ليه بيقولو على طلخا بير الرخامة (( بغض النظر عن وجود بئر فعلي بالإسم ده )) ؟ احكلنا القصة لو انتي تعرفيها ..
هههههههههه مش عارفة لو تعرف انت قول
7- منوسة تقدري تقولي الأسباب اللي تمنع اي واحد من انه يتقارن بعمرو دياب بطريقة عقلانية ومنطقية ؟؟
مفيش سبب محدد يخلي اي بني ادم يتقارن بالتاني لان كل واحد ليه شخصيته واسلوبه
وعمرو تعب كتير لغاية موصل وعمل لنفسه مكانه كبيرة خلته هو الوحيد الي يقدر يملاها وصعب حد يجي مكانه
او يبئا زيه
هضبة يبني

8- انتي لما بتفكري ف الأغاني بتشوفيها ايه ؟؟
كلام مؤثر بيتقال بطريقة كويسة
9- منوسة هتختاري شخصيتين من على المنتدى اتكلمي عن محاسنهم ومساوئهم وخليني واحد ف الإتنين دول ..
هتكلم عن دادو لانها اكتر شخصية فجاتني
عيوبها الاول انها حساسة جدا و بتاخد كل حاجة ع اعصابها وسعات بتبين حجات مش فيها
المميزات طيبة موت وعفوية لما بتحب حد بتحبه بجد وبتفهمه وبتقف جمبه وبتخاف عليه


وبما انك اخترت الشخص التاني انت فاستني عليا شوية بئا

10- سيدتي ايه اكتر موقف مر عليكي حبيتي فيه نفسك اوي ,, وموقف تاني كرهتيها ؟ ؟ ؟
حبيت نفسي لما قدرت احقق حلمي انا ومامتي فيا علشان هي تستحق ده مني
وكرهت نفسي لما كنت بقدم ورق مدرسة الثانوي واول يوم ف المدرسة دي

11- منوسة انتي اكيد هتقولي فيا مساوئ كتير اوي اختاري واحدة وانصحيني فيها ..
مقولتش لسه حاجة والله
12- منوسة ...... ايه طموحك ؟
اعتمد ع نفسي ف كل حاجة ف حياتي
13- منوسة ...... ايه امنيتك ؟
امنيتي يبئا عندي شقة ع البحر
14- منوسة ...... ايه موهبتك ؟
هههههه برسم دباديب حلو اوي حتي اسال العيال دي
وكانفا بئا وحوارت جامدة
15- منوسة انا مش عارف انت تفتكري حاجة من القصائد اللي كنت كاتبهم ولا لا بس .. ف حاجة نالت اعجابك لدرجة انك ممكن تكوني لسة فاكراها لحد ناااو ؟
كان في قصيدة اسمها برواز صورة عجبتني جدا
16- بسمع ان دفعتنا منفسنة عندك وجهة نظر ف سبب المعيارة دي ؟؟ وياترى لو تعرفي .. ازاي ممكن نحلها ؟
ع طول بسمع ان السعادة ف القناعة والقناعة ف الرضا

بس انا مشفتش حاجة وحشة من حد ف الكلية دي علشان اقول كده للامانة بجد
17- معاكي جريشة منير ف حلقة من القلب للقلب >>> يا ترى لو كلمتي اسامة منير هتقوليله ايه ؟
برنامج للحب وعن الحب تتصل بيه واحدة محبتش تهبب ايه
هقوله صوتك حلو اوي ع فكرة
18- منوسة هوا الحب بجد ده لسة موجود ؟ ولا اسطوووورة زي ما بقيت بسمعها كتير ؟
حب ايه الي انت جي تقول عليه انت عارف ابلي معني الحب ايه
محدش يقدر يتكلم عن الحب الا حد عرفه بجد
غير كده هقف سااااااااااكتة خالص لانها حاجة كبيرة اوي عندي
19- قوليلي نفسك تحقيقي ايه ف الأربع سنين اللي جايين ..
انجح انجح انجح انجح كمان مرة
لا بجد

نفسي استمتع بكل ثانية فيهم علشان دي الايام الي هفضل افتكرها طووووووول عمري
وانجح برده

20- آنسة منوسة .. انتي من اكتر البنات اللي بتمتاز ب استايل وزوق حلوين تفتكري كون البنات ف الأيام دي مبقتش بتعرف تختار هدومها ده راجع لي .. (( عندهم عمى الوان , اتجننو , معندهمش مراية )) ولا غير ذلك ؟؟
ان شاء الله يخليك
بس ينفع استعين بصديق


منة دي البداية ارجو ان جرجش ميكونش طول عليكي ومستني يووووور كوييييييز ..
بداية مبشرة
امال ايه تونة وذئاب الجبل الي عملتهالي عادي خالص ع فكرة
واستني الكويز بتاعي

.

manOoOsa كتب:

قررت اسالك وانت مش عارف قرار زي ده مهم للسي في بتاع حياتك قد ايه

اول حاجة ارغي برده عن جريشة شوية كلام حابب تقوله عن نفسك
جارجش .. احمد انس الحسيني 19 سنة وشهرين و 3 ايام و 6 سعات و 5 دقايق .. برج الثور على فكرة :mmmm:
اتولدت ف المنصورة وسافرت السعودية وانا عندي 3 سنين وقعد فيها لحد ما بقى عندي 17 سنة
بحب الترتيب والتنظيم بس ف حياتي وشخصيتي بحس ان انا عشوائي اوي وكلي تناقضات
...............
1:اوصفلي يومين في حياتك وصف كامل واحد منهم اسعد يوم في حياتك والتاني اتعس يوم في حياتك.؟ ؟
اسعد يوم لما عرفت ان ف حد بيحبني اول مرة مكنتش شايف نفسي واحد ممكن يتحب و كانت مفجأة مهولة وخصوصا ان انا كنت صغير شوية >> واتعس يوم لما جربت اخسر انسان مهم ف حياتي بإنه يموت 2:
ايه اكتر حاجة مجنونة عملتها وعمرك مهتنساها ؟
ههههه السنة اللي قبل اللي فاتت ف اخر محاضرة نبات نطيت من شباك المدرج ورحت قاعد مع البواب ولا الفراش اللي بيكون هناك ف عملي كوباية شاي ف خدتها ودخلت المدرج تاني وبعد ما شربتها نطيت عشان ارجعهاله ودخلت بعدين نطيت مرة تالتة ورحت جبت مناديل ودخلت تاني والدكتور راح باصيصلي و قالي لا تعالى اقعد قدامي هنا وقعدني قدامه على السور بتاع الستيج اللي بيشرح عليه .. lol
3:ايه اكبر حلم حلمته وشايف ان عمرك مهتحققه او هتحققه باحتمال بسيط جدا؟
قصة حب متخلصش 4:
ايه اكتر مرة حسبت نفسك وحسيت انك وحش اوي وفي حاجات في حياتك جميلة عمرك مشفتها وانك ظلمت متظلمتش؟
السنة اللي فاتت ف الأجازة وكنت قلت الإجابة دي لميرو .. لما انا عذبت ماما ف الأجازة مع ان انا كنت ساقط وهعيد السنة وعيشتها اصعب 45 ف حياتها لدرجة ان انا لما شفتها السنادي حسيت انها كبرت 20 سنة عن اخر مرة شفتها فيها . ربنا يديها طولة العمر ويصلح حالي واقدر اكون كويس معاها . ولما هيا سافرت السنة اللي فاتت كنت بنظف اوضتها وافتكر لما كنت بزعلها وافتكر الحجات اللي اللي كنت بزعلها عشانها والاقيها حجات صغيرة اوي لو حصلت من صحبي مكنتش هزعل منه حسيت ان انا واحد تافه مش عارف مصلحته وافتكر الصحابي اللي كان بيلف بمامته وهيا على راسه وهوا بيطوف ولما يسأل عمر بن الخطاب - رضي الله عنه - يقوله اللي انت عملته ميجيش طلقة من طلقاتها لما هيا كانت بتولدك قعدت اقول طب انا بقى هقول لربنا ايه وانا معملتلهاش اي حاجة حلوة اقوله ان انا عملتهالها .. ربنا يصلح الحال .. >> الجزء التاني انا مش فاهمه اوي بس حجات حلوة ف حياتي ممممممممممممم لا مفيش تقريبا انا حياتي عادية جدا مميزاتها ابقى ابالغ لو قلت انها مميزات
5:لما بتشوف حد بيعيط في الشارع ايه اول حاجة بتعملها ؟
احاول اعرف سبب عياطه من غير ما اسأله ولو لقيت فعلا ف سبب >> بساعده باللي اقدر عليه بس لو عقلي موصلنيش ان انا افهم السبب بضطر اسيبه وامشي لإن بدأت اقرأ ف الجرايد ان العياط و كبر السن بقى من الأساليب المستغلة ف حوادث الخطف سواء كان لسرقة اعضاء او خلافه
6:امتي ممكن تتخلي عن حد قريب منك بارادتك ؟
لو بجد حسيت ان وجودنا مع بعض مش صح .. ( وجودي مع واحد ميعرفش مصلحته وممكن يضرني ف خلقي او مبادئي ) , (( وجودي مع انسانة وانا حاسس ان انا مش هقدر اكمل معاها وان مهما طالت بينا حكاية هيجلنا يوم ونقول لبعض جيم اوفر ))
7:اقسي نقد اخدته علي شخصيتك وحاسس انه صح ولا؟
بنت عمتي سألتها وانا ف تالتة اعدادي وقالتلي ان انا هوائي وعقلي صغير وبزعل بسرعة .. وهوا وقتها فعلا كان معاها حق لإن انا كنت بهتم بالمظاهر اوي بس بتهيألي ناو العيب اللي فيا من النقد ده ان انا لسة بزعل بسرعة
8:انت عارف نفسك وشخصيتك بنسبة كام في المية ؟
80 % والباقي اصحابي هما اللي يعرفوه
9:ايه العيب الي لو لقيته في شريكة حياتك مش هتقدر تكمل حياتك معاها ؟وليه؟
انها متثقش فيا واحس انها معدتش تحبني عشان انا مهما حصل مني مش بخسر ثقتي فيها ولو خسرتها يبقى هسيبها وان انا مهما حصل مش هبطل حب فيها فا لما هيا متحبنيش يبقى ليه نضحك على بعض ؟؟ 10:
في حساباتك الشخصية بتعتبر نفسك شخصية ناجحة ولا فاشلة ؟وليه برده ؟
ناجح عشان عارف طموحي وعارف عيوبي ومميزاتي وعارف اخري ومش بدي لنفسي اكتر من حقها
11:انت شايف انك شخصية صعب تتحب ولا صعب تحب...وليه؟
صعب احب عشان انا قلبي بقى قلب مكسور وبالنسبالي الحب حاجة بدأت احس ان انا بخاف منها عشان اللي جربته منه كانت رواية بتبتدي وتخلص بدري وانا محبش اخسر حاجة كنت مستني اليوم اللي اكبر فيه عشان احققها بس ممكن دي تبقى فترة اللي انا فيها .. معرفش ,12:
ايه اصعب مرحلة في حياتك حسيت فيها انك استسلمت ؟وايه اجمل فترة في حياتك حسيت فيها انك عايش ؟
لما انا سقطت بس الحمد لله ده كان شعور سلبي واتخلصت منه واجمل فترة ف حياتي لما كنت بحب
13:ما مستواك في كل مما ياتي :
لعب الكورة-الطبيخ-سواقة العربيات -لعب الشطرنج
هيهيهي .. لعب الكورة : هوا انا زمان كنت تمام اوي بس مع السجاير والهوبا لا لا مظنش ان انا زي الأول
الطبيخ : بعرف اعمل بيض وفول زي الفل
السواقة : طبعا دي قاعدة تاخديها مني ان اغلب الناس اللي بتيجي من السعودية بيبقو حريفة سواقة ودي مش مبالغة بس هيا دي الحاجة الوحيدة اللي السعودين بيعرفو يعملوها
الشطرنج : يعني مش حريف اوي بس تقييم لعبة ال chess master ليا كان1700 يعني فوق المتوسط بشويا
14:كلمة تقولها لشخص مش موجود في حياتك وكان نفسك يبقي موجود ؟
لو انا مرتبط بواحدها هقولها بلييييييييز اسمعي سونج واحلم ليه لتامر حسني ف البومه الجديد انا بهديهالك15:
ليه دايما بنعامل الناس علي قد حبنا ليهم مش علي قد حبهم لينا مع اننا كده بنظلم ناس وبندي ناس اكتر من حقها ؟
سؤال حلو اوي .. بتهيألي ده نوع من الأنانية لإن احنا عملنا اعتبار لينا ونسينا نعمل اعتبار للناس اللي قدامنا ومشاعرهم تجاهنا مهما كانت
16:قدامك عشر سنين فاتوا من عمرك ومن مستقبلك سايف نفسك هتبقي عامل ازاي واقصي حلم ممكن تحققه ايه ؟
مممممم شايف نفسي ان شاء الله دكتور ناجح شغال بره مصر متجوز واحدة اوووووووف القمر يغير عليها ومخلف منها ولد وبنت واخدين كل مميزات مامتهم وبالتالي هيبقوا اجمل اتنين ف الدنيا وهيبقو من اعظم شخصيات التاريخ
واكبر حلم نفسي احققه ان انا اتجوز واحدة كنت بتمناها
17:مين الشخص الي وقوفه جمبك في مواقف حياتك بيقويك وبتحس انك صح ؟
خالتي
18:وجودك مهم في حياة مين من الي تعرفهم ؟
ماما وبابا
19:حد قابلته مرة واحدة بس اول مرة تشوفه واول تبص ليه بس عمرك منسيته ابدا ؟وليه ؟
رجل اعمال اردني قابلته ف مطار جده كنت مستني ترانزيت 16 ساعة على الطيارة التانية مرداش يدخل صالة مخصصه لعملاء الخطوط السعودية المميزين اللي بيسموهم ( الفرسان ) وفضل قاعد معايا ف صالة المطار العادية يجي ساعتين كده وقبل ما يمشي ادالي الشاحن بتاعه عشان اشحن موبايلي واسمع ميوزك عشان مزهقش والأسباب مذكورة اعلاه انه عاملني كويس اوي وهوا بيتهيألي معرفش اسمي
20:لو انت متهم بقتل شخص واجبروك علي انك تترافع عن نفسك هتقول عنها ايه يفسر انك مش ممكن تعمل كده(غير عمري مدبحت فرخة في حياتي)؟
هقوله ان انا كنت بدافع عن نفسي او بدافع عن غيري ههههههههههه بس انا والله عمري ما دبحت فرخة ف حياتي

brush



قسم الاسئلة الخفيفة :-
لونك المفضل الاسود
مشروبك المفضل [b]كااااااااااااديييييييييييه
اهلاوي ولا زملكاوي أهلااااااااااااااوي نيهاهاها
اكتر لعبة بتحب تلعبها البلاي ستيشن
ليك ف الشطرنج ولا لا متخافيش ليا و لو انتي ليكي اوعدك ف 4 دقايق هقولك checkmate
بس كده !!!!!!!!!!!!!!!!!!!!!!!!!!!11

[/b]