معا نقاطع المنتجات الامريكيه=حملة senanko لمقاطعه منتجات اليهود=

فكرة حلوة جدا وممكن نوصلها للكليات التانية كمان كل واحد أخوه أو أخته فى كلية تانية نخليه يوزع على كليته برضو

Mostafa ElShirbeny كتب:اوك يا جماعه......ابسط حاجه ان 10 فينا مثلا يطبعوا ورق و يصوروه و كل واحد يوزع على سكشنه... و انا نفسى بجد امد الحمله دى ف كليه علوم كلها و على مستوى الجامعه كمان.... ربنا يسهل

أنا اول العشره ان شاء الله وان شاء الله نقدر نمد الحمله مادام عندنا الاستعداد والهمه والعزيمه وده وقت مناسب اوي لان كل الناس شايفه اللي بيحصل ومتاثرين اكيد ان شاء الله هيبقى فيه استجابه

خلاص وانا ان شاء الله تانى العشرة دولت بعد دكتورة رضوى

خلاص وانا ان شاء الله تانى العشرة دولت بعد دكتورة رضوى

جزالك الله كل خير يا مصطفى على الموضوع ده وربنا يكرمك بثوابه

بس المشكله ان السكاشن اللي بحضر فيها خلاص خلصت وكمان مفيش محاضرة احصا .. نعمل ايه؟؟؟؟؟

و أنا تالت العشرة دول

يا جماعة ممكن نكلم بعقلانية شوية

ممكن ولا لأ

اتفضل يا احمد

أولا أنا مش المحلاوى

انا اسف والله حصل لبس حتى انا عدلتها علطول انا اسف تانى مرة

أنا طبعا معاكم فى المقاطعة ديه بس إحنا للأسف دورنا مش هييجى بالطريقة ده ابدا وتأثيره مش هيبقى يذكر خالص قصاد أى حاجة هتحصل فى غزة وبعدين إيه ابعد حاجة ممكن نعملها إن احنا منشتريش كانز ب2.5 مثلا هتقولى هتجمع ماشى انا والله مش ضد ده بس برضه مش بالدرجة اللى إحنا عايزنها ، ده طبعا بصرف النظر عن إن معظم المنتجات اللى إحنا مطالبين بمقاطعتها بقت شبه أساسية فى كل بيت وغالبا لا يمكن الإستغناء عنها ، انا مثلا عايز تكييف نضيف و يعيش العمر هجيب أنظف حاجة اللى هى carrier هتقولى متشتريش تانى ده على أساس إنى بجيب تكييف كل 10 أيام فهامنى ، علشان كده اللى إحنا بنعمله ده مش مكانه الجامعة أو ممكن تكون بدايته بس مش مكانه الطبيعى وأنا عندى إقتراح ....

كلام معقول يا احمد وانا كان فى حساباتى برضو بس لما الشربينى كتب الموضوع احنا قولنا نعمل اى حاجة تشفى غليلنا فمش لاقينا ادامنا غير المقاطعة او التبرع او الدعاء لكن انا فاهم ان احنا مش هنقدر نستغنى عن منجاتهم الا ما نكون مكتفين ذاتيا عشان نقدر نقاطع بس زى ما قولتلك فى الاول

dr.ahmedilwn كتب:أنا طبعا معاكم فى المقاطعة ديه بس إحنا للأسف دورنا مش هييجى بالطريقة ده ابدا وتأثيره مش هيبقى يذكر خالص قصاد أى حاجة هتحصل فى غزة وبعدين إيه ابعد حاجة ممكن نعملها إن احنا منشتريش كانز ب2.5 مثلا هتقولى هتجمع ماشى انا والله مش ضد ده بس برضه مش بالدرجة اللى إحنا عايزنها ، ده طبعا بصرف النظر عن إن معظم المنتجات اللى إحنا مطالبين بمقاطعتها بقت شبه أساسية فى كل بيت وغالبا لا يمكن الإستغناء عنها ، انا مثلا عايز تكييف نضيف و يعيش العمر هجيب أنظف حاجة اللى هى carrier هتقولى متشتريش تانى ده على أساس إنى بجيب تكييف كل 10 أيام فهامنى ، علشان كده اللى إحنا بنعمله ده مش مكانه الجامعة أو ممكن تكون بدايته بس مش مكانه الطبيعى وأنا عندى إقتراح ....

طب اتفضل قول اقتراحك يا احمد

احنا هنحاول ننشر موضوع المقاطعه ده في اي مكان مش شرط الجامعه بس خصصنا الجامعه

لأن ده المكان اللي بندرس فيه وده كمان اكتر مكان بيجمع الشباب سواء ولاد او بنات وصح اللي

بتقوله ان فيه حاجات اساسيه في بيوتنا بس احنا هنحاول على اد ما نقدر خااااااالص وعلى فكره

موضوع الكانز مثلا والحاجات دي لو قاطعناها مقاطعه جاده هتفرق اكيد .. وفي انتظار اقتراحك

إحنا مثلا ممكن نعمل نفس الفكرة بس نطلع بره الجامعة ومنوزعش الورق على الناس الماشية فى الشارع أحنا ندخل المحلات و نحاول كمان المحلات الكبيرة كمان ونحاول نخلى المنتجات الخاصة بكل نوع من المحلات هى اللى تدخل للمحل ده يعنى محلات الأجهزة الكهربائية تبقى تدخلها قايمة الأجهزة ،
قصدى نوزع المقاطعة على اللى بيجيبوا المنتجات مش على اللى بيشتروها لن الناس ذى ما قلت عايزه حاجة نضيفة ،
أنا عارف إن ده صعب بس ده لو كنا عايزين نسمى نفسنا عملنا حاجة ،
يريت رأيكم

بص يا احمد......هكلمك بصراحه و دى وجهه نظرى
مفيش تاجر هيرضى لنفسه بالخساره كل واحد عايز يكسب عشان يعيش و يصرف على بيته وولاده و مش مجرد انه مناصر لقضيه غزة انه هيضحى بمئات و الاف الجنيهات.... هو ممكن يقاطع فعلا ف حاله واحده لو كان كل المستهلكين قاطعوها فعلا و بالتالى مش هيجيبها اصلا و طبعا المقاطعه الشعبيه دى اذا حصلت اصلا هتاخد وقت كبير على ما تحصل
ايه رايكوا؟؟

الفكرة جميلة يا احمد بس هل ده هيقبله اصحاب المحلات يعنى صاحب المحل هيقبل يعمل كده ويتنازل على الاجهزة الكويسة هى ديه المشكلة بس لازم الاول نوعى الناس لازم الناس تفهم قيمة المقاطعة ديه لكن كل واحد يقولك هوه خلاص كيس الشيبسى ده ولا التليفزيون ده هوه اللى هيفرق معاهم

هى فكرة حلوة بس صعب جدا إننا نعملها

dr.ahmedilwn كتب:إحنا مثلا ممكن نعمل نفس الفكرة بس نطلع بره الجامعة ومنوزعش الورق على الناس الماشية فى الشارع أحنا ندخل المحلات و نحاول كمان المحلات الكبيرة كمان ونحاول نخلى المنتجات الخاصة بكل نوع من المحلات هى اللى تدخل للمحل ده يعنى محلات الأجهزة الكهربائية تبقى تدخلها قايمة الأجهزة ،
قصدى نوزع المقاطعة على اللى بيجيبوا المنتجات مش على اللى بيشتروها لن الناس ذى ما قلت عايزه حاجة نضيفة ،
أنا عارف إن ده صعب بس ده لو كنا عايزين نسمى نفسنا عملنا حاجة ،
يريت رأيكم

راي سليم جدا واكيد صعب جداجدا

بس انا بايد راي مصطفى

عموما بكره ان شاء الله هبقى اكتب ورقه باسامى المنتجات دى بشكل احسن و اظبطها و بعدين ارفع اللينك بتاعها هنا و ممكن كمان كل واحد يبعت اللينك ده للناس الموجوده ع الايميل بتاعه و ينشرها ف المنتديات و المواقع اللى هو مشترك فيها عشان نحقق فائده اكبر و نوصل لعدد اكبر من الناس

أوك فكرة حلوة برضوووووووووووووووووووووووو

أديكوا كلكم قولتوها مفيش تاجر هيقبل على نفسه الخسارة ويتنازل عن الأجهزة النضيفة ، ومفيش مستهلك هيقبل إنه يجيب جهاز بايظ ويصرف عليه تمنه مرتين تلاتة ،

تمام .. بس ده مؤقتا ولا ايه ؟